AtthaPali Vol.16

2. Mahavagga 1. Veranjasuttavannana [11] Dutiyassa pathame abhivadetiti evamadini na samano gotamoti ettha vuttanakarena yojetva evamatthato veditabbani ^8- "na vandati nasana vutthati, napi `idha bhonto nisidantu'ti evam asanena va nimanteti"ti. Ettha hi vasaddo @Footnote: ¹ Ma. osareti ² cha.Ma. apaneyyesoti apaneyyo niharitabbo esa @³ cha.Ma. phunamanassati ⁴ Si.,ka. paharanti ⁵ Si.,ka. babbarasaddam @⁶ cha.Ma. samvasayanti ⁷ cha.Ma. vijanathati ⁸ cha.Ma. evamettha attho veditabbo Vibhavane nama atthe "rupam niccam va aniccam va"tiadisu viya. Evam vatva atha attano abhivadanadini akarontam bhagavantam disva aha tayidam bho gotama tathevati. Yam tam maya sutam, tam tatheva, tam savananca me dassananca samsandati sameti, atthato ekibhavam gacchati. Na hi bhavam gotamo .pe. Asanena va nimantetiti. Evam attana sutam ditthena nigametva nindanto aha tayidam bho gotama na sampannamevati tam abhivadanadinam akaranam ayuttameva. Athassa bhagava attukkamsanaparavambhanadosam anupagamma karunasitalena dahayena tam annanam vidhamitva yuttabhavam dassetukamo nahantam brahmanatiadimaha. Tatrayam sankhepattho:- aham brahmana appatihatena sabbannutananacakkhuna olokentopi tam puggalam etasmim sadevakadibhede loke na passami. Yamaham abhivadeyyam va paccuttheyyam va asanena va nimanteyyam. Anacchariyam va etam, svaham ajja sabbannutam patto evarupam nipaccakararaham puggalam na passami. Apica kho yadapaham sampatijatova uttarena mukho sattapadavitiharena gantva sakalam dasasahassilokadhatum olokesim, tadapi etasmim sadevakadibhede loke tam puggalam na passami, yassaham ^1- evarupam nipaccakaram kareyyam. Athakho mam solasakappasahassayuko khinasavamahabrahmapi anjalim paggahetva "tvam sadevake ^2- loke mahapuriso, tvam sadevakassa lokassa aggo ca jettho ca settho ca, natthi taya uttaritaro"ti sanjatasomanasso patimanesi. Tadapi caham attana uttaritaram apassanto asabhivacam niccharesim "aggohamasmi lokassa, jetthohamasmi lokassa, setthohamasmi lokassa"ti. Evam sampatijatassapi mayham abhivadanadiraho puggalo natthi, svaham idani sabbannutam patto kam abhivadeyyam. Tasma tvam brahmana ma tathagata ^3- evarupam paramanipaccakaram patthayi. ^4- Yanhi brahmana tathagato abhivadeyya @Footnote: ¹ cha.Ma. yamaham ² cha.Ma. ayam patho na dissati @³ Ma. tathagate ⁴ Ma. patthayittha Va .pe. Asanena va nimanteyya, muddhapi tassa puggalassa rattipariyosane paripakasithilabandhanam vanta muttatalaphalam viya givato chijjitva sahasava bhumiyam vipateyya. Evam vuttepi brahmano duppannataya tathagatassa kolajetthabhavam asallakkhento kevalam tam vacanam asahamano aha arasarupo bhavam gotamoti. Ayam kirassa adhippayo:- yam loke abhivadanapaccutthanaanjalikammasamicikammam "samaggi- raso"ti vuccati, tam bhoto gotamassa natthi. Tasma arasarupo bhavam gotamo, arasajatiko arasasabhavoti. Athassa bhagava cittamudubhavajananattham ujuvipaccanakabhavam pariharanto annatha tassa vacanassa attham attani sandassento atthi khvesa brahmana pariyayotiadimaha. Tattha atthi khvesati atthi kho esa. Pariyayoti karanam. Idam vuttam hoti:- atthi kho brahmana etam karanam, yena karanena mam "arasarupo bhavam gotamo"ti vadamano puggalo samma vadeyya, avitathavaditi sankham gaccheyya, katamo pana soti? ye te brahmana ruparasa .pe. Photthabbarasa, te tathagatassa pahinati. Kim vuttam hoti? ye te jativasena va upapattivasena va settha- sammatanampi puthujjananam ruparammanadini assadentanam abhinandantanam rajjantanam uppajjanti kamasukhassadasankhata ruparasa saddarasa gandharasa rasarasa