AtthaPali Vol.16

7. Majjhesuttavannana [61] Sattame parayane metteyyapanheti parayanasamagamamhi metteyyamanavassa panhe. ubhante ^2- viditvanati dve ante dve kotthase janitva. Majjhe manta na limpatiti manta vuccati panna, taya ubho ante viditva majjhe na limpati, vemajjhatthane na limpati. Sibbanimaccagati sibbanisankhatam tanham atito. Phassoti phassavasena nibbattatta ayam attabhavo. Eko antoti ayameko kotthaso. Phassasamudayoti phasso samudayo assati phassasamudayo, imasmim attabhave katakammaphassapaccaya nibbatto anagatattabhavo. Dutiyo antoti dutiyo @Footnote: ¹ Si. ciriliyasaddoti ciriyasaddo ² cha.Ma. ubhonte Kotthaso. Phassanirodhoti nibbanam. Majjheti sibbanitanham chetva dvidhakaranatthena nibbanam majjhe nama hoti tanha hi nam sibbatiti tanha tam attabhavadvayasankhatam phassanca phassasamudayanca sibbati ghatteti. Kimkarana? tassa tasseva bhavassa abhinibbattiya. Yadi hi tanha na sibbeyya, tassa tasseva bhavassa nibbatti na bhaveyya. Imasmim thane kotimajjhikupamam ganhanti. Dvinnanhi kandanam ekato katva majjhe suttena samsibbitanam koti majjhanti vuccati. Sutte chinne ubho kandani ubhato patanti. Evamettha kandadvayam viya vuttappakara dve anta. Sibbitva thitasuttam viya tanha, sutte chinne kandadvayassa ubhatopatanam viya tanhaya niruddhaya antadvayam niruddhameva hoti. Ettavatati ettakena imina ubho ante viditva tanhaya majjhe anupalittabhavena abhinneyyam catusaccadhammam abhijanati nama, tiranaparinnaya ca pahanaparinnaya ca parijanitabbam lokiyasaccadvayam parijanati nama. Dittheva dhammeti imasminneva attabhave. Dukkhassantakaro hotiti vattadukkhassa kotikaro paricchedaparivatumakaro hoti nama. Dutiyavare tinnam kandanam vasena upama veditabba. Tinnanhi kandanam suttena samsibbitanam sutte chinne tini kandani tisu thanesu patanti, evamettha kandattayam viya atitanagatapaccuppanna khandha, suttam viya tanha. Sa hi atitam paccuppannena, paccuppannanca anagatena saddhim sibbati. Sutte chinne kandattayassa tisu thanesu patanam viya tanhaya niruddhaya atitanagatapaccuppanna khandha niruddhava honti. Tatiyavare adukkhamasukha majjheti dvinnam vedananam antaratthakabhavena majjhe. Sukham hi dukkhassa, dukkham va sukhassa antaram nama natthi. Tanha sibbiniti vedanasu nandirago vedananam upacchedam nivaretiti ta sibbati nama. Catutthavare vinnanam majjheti patisandhivinnanampi sesavinnanampi ^1- nama rupapaccayasamudagatatta namarupanam majjhe nama. Pancamavare vinnanam majjheti kammavinnanam majjhe, ajjhattikayatanesu va manayatanena kammassa gahitatta idha yankinci vinnanam majjhe nama, manodvare va avajjanassa ajjhattikayatananissitatta javanavinnanam majjhe nama. Chatthavare sakkayoti tebhumikavattam. Sakkayasamudayoti samudayasaccam. Sakkayanirodhoti nirodhasaccam. Pariyayenati tena tena karanena. Sesam sabbattha vuttanayeneva veditabbam.

The Pali Atthakatha in Roman Book 16 page 145-147. http://84000.org/tipitaka/atthapali/read_rm.php?B=16&A=3286&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=3286&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=332 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=9368 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=9408 The Pali Tipitaka in Roman Character :- http://84000.org/tipitaka/read/roman_read.php?B=22&A=9408 Contents of The Tipitaka Volume 22 http://84000.org/tipitaka/read/?index_22