ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
previous bookno pageNumbernext book chage to ROMAN letter  
Atthakatha Book 18 : PALI ROMAN Dha.A.1 yamakavagga.

page1.

Dhammapadatthakatha ---------- panamagatha mahamohatamonaddhe loke lokantadassina yena saddhammapajjoto jalito jalitiddhina tassa pade namassitva sambuddhassa sirimato saddhammancassa pujetva katva sanghassa canjalim, "tam tam karanamagamma dhammadhammesu kovido sampannasaddhammapado sattha dhammapadam subham desesi karunavega samussahitamanaso yam ve devamanussanam pitipamojjavaddhanam paramparabhata tassa nipuna atthavannana, ya tambapannidipamhi dipabhasaya santhita na sadhayati sesanam sattanam hitasampadam, appeva nama sadheyya sabbalokassa sa hitam " iti asimsamanena dantena samacarina kumarakassapenaham therena thiracetasa saddhammatthitikamena sakkaccam abhiyacito, tam bhasam ativittharam gatanca vacanakkamam pahayaropayitvana tantim bhasam manoramam,

--------------------------------------------------------------------------------------------- page2.

Gathanam byanjanapadam yam tattha na vibhavitam kevalantam vibhavetva sesantameva atthato bhasantarena bhasissam avahanto vibhavinam manaso pitipamojjam atthadhammupanissitanti. ---------------

--------------------------------------------------------------------------------------------- page3.

1. Yamakavaggavannana ----------- 1. Cakkhupalattheravatthu. (1) Manopubbangama dhamma manosettha manomaya, manasa ce padutthena bhasati va karoti va, tato nam dukkhamanveti cakkamva vahato padanti. Ayam dhammadesana kattha bhasitati. "savatthiyam." "kam arabbhati. "cakkhupalattheram. " Savatthiyam kira mahasuvanno nama kutumbiko ahosi addho mahaddhano mahabhogo aputtako. So ekadivasam nahanatittham gantva nahatva agacchanto antaramagge sampannasakham ekam vanappatim disva, "ayam mahesakkhaya devataya pariggahito bhavissatiti tassa hetthabhagam sodhapetva pakaraparikkhepam karapetva valukam okirapetva dhajapatakam ussapetva vanappatim alankaritva "puttam va dhitaram va labhitva tumhakam mahasakkaram karissamiti patthanam katva pakkami. Athassa bhariyaya kucchiyam gabbho patitthasi. So tassa gabbha- pariharam adasi. Sa dasamasaccayena puttam vijayi. Setthi attana palitam vanappatim nissaya laddhatta tassa "paloti namam akasi. Aparabhage annam puttam labhi. Tassa "cullapaloti namam katva,

--------------------------------------------------------------------------------------------- page4.

Itarassa "mahapaloti namam kari. Te vayappatte gharabandhanena bandhimsu. Aparabhage matapitaro kalamakamsu. Sabbam bhogam dvinnamyeva vivaresum. Tasmim samaye sattha pavattitapavaradhammacakko anupubbena gantva, anathapindikamahasetthina catuppannasakotidhanam vissajjetva karite jetavanamahavihare viharati; mahajanam saggamagge ca mokkhamagge ca patitthapayamano. Tathagato hi "matipakkhato asitiya pitipakkhato asitiyati dveasitinatikulasahassehi karite nigrodhamahavihare ekameva vassavasam vasi, anathapindikena karite jetavanamahavihare ekunavisati, visakhaya sattavisatikotidhanapariccagena karite pubbarame cha vassavaseti dvinnam kulanam gunamahantatam paticca savatthim nissaya pancavisati vassavase vasi. Anathapindikopi visakhapi mahaupasika nibaddham divasassa dve vare tathagatassa upatthanam gacchanti. Gacchanta ca "daharasamanera no hatthe olokessantiti tucchahattha na gatapubba: purebhattam gacchanta khadaniyadini gahapetva gacchanti, pacchabhattam panca bhesajjani attha ca panani. Nivesanesu pana tesam dvinnam dvinnam bhikkhusahassanam niccam pannattanevasanani honti. Annapanabhesajjesu yo yam icchati, tassa tam yathicchitameva sampajjati, tesu anathapindikena ekameva divasam sattharam 1- panho 2- na pucchitapubbo. So kira "tathagato @Footnote: 1. satthatipi. 2. panhantipi.