photthabbarasa, ye imam lokam givayam bandhitva viya avinchanti vattharammanadisamaggiya va ^1- uppannatta samaggirasati vuccanti, te sabbepi tathagatassa pahina. "mayham pahina"ti vattabbepi mamamkarena ^2- attanam anukkhipanto dhammam deseti. Desanavilaso va esa tathagatassa. @Footnote: ¹ cha.Ma.... samaggiyanca ² cha.Ma. mamakarena Tattha pahinati cittasantanato vigata, pajahita va. Etasmim panatthe karane samivacanam datthabbam. Ariyamaggasatthena ucchinnam tanhavijjamayamulam etesanti ucchinnamula. Talavatthu viya nesam vatthu katanti talavatthukata. Yatha hi talarukkham samulam uddharitva tassa vatthumatte tasmim padese kate na puna tassa talassa uppatti pannayati, evam ariyamaggasatthena samule rupadirase uddharitva tesam pubbe uppannapubbabhavena vatthumatte cittasantane kate sabbepi te talavatthukatati vuccanti. Avirulhidhammatta va matthakacchinnatalo viya katati talavatthukata. Yasma pana evam talavatthukata anabhavamkata honti, yatha nesam pacchabhavo na hoti, tatha kata honti. Tasma aha anabhavamkatati. Ayatim anuppadadhammati anagate anuppajjanakasabhava. No ca kho yam tvam sandhaya vadesiti yanca kho tvam sandhaya vadesi, so pariyayo na hoti. Nanu ca evam vutte yo brahmanena vutto samaggiraso, tassa attani vijjamanata anunnata hotiti? na hoti. Yo hi nam samaggirasam katum bhabbo hutva na karoti, so tadabhavena arasarupoti vattabbatam arahati. Bhagava pana abhabbova etam katum, tenassa karanena ^1- abhabbatam pakasento aha "no ca kho yam tvam sandhaya vadesi"ti. Yam pariyayam sandhaya tvam mam "arasarupo"ti vadesi, so amhesu neva vattabboti. Evam brahmano attana adhippetam arasarupatam aropetum asakkonto athaparam nibbhogo bhavantiadimaha. Sabbapariyayesu cettha vuttanayeneva yojanakkamam viditva sandhaya bhasitamattham evam veditabbam:- brahmano tadeva vayovuddhanam abhivadanadikammam loke "samaggiparibhogo"ti mannamano tadabhavena ca bhagavantam "nibbhogo"tiadi aha. Bhagava ca yvayam rupadisu sattanam chandaragaparibhogo, tadabhavam attani sampassamano aparam pariyayamanujani. @Footnote: ¹ cha.Ma. karane Puna brahmano yam loke vayovuddhanam abhivadanadikusalasamudacarakammam lokiya karonti, tassa akiriyam sampassamano bhagavantam akiriyavadoti aha. Bhagava pana yasma kayaduccaritadinam akiriyam vadati, tasma tam akiriyavaditam ^1- attani sampassamano aparam pariyayamanujani. Tattha thapetva kayaduccaritadini avasesa akusala dhamma anekavihita papaka akusala dhammati veditabba. Puna brahmano tadeva abhivadanadikammam bhagavati apassanto "imam agamma ayam lokatanti lokappaveni ucchijjati"ti mannamano bhagavantam ucchedavadoti aha. Bhagava pana yasma pancakamagunikaragassa ceva akusalacittadvayasampayuttassa ca dosassa anagamimaggena ucchedam vadati, sabbakusalasambhavassa pana mohassa arahattamaggena ucchedam vadati, thapetva te tayo avasesanam papakanam akusalanam dhammanam yathanurupam catuhi maggehi ucchedam vadati, tasma tam ucchedavadam ^2- attani sampassamano aparam pariyayamanujani. Puna brahmano "jigucchati manne samano gotamo idam vayovuddhanam abhivadanadikulasamudacarakammam, tena na tam karoti"ti mannamano bhagavantam jegucchiti aha. Bhagava pana yasma jigucchati kayaduccaritadihi, yani kayavacimanoduccaritani ceva ya ca anekavihitanam papakanam akusalanam dhammanam samapatti samapajjana samangibhavo, tam sabbampi gutham viya mandanakajatiko puriso jigucchati hiriyati, tasma tam jegucchitam attani sampassamano aparam pariyayamanujani. Tattha kayaduccaritenatiadi karanavacanam upayogatthe datthabbam. Puna brahmano tadeva