บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Paricchattakasuttavannana [69] Pancame pannapalasoti 1- patitapalaso. Jalakajatoti sanjatapattapupphajalo. Tassa hi pattajalanca pupphajalanca saheva nikkhamati. Kharakajatoti patiekkam santhitena 2- suvibhattakena pattajalakena ca pupphajalakena ca samannagato. Kudumalakajatoti 3- sanjatamakulo. Kokasakajatoti 4- avikasitehi mahakucchihi sambhinnamukhehi pupphehi samannagato. Sabbaphaliphulloti sabbakarena supupphito. Dibbe cattaro maseti dibbena ayuna cattaro mase. Manussagananaya pana tani dvadasavassasahassani honti. Paricarentiti ito cito ca indariyani carenti, kilanti ramantiti attho. Abhaya phutam hotiti tattakam thanam obhasena phutam hoti. Tesanhi pupphanam balasuriyassa viya abha hoti, pattani pannacchattappamanani, anto @Footnote: 1 ka. pandupalasoti 2 cha.Ma. sanjatena @3 cha.Ma. kutumalakajato 4 cha.Ma. korakajato Mahatumbamatta renu hoti. Pupphite pana paricchattake arohanakiccam va ankusakam gahetva namanakiccam va pupphaharanattham cankotakakiccam va natthi, kantanakavato utthahitva pupphani vantato kantati, sampaticchanakavato sampaticchati, pavesanakavato sudhammam devasabham paveseti, sammajjanakavato puranapupphani niharati, santharanakavato pattakannikakesarani ranjento santharati. Majjhatthane dhammasanam hoti yojanappamano ratanapallanko upari tiyojanena setacchattena dhariyamanena, tadanantaram sakkassa devaranno asanam atthariyati, tato tettimsaya devaputtanam, tato annesam mahesakkhanam devanam, annataradevatanam pupphakannikava asanam hoti, deva devasabham pavisitva nisidanti. Tato pupphehi renuvatti uggantva uparikannikam ahacca nipatamana devatanam tigavutappamanam attabhavam lakharasaparikammasajjitam viya suvannacunnapinjaram viya karoti. Ekacce pana 1- deva ekekam puppham gahetva annamannam paharantapi kilantiyeva. Paharanakalepi mahatumbappamana renu nikkhamitva sariram pabhasampannehi gandhacunnehi sanjatamanosilaragam viya karoti. Evam sa kila catuhi masehi pariyosanam gacchati. Ayamanubhavoti ayam anuppharitum anubhavo. Idani yasma na sattha paricchattakena atthiko, tena pana saddhim upametva satta ariyasavake dassetukamo, tasma te dassetum evameva khotiadimaha. Tattha pabbajjaya cetetiti pabbajissamiti cinteti. Devananti devanam viya. Yava brahmaloka saddo abbhuggacchatiti pathavitalato yava brahmaloka sadhukarasaddena sabbam ekasaddameva hoti. Ayamanubhavoti ayam khinasavassa bhikkhuno anuppharananu- bhavo. Imasmim pana sutte catuparisuddhisilam pabbajjasannisitam hoti, kasinaparikammam pathamajjhanasannissitam, vipassanaya saddhim tayo magga tini ca phalani arahattamagga- sannisitani honti. Desanaya hetthato va uparito va ubhayato va paricchedo hoti, idha pana ubhayato paricchedo. Tenetam vuttam. Sankhepato panettha vattavivattam kathitanti veditabbam. @Footnote: 1 cha.Ma. ayam saddo na dissatiThe Pali Atthakatha in Roman Book 16 page 203-204. http://84000.org/tipitaka/atthapali/read_rm.php?B=16&A=4544&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=4544&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=66 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1889 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1951 The Pali Tipitaka in Roman Character :- http://84000.org/tipitaka/read/roman_read.php?B=22&A=1951 Contents of The Tipitaka Volume 22 http://84000.org/tipitaka/read/?index_22
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]