AtthaPali Vol.16

10. Gavesisuttavannana [180] Dasame sitam patvakasiti mahamaggeneva gacchanto tam salavanam oloketva "atthi nu kho imasmim thane kinci sukaranam uppannapubban"ti addasa kassapabuddhakale gavesina upasakena katam sukaranam. Athassa etadahosi "idam sukaranam bhikkhusamghassa apakatam paticchannam, handa nam bhikkhusamghassa pakatam karomi"ti magga okkamma annatarasmim padese thitakova sitapatukammam akasi, aggaggadante dassetva mandahasitam hasi. Yatha hi lokiyamanussa udaram paharanta "kaham kahan"ti hasanti, na evam buddha. Buddhanam pana hatthapahatthakara- mattameva hoti. Hasitanca nametam terasahi somanassasahagatacittehi hoti. Tattha lokiyamahajano akusalato ca catuhi, kamavacarakusalato ca catuhiti atthahi cittehi hasati, sekha akusalato ditthigatasampayuttani apanetva chahi cittehi hasanti, khinasava catuhi sahetukakiriyacittehi, ekena ahetukakiriyacittenati pancahi cittehi hasanti. @Footnote: ¹ cha.Ma. catubbidham ² cha.Ma. anussativaseneva ³ cha.Ma. jigisatoti Tesupi balavarammane apathamagate dvihi nanasampayuttacittehi hasanti, dubbalarammane duhetukacittadvayena ca ahetukacittena cati tihi cittehi hasanti. Imasmim pana thane kiriyahetukamanovinnanadhatusomanassasahagatacittam bhagavato pahatthakaramattam hasitam uppadesi. ^1- Tam panetam hasitam evam appamattakampi therassa pakatam ahosi. ^2- Katham? tatharupe hi kale tathagatassa catuhi dathahi catuddasikamahameghamukhato ^3- samosarita vijjulata viya ^4- virocamana mahatalakkhandhappamana rasmivattiyo utthahitva tikkhattum siravaram padakkhinam katva dathaggesuyeva antaradhayanti. Tena sannanena ayasma anando bhagavato pacchato gacchamanopi sitapatubhavam janati. Iddhanti samiddham. Phitanti atisamiddham sabbapaliphullam viya. Akinna- manussanti janasamakulam. Silesu aparipurakariti pancasu silesu asamattakari. Patidesitaniti upasakabhavam patidesitani. Samadapitaniti ^5- saranesu patitthapitaniti attho. Iccetam samasamanti iti etam karanam sabbakarato samabhaveneva samam, na ekadesena. Natthi kinci atirekanti mayham imehi kinci atirekam natthi. Handati vavassaggatthe nipato. Atirekayati visesakaranatthaya patipajjamiti attho. Silesu paripurakarim dharethati pancasu silesu samattakariti janatha. Ettavata tena pancasilani samadinnani nama honti. Kimangam pana na mayanti mayam pana keneva karanena paripurikarino na bhavissama. Sesamettha uttanamevati. Upasakavaggo tatiyo. @Footnote: ¹ cha.Ma. uppadeti ² cha.Ma. hoti ³ cha.Ma. catuddipikamahameghamukhato @⁴ Si. saterata vijjulata viya ⁵ Si. samadapitani

The Pali Atthakatha in Roman Book 16 page 69-70. http://84000.org/tipitaka/atthapali/read_rm.php?B=16&A=1544&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=1544&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=180 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=4995 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=5051 The Pali Tipitaka in Roman Character :- http://84000.org/tipitaka/read/roman_read.php?B=22&A=5051 Contents of The Tipitaka Volume 22 http://84000.org/tipitaka/read/?index_22