AtthaPali Vol.16

3. Mahavagga 1. Sihanadasuttavannana [21] Tatiyassa pathame visamagateti visamatthanesu gocaresu gate. Sanghatam apatesinti ghatam vadham papesim. Tassa hi ussannatejataya khuddakesu panesu anukampa hoti. Tasma ye patisattubhavena santhatum na sakkhissanti, ^1- ye dubbala palayitukama bhavissanti, te palayissantiti sihanadam naditvava gocaraya pakkamati. Tathagatassetam adhivacananti yadi hi sahanataya ca hananataya ca siho, tathagato hi sabbani ca itthanitthani sahati, sabbaparappavadinam ^2- ca vadanam nimmathanena hanati. Idamassa hoti sihanadasminti ayamassa sihanado abhitanado. ^3- Tathagatassa tathagatabalaniti annehi asadharanani tathagatasseva balani. Yatha va pubbabuddhanam balani punnayasasampattiya ^4- agatani, tatha tathagatassa balanitipi attho. Tattha duvidham tathagatassa balam kayabalanca nanabalanca. Tesu kayabalam hatthikulanusarena veditabbam. Vuttam hetam poranehi:- "kalavakanca gangeyyam pandaram tambapingalam gandhamangalahemanca uposathacchaddantime dasa"ti. ^5- Imani dasa hatthikulani. Tattha kalavakanti pakatihatthikulam datthabbam. Yam dasannam purisanam kayabalam, tam ekassa kalavakassa hatthino. Yam dasannam kalavakanam balam, tam ekassa gangeyyassa. Yam dasannam gangeyyanam, tam ekassa pandarassa. Yam dassanam pandaranam, tam ekassa tambassa. Yam dasannam tambanam, tam ekassa @Footnote: ¹ Si. santhatum sakkhissanti ² cha.Ma. sabbaparappavadino ³ cha.Ma. ayam patho na dissati @⁴ cha.Ma. punnasampattiya ⁵ cha.Ma. tatha agatabalanitipi, pa.su. 1/148/346 Pingalassa. Yam dasannam pingalanam, tam ekassa gandhahatthino. Yam dasannam gandhahatthinam, tam ekassa mangalassa. Yam dasannam mangalanam, tam ekassa hemassa. Yam dasannam hemanam, tam ekassa uposathassa. Yam dasannam uposathanam, tam ekassa chaddantassa. Yam dasannam chaddantanam, tam ekassa tathagatassa. Narayanasankhatam balantipi ^1- idameva vuccati. Tadetam pakatihatthigananaya hatthinam kotisahassanam, purisagananaya dasannam purisakotisahassanam balam hoti. Idam tava tathagatassa kayabalam. Nanabalam pana paliyam tava agatameva. Dasabalananam, majjhime ^2- agatam catuvesarajja- nanam, atthasu parisasu akampanananam, catuyoniparicchedananam, pancagatipariccheda- nanam, samyuttake ^3- agatani tesattatinanani, sattasattatinananiti evam annanipi ^4- anekani nanasahassani, etam nanabalam nama. ^4- Idhapi nanabalameva adhippetam. Nananhi akampiyatthena upatthambhanatthena ca balanti vuttam. Asabhanthananti setthatthanam uttamatthanam. Asabha va pubbabuddha, tesam thananti attho. Apica gavasatajetthako usabho, gavasahassajetthako vasabho. Vajasatajetthako va usabho, vajasahassajetthako vasabho. Sabbagavasettho sabbaparissayasaho seto pasadiko mahabharavaho asanisatasaddehipi asampakampiyo nisabho, so idha usabhoti adhippeto. Idampi hi tassa pariyayavacanam. Usabhassa idanti asabham. Thananti catuhi padehi pathavim uppiletva acalatthanam. Idam pana asabham viyati asabham. Yatheva hi nisabhasankhato usabho usabhabalena samannagato catuhi padehi pathavim uppiletva acalatthanena titthati, evam tathagatopi dasahi tathagatabalehi samannagato catuhi vesarajjapadehi atthaparisapathavim uppiletva sadevake loke kenaci paccatthikena