Atthakatha Book 16 : PALI ROMAN
Aṅ.A. (manoratha.3)

                       2. Adhimuttipadasuttavaṇṇanā
     [22] Dutiye ye te dhammāti ye te dasabalañāṇasabbaññutañāṇadhammā.
Adhimuttipadānanti adhivacanapadānaṃ, khandhāyatanadhātudhammānanti attho. Adhimuttiyoti
@Footnote: 1 cha.Ma. ayaṃ pāṭho na dissati  2 cha.Ma. sampatticittavisesaṃ
@3 cha. adhivutti...evamuparipi
---------------------------------------------------------------------------------------------
page332.
Hi adhivacanāni vuccanti tesaṃ tesaṃ padabhūtāya desanāya padaṭṭhānattā. 1- Atītā
budadhāpi hi eteva dhamme kathayiṃsu, anāgatāpi  eteva kathayissanti. Tasmā khandhādayo
adhimuttipadāni nāma. Tesaṃ adhimuttipadānaṃ. Athavā bhūtamatthaṃ abhibhavitvā yathāsabhāvato
agahetvā vattanato adhimuttiyo diṭṭhiyo vuccanti, adhimuttīnaṃ padāni
adhimuttipadāni, diṭṭhidīpakāni vacanānīti attho. Tesaṃ adhimuttipadānaṃ
diṭṭhivohārānaṃ. Abhiññā sacchikiriyāyāti jānitvā paccakkhakaraṇatthāya. Visāradoti
ñāṇasomanassappatto. Tatthāti tesu dhammesu. Tesaṃ tesaṃ tathā tathā dhammaṃ desetunti
tesaṃ tesaṃ diṭṭhigatikānaṃ vā itaresaṃ vā āsayaṃ ñatvā tathā tathā dhammaṃ desetuṃ. Hīnaṃ
vā hīnanti ñassatīti hīnaṃ vā dhammaṃ "hīno dhammo"ti jānissati. 2- Ñātayyanti
ñātabbaṃ. Diṭṭhayyanti daṭṭhabbaṃ. Sacchikatayyanti sacchikattabbaṃ. 2- Tattha tattha
yathābhūtañāṇanti tesu tesu dhammesu yathāsabhāvañāṇaṃ. Iminā sabbaññutañāṇaṃ dasseti.
Evaṃ sabbaññutañāṇaṃ dassetvā puna dasabalañāṇaṃ dassento dasayimānītiādimāha.
Dasabalañāṇampi hi tattha tattha yathābhūtañāṇamevāti.


             The Pali Atthakatha in Roman Book 16 page 331-332.
http://84000.org/tipitaka/atthapali/read_rm.php?B=16&A=7452&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=16&A=7452&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=22&i=22
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=22&A=328
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=22&A=321
             The Pali Tipitaka in Roman Character :-
http://84000.org/tipitaka/read/roman_read.php?B=22&A=321
             Contents of The Tipitaka Volume 22
http://84000.org/tipitaka/read/?index_22