บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Dutiyapannasaka 6. 1. Gotamivagga 1. Gotamisuttavannana [51] Chatthassa pathame sakkesu viharatiti pathamagamanena gantva viharati. Mahapajapatiti puttapajaya ceva dhitupajaya ca mahantatta evamladdhanama. Yena bhagava tenupasankamiti bhagava kapilapuram gantva pathamameva nandam pabbajesi, sattame divase rahulakumaram. Cumbatakakalahe 1- ubhayanagaravasisu 2- yuddhatthaya nikkhantesu sattha gantva te rajano sannapetva attadandasuttam 3- kathesi. Rajano pasiditva addhatiyasate addhatiyasate kumare adamsu, tani pancakumarasatani satthu santike pabbajimsu, atha nesam pajapatiyo sasanam pesetva anabhiratim uppadayimsu. Sattha tesam anabhiratiya uppannabhavam natva te pancasate daharabhikkhu kunaladaham netva attano kunalakale nisinnapubbe pasanatale nisiditva kunalajatakakathaya 4- tesam anabhiratim vinodetva sabbepi te sotapattiphale patitthapesi, puna mahavanam anetva arahattaphaleti. Tesam cittajananattham punapi pajapatiyo sasanam pahinimsu. Te "abhabba mayam gharavasassa"ti patisasanam pahinimsu. Ta "na dani amhakam gharam gantum yuttam, mahapajapatiya santikam gantva pabbajjam anujanapetva pabbajissama"ti pancasatapi mahapajapatim upasankamitva "ayye amhakam pabbajjam anujanapetha"ti ahamsu. Mahapajapati ta itthiyo gahetva yena bhagava tenupasankami. Setacchattassa hettha ranno parinibbutakale upasankamitipi vadantiyeva. Alam gotami, ma te rucciti kasma patikkhipi, nanu sabbesampi buddhanam catasso parisa hontiti? kamam honti, kilametva pana anekavaram yacitena @Footnote: 1 su.vi. 2/331/287, sa.pa. 1/37/66 2 cha.Ma. pana ubhayanagaravasikesu @3 khu.su. 25/942/518, khu.maha. 29/788/488 (sya) 4 khu.ja. 28/296/106 (sya) Anunnatam pabbajjam "dukkhena laddha"ti samma paripalessantiti garum katva anunnatukamo patikkhipi. Pakkamiti puna kapilapurameva pavisi. Yathabhirantam viharitvati bodhaneyyasattanam upanissayam olokento yathajjhasayena viharitva. Carikam pakkamiti mahajanasangaham karonto uttamaya buddhasiriya anopamena buddhavilasena aturitacarikam pakkami. Sambahulahi sakiyanihi saddhinti antonivesanasmimyeva dasabalam uddissa pabbajjavesam gahetva tapi 1- pancasata sakiyaniyo pabbajjavesamyeva gahapetva sabbahipi tahi sambahulahi sakiyanihi saddhim. Pakkamiti 2- gamanam abhinihari. Gamanabhiniharanakale pana ta sukhumala rajitthiyo padasa gantum na sakkhissantiti sakiyakoliyarajano sovannasivikayo utthapayimsu. 3- Ta pana "yane aruyha gacchantihi satthari agaravo kato hoti"ti ekapannasayojanikam maggam padasava patipajjimsu. Rajanopi purato ca pacchato ca arakkham samvidahapetva tandulasappiteladinam sakatani puretva 4- "gatagatatthane 5- aharam patiyadetha"ti purise pesayimsu. Sunehi padehiti tasam hi sukhumalatta padesu eko photo uttheti, eko bhijjati. Ubho pada katakatthisamparikinna viya hutva uddhumata jata. Tena vuttam "sunehi padehi"ti. Bahidvarakotthaketi dvarakotthakato bahi. Kasma panevam santhitati 6-? evam kirassa ahosi "aham tathagatena ananunnata sayameva pabbajjavesam aggahesim, evam gahitabhavo ca pana me sakalajambudipe pakato jato. Sace sattha pabbajjam anujanati, iccetam kusalam. Sace pana nanujanissati, mahati garaha bhavissati"ti viharam pavisitum asakkonti rodamanava atthasi. @Footnote: 1 cha.Ma. ayam patho na dissati 2 cha.Ma. carikam pakkamiti @3 cha.Ma. upatthapayimsu 4 cha.Ma. purapetva @5 cha.Ma. gatatthane gatatthane 6 cha.Ma. thitati Kim nu tvam gotamiti kim nu rajakulanam vipatti uppanna, kena nu 1- tvam karanena evam vivannabhavam patta, sunehi padehi .pe. Thitati. Annenapi pariyayenati annenapi karanena. Bahukara bhantetiadina tassa gunam kathetva puna pabbajjam yacanto evamaha. Satthapi "itthiyo nama parittapanna, ekayacitamatteneva pabbajjaya anunnataya na mama sasanam garum katva ganhissanti"ti tikkhattum patikkhipitva idani garum katva gahapetukamataya sace ananda mahapajapati gotami attha garudhamme patigganhati, savassa hotu upasampadatiadimaha. Tattha savassati saeva assa pabbajjapi upasampadapi hotu. Tadahupasampannassati tam divasampi upasampannassa. Abhivadanam