paccamittena akampiyo acalatthanena titthati. Evam titthamano ca tam asabhanthanam @Footnote: ¹ cha.Ma. narayanasanghatabalantipi, @su. vi. 2/760/425 pa.su. 1/148/346 ² Ma.mu. 12/148/107 mahasihanadasutta @³ sam.ni. 16/34/58 dutiyananavatthusutta ^4-4 cha.Ma. anekani nanabalam nama Patijanati upagacchati na paccakkhati attani aropeti. Tena vuttam "asabhanthanam patijanati"ti. Parisasuti khattiyabrahmanagahapatisamanacatummaharajikatavatimsamarabrahmaparisa- sankhatasu ^1- atthasu parisasu. Sihanadam nadatiti setthanadam nadati, abhitanadam nadati, sihanadasadisam va nadam nadati. Tatrayam upamayathapi siho sihabalena samannagato sabbattha visarado vigatalomahamso sihanadam nadati, evam tathagatasihopi tathagatabalehi samannagato atthasu parisasu visarado vigatalomahamso "iti sakkayo"tiadina nayena nanavidhadesanavilasasampannam sihanadam nadati. Tena vuttam "parisasu sihanadam nadati"ti. Brahmacakkam pavattetiti ettha brahmanti settham uttamam visittham. Cakkanti dhammacakkam. Tampanetam duvidham hoti pativedhanananceva desananananca. Tattha pannapabhavitam attano ariyaphalavaham pativedhananam, karunapabhavitam savakanam ariyaphalavaham desanananam. Tattha pativedhananam uppajjamanam uppannanti duvidham. Tanhi abhinikkhamanato yava arahattamagga uppajjamanam, phalakkhane uppannam nama. Tusitabhavanato va yava mahabodhipallanke arahattamagga uppajjamanam, phalakkhane uppannam nama. Dipankarato va patthaya yava arahattamagga uppajjamanam, phalakkhane uppannam nama. Desanananampi pavattamanam pavattanti duvidham. Tam hi yava annakondannassa sotapattimagga pavattamanam, phalakkhane pavattam nama. Tesu ca ^2- pativedhananam lokuttaram, desanananam lokiyam. Ubhayampi panetam annehi asadharanam, buddhanamyeva orasananam. Idani yehi dasahi balehi samannagato tathagato asabhanthanam patijanati, tani vittharato dassetum katamani dasa, idha bhikkhave tathagato thananca @Footnote: ¹ cha.Ma. ayam patho na dissati ² cha.Ma. ayam saddo na dissati Thanatotiadimaha. Tattha thananca thanatoti karananca karanato. Karananhi yasma tattha phalam titthati, tadayattavuttitaya uppajjati ceva pavattati ca, tasma thananti vuccati. Tam bhagava "ye ye dhamma yesam yesam dhammanam hetu paccaya uppadaya, tam tam thanam. Ye ye dhamma yesam yesam dhammanam na hetu na paccaya uppadaya, tam tam atthanan"ti pajananto thananca thanato atthananca atthanato yathabhutam pajanati. Abhidhamme panetam "tattha katamam tathagatassa thananca thanato atthananca atthanato yathabhutam nanan"tiadina ^1- nayena vittharitameva. Yampiti yena nanena. Idampi bhikkhave tathagatassati idampi bhikkhave ^2- thanathanananam tathagatassa tathagatabalam nama hotiti attho. Evam sabbapadesu yojana veditabba. Kammasamadanananti samadiyitva katanam kusalakusalakammanam, kammameva va kammasamadanam. Thanaso hetusoti paccayato ceva hetuto ca. Tattha gatiupadhikalappayoga vipakassa thanam, kammam hetu imassa pana nanassa vittharakatha "atthekaccani papakani kammasamadanani gatisampattipatibalhani na vipaccanti"tiadina ^3- nayena abhidhamme agatayeva. Sabbatthagamininti sabbagatigamininca agatigamininca. Patipadanti maggam. Yathabhutam pajanatiti bahusupi manussesu ekameva panam ghatentesu "imassa