AtthaPali Vol.16

9. Kokalikasuttavannana [89] Navame kokaliko bhikkhu yena bhagava tenupasankamiti ko ayam kokaliko, kasma ca upasankami? ayam kira kokalikaratthe kokalikanagare kokalikasetthissa putto pabbajitva pitara karite vihare pativasati. ^2- Culakokalikoti namena, na pana devadattassa sisso. So hi brahmanaputto mahakokaliko nama. Bhagavati pana savatthiyam viharante dve aggasavaka pancamattehi bhikkhusatehi saddhim pajapadacarikam caramana upakatthaya vassupanayikaya vivekavasam vasitukama te bhikkhu @Footnote: ¹ cha.Ma..... jatikoti ² cha.Ma. vasati

--------------------------------------------------------------------------------------------- page363.

Uyyojetva attano pattacivaramadaya tasmim janapade tam nagaram patva viharam agamamsu. Tattha nesam kokaliko vattam dassesi. ^1- Tepi tena saddhim sammoditva "avuso mayam idha temasam vasissama, ma no kassaci arocesi"ti patinnam gahetva vasimsu. Vasitva pavaranadivase pavaretva "gacchama mayam avuso"ti kokalikam apucchimsu. Kokaliko "ajjavuso ekadivasam vasitva sve gamissatha"ti vatva dutiyadivase nagaram pavisitva manusse amantesi "avuso tumhe dve agga- savake idhevagantva vasamanepi na janatha, na te koci paccayenapi nimanteti"ti. Nagaravasino "kaham bhante thera, kasma no narocayittha"ti. Kim avuso arocitena, kim na passatha dve bhikkhu therasane nisidante, ete aggasavakati. Te khippam sannipatitva sappiphanitadini ceva civaradussani ca samharimsu. Kokaliko cintesi "paramappiccha aggasavaka payuttavacaya uppannam labham na sadiyissanti, asadiyanta `avasikassa detha'ti vakkhanti"ti tam labham ^2- gahapet- va theranam santikam agamasi. Thera disvava "ime paccaya nevamhakam, na kokalikassa kappanti"ti patikkhipitva pakkamimsu. Kokaliko "katham hi nama attana ^3- agganhanta mayhampi adapetva pakkamissanti"ti aghatam uppadesi. Tepi bhagavato santikam gantva bhagavantam vanditva puna attano parisam adaya pajapadacarikam caranta anupubbena tasmim ratthe tadeva nagaram paccagamimsu. Nagara there sanjanitva saha parikkharehi danam sajjetva nagaramajjhe mandapam katva danam adamsu. Therananca parikkhare upanamesum. Thera bhikkhusamghassa niyyadayimsu. Tam disva kokaliko cintesi "ime pubbe appiccha ahesum, idani papiccha jata, pubbepi appicchasantutthapavivittasadisava manne"ti there upasankamitva "avuso tumhe pubbe appiccha viya, idani pana papabhikkhu jatattha"ti vatva "mulatthaneyeva nesam patittham @Footnote: ¹ cha.Ma. akasi ² Ma. tam bhandam ³ cha.Ma. sayam

--------------------------------------------------------------------------------------------- page364.

Bhindissami"ti taramanarupo nikkhamitva yena bhagava tenupasankami. Ayamesa kokaliko, imina ca karanena upasankamiti veditabbo. Bhagava tam turitam turitam agacchantam disvava avajjento annasi "ayam aggasavake akkositukamo agato, sakka nu kho patisedhetun"ti. Tato "na sakka patisedhetum, theresu aparajjhitva agato, ekamsena pana padumaniraye nibbattissati"ti disva "sariputtamoggallanepi nama garahantam sutva na nisedheti"ti vadamocanattham ariyupavadassa ca mahasavajjabhavadassanattham mahevanti tikkhattum patisedhesi. Tattha mahevanti ma evam abhani. Saddhayikoti saddhaya akaro ^1- pasadavaho, saddhatabbavacano va. Paccayikoti patiyayitabbavacano. ^2- Pakkamiti kammanubhavena codiyamano pakkami. Okasakatanhi kammam na sakka patibahitum. Acirapakkantassati pakkantassa sato na cireneva. Sabbo kayo phuttho ahositi kesaggamattampi okasam avajjetva sakalasariram atthini bhinditva uggatahi pilakahi ajjhotthatam ahosi. Yasma pana buddhanubhavena tatharupam kammam buddhanam sammukhibhave vipakam detum na sakkoti, garudassanupacare ^3- vijahitamatte deti, tasma tassa acirapakkantassa pilaka utthahimsu. Kalayakamattiyoti ^4- canakamattiyo. Beluvasalatukamattiyoti tarunabeluvamattiyo. Pabhijjimsuti bhijjimsu. ^5- Tasu bhinnasu sakalasariram panasapakkam viya ahosi. So pakkena gattena jetavanadvarakotthake visagilito maccho viya kadalipattesu nipajji. Atha dhammassavanattham agata ^6- manussa "dhi kokalika, dhi kokalika, ayuttamakasi, attanoyeva mukham nissaya anayabyasanam pattosi"ti ahamsu. Tesam saddham sutva arakkhadevata dhikkaram akamsu, arakkhadevatanam akasadevatati ^7- imina upayena yava akanitthabhavana ekadhikkaro udapadi. @Footnote: ¹ ka. saddhaya agamakaro, sa.pa. 1/181/207 kokasikasuttavannana @² cha.Ma. pattiyayitabbavacano ³ cha.Ma. dassanupacare ⁴ cha.Ma. kalayamattiyoti @⁵ Si.,Ma. bhindimsu ⁶ cha.Ma. agatagata ⁷ Si. uparidevatati, Ma. bhumatthadevatati