paccutthanam anjalikammam samicikammam kattabbanti omanatimane akatva pancapatitthitena abhivadanam, asana paccutthaya paccuggamanavasena paccutthanam, dasanakhe samodhanetva anjalikammam, asanapannapanabijanadikam anucchavikakammasankhatam samicikammanca kattabbam. Abhikkhuke avaseti yattha vasantiya anantarayena ovadatthaya upasankamanarahe thane ovadadayako acariyo natthi, ayam abhikkhuko avaso nama. Evarupe avase vassam na upagantabbam. Anvaddhamasanti anuposathikam. Ovadupasankamananti ovadatthaya upasankamanam. Ditthenati cakkhuna ditthena. Sutenati sotena sutena. Parisankayati ditthasutavasena parisankitena. Garudhammanti garukam samghadisesapattim. Pakkhamanattanti anunani pannarasadivasani manattam. Chasu dhammesuti vikala- bhojanacchatthesu sikkhapadesu. Sikkhitasikkhayati ekasikkhampi akhandam katva puritasikkhaya. Akkositabbo paribhasitabboti dasannam akkosavatthunam annatarena akkosavatthuna na akkositabbo, bhayupadamsanaya 2- yaya kayaci paribhasaya na paribhasitabbo. @Footnote: 1 cha.Ma. ayam saddo na dissati 2 Si. bhayaparamparaya, Ma. bhayuparamparaya Ovato bhikkhuninam bhikkhusu vacanapathoti ovadanusasanidhammakathasankhato vacanapatho bhikkhuninam bhikkhusu varito 1- pihito, na bhikkhuniya koci bhikkhu ovaditabbo va anusasitabbo va. "bhante poranakatthera idancidanca vattam purayimsu"ti evam pana pavenivasena kathetum vattati. Anovato bhikkhunam bhikkhunisu vacanapathoti bhikkhunam pana bhikkhunisu vacanapatho anivarito, yatharucim ovaditum anusasitum dhammakatham kathetunti ayamettha sankhepo, vittharato panesa garudhammakatha samantapasadikaya vinayasamvannanaya vuttanayeneva veditabba. Ime pana attha garudhamme satthu santike uggahetva therena attano arociyamane sutvava mahapajapatiya tavamahantam domanassam khanena patippassambhi, anotattadahato abhatena situdakassa ghatasatena matthake parisitta viya vigataparilaha attamana hutva garudhammapatiggahanena uppannam pitipamujjam avikaronti seyyathapi bhantetiadikam udanam udanesi. Kumbhatthenakehiti kumbhe dipam jaletva tena alokena paraghare bhandam vicinitva thenakacorehi. Setatthika nama rogajatiti eko panako nalimajjhe gatam 2- kandam vijjhati, yena viddha kanda 3- nikkhantampi salisisam khiram gahetum na sakkoti. Manjetthika 4- nama rogajatiti ucchunam anto rattabhavo. Mahato talakassa patikacceva palinti 5- imina pana etamattham dasseti:- yatha mahato talakassa paliya abaddhayapi na 6- kinci udakam titthateva, pathamameva baddhaya pana yam abaddhapaccaya na tittheyya, tampi tittheyya, evameva ye ime anuppanne vatthusmim patikacceva avitikkamanatthaya 7- garudhamma pannatta, tesu hi 8- @Footnote: 1 cha.Ma. ovarito 2 cha.Ma. nalamajjhagatam 3 Ma. viddhatta vandam @4 cha.Ma. manjitthika 5 cha.Ma. alinti @6 cha.Ma. ayam saddo na dissati 7 cha.Ma. anatikkamanatthaya 8 cha.Ma. ayam saddo na dissati Appannattesu matugamassa pabbajitatta pancavassasatani saddhammo tittheyya. Patikacceva pannatta pana aparanipi pancavassasatani thassatiti evam pathamam vuttam vassasahassameva thassati. Vassasahassanti cetam patisambhidappattakhinasavavaseneva 1- vuttam, tato pana uttaripi sukkhavipassakakhinasavavasena vassasahassam, anagamivasena vassa- sahassam, sakadagamivasena vassasahassam, sotapannavasena vassasahassanti evam panca- vassasahassani pativedhasaddhammo thassati. Pariyattidhammopi taniyeva. Na hi pariyattiya asati pativedho atthi, napi pariyattiya sati pativedho na hoti. Lingam pana pariyattiya antarahitayapi ciram pavattissatiti.The Pali Atthakatha in Roman Book 16 page 261-265. http://84000.org/tipitaka/atthapali/read_rm.php?B=16&A=5859&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=5859&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=124 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=3366 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=3404 The Pali Tipitaka in Roman Character :- http://84000.org/tipitaka/read/roman_read.php?B=22&A=3404 Contents of The Tipitaka Volume 22 http://84000.org/tipitaka/read/?index_22
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]