AtthaPali Vol.16

8. Pabbajitaabhinhasuttavannana [48] Atthame pabbajitenati gharavasam pahaya sasane pabbajjam upagatena. Abhinhanti abhikkhanam punappunam. Paccavekkhitabbati oloketabba sallakkhetabba. Vevanniyanti vivannabhavam virupabhavam. ^2- Tam panetam vevanniyam duvidham hoti sariravevanniyam parikkharavevanniyanca. Tattha kesamassuoropanena sariravevanniyam veditabbam. Pubbe pana nanaviragani sukhumavatthani nivasetvapi nanaggarasabhojanam suvannarajatabhajanesu bhunjitvapi sirigabbhe varasayanasanesu nipajjitvapi nisiditvapi sappinavanitadihi bhesajjam katvapi pabbajitakalato patthaya chinnasanghatita- kasavarasapitavatthani nivasetabbani, ayapatte va mattikapatte va missakodano bhunjitabbo, rukkhamuladisenasanesu munjatinasantharanadisu nipajjitabbam, cammakhandatattikadisu nisiditabbam, putimuttadihi bhesajjam katabbam hoti. Evamettha parikkharavevanniyam veditabbam. Evam paccavekkhato hi kopo ca mano ca pahiyati. Parapatibaddha me jivikati mayham paresu patibaddha parayatta catupaccayajivikati. Evam paccavekkhato hi ^3- iriyapatho saruppo hoti ^3- ajivo parisujjhati, pindapato ca apacito hoti, catusu paccayesu apaccavekkhitaparibhogo nama na hoti. Anno me akappo karaniyoti yo gihinam uram abhiniharitva givam paggahetva lalitenakarena aniyatapadavitiharena ^4- gamanakappo hoti, tato annova akappo @Footnote: ¹ Ma. idameva ² cha.Ma. ayam patho na dissati @^3-3 cha.Ma. ime patha na dissanti ⁴ Ma. aniyatapadavitiharo Maya karaniyo, santindriyena santamanasena yugamattadassina visamatthane udakasakateneva mandamitapadavitikarena ^1- hutva gantabbanti paccavekkhitabbam. Evam paccavekkhato hi iriyapatho saruppo hoti, tisso sikkha paripurenti. Kacci nu khoti sallakkhane nipatasamudayo. Attati cittam. Silato na upavadatiti aparisuddham te silanti silapaccaya na upavadati. Evam paccavekkhato hi ajjhattam hiri samutthati, sa tisu dvaresu samvaram sadheti, tisu dvaresu samvaro catuparisuddhisilam hoti, catuparisudadhisile thito. Vipassanam vaddhetva arahattam ganhati. Anuvicca vinnu sabrahmacariti pandita sabrahmacarino anuvicaretva. Evam paccavekkhato hi bahiddha ottappam santhati, tam tisu dvaresu samvaram sadhetiti anantaranayeneva veditabbam. Nanabhavo vinabhavoti jatiya nanabhavo, maranena vinabhavo. Evam paccavekkhato hi tisu dvaresu pamattakaro ^2- nama na hoti, maranassati supatthita hoti. Kammassakomhitiadisu kammam mayham sakam attano santakanti kammassaka. Kammena databbam phalam dayam, kammassa dayam kammadayam, tam adiyamiti kammadayado. Kammam mayham yoni karananti kammayoni. Kammam mayham bandhu natakoti kammabandhu. Kammam mayham patisaranam patitthati kammapatisarano. Tassa dayado bhavissamiti tassa kammassa dayado tena dinnaphalam patiggahako bhavissami. Evam kammassakatam paccavekkhato papakaranam nama na hoti. Kathambhutassa me rattindiva vitipatantiti ^3- kim nu kho me vattapatipattim karontassa, udahu akarontassa, buddhavacanam sajjhayantassa, udahu asajjhayantassa, yonisomanasikare kammam karontassa, udahu akarontassati kathambhutassa me rattindiva vitipatanti, parivattantiti attho. Evam paccavekkhato hi appamado paripurati. Sunnagare abhiramamiti vivittokase sabbiriyapathesu ekakova hutva kacci nu kho abhiramamiti attho. Evam paccavekkhato kayaviveko paripurati. Uttarimanussadhammati ^4- @Footnote: ¹ Si. manapaniyamitapadavitapadavitiharena ² cha.Ma. asamvutakaro @³ cha.Ma. vitivattantiti ⁴ cha.Ma. uttarimanussadhammoti Uttarimanussanam ukkatthamanussabhutanam jhayinam ceva ariyanam ca jhanadidhamma, ^1- dasakusalakammapathasankhatamanussadhammato va uttaritara visitthatara dhamma ^2- me mama santane atthi nu kho, santi nu khoti attho. Alamariyananadassanavisesoti mahaggatalokuttarapanna pajananatthena nanam, cakkhuna ditthamiva dhammam paccakkhakaranato dassanatthena dassananti nanadassanam, ariyam visuddham uttamam nanadassananti ariyananadassanam, alam pariyattakam kilesaviddhamsanasamattham ariyananadassanamettha, assa vati alamariyananadassano, jhanadibhedo uttarimanussadhammo. Alamariyananadassano ca so viseso cati alamariyananadassanaviseso. Athava tameva kilesaviddhamsanasamattham visudadham nanadassanameva visesoti alamariyananadassanaviseso va. Adhigatoti patiladdho me atthi nu kho. Sohanti patiladdhaviseso so aham. Pacchime kaleti maranamance nipannakale. Putthoti sabrahmacarihi adhigatagunavisesam pucchito. Na manku bhavissamiti patitakkhandho nittejo na hessamiti. Evam paccavekkhantassa hi moghakalakiriya nama na hoti.

The Pali Atthakatha in Roman Book 16 page 348-350. http://84000.org/tipitaka/atthapali/read_rm.php?B=16&A=7831&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=7831&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=46 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1201 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1232 The Pali Tipitaka in Roman Character :- http://84000.org/tipitaka/read/roman_read.php?B=22&A=1232 Contents of The Tipitaka Volume 22 http://84000.org/tipitaka/read/?index_22