Atthakatha Book 16 : PALI ROMAN
An.A. (manoratha.3)

                  7. Abhinhapaccavekkhitabbathanasuttavannana
     [57] Sattame jaradhammomhiti jarasabhavo amhi. Jaram anatitoti jaram
anatikkanto, antojarayaeva carami. Sesapadesupi eseva nayo. Kammassakotiadisu
kammam mayham sakam attano santakanti kammassako amhi. Kammassa dayadoti
kammadayado, kammam mayham dayajjam santakanti attho. Kammam mayham yoni karananti
kammayoni. Kammam mayham bandhuti kammabandhu, kammanatakoti attho. Kammam mayham
patisaranam patitthati kammapatisarano. Tassa dayado bhavissamiti tassa kammassa
dayado tena dinnaphalapatiggahako bhavissamiti attho. Yobbanamadoti yobbanam
arabbha uppannamado. Sesesupi eseva nayo. Maggo sanjayatiti lokuttaramaggo
sanjayati. Samyojanani sabbaso pahiyantiti dasa samyojanani sabbaso pahiyanti.
Anusaya byantihontiti satta anusaya vigatanta paricchinna  parivatuma honti.
Evamettha hettha pancasu thanesu vipassana kathita, imesu pancasu lokuttaramaggo.
     Idani gathahi kutam ganhanto byadhidhammatiadimaha. Tattha natva dhammam
nirupadhinti upadhirahitam arahattadhammam natva. Sabbe made abhibhosmiti sabbe ime
tayopi made abhibhavim, atikkamma thitosmiti attho. Nekkhammam datthu khematoti pabbajjam
khemato disva. Tassa me ahu ussaho, nibbanam abhipassatoti tassa mayham
nibbanam abhipassantassa vayamo ahosi. Anivatti bhavissamiti pabbajjato
anivattiko bhavissami, brahmacariyavasato anivattiko, sabbannutananato anivattiko
bhavissami. Brahmaceraparayanoti maggabrahmacariyaparayano. Imina lokuttaro
atthangiko maggo kathitoti.


             The Pali Atthakatha in Roman Book 16 page 31.
http://84000.org/tipitaka/atthapali/read_rm.php?B=16&A=691&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=16&A=691&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=22&i=57
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=22&A=1649
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=22&A=1702
             The Pali Tipitaka in Roman Character :-
http://84000.org/tipitaka/read/roman_read.php?B=22&A=1702
             Contents of The Tipitaka Volume 22
http://84000.org/tipitaka/read/?index_22