AtthaPali Vol.15

5. Anusotasuttavannana [5] Pancame anusotam gacchatiti anusotagami. Kilesasotassa paccanika- patipattiya patisotam gacchatiti patisotagami. Thitattoti thitasabhavo. Tinnoti ogham taritva thito. Paragatoti ^1- paratiram gato. Thale titthatiti nibbanathale titthati. Brahmanoti settho niddoso. Idhati imasmim loke. Kame ca patisevatiti kilesa- kamehi vatthukame patisevati. Papanca kammam karotiti papanca ^2- panatipatadikammam karoti. Papanca kammam na karotiti pancaverakammam na karoti. Ayam vuccati bhikkhave thitattoti ayam anagamipuggalo tasma loka puna patisandhivasena anagamanato thitatto nama. Tanhadhipannati tanhaya adhipanna ajjhotthata, tanham va adhipanna ajjhogalha. Paripunnasekhoti sikkhaparipuriyam thito. Aparihanadhammoti aparihina- sabhavo. Cetovasippattoti cittavasibhavappatto. Evarupo khinasavo hoti, idha pana anagami kathito. Samahitindriyoti samahitachalindriyo. ^3- Paroparati parovara uttamalamaka, kusalakusalati attho. Sameccati nanena samagantva. Vidhupitati viddhamsita jhapita va. Vusitabrahmacariyoti maggabrahmacariyam vusitva ^4- thito. Lokantaguti tividhassapi lokassa antam gato. Paragatoti chahakarehi paragato. Idha khinasavova kathito. Iti suttepi gathasupi vattavivattameva kathitam. @Footnote: ¹ cha.Ma. parangatoti ² cha.Ma. papakanca @³ Si. sammathapitachalindriyo ⁴ cha.Ma. vasitva

The Pali Atthakatha in Roman Book 15 page 281. http://84000.org/tipitaka/atthapali/read_rm.php?B=15&A=6499&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=6499&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=42 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=161 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=166 The Pali Tipitaka in Roman Character :- http://84000.org/tipitaka/read/roman_read.php?B=20&A=166 Contents of The Tipitaka Volume 20 http://84000.org/tipitaka/read/?index_20