--------------------------------------------------------------------------------------------- page365.

Tuditi ^1- kokalikassa upajjhayo tuditthero ^2- nama anagamiphalam patva brahma- loke nibbatto. So bhummattha devata adim katva "ayuttam kokalikena katam aggasavake antimavatthuna abbhacikkhantena"ti paramparaya brahmalokam sampattam saddam sutva "ma mayham passantasseva varako nassi, ovadissami nam theresu cittappasadat- thaya"ti agantva tassa purato atthasi. Tam sandhayetam vuttam "tudipacceka- brahma"ti. ^3- Pesalati piyasila. Kosi tvam avusoti nipannakova kabarakkhini ummiletva evamaha. Passa yavanca teti passa ^4- yattakam taya aparaddham, attano nalate mahagandam apassanto sasapamattaya pilakaya mam coditabbam mannasiti aha. Atha nam "anitthappatto ^5- ayam kokaliko, gilitaviso viya na kassaci vacanam karissati"ti natva purisassa hitiadimaha. Tattha kuthariti kutharisadisa pharusavaca. Chindatiti kusalamulasankhate muleyeva nikantati. Nindiyanti ninditabbam dussila- puggalam. Pasamsatiti uttamatthe sambhavetva khinasavoti vadati. Tam va nindati yo pasamsiyoti yo va passitabbo khinasavo, tam antimavatthuna codento "dussilo ayan"ti vadati. Vicinati mukhena so kalinti so nam aparadham mukhena vicinati nama. Kalina tenati tena aparadhena sukham na vindati. Nindiyapasamsaya hi pasamsiyanindaya ca samakova vipako. Sabbassapi sahapi attanati sabbena sakena dhanenapi attanapi saddhim yo akkhesu dhanaparajayo nama, ayam appamattako aparadho. Yo sugatesuti yo pana sammaggatesu puggalesu cittam paduseyya, ^6- ayam cittappasadova tato kalito mahantataro kali. Idani tassa mahantatarabhavam dassento satam sahassanantiadimaha. Tattha satam sahassananti nirabbudagananaya satasahassam. Chattimsatiti aparani chattimsati @Footnote: ¹ Si. tuduti, cha.Ma. turuti ² cha.Ma. turutthero @³ cha.Ma. turu paccekabrahmati ⁴ cha.Ma. ayam patho na dissati @⁵ Ma. nitthippatto, cha. aditthippatto ⁶ cha.Ma. duseyya

--------------------------------------------------------------------------------------------- page366.

Nirabbudani. Panca cati abbudagananaya panca abbudani. Yamariyagarahiti yam ariye garahanto nirayam upapajjati, tattha ettakam ayuppamananti attho. Kalamakasiti upajjhaye pakkante kalam akasi. Padumanirayanti patiyekko padumanirayo nama natthi. Avicimahanirayamhiyeva pana padumagananaya pacitabbe ekasmim thane nibbatti. Visatikharikoti magadhakena patthena cattaro pattha kosalaratthe eko pattho hoti, tena patthena cattaro pattha alhakam, cattari alhakani donam, catudona manika, catumanika khari, taya khariya visatikhariko. Tilavahoti magadhakanam sukhumatilanam tilasakatam. Abbudo nirayoti abbudo nama patiyekko nirayo natthi. Avicimhiyeva pana abbudagananaya pacitabbatthanassetam namam. Nirabbudadisupi eseva nayo. Vassagananapi panettha evam veditabba:- yatheva hi satam satasahassani koti hoti, evam satam satasahassakotiyo pakoti nama hoti, satam satasahassappatikotiyo kotippakoti nama, satam satasahassakotippakotiyo nahutam, satam satasahassanahutani ninnahutam, satam satasahassaninnahutani ekam abbudam, tato visatigunam nirabbudam, esa nayo sabbatthati. Dasamam hettha vuttanayeneva veditabbam. Sesam sabbattha

The Pali Atthakatha in Roman Book 16 page 362-366. http://84000.org/tipitaka/atthapali/read_rm.php?B=16&A=8157&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=8157&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=87 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=2601 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=2715 The Pali Tipitaka in Roman Character :- http://84000.org/tipitaka/read/roman_read.php?B=22&A=2715 Contents of The Tipitaka Volume 22 http://84000.org/tipitaka/read/?index_22