บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Pathamakosalasuttavannana [29] Navame yavatati yattaka. Kasikosalati kasikosalajanapada. Attheva. Annathattanti thitassa annathattam atthiyeva. Atthi viparinamoti maranampi atthiyeva. Tasmimpi nibbindatiti tasmimpi sampattijate ukkanthati. Agge virajjatiti sampattiya agge kosalarajabhavepi virajjati. Pageva hinasminti pathamataramyeva hine ittaramanussanam pancakamagunajate. Manomayati jhanamanena nibbatta. Baranaseyyakanti baranasiyam uppannam. Tattha kira kappasopi mudu, suttakantikayopi tantavayapi cheka, udakampi suci siniddham. Ubhatobhagavimatthanti dvisupi passesu mattham mudu siniddham khayati. Catasso patipada lokiyalokuttaramissika kathita. Sannasu pathama kamavacarasanna dutiya rupavacarasanna, tatiya lokuttarasanna, catuttha akincannayatanasanna. Yasma pana sa sanna aggati agata, tato param sannapannatti nama natthi, tasma aggati vutta. Bahirakananti sasanato bahiddha pavattanam. No cassam no ca me siyati sace aham atite nabhavissam, etarahipi me ayam attabhavo na siya. Na bhavissami na me bhavissatiti sacepi anagate na bhavissami, na ca me kinci palibodhajatam bhavissati. Agge virajjatiti ucchedaditthiyam virajjati. Ucchedaditthi hi idha nibbanassa santatta agganti jata. Paramayakkhavisuddhinti uttamasatte visuddhim. 1- Nevasannanasannayatanasamapattiya etam adhivacanam. Akincannayatananhi vipassanapadatthanatta aggam nama jatam, @Footnote: 1 cha.Ma. paramatthavisuddhinti uttamatthavisuddhim Nevasannanasannayatanam dighayukattati. 1- Paramaditthadhammanibbananti imasminneva attabhave paramanibbanam. Anupadavimokkhoti catuhi upadanehi aggahetva cittassa vimokkho. Arahattassevetam namam. Parinnanti samatikkamam. Tattha bhagava pathamajjhanena kamanam parinnam pannapeti, arupavacarajjhanehi 2- rupanam parinnam pannapeti, anupadanibbanena vedananam parinnam pannapeti. Nibbananhi sabbavedayitap- pahanatta vedananam parinna nama. Anupadaparinibbananti apaccayaparinibbanam. Idam pana suttam kathento bhagava anabhiratipilitani pancabhikkhusatani disva tesam anabhirativinodanattham kathesi. Tepi anabhiratim vinodetva desananusarena nanam pesetva sotapanna hutva aparabhage vipassanam vaddhetva arahattam papunimsuti.The Pali Atthakatha in Roman Book 16 page 338-339. http://84000.org/tipitaka/atthapali/read_rm.php?B=16&A=7604&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=7604&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=29 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=629 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=627 The Pali Tipitaka in Roman Character :- http://84000.org/tipitaka/read/roman_read.php?B=22&A=627 Contents of The Tipitaka Volume 22 http://84000.org/tipitaka/read/?index_22
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]