AtthaPali Vol.16

5. Abhibhayatanasuttavannana [65] Pancame abhibhayatananiti abhibhavanakaranani. Kim abhibhavanti? paccanikadhammepi arammananipi. Tani hi patipakkhabhavena paccanikadhamme abhibhavanti, puggalassa nanuttariyataya arammanani. Ajjhattam rupasannitiadisu pana ajjhattarupe parikamma- vasena ajjhattam rupasanni nama hoti. Ajjhattam hi nilaparikammam karonto kese va pitte va akkhitarakaya va karoti, pitaparikammam karonto mede va chaviya va hatthatalapadatalesu va akkhinam pitatthane va karoti, lohitaparikammam karonto mamse va lohite va jivhaya va akkhinam rattatthane va karoti, odataparikammam karonto atthimhi va dante va nakhe va akkhinam setatthane va karoti. Tam pana sunilakam supitakam sulohitakam suodatam na hoti, avisuddhameva hoti. @Footnote: ¹ cha.Ma. phasumyevati Eko bahiddha rupani passatiti yassevam parikammam ajjhattam uppannam hoti, nimittam pana bahiddha, so evam ajjhattam parikammassa bahiddha ca appanaya vasena "ajjhattam rupasanni eko bahiddha rupani passati"ti vuccati. Parittaniti avaddhitani. Suvannadubbannaniti suvannani va hontu dubbannani va. Parittavaseneva idam abhibhayatanam vuttanti veditabbam. Tani abhibhuyyati yatha nama sampannaggahaniko katacchumattabhattam labhitva "kim ettha bhunjitabbam atthi"ti sankaddhitva ekam kavalameva karoti, evameva nanuttariko puggalo visadanano "kimatthe parittake arammane samapajjitabbam atthi, nayam mama bharo"ti ^1- tani rupani abhibhavitva samapajjati, saha nimittuppadenevettha appanam papetiti attho. Janami passamiti imina panassa abhogo kathito. So ca kho samapattito vutthitassa, na antosamapattiyam. Evamsanni hotiti abhogasannayapi jhanasannayapi evamsanni hoti. Abhibhavanasanna hissa antosamapattiyampi atthi, abhogasanna pana samapattito vutthitasseva. Appamananiti vuddhitappamanani, mahantaniti attho. Abhibhuyyati ettha pana yatha mahagghaso puriso ekam bhattavaddhitakam labhitva "annampi hotu, annampi hotu, kim esa ^2- mayham karissati"ti tam na mahantato passati, evameva nanuttaro puggalo visadanano "kim ettha samapajjitabbam, nayidam appamanam, na mayham cittekaggatakarane bharo atthi"ti tani ^3- abhibhavitva samapajjati, saha nimittu- ppadanevettha appanam papetiti attho. Ajjhattam arupasanniti alabhitaya va anatthikataya va ajjhattarupe parikammasanna virahito. Eko bahiddha rupani passatiti yassa parikammampi nimittampi bahiddha uppannam, so evam bahiddha parikammassa ceva appanaya ca vasena "ajjhattam arupasanni @Footnote: ¹ Ma. dukkaroti ² cha.Ma. annapi hotu, annapi hotu, kim esa ³ cha.Ma. ayam patho na @dissati Eko bahiddha rupani passati"ti vuccati. Sesamettha catutthabhibhayatane ca vuttanayameva. Imesu pana catusu parittam vitakkacaritavasena agatam, appamanam mohacaritavasena. Suvannam dosacaritavasena, dubbannam ragacaritavasena. Etesanhi etani sappayani. Sa panetesam ^1- sappayata visuddhimagge ^2- cariyaniddese vutta. Pancamabhibhayatanadisu nilaniti sabbasangahikavasena vuttam. Nilavannaniti vannavasena. Nilanidassananiti nidassanavasena. Apannayamanavivarani asambhinnavannani ekanilaneva hutva dissantiti vuttam hoti. Nilanibhasaniti idam pana obhasavasena vuttam. Nilobhasani nilappabhayuttaniti attho. Etena tesam suvisuddhatam dasseti. Visuddhavannavaseneva hi imani cattari abhibhayatanani ^3- vuttani. "nilakasinam ugganhanto nilasmim nimittam ganhati pupphasmim va vatthasmim va vannadhatuya va "tiadikam panettha kasinakarananca parikammanca appanavidhananca sabbam visuddhimagge ^4- vittharato vuttamevati.

The Pali Atthakatha in Roman Book 16 page 270-272. http://84000.org/tipitaka/atthapali/read_rm.php?B=16&A=6076&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=6076&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=138 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=3664 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=3675 The Pali Tipitaka in Roman Character :- http://84000.org/tipitaka/read/roman_read.php?B=22&A=3675 Contents of The Tipitaka Volume 22 http://84000.org/tipitaka/read/?index_22