AtthaPali Vol.16

4. Khettasuttavannana [34] Catutthe na mahapphalam hotiti dhannaphalena mahapphalam na hoti. Na mahassadanti yampissa phalam hoti, tassa assado na maha hoti mandassadam na madhuram. Na phatiseyyanti tiseyyapissa na hoti vaddhi, ^1- tassa mahantam vihithambhasannivesam na hotiti attho. Unnamaninnamiti ^2- thalaninnavasena visamatalam. Tattha thale udakam na santhati, ninne atibahu titthati. Pasanasakkharillanti ^3- pattharitva thitapitthipasanehi ca khuddakamahantahi ^4- ca sakkharahi ca samannagatam. Usaranti ubbhidodakam. ^5- Na ca gambhirasitanti thaddhabhumitaya gambhiranugatam, nangalamaggam katva kasitum na sakka hoti, uttananangalamaggameva hoti. Na ayasampannanti na udakagamanasampannam. @Footnote: ¹ Si. na phatiyeyyati vaddhipissa na hoti ² ka. unnamaninnamiti @³ cha.Ma. pasanasakkharikanti ⁴ cha.Ma. khuddakapasanehi ⁵ cha.Ma. ubbhinnalonam Na apayasampannanti pacchabhage udakaniggamanamaggasampannam hoti. Na matikasampannanti na khuddakamahantihi udakamatikahi sampannam hoti. Na mariyadasampannanti na kedaramariyadahi sampannam. Na mahapphalantiadini sabbani vipakaphalavaseneva veditabbani. Sampanneti paripunne sampattiyutte. Pavutta bijasampadati sampannam bijam ropitam. Deve sampadayantamhiti deve samma vassante. Anitisampada hotiti kitakimiadipanakaitiya abhavo eka sampada hoti. Virulhiti vaddhi dutiya sampada hoti. Vepullanti vipulabhavo tatiya sampada hoti. Phalanti paripunnam dhannaphalam catutthasampada ^1- hoti. Sampannasilesuti paripunnasilesu. Bhojanasampadati sampannapancavidhabhojanam. ^2- Sampadananti tividhakusalasampadam. Upanetiti sa bhojanasampadati upanayati. Kasma? sampannam hissa tam katam, yasmassa tam katakammam sampannam paripunnanti attho. Sampannatthudhati sampanno atthu idha. Vijjacaranasampannoti tihi vijjahi ca pancadasahi caranadhammehi ca samannagato. Laddhati evarupo puggalo cittassa sampadam avekallam paripunnabhavam labhitva. Karoti kammasampadanti paripunnam kammam karoti. Labhati catthasampadanti atthanca paripunnam labhati. Ditthisampadanti vipassanaditthim. Maggasampadanti sotapattimaggam. Yati sampannamanasoti paripunnacitto hutva arahattam yati. Sa hoti sabbasampadati sa sabbadukkhehi vimutti sabbasampada nama hotiti.

The Pali Atthakatha in Roman Book 16 page 254-255. http://84000.org/tipitaka/atthapali/read_rm.php?B=16&A=5710&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=5710&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=107 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=3097 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=3189 The Pali Tipitaka in Roman Character :- http://84000.org/tipitaka/read/roman_read.php?B=22&A=3189 Contents of The Tipitaka Volume 22 http://84000.org/tipitaka/read/?index_22