AtthaPali Vol.16

8. 3. Akankhavagga 1. Akankhasuttavannana [71] Tatiyassa pathame sampannasilati paripunnasila, silasamangino hutvati attho. Tattha dvihi karanehi sampannasilata hoti silavipattiya ca adinavadassanena, sila- sampattiya ca anisamsadassanena. Tadubhayampi visuddhimagge ^1- vittharitam. Tattha "sampannasila"ti ettavata kira bhagava catuparisuddhisilam uddisitva "patimokkha- samvarasamvuta"ti imina tattha jetthakam silam vittharetva dassesiti dipaviharavasi sumatthero aha. Antevasiko panassa tepitakaculanagatthero aha:- ubhayatthapi patimokkhasamvaro bhagavata vutto. Patimokkhasamvaroyeva hi silam, itarani pana tini silanti vuttatthanam nama atthiti ananujananto vatva aha:- indriyasamvaro nama chadvararakkhamattakameva, ajivaparisuddhi dhammena samena paccayuppattimattakam, paccayasannissitam patiladdhapaccaye idamatthanti paccavekkhitva paribhunjanamattakam. Nippariyayena patimokkhasamvarova silam. Yassa so bhinno, ayam sisacchinno viya puriso hatthapade sesani rakkhissatiti na vattabbo. Yassa pana so arogo, ayam acchinnasiso viya puriso jivitam sesani puna pakatikani katum sakkoti. Tasma "sampannasila"ti imina patimokkhasamvaram uddisitva "sampannapatimokkha"ti tasseva vevacanam vatva tam vittharetva dassento patimokkhasamvarasamvutatiadimaha. Tattha patimokkhasamvara- samvutatiadini vuttatthaneva. Akankheyya ceti idam kasma araddhanti? silanisamsa- dassanattham. Sace hi ^2- acirapabbajitanam va duppannanam va evamassa "bhagava `silam puretha silam puretha'ti vadati, ko nu kho silapurane anisamso, ko viseso, ka vuddhi"ti, tesam dasa anisamse dassetum evamaha "appeva nama etam sabrahmacarinam piyamanapatadim asavakkhayapariyosanam anisamsam sutvapi silam paripureyyun"ti. @Footnote: ¹ visuddhi. 1/10,63 silaniddesa: silanisamsakatha, silasankilesa (sya) @² cha.Ma. sacepi Tattha akankheyya ceti yadi iccheyya. Piyo cassanti piyacakkhuhi sampassitabbo, sinehuppattiya upatthanabhuto ^1- bhaveyyam. Manapoti tesam manavaddhako, ^2- tesam va manena pattabbo, mettacittena pharitabboti attho. Garuti tesam garutthaniyo pasanacchattasadiso. Bhavaniyoti "addhayamayasma janam janati passam passati"ti evam sambhavaniyo. Silesvevassa paripurikariti catuparisuddhisilesuyeva paripurikari assa, anunena paripurena ^3- akarena samannagato bhaveyyati vuttam hoti. Ajjhattam cetosamathamanuyuttoti attano cittasamathe yutto. Anirakatajjhanoti bahi anihatajjhano, avinasitajjhano va. Vipassanayati sattavidhaya anupassanaya. Bruheta sunnagarananti vaddheta sunnagaranam. Ettha ca samathavipassanavasena kammatthanam gahetva rattindivam sunnagaram pavisitva nisidamano bhikkhu "bruheta sunnagaranan"ti veditabbo. Ayamettha sankhepo, vittharo pana icchantena majjhimanikayatthakathaya ^4- akankheyyasuttavannanayam oloketabbo. Labhiti ettha na bhagava labhanimittam siladisu paripuranam katheti. bhagava hi "ghasesanam chinnakatho, na vacam payutam bhane"ti ^5- evam savake ovadati. So katham labhanimittam siladiparipuranam kathessati. ^6- Puggalajjhasayavasena panetam vuttam. Yesanhi evam ajjhasayo bhaveyya "sace mayam catuhi paccayehi na kilameyyama, silani paripuretum sakkuneyyama"ti, tesam ajjhasayavasenevamaha. Apica sarasanisamso ^7- esa silassa yadidam cattaro paccaya nama. Tatha hi panditamanussa kotthadisu thapitam niharitva attanapi aparibhunjitva silavantanam denti silassa sarasanisamsadassanatthametam vuttam. Tatiyavare yesahanti yesam aham. Tesante karati tesam devanam va manussanam va te mayi kata paccayadanakaRa. Mahapphala hontu mahanisamsati lokiyasukhena @Footnote: ¹ cha.Ma. padatthanabhuto ² cha.Ma. manavaddhanako @³ cha.Ma. ayam patho na dissati ⁴ pa.su 1/64/166 @⁵ khu.su. 25/717/474 nalakasutta ⁶ cha.Ma. katheyya ⁷ Si.,Ma. dasanisamso Phalabhutena mahapphala, lokuttarena mahanisamsa. Ubhayam va etam ekatthameva. Siladiguna- yuttassa hi katacchubhikkhapi pancaratanamattaya bhumiya pannasalapi katva dinna anekani kappasahassani duggativinipatato rakkhati, pariyosane ca amataya dhatuya nibbanassa paccayo hoti. "khirodanam ahamadasin"tiadini ^1- cettha vatthuni. Sakalameva va petavatthu vimanavatthu ca sadhakam. Catutthavare petati maccubhavam ^2- gata. Natiti sassusasurapakkhika. Salohitati ekalohitabaddha pitamahadayo. ^3- Kalakatati mata. Tesantanti tesam tam mayi pasanna- cittam, tam va pasannena cittena anussaranam. Yassa hi bhikkhuno kalakato pita va mata va "amhakam natakatthero silava kalyanadhammo"ti pasannacitto hutva tam bhikkhum anussarati, tassa so cittappasadopi tam anussaranamattampi mahapphalam mahanisamsameva hoti. Aratiratisahoti nekkhammapatipattiyam ^4- aratiya kamagunesu ratiya ca saho abhibhavita ajjhottharita. Bhayabheravasahoti ettha bhayam cittutrasopi arammanampi, bheravam arammanameva.

The Pali Atthakatha in Roman Book 16 page 356-358. http://84000.org/tipitaka/atthapali/read_rm.php?B=16&A=8004&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=8004&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=69 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1932 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1986 The Pali Tipitaka in Roman Character :- http://84000.org/tipitaka/read/roman_read.php?B=22&A=1986 Contents of The Tipitaka Volume 22 http://84000.org/tipitaka/read/?index_22