--------------------------------------------------------------------------------------------- page5.

Buddhasukhumalo khattiyasukhumalo `bahupakaro me gahapatiti mayham dhammam desento kilameyyati, satthari adhimattasinehena panham na pucchati. Sattha pana tasmim nisinnamatteyeva "ayam setthi mam arakkhitabbatthane rakkhati, aham hi kappasatasahassadhikani cattari asankheyyani alankatappatiyattam attano sisam chinditva akkhini uppatetva hadayamamsam ubbattetva panasamam puttadaram pariccajitva paramiyo purento paresam dhammadesanatthameva puresim, esa mam arakkhitabbatthane rakkhatiti ekam dhammadesanam kathesiyeva. Tada savatthiyam satta manussakotiyo vasanti. Tesu satthu dhammakatham sutva pancakotimatta manussa ariyasavaka jata, dvekotimatta puthujjana. Tesu ariyasavakanam dveyeva kiccani ahesum: purebhattam danam denti, pacchabhattam gandhamaladihattha vatthabhesajjapanakadim gahapetva dhammassavanatthaya gacchanti. Athekadivasam mahapalo ariyasavake gandhamaladihatthe viharam gacchante disva, "ayam mahajano kuhim gacchatiti pucchitva, "dhammassavanayati sutva, "ahampi gamissamiti, gantva sattharam vanditva parisapariyante nisidi. Buddha ca nama dhammam desenta, saranasilapabbajjadinam upanissayam oloketva ajjhasayavasena dhammam desenti; tasma tamdivasam sattha tassa upanissayam oloketva dhammam desento anupubbikatham kathesi. Seyyathidam? danakatham silakatham saggakatham kamanam

--------------------------------------------------------------------------------------------- page6.

Adinavam okaram sankilesam nekkhamme anisamsam pakasesi. Tam sutva mahapalo kutumbiko cintesi "paralokam gacchantam puttadhitaro va bhoga va nanugacchanti, sarirampi attana saddhim na gacchati; kim me gharavasena, pabbajissamiti. So desanapariyosane sattharam upasankamitva pabbajjam yaci. Atha nam sattha "natthi te koci apucchitabbayuttako natiti aha. "kanitthabhata me atthi bhanteti. "tenahi tam apucchahiti. So "sadhuti sampaticchitva sattharam vanditva geham gantva kanittham pakkosapetva "tata yam imasmim kule savinnanakavinnanakam dhanam kinci atthi, sabbantam tava bharo, patipajjahi nanti. "tumhe pana samiti. "aham satthu santike pabbajissamiti. "kim kathesi bhatika; tvam me matari mataya mata viya, pitari mate pita viya laddho, gehe vo mahavibhavo, sakka geham ajjhavasanteheva punnani katum; ma evamakatthati. "tata maya satthu dhammadesana suta, satthara hi sanhasukhumam tilakkhanam aropetva adimajjhapariyosanakalyanadhammo desito. Na sakka so agaramajjhe puretum; pabbajissami tatati. "bhatika tarunapica tava, mahallakakale pabbajissathati. "tata mahallakassa hi attano hatthapadapi anassava honti, na vase vattanti, kimangam pana nataka, svaham tava vacanam na karomi, samanapatipattim puressami, jarajajjarita honti hatthapada anassava yassa, so vihatatthamo katham dhammam carissati,

--------------------------------------------------------------------------------------------- page7.