abhivadanadikammam bhagavati apassanto "ayam idam lokajetthakakammam vineti vinaseti, athava yasma etam samicikammam na karoti, @Footnote: ¹ Ma. akiriyavadam ² Ma. tam ucchedabhavam Tasma ayam vinetabbo nigganhitabbo"ti mannamano bhagavantam venayikoti aha. Tatrayam vacanattho 1-:- vinayatiti vinayo, vinasetiti vuttam hoti. Vinayoeva venayiko. Vinayam va arahatiti venayiko, niggaham arahatiti vuttam hoti. Bhagava pana yasma ragadinam vinayaya vupasamaya dhammam deseti, tasma venayiko hoti. Ayameva cettha padattho:- vinayaya dhammam desetiti venayiko. Vicitra hi taddhitavutti. Svayantam venayikabhavam attani sampassamano aparam pariyayamanujani. Puna brahmano yasma abhivadanadini samicikammani karonta vayovuddhe tosenti hasenti, akaronta pana tapenti vihesenti domanassam nesam uppadenti, bhagava ca tani na karoti, tasma "ayam vayovuddhe tapati"ti mannamano sappurisacaravirahitatta va "kapanapuriso ayan"ti mannamano bhagavantam tapassiti aha. Tatrayam padattho:- tapatiti tapo, roseti vihesetiti attho. Samicikammakaranassetam adhivacanam. Tapo assa atthiti tapasSi. Dutiye atthavikappe byanjanani avicaretva loke kapanapuriso tapassiti vuccati. Bhagava pana ye akusala dhamma lokam tapanato tapaniyati vuccanti, tesam pahinatta yasma tapassiti sankham gato, tasma tam tapassitam attani sampassamano aparam pariyaya- manujani. Tatrayam vacanattho:- tapantiti tapa, akusalanam dhammanametam adhivacanam. Te tape assi nirassi pahasi viddhamsiti tapasSi. Puna brahmano tam abhivadanadikammam devalokagabbhasampattiya devalokapatisandhi- patilabhaya samvattatiti mannamano bhagavati cassa abhavam disva bhagavantam apagabbhoti aha. Kodhavasena va bhagavato matukucchismim patisandhiggahane dosam dassentopi evamaha. Tatrayam padattho 2-:- gabbhato apagatoti apagabbho, abhabbo devalokupapattim papunitunti adhippayo. Hino va gabbho assati apagabbho. @Footnote: ¹ cha.Ma. padattho ² cha.Ma. vacanattho Devalokagabbhaparibahiratta ayatim hinagabbhapatilabhabhagiti hino vassa ^1- matukucchismim gabbhavaso ahositi adhippayo. Bhagavato pana yasma ayatim gabbhaseyya apagata, tasma so tam apagabbhatam attani sampassamano aparam pariyayamanujani. Tatrapi ^2- yassa kho brahmana ayatim gabbhaseyya punabbhavabhinibbatti pahinati etesam padanam evamattho datthabbo:- brahmana yassa puggalassa anagate gabbhaseyya punabbhave ca abhinibbatti anuttarena maggena vihatakaranatta pahina. Gabbhaseyyagahanena cettha jalabujayoni gahita, punalbhavabhinibbattiggahanena itara tissopi. Apica gabbhassa seyya gabbhaseyya. Punabbhavoeva abhinibbatti punabbhavabhi- nibbattiti evamettha attho datthabbo. Yatha ca vinnanatthititi vuttepi na vinnanato anna thiti atthi, evamidhapi na gabbhato anna seyya veditabba. Abhinibbatti ca nama yasma punabbhavabhutapi apunabbhavabhutapi atthi, idha ca punabbhavabhuta adhippeta, tasma vuttam "punabbhavoeva abhinibbatti punabbhavabhi- nibbatti"ti. Evam agatakalato patthaya arasarupatadihi atthahi akkosavatthuhi akkosantampi brahmanam bhagava dhammissaro dhammaraja dhammassami tathagato anukampaya sitaleneva ^3- cakkhuna brahmanam olokento yam dhammadhatum pativijjhitva desana- vilasappatto nama hoti, tassa dhammadhatuya suppatividdhatta vigatavalahake nabhe punnacando viya ca saradakale suriyo viya ca brahmanassa hadayandhakaram vidhamanto ^4- taniyeva akkosavatthuni tena tena pariyayena annatha desetva punapi attano karunavippharam atthahi lokadhammehi akampiyabhavena patiladdham @Footnote: ¹ Ma. tassa ² cha.Ma. tatra ca @³ Si. anukampasitaleneva ⁴ cha.Ma. vidhamento