|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Atthakanipatavannana 1. Pathamapannasaka 1. Mettavagga 1. Mettasuttavannana [1] Atthakanipatassa pathame asevitayati adarena sevitaya. Bhavitayati vaddhitaya. Bahulikatayati punappunam kataya. Yanikatayati yuttayanasadisakataya. Vatthukatayati patitthanatthena vatthu viya kataya. Anutthitayati paccupatthitaya. Paricitayati samanto citaya upacitaya. Susamaraddhayati sutthu samaraddhaya sukataya. Anisamsati guna. Sukham supatitiadisu yam vattabbam, tam ekadasakanipate vakkhama. Appamananti pharanavasena appamanam. Tanu samyojana honti, passato upadhikkhayanti mettapadatthanaya vipassanaya anukkamena upadhikkhayasankhatam arahattam pattassa dasa samyojana pahiyantiti attho. Athava tanu samyojana hontiti patighanceva patighasampayuttasamyojana ca tanuka honti. Passato upadhikkhayanti tesamyeva kilesupadhinam khayasankhatam arahattam 1- adhigamavasena passantassa. Kusalam 2- tena hotiti tena mettayanena kusalam 3- hoti. Sattasandanti sattasankhatena sandena samannagatam, sattabharitanti attho. Jinitvati 4- adandena asatthena dhammeneva vijinitva. Rajissayoti isisadisa dhammikarajano. Yajamanati danani dadamana. Anucariyagati 5- vicarimsu. @Footnote: 1 cha.Ma. mettam 2 cha.Ma. kusali 3 cha.Ma. kusalo @4 cha.Ma. vijetvati 5 cha.Ma. anupariyagati--------------------------------------------------------------------------------------------- page213.
Sassamedhantiadisu 1- poranakadhammikarajakale 2- kira sassamedham purisamedham sammapasam vajapeyyanti 3- cattari sangahavatthuni ahesum, yehi rajano lokam sanganhimsu. Tattha nipphannasassato dasamabhagaggahanam sassamedham nama, sassasampadane medhavitati attho. Mahayodhanam chamasikabhattavetananuppadanam purisamedham nama, purisasanganhane medhavitati attho. Daliddamanussanam hatthato lekham gahetva tini vassani vina vaddhiya sahassadvisahassamattadhananuppadanam sammapasam nama. Tanhi samma manusse paseti hadaye bandhitva viya thapeti, tasma sammapasanti vuccati. "tata matula"tiadina nayena pana sanhavacabhananam vajapeyyam nama, piyavacati attho. Evam catuhi sangahavatthuhi sangahitam rattham iddhanceva hoti phitanca bahutannapanam 4- khemam nirabbudam. Manussa sammodamana 5- ure putte naccenta aparutaghara viharanti. Idam gharadvaresu aggalanam abhavato niraggalanti vuccati. Ayam poranika paveni. Aparabhage pana okkakarajakale brahmana imani cattari sangahavatthuni imanca ratthasampattim parivattetva uddhammulakam katva assamedhantiadike panca yanne nama akamsu. Tesu assamettha medhanti vadhentiti assamedho. Dvihi pariyannehi yajitabbassa ekavisatiyupassa ekasmim pacchimadivaseyeva sattanavutipancapasusata- ghatabhimsanassa thapetva bhuminca purise ca avasesasabbavibhavadakkhinassa yannassetam adhivacanam. Purisamettha medhantiti purisamedho. Catuhi pariyannehi yajitabbassa saddhim bhumiya assamedhe vuttavibhavadakkhinassa yannassetam adhivacanam. Sammamettha pasantiti sammapaso. Divase divase yugacchiggale pavesanadandasankhatam sammam khipitva tassa patitokase vedim katva samharimehi yupadihi sarassatinadiya nimuggokasato pabhuti @Footnote: 1 cha.Ma. assamedhantiadisu, sa.pa. 1/120/138 yannasuttavannana @2 cha.Ma. poranakarajakale 3 cha.Ma. vacapeyyanti. evamuparipi @4 cha.Ma. bahuannapanam 5 cha.Ma. manussa muda modamana--------------------------------------------------------------------------------------------- page214.
Patilomam gacchantena yajitabbassa satrayagassetam 1- adhivacanam. Vajamettha pivantiti vajapeyyo. Ekena pariyannena sattarasahi pasuhi yajitabbassa beluvayupassa sattarasayutta- dakkhinassa 2- yannassetam adhivacanam. Natthi ettha aggalati niraggalo. Navahi pariyannehi yajitabbassa saddhim bhumiya ca purisehi ca assamedhe vuttavibhavadakkhinassa sabbamedhapariyayanamassa assamedhavikappassetam adhivacanam. Kalampi te nanubhavanti solasinti te sabbepi mahayaga ekassa metta- cittassa vipakamahantataya solasim kalam na agghanti, solasamam bhagam na papunantiti attho. Na jinatiti na attana parassa janim karoti. Na japayeti na parena parassa janim kareti. Mettamsoti mettasamadhicittakotthaso 3- hutva. Sabba- bhutananti sabbasattesu. Veram tassa na kenaciti tassa kenaci saddhim akusalaveram va puggalaveram va natthi.The Pali Atthakatha in Roman Book 16 page 212-214. http://84000.org/tipitaka/atthapali/read_rm.php?B=16&A=4719&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=4719&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=74 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=2058 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=2100 The Pali Tipitaka in Roman Character :- http://84000.org/tipitaka/read/roman_read.php?B=22&A=2100 Contents of The Tipitaka Volume 22 http://84000.org/tipitaka/read/?index_22
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]