Pabbajissamevaham tatati. Tassa viravantasseva, satthu santikam gantva pabbajjam yacitva, laddhapabbajjupasampado acariyupajjhayanam santike panca vassani vasitva, vutthavasso pavaretva, sattharam upasankamitva vanditva pucchi "bhante imasmim sasane kati dhuraniti. "ganthadhuram vipassanadhuranti dveyeva dhurani bhikkhuti. "katamam pana bhante ganthadhuram, katamam vipassanadhuranti. "attano pannanurupena ekam va dve va nikaye sakalam va pana tepitakam buddhavacanam ugganhitva tassa dharanam kathanam vacananti idam ganthadhuram nama. Sallahukavuttino pana pantasenasanabhiratassa attabhave khayavayam patthapetva sataccakiriyavasena vipassanam vaddhetva arahattaggahananti idam 1- vipassanadhuram namati. "bhante aham mahallakakale pabbajito ganthadhuram puretum na sakkhissami, vipassanadhuram pana puressami; kammatthanam me kathethati. Athassa sattha yava arahatta kammatthanam kathesi. So sattharam vanditva, attana sahagamino bhikkhu pariyesanto satthi bhikkhu labhitva, tehi saddhim nikkhamitva, visayojanasatamaggam gantva, ekam mahantam paccantagamam patva, tattha saparivaro pindaya pavisi. Manussa vattasampanne bhikkhu disva pasannacitta, asanani pannapetva nisidapetva, panitenaharena parivisitva, "bhante kuhim ayya gacchantiti pucchitva, "yathaphasukatthanam upasakati @Footnote: 1. katthaci `iti idanti na dissati.

--------------------------------------------------------------------------------------------- page8.

Vutte, panditamanussa "vassavasam senasanam pariyesanti bhadantati natva "bhante sace ayya imam temasam idha vaseyyum; mayam saranesu patitthaya, silani ganheyyamati ahamsu. Tepi "mayam imani kulani nissaya, bhavanissaranam karissamati adhivasesum. Manussa tesam patinnam gahetva viharam patijaggitva rattitthanadivatthanani sampadetva adamsu. Te nibaddham tameva gamam pindaya pavisanti. Atha ne eko vejjo upasankamitva, "bhante bahunnam vasanatthane aphasukampi nama hoti, tasmim uppanne, mayham katheyyatha; bhesajjam karissamiti pavaresi. Thero vassupanayikadivase te bhikkhu amantetva pucchi "avuso imam temasam katihi iriyapathehi vitinamessathati. "catuhi bhanteti. "kim panetam avuso patirupam, nanu appamattehi bhavitabbam? mayam hi dharamanassa buddhassa santika kammatthanam gahetva agata, buddha ca nama na sakka sathena aradhetum, kalyanajjhasayena hete aradhetabba, pamattassa ca nama cattaro apaya sakagehasadisa, appamatta hothavusoti. "tumhe pana bhanteti. "aham tihi iriyapathehi vitinamessami, pitthim na pasaressami avusoti. "sadhu bhante, appamatta hothati. Therassa niddam anokkamantassa, pathamamase atikkante, akkhirogo uppajji. Chiddaghatato udakadhara viya akkhihi dhara paggharanti. So sabbarattim samanadhammam katva, arunuggamane gabbham pavisitva nisidi.

--------------------------------------------------------------------------------------------- page9.

Bhikkhu bhikkhacaravelaya therassa santikam gantva "bhikkhacaravela bhanteti ahamsu. "tenahavuso ganhatha pattacivaranti attano pattacivaram gahapetva nikkhami. Bhikkhu tassa akkhi paggharante disva "kimetam bhanteti pucchimsu. "akkhi me avuso vata vijjhantiti. "nanu bhante vejjenamha pavarita, tassa katheyyamati. "sadhavusoti. Te vejjassa kathayimsu. So telam pacitva pesesi. Thero nasaya telam asincanto nisinnakova asincitva antogamam pavisi. Vejjo disva aha "bhante ayyassa kira akkhi vato vijjhatiti. "ama upasakati. "bhante maya telam pacitva pesitam, nasaya vo asittanti. "ama upasakati. "idani kidisanti. "rujateva upasakati. Vejjo "maya ekavareneva vupasamanattham telam pahitam, kinnu kho rogo na vupasantoti cintetva "bhante nisiditva vo asittam, nipajjitvati pucchi. Thero tunhi ahosi; punappunam pucchiyamanopi na kathesi. So "viharam gantva vasanatthanam olokessamiti cintetva "tenahi bhante gacchathati theram vissajjetva viharam gantva therassa vasanatthanam olokento cankamananisidanatthanameva disva sayanatthanam adisva "bhante nisinnehi vo asittam, nippannehiti pucchi. Thero tunhi ahosi. "ma bhante evamakattha; samanadhammo nama, sarire yapente, sakka katum; nipajjitva asincathati punappunam yaci. "gacchavuso,

--------------------------------------------------------------------------------------------- page10.