Tadigunalakkhanam pathavisamacittatam akuppadhammatanca pakasento "ayam brahmano kevalam palitasirakhandadantavalittacatadihi attano vuddhabhavam sallakkheti, no ca kho janati attanam jatiya anugatam jaraya anusatam byadhina abhibhutam ^1- maranena abbhahatam ajja maritva puna sveva uttanasayanadarakabhavagamaniyam. Mahantena kho pana ussahena mama santikam agato, tadassa agamanam satthakam hotu"ti cintetva imasmim loke attano appatisamam purejatabhavam dassento seyyathapi brahmanatiadina nayena brahmanassa dhammadesanam vaddhesi. Tattha seyyathapitiadinam hettha vuttanayeneva attho veditabbo. Ayam pana viseso:- hettha vuttanayeneva hi te kukkutapotaka pakkhe vidhunanta tamkhananurupam viravanta nikkhamanti. Evam nikkhamantananca ^2- tesam yo pathamataram nikkhamati, so jetthoti vuccati. Tasma bhagava taya upamaya attano jetthabhavam sadhetukamo brahmanam pucchati yo nu kho tesam kukkutacchapakanam .pe. Kinti svassa vacaniyoti. Tattha kukkutacchapakananti kukkutapotakanam. Kinti svassa vacaniyoti so kinti vacaniyo assa, kim vattabbo bhaveyya jettho va kanittho vati. "jettho"tissa bho gotama vacaniyoti bho gotama so jetthoiti assa vacaniyo. Kasmati ce? so hi nesam jetthoti, yasma so tesam vuddhataroti attho. Athassa bhagava upamam sampatipadento evameva khoti aha. Yatha so kukkutapotako, evam ahampi. Avijjagataya pajayati avijja vuccati annanam, tattha gataya. Pajayati sattadhivacanametam, avijjakosassa anto pavitthesu sattesuti vuttam hoti. Andabhutayati ande bhutaya jataya ^3- sanjataya. Yatha hi ande nibbatta ekacce satta andabhutati vuccanti, evamayam sabbapi paja @Footnote: ¹ cha.Ma. adhibhutam ² Ma. nikkhantanam ³ cha.Ma. pajataya Avijjandakose nibbattatta andabhutati vuccati. Pariyonaddhayati tena avijjandakosena samantato onaddhaya baddhaya vethitaya. Avijjandakosam padaletvati tam avijjamayam andakosam bhinditva. Ekova loketi sakalepi lokasannivase ahameva eko adutiyo. Anuttaram sammasambodhim abhisambuddhoti uttaravirahitam sabbasettham samma samanca bodhim, athava pasattham sundaranca bodhim. Arahatta- maggananassetam namam, sabbannutananassapi namameva, ubhayampi vattati. Annesam arahattamaggo anuttara bodhi hoti, na hotiti? na hoti. Kasma? asabbaguna- dayakatta. Tesanhi kassaci arahattamaggo arahattaphalameva deti, kassaci tisso vijja, kassaci cha abhinna, kassaci catasso patisambhida, kassaci savakaparaminanam. Paccekabuddhanampi paccekabodhinanameva deti, buddhanam pana sabbagunasampattim deti abhiseko viya ranno sabbalokissarabhavam. Tasma annassa kassacipi anuttara bodhi na hotiti. Abhisambuddhoti abbhannasim pativijjhim, pattomhi adhigatomhiti vuttam hoti. Idani yadetam bhagavata "evameva kho"tiadina nayena vuttam opammasampatipadanam, tam evam atthena samsanditva veditabbam:- yatha hi tassa kukkutiya attano andesu adhisayanaditividhakiriyakaranam, evam bodhipallanke nisinnassa bodhisattabhutassa bhagavato attano santane aniccam dukkham anattati tividhanupassanakaranam, kukkutiya tividhakiriyasampadanena andanam aputibhavo viya bodhisattabhutassa bhagavato tividhanupassanasampadanena vipassanananassa aparihani, kukkutiya tividhakiriyakaranena andanam allasinehapariyadanam viya bodhisattabhutassa bhagavato tividhanupassanasampadanena bhavattayanugatanikantisinehapariyadanam, kukkutiya tividhakiriyakaranena andakapalanam tanubhavo viya bodhisattabhutassa bhagavato tividhanupassanasampadanena avijjandakosassa tanubhavo, kukkutiya tividhakiriyakaranena kukkutapotakassa padanakhatundakanam thaddhakharabhavo viya bodhisattabhutassa Bhagavato