AtthaPali Vol.16

5. Jhanasuttavannana [36] Pancame asavanam khayanti arahattam. Yadeva tattha hoti rupagatanti tasmim pathamajjhanakkhane vatthuvasena va cittasamutthanikadivasena va yam rupam nama pavattati. Vedanagatadini sampayuttavedanadinam vasena veditabbani. Te dhammeti te rupadayo pancakkhandhadhamme. Aniccatotiadisu hutva abhavakarena aniccato, patipilanakarena dukkhato, rujjanakarena rogato, antodussanatthena gandato, anupavitthatthena anukantanatthena ca sallato, dukkhatthena aghato, abadhanatthena abadhato, asakatthena parato, palujjanatthena palokato, assamikatthena sunnato, avasavattanatthena anattato. Samanupassatiti balavavipassanapannaya passati. Tehi dhammehiti tehi pancakkhandhadhammehi. Patitthapetiti ^1- nibbanavasena nivatteti. Amataya dhatuyati nibbanadhatuya. Cittam upasamharatiti nanena anisamsam disva otareti. Santanti paccanikasantataya santam. Panitanti atappakam. So tattha thito asavanam khayam papunatiti so tasmim pathamajjhane thito tam balavavipassanam vaddhetva arahattam papunati. Aparo nayo:- so tehi dhammehiti yasma aniccatotiadisu aniccato palokatoti dvihi padehi aniccalakkhanam kathitam, dukkhatotiadihi chahi dukkhalakkhanam, parato, sunnato, anattatoti tihi anattalakkhanam. Tasma so tehi evam tilakkhanam aropetva ditthehi antosamapattiyam pancakkhandhadhammehi. Cittam patitthapetiti ^1- cittam patisamharati moceti apaneti. Upasamharatiti vipassanacittam tava vasanavasena thutivasena pariyattivasena pannattivasena ca santam nibbananti evam asankhataya amataya @Footnote: ¹ cha.Ma. pativapetiti Dhatuya upasamharati, maggacittam nibbanam arammanakaranavaseneva "etam santam etam panitan"ti na evam vadati, imina pakarenetam ^1- pativijjhanto tattha cittam upasamharatiti attho. So tattha thitoti tassa tilakkhanarammanaya vipassanaya thito. Asavanam khayam papunatiti anukkamena cattaro magge bhavetva arahattam papunati. Teneva dhammaragenati samathavipassanadhamme chandaragena. Dhammanandiyati tasseva vevacanam. Samathavipassanasu hi sabbaso chandaragam pariyadatum sakkonto arahattam papunati, asakkonto anagami hoti. Tinapurisarupake vati ^2- tinapotthakarupe va. Dure kandam ^3- patetiti durepati. Aviradhitam vijjhatiti akkhanavedhi. Yadeva tattha hoti vedanagatanti idha rupam na gahitam. Kasma? samatikkantatta. Ayanhi hettha rupavacarajjhanam samapajjitva rupam atikkamitva arupavacarasamapattim samapannoti samathavasenapi anena ^4- rupam samatikkantam, hettha rupam sammasitva tam atikkamitva ^5- idani arupam sammasatiti vipassanavasenapi anena rupam atikkantam. Aruppe pana sabbasopi rupam natthiti tam sandhayapi idha rupam ^6- na gahitam. Atha nevasannanasannayatanam kasma na gahitanti? sukhumatta. Tasminhi cattaropi arupakkhandha sukhuma na sammasanupaga. Tenevaha "iti kho bhikkhave yavata sannasamapatti tavata annapativedho"ti. Idam vuttam hoti:- yavata sacittakasamapatti nama atthi, tavata olarike dhamme sammasato annapativedho hoti, arahattam sampajjati. Nevasannanasannayatanam pana sukhumatta sannasamapattiti na vuccati. Jhayiheteti jhayihi jhanabhiratehi etani. Vutthahitvati tato samapattito vutthaya. Sammadakkhatabbaniti samma akkhatabbani, "santani panitani"ti evam kevalam acikkhitabbani thometabbani vannetabbaniti. @Footnote: ¹ cha.Ma. panakarena tam ² Si.,Ma. tinapurisake vati ³ cha.Ma. kande @⁴ Si. tena, Ma. nena ⁵ cha.Ma. atikkamma ⁶ cha.Ma. ayam patho na dissati

The Pali Atthakatha in Roman Book 16 page 309-310. http://84000.org/tipitaka/atthapali/read_rm.php?B=16&A=6959&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=6959&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=199 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=5659 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=5731 The Pali Tipitaka in Roman Character :- http://84000.org/tipitaka/read/roman_read.php?B=22&A=5731 Contents of The Tipitaka Volume 22 http://84000.org/tipitaka/read/?index_22