Mantetva janissamiti. Therassa ca tattha neva nati na salohita 1- atthi, kena saddhim manteyya? karajakayena pana saddhim mantento "vadehi tava avuso palita, kim akkhi olokessasi udahu buddhasasanam? anamataggasmim hi samsaravatte tava akkhikanassa ganana natthi, anekani pana buddhasatani buddhasahassani atitani; tesu ekabuddhopi na paricchinno, idani imam antovassam tayo mase na nipajjissamiti te manasam baddham; tasma cakkhuni te nassantu va bhijjantu va; buddhasasanameva dharehi, ma cakkhuniti bhutakayam ovadanto ima gatha abhasi "cakkhuni hayantu 2- mamayitani, sotani hayantu, tatheva deho, sabbampidam hayatu dehanissitam; kimkarana palita tvam pamajjasi. Cakkhuni jirantu 3- mamayitani, sotani jirantu 3-, tatheva kayo, sabbampidam jiratu 4- kayanissitam; kimkarana palita tvam pamajjasi. Cakkhuni bhijjantu 5- mamayitani, sotani bhijjantu 5- tatheva rupam, @Footnote: 1. natisalohitatipi patho. 2. Si. hayanti. 3. Si. jiranti. 4. Si. jirati. @5. Si. bhijjanti.

--------------------------------------------------------------------------------------------- page11.

Sabbampidam bhijjatu 1- rupanissitam; kimkarana palita tvam pamajjasiti. Evam tihi gathahi attano ovadam datva nisinnakova natthukammam katva gamam pindaya pavisi. Vejjo disva "kim bhante natthukammam katanti pucchi. "ama upasakati. "kidisam bhanteti. Rujateva upasakati. "nisiditva vo bhante katam, nipajjitvati. Thero tunhi ahosi; punappunam pucchitopi, na kinci kathesi. Atha nam vejjo "bhante tumhe sappayam na karotha, ajja patthaya `asukena me telam pakkanti ma vadittha, ahampi `maya vo telam pakkanti na vakkhamiti aha. So vejjena paccakkhato, viharam gantva "vejjenapi paccakkhatosi, iriyapatham ma vissajji samanati, "patikkhitto tikicchaya vejjenasi vivajjito niyato maccurajassa, kim palita pamajjasiti imaya gathaya attanam ovaditva samanadhammam akasi. Athassa majjhimayame atikkantamatte, apubbam acarimam akkhini ceva kilesa ca pabhijjimsu. So sukkhavipassako araha hutva gabbham pavisitva nisidi. Bhikkhu bhikkhacaravelaya gantva "bhikkhacarakalo bhanteti ahamsu. "kalo avusoti. "ama bhanteti. "tenahi gacchathati. "tumhe pana bhanteti. "akkhini me avuso parihinaniti. Te tassa akkhini oloketva assupunnanetta hutva "bhante @Footnote: 1. Si. bhijjati.

--------------------------------------------------------------------------------------------- page12.