tividhanupassanasampadanena vipassanananassa tikkhakharavippasannasurabhavo, kukkutiya tividhakiriyakaranena kukkutapotakassa parinamakalo viya bodhisattabhutassa bhagavato tividhanupassanasampadanena vipassanananassa parinamakalo vaddhikalo gabbhaggahanakalo, kukkutiya tividhakiriyakaranena kukkutapotakassa padanakhasikhaya va mukhatundakena va andakosam padaletva pakkhe papphotetva sotthina abhinibbhidakalo viya bhagavato tividhanupassanasampadanena vipassanananagabbham ^1- ganhapetva anupubbadhigatena arahattamaggena avijjandakosam padaletva chaabhinnapakkhe ^2- papphotetva sotthina sakalabuddhagunanam sacchikatakalo veditabbo. Ahanhi brahmana jettho lokassati brahmana yatha tesam kukkuta- potakanam pathamataram andakosam padaletva abhinibbatto ^3- kukkutapotako jettho hoti, evam avijjagataya pajaya tam avijjandakosam padaletva pathamataram ariyaya jatiya jatatta ahanhi jettho vuddhatamoti sankham gato, sabbagunehi pana appatisamatta setthoti. Evam bhagava attano anuttaram jetthasetthabhavam brahmanassa pakasetva idani yaya patipadaya tam adhigato, tam patipadam pubbabhagato pabhuti dassetum araddham kho pana me brahmanatiadimaha. Tattha araddham kho pana me brahmana viriyam ahositi brahmana na maya ayam anuttaro jetthasetthabhavo kusitena mutthassatina saraddhakayena vikkhittacittena adhigato, apica kho tadadhigamaya araddham kho pana me viriyam ahosi. Bodhimande nisinnena maya catusammappadhana- bhedam viriyam araddham ahosi, paggahitam asithilappavattitam. Araddhattayeva ca mametam ^4- asallinam ahosi. Na kevalanca viriyameva, satipi me arammanabhimukhibhavena ^5- @Footnote: ¹ Si. vipassanananam gabbham ² cha.Ma. abhinnapakkhe @³ Ma. abhinibbhido ⁴ cha.Ma. metam ⁵ cha.Ma. arammanabhimukhabhavena Upatthita ahosi, upatthitattayeva ca appammuttha. ^1- Passaddho kayo asaraddhoti kayacittapassaddhivasena kayopi me passaddho ahosi. Tattha yasma namakaye passaddhe rupakayopi passaddhoyeva ahosi, ^2- tasma "namakayo rupakayo"ti avisesetvava "passaddho kayo"ti vuttam. Asaraddhoti so ca kho passaddhattayeva asaraddho, vigatadarathoti vuttam hoti. Samahitam cittam ekagganti cittampi me samma ahitam sutthu thapitam appitam viya ahosi, samahitattaeva ca tam ekaggam acalam nipphandananti. Ettavata jhanassa pubbabhagapatipada kathita hoti. Idani imaya patipadaya adhigatapathamajjhanam adim katva vijjattaya- pariyosanam visesam dassento so kho ahantiadimaha. Tattha yam tava vinicchayanayena vattabbam siya, tam visuddhimagge ^3- vuttameva. Ayam kho me brahmanatiadisu pana vijjati viditakaranatthena vijja. Kim viditam karoti? pubbenivasam. Avijjati tasseva pubbenivasassa aviditakaranatthena tappaticchadakamoho. Tamoti sveva moho tappaticchadakatthena tamo nama. Alokoti saeva vijja obhasakaranatthena alokoti. Ettha ca vijja adhigatati attho, sesam pasamsavacanam. Yojana panettha:- ayam kho me vijja adhigata, tassa me adhigatavijjassa avijja vihata, vinatthati attho. Kasma? yasma vijja uppanna. Esa nayo itarasmimpi padadvaye. Yathatanti ettha tanti nipatamattam, satiya avippavasena appamattassa viriyatapena atapino kaye ca jivite ca anapekkhataya pahitattassa pesitacittassati ^4- attho. Idam vuttam hoti:- yatha appamattassa atapino pahitattassa viharato avijja vihanneyya, vijja uppajjeyya, tamo vihanneyya, aloko uppajjeyya, evameva mama avijja vihata, vijja uppanna, tamo vihato, aloko uppanno. Etassa me padhananuyogassa anurupameva phalam laddhanti. @Footnote: ¹ cha.Ma. asammuttha ² cha.Ma. hoti @³ visuddhi. 