cetana nirayagamini bhavissati, imassa tiracchanayonigamini"ti imina nayena ekavatthusmimpi kusalakusala- cetana sankhatanam patipattinam aviparitato sabhavam janati. Imassapica nanassa vittharakatha "tattha katamam tathagatassa sabbatthagaminipatipada ^4- yathabhutam nanam, idha tathagato ayam maggo ayam patipada nirayagaminiti pajanati"tiadina ^5- nayena abhidhamme agatayeva. @Footnote: ¹ abhi.vi. 35/809/409 nanavibhanga ² cha.Ma. ayam patho na dissati @^3. abhi.vi. 35/810/412 dasakaniddesa ⁴ cha.Ma. sabbatthagaminim patipadam @⁵ abhi.vi. 35/811/413 dasakaniddesa Anekadhatunti cakkhudhatuadihi kamadhatuadihi va dhatuhi bahudhatum. Nanadhatunti tasamyeva dhatunam vilakkhanatta nanappakaradhatum. Lokanti khandhayatana- dhatulokam. Yathabhutam pajanatiti tasam dhatunam aviparitato sabhavam pativijjhati. Idampi nanam "tattha katamam tathagatassa anekadhatum nanadhatum lokam yathabhutam nanam, idha tathagato khandhananattam pajanati"tiadina ^1- nayena abhidhamme vittharitameva. Nanadhimuttikatanti hinadihi adhimuttihi nanadhimuttikabhavam. Idampi nanam "tattha katamam tathagatassa sattanam nanadhimuttikatam yathabhutam nanam idha tathagato pajanati santi satta hinadhimuttika"tiadina ^2- nayena abhidhamme vittharitameva. Parasattananti padhanasattanam. Parapuggalananti tato annesam hinasattanam. Ekatthameva va etam padadvayam, veneyyasena dvedha vuttam. Indriyaparo- pariyattanti saddhadinam indriyanam parabhavanca aparabhavanca, vuddhim ca hanim cati attho. Imassapi nanassa vittharakatha "tattha katamam tathagatassa parasattanam parapuggalanam indriyaparopariyattam yathabhutam nanam, idha tathagato sattanam asayam pajanati anusayam pajanatitiadina ^3- nayena abhidhamme agatayeva. Jhanavimokkhasamadhisamapattinanti pathamadinam catunnam jhananam, "rupi rupani passati"tiadinam atthannam vimokkhanam, savitakkasavicaradinam tinnam samadhinam, pathamajjhanasamapattiadinanca navannam anupubbasamapattinam. Sankilesanti hanabhagiyadhammam. Vodananti visesabhagiyadhammam. Vutthananti ^4- "vodanampi vutthanam, tamha tamha samadhimha vutthanampi vutthanan"ti evam vuttam pagunajjhanam ceva bhavangaphalasamapattiyo ca. Hetthimam hetthimanhi pagunajjhanam uparimassa uparimassa padatthanam hoti, tasma "vodanampi vutthanan"ti vuttam. Bhavangena pana sabbajjhanehi vutthanam @Footnote: ¹ abhi.vi. 35/812-13-14/414 nanavibhanga ² abhi.vi. 35/813/414 nanavibhanga @³ abhi.vi. 35/814/414 nanavibhanga ⁴ abhi.vi. 35/828/419 nanavibhanga Hoti. Phalasamapattiya nirodhasamapattito vutthanam hoti. Tam sandhaya ca "tamha tamha samadhimha vutthanampi vutthanan"ti vuttam. Idampi nanam "tattha katamam tathagatassa jhanavimokkhasamadhisamapattinam sankilesam vodanam vutthanam yathabhutam nanam, jhayiti cattaro jhayi, atthekacco jhayi sampattimyeva samanam vipattiti pacceti"ti- adina ^1- nayana abhidhamme vittharitameva. Sabbanananam vittharakathaya vinicchayo sammohavinodaniya vibhangatthakathaya vutto. Pubbenivasanussatidibbacakkhunanakatha visuddhimagge vittharita, asavakkhayakatha hettha vuttayeva. ^2- Tattha paravadikatha hoti "dasabalananam nama patiyekkam nanam natthi, sabbannutananassevayam pabhedo"ti. Tam na tatha datthabbam. Annameva hi dasabalananam, annam