ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 16 : PALI ROMAN An.A. (manoratha.3)

                          3. Silasuttavannana
     [213] Tatiye dussiloti asilo nissilo. Silavipannoti vipannasilo
@Footnote: 1 Ma. chinnaparibandhoti lokuttaraparibandhassa, cha. chinnaparipanthoti
@lokuttaraparipanthassa  2 cha.Ma. kicchajivikayavahanato
Bhinnasamvaro. Pamadadhikarananti pamadakarana. Idanca suttam gahatthanam vasena agatam,
pabbajitanampi pana labbhateva. Gahattho hi yena yena sippatthanena jivikam
kappeti, yadi kasiya yadi vanijjaya panatipatadivasena pamatto tam tam
yathakalam sampadetum na sakkoti, athassa mulam nassati. Maghatakalepi panatipatam
adinnadanadini ca karonto dandavasena mahatim bhogajanim nigacchati. Pabbajito
dussilo pamadakarana silato buddhavacanato jhanato sattaariyadhanato ca janim
nigacchati. Gahatthassa "asuko asukakule jato dussilo papadhammo pariccatta-
idhalokaparaloko bhattamattampi 1- na deti"ti catuparisamajjhe papako kittisaddo
abbhuggacchati. Pabbajitassa "asuko nasakkhi silam rakkhitum buddhavacanam gahetum,
vejjakammadihi jivati, chahi agaravehi samannagato"ti evam abbhuggacchati.
     Avisaradoti gahattho tava "avassam bahunnam sannipatatthane koci mama
kammam janissati, atha mam nigganhissanti va. Rajakulassa va dassanti"ti sabhayo
upasankamati, mankubhuto ca patitakkhandho adhomukho angutthakena bhumim kasanto nisidati,
visarado hutva kathetum na sakkoti. Pabbajitopi "bahu bhikkhu sannipatita, avassam
koci mama kammam janissati, atha me uposathampi pavaranampi thapetva samanna cavetva
nikkaddhissanti"ti    sabhayo upasankamati, visarado hutva kathetum na sakkoti.
Ekacco pana dussilopi dalito vicarati, 2- sopi ajjhasayena manku hotiyeva.
     Sammulho kalam karotiti tassa hi maranamance nipannassa dussilakammam
samadaya vattitthanam apatham agacchati. So ummiletva idhalokam passati,
nimmiletva paralokam. Tassa cattaro apaya upatthahanti, sattisatena sise
pahariyamano viya hoti. So "varetha varetha"ti viravanto marati. Tena vuttam
"sammulho kalam karoti"ti. Pancamam padam pana uttanameva. Anisamsakatha
vuttavipariyayena veditabba.
@Footnote: 1 cha.Ma. salakabhattamattampi  2 cha.Ma. dippito viya carati



             The Pali Atthakatha in Roman Book 16 page 87-88. http://84000.org/tipitaka/atthapali/read_rm.php?B=16&A=1958&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=1958&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=22&i=213              เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=5901              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=5928              The Pali Tipitaka in Roman Character :- http://84000.org/tipitaka/read/roman_read.php?B=22&A=5928              Contents of The Tipitaka Volume 22 http://84000.org/tipitaka/read/?index_22

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]