1/175 pathavikasinaniddesa pathamajjhanavannana ⁴ cha.Ma. pesitattassati Ayam kho me brahmana pathama abhinibbhida ahosi kukkutacchapasseva andakosamhati ayam kho mama brahmana pubbenivasanussatinanamukhatundakena pubbenivutthakkhandhapaticchadakam avijjandakosam padaletva pathama abhinibbhida pathama nikkhanti pathama ariyajati ahosi kukkutacchapakasseva mukhatundakena va padanakhasikhaya va andakosam padaletva tamha andakosamha abhinibbhida nikkhanti kukkutanikaye paccha jatiti. ^1- Ayam tava pubbenivasakathaya nayo. Cutupapatakathayam pana vijjati dibbacakkhunanavijja. Avijjati cutupapata- paticchadika avijja. Yatha pana pubbenivasakathaya "pubabenivasanussatinanamukhatundakena pubbenivutthakkhandhapaticchadakam avijjandakosam padaletva"ti vuttam, evamidha "cutupapatananamukhatundakena cutupapatapaticchadakam avijjandakosam padaletva"ti vattabbam. Yam panetam paccavekkhanananapariggahitam asavanam khayananadhigamam brahmanassa dassento ayam kho me brahmana tatiya vijjatiadimaha, tattha vijjati arahatta- maggananam vijja. ^2- Avijjati catusaccapaticchadika avijja. Ayam kho me brahmana tatiya abhinibbhida ahositi ettha ayam kho mama brahmana asavanam khayananamukha- tundakena catusaccapaticchadakam avijjandakosam padaletva tatiya abhinibbhida tatiya nikkhanti tatiya ariyajati ahosi kukkutacchapakasseva mukhatundakena va padanakhasikhaya va andakosam padaletva tamha andakosamha abhinibbhida nikkhanti kukkutanikaye paccha jatiti. Ettavata kim dassetiti? so hi brahmana kukkutacchapako andakosam Padaletva tato nikkhamanto sakimeva jayati, aham pana pubbenivutthakkhandha- paticchadakam avijjandakosam bhinditva pathamam tava pubbenivasanussatinanavijjaya @Footnote: ¹ cha.Ma. paccajatiti. evamuparipi ² cha.Ma. arahattamaggavijja Jato, tato sattanam cutipatisandhipaticchadakam avijjandakosam padaletva dutiyam dibbacakkhunanavijjaya jato, puna catusaccapaticchadakam avijjandakosam padaletva tatiyam asavanam khayananavijjaya jato. Evam tihi vijjahi tikkhattum jatomhi. Sa ca me jati ariya sundara parisuddhati ^1- idam dasseti. Evam dassento ca pubbenivasananena atitamsananam, dibbacakkhuna paccuppannanagatamsananam, asavakkhayena sakalalokiyalokuttaragunanti evam tihi vijjahi sabbepi sabbannugune pakasetva attano ariyaya jatiya jetthasetthabhavam brahmanassa dassesi. Evam vutte veranjo brahmanoti evam bhagavata lokanukampakena brahmanam anukampamanena viniguhitabbepi attano ariyaya jatiya jetthasetthabhavam vijjattayap- pakasikaya dhammadesanaya vutte pitivippharaparipunnagattacitto veranjo brahmano tam bhagavato ariyaya jatiya jetthasetthabhavam viditva "idisam namaham sabbalokajettham sabbagunasamannagatam sabbannum `annesam abhivadanadikammam na karoti'ti avacam, dhiratthu vata bho annanan"ti attanam garahitva "ayam idani loke ariyaya jatiya purejatatthena jettho, sabbagunehi appatisamatthena settho"ti nittham gantva bhagavantam etadavoca jettho bhavam gotamo settho bhavam gotamoti. Evanca pana vatva puna tam bhagavato dhammadesanam abbhanumodamano abhikkantam bho gotamatiadimaha. Tam vuttatthamevati.

The Pali Atthakatha in Roman Book 16 page 217-229. http://84000.org/tipitaka/atthapali/read_rm.php?B=16&A=4845&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=4845&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=84 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=2559 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=2691 The Pali Tipitaka in Roman Character :- http://84000.org/tipitaka/read/roman_read.php?B=22&A=2691 Contents of The Tipitaka Volume 22 http://84000.org/tipitaka/read/?index_22