sabbannutananam. Dasabalanananhi sakasakakiccameva janati, sabbannutananam tampi tato avasesampi janati. Dasabalananesu hi pathamam karanakaranameva janati, dutiyam kammavipakantarameva, tatiyam kammaparicchedameva, catuttham dhatunanattakaranameva. Pancamam sattanam ajjhasayadhimuttimeva, chattham indriyanam tikkhamudubhavameva, sattamam jhanadihi saddhim tesam sankilesadimeva, atthamam pubbenivutthakkhandhasantatimeva, navamam sattanam cutipatisandhimeva, dasamam saccaparicchedameva. Sabbannutananam pana etehi janitabbanca tato uttaritaranca ^3- pajanati, etesam pana kiccam na sabbam karoti. Tanhi jhanam hutva appetum na sakkoti, iddhi hutva vikubbitum na sakkoti, maggo hutva kilese khepetum na sakkoti. Apica paravadi evam pucchitabbo "dasabalananam nametam savitakkasavicaram avitakka- vicaramattam avitakkaavicaram, kamavacaram rupavacaram arupavacaram, lokiyam lokuttaran"ti. Jananto "patipatiya satta nanani savitakkasavicarani"ti vakkhati, "tato parani dve avitakkaavicarani"ti vakkhati. "asavakkhayananam siya savitakkasavicaram siya @Footnote: ¹ abhi.vi.35/828/417 nanavibhanga ² cha.Ma. vuttayevati ³ cha.Ma. uttarinca Avitakkavicaramattam siya avitakkaavicaran"ti vakkhati. Tatha "patipatiya satta kamavacarani, tato dve rupavacarani, avasane ekam lokuttaran"ti vakkhati. "sabbannuta- nanam pana savitakkasavicarameva kamavacarameva lokiyameva"ti vakkhati. Evamettha anupadavannanam natva idani yasma tathagato pathamamyeva thanathanananena veneyyasattanam asavakkhayadhigamassa ceva anadhigamassa ca thanathanabhutam kilesavaranabhavam passati lokiyasammaditthitthanadidassanato niyatamicchaditthatthana bhavadassanato ca. Atha nesam kammavipakananena vipakavaranabhavam passati tihetukapatisandhidassanato, sabbatthagaminipatipadananena kammavaranabhavam passati anantariyakammabhavadassanato. Evam anavarananam anekadhatunanadhatunanena anukuladhammadesanattham cariyavisesam passati dhatuvemattadassanato. Atha nesam nanadhimuttikatananena adhimuttim passati payogam anadiyitvapi adhimuttivasena dhammadesanattham. Athevam ditthadhimuttinam vasena ^1- yathasatti yathabalam dhammam desetum indriyaparopariyattananena indriyaparopariyattam passati saddhadinam tikkhamudubhavadassanato. Evam parinnatindrayaparopariyatta pana te sace dure honti, atha jhanadinanena jhanadisu vasibhutatta iddhivisesena te khippam upagacchati. Upagantva ca nesam pubbenivasanussatinanena pubbajatibhavam, dibbacakkhvanubhavato pattabbena cetopariyananena sampattiadhigatavisesam ^2- passanto asavakkhayanananubhavena asavakkhayagaminiya patipadaya vigatasammohatta asavakkhayaya dhammam deseti. Tasma iminanukkamena imina balani vuttaniti veditabbani.

The Pali Atthakatha in Roman Book 16 page 325-331. http://84000.org/tipitaka/atthapali/read_rm.php?B=16&A=7296&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=7296&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=21 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=309 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=306 The Pali Tipitaka in Roman Character :- http://84000.org/tipitaka/read/roman_read.php?B=22&A=306 Contents of The Tipitaka Volume 22 http://84000.org/tipitaka/read/?index_22