Ma cintayittha, mayam vo patijaggissamati theram assasetva kattabbayuttakam vattapativattam katva gamam pavisimsu. Manussa theram adisva "bhante amhakam ayyo kuhinti pucchitva tam pavattim sutva yagum pesetva sayam pindapatam adaya gantva theram vanditva padamule pavattamana roditva "mayam bhante patijaggissama, tumhe ma cintayitthati samassasetva pakkamimsu. Tato patthaya nibaddham yagubhattam viharameva pesenti. Theropi itare satthibhikkhu nirantaram ovadati. Te tassovade thatva upakkatthaya pavaranaya, sabbeva saha patisambhidahi arahattam papunimsu, vutthavassa ca pana sattharam datthukama hutva theram ahamsu "bhante sattharam datthukamamhati. Thero tesam vacanam sutva cintesi "aham dubbalo, antaramagge ca amanussapariggahita atavi atthi, mayi etehi saddhim gacchante, sabbe kilamissanti, bhikkhampi labhitum na sakkhissanti, ime puretarameva pesessamiti. Atha ne aha "avuso tumhe purato gacchathati. "tumhe pana bhanteti. "aham dubbalo, antaramagge ca amanussapariggahita atavi atthi, mayi tumhehi saddhim gacchante, sabbe kilamissatha, tumhe purato gacchathati. "ma bhante evam karittha, mayam tumhehi saddhimyeva gamissamati. "ma vo avuso evam ruccittha, evam sante mayham aphasukam bhavissati, mayham kanittho tumhe disva pucchissati, athassa mama cakkhunam parihinabhavam aroceyyatha; so mayham santikam kancideva

--------------------------------------------------------------------------------------------- page13.

Pahinissati; tena saddhim agacchissami; tumhe mama vacanena dasabalanca asitimahathere ca vandathati te uyyojesi. Te theram khamapetva antogamam pavisimsu. Manussa te nisidapetva bhikkham datva "kim bhante ayyanam gamanakaro pannayatiti. "ama upasaka, sattharam datthukamamhati. Te punappunam yacitva tesam gamanachandameva natva anugantva paridevitva nivattimsu. Tepi anupubbena jetavanam gantva sattharanca mahathere ca therassa vacanena vanditva punadivase, yattha therassa kanittho vasati; tam vithim pindaya pavisimsu. Kutumbiko te sanjanitva nisidapetva katapatisantharo, "bhatikatthero me kuhinti pucchi. Athassa te tam pavattim arocesum. So tesam padamule pavattento roditva pucchi "idani bhante kim katabbanti. "thero ito kassaci gamanam paccasimsati, gatakale tena saddhim agamissatiti. "ayam me bhante bhagineyyo palito nama, etam pesethati. "evam pesetum na sakka, magge paripantho atthi, pabbajetva pesetum vattatiti. "evam katva pesetha bhanteti. Atha nam pabbajetva addhamasamattam civaraggahanadini sikkhapetva maggam acikkhitva pahinimsu. So anupubbena tam gamam patva gamadvare ekam mahallakam disva "imam gamam nissaya koci arannako viharo atthiti pucchi. "atthi bhanteti. "ko tattha vasatiti. "palitatthero nama bhanteti. "maggam me acikkhathati. "kosi

--------------------------------------------------------------------------------------------- page14.

Tvam bhanteti. "therassa bhagineyyomhiti. Atha nam gahetva viharam nesi. So theram vanditva addhamasamattam vattapativattam katva theram samma patijaggitva "bhante matulakutumbiko me tumhakam agamanam paccasimsati; etha, gacchamati aha. "tenahi me yatthikotim ganhahiti. So yatthikotim gahetva therena saddhim antogamam pavisi. Manussa theram nisidapetva "kim bhante gamanakaro vo pannayatiti pucchimsu. "ama upasaka, gantva sattharam vandissamiti. Te nanappakarena yacitva alabhanta theram uyyojenta upaddhapatham gantva roditva nivattimsu. Samanero theram yatthikotiya adaya gacchanto antaramagge ataviyam sankatthanagaram nama therena upanissaya vutthapubbagamam sampapuni. So tato nikkhamitva aranne gayitva daruni uddharantiya ekissa itthiya gitasaddam sutva sare nimittam ganhi. Itthisaddo viya hi anno saddo purisanam sakalasariram pharitva thatum samattho nama natthi. Tenaha bhagava "naham bhikkhave annam ekasaddampi samanupassami, yo 1- evam purisassa cittam pariyadaya titthati; yathayidam bhikkhave itthisaddoti. 2- Samanero tattha nimittam gahetva yatthikotim vissajjetva "titthatha tava bhante, kiccam me atthiti tassa santikam gato. Sa tam disva tunhi ahosi. So taya saddhim silavipattim papuni. @Footnote: 1. Si. Ma. evameva hoti. paliyampana "yanti dissati. 2. an. eka. 20/1.

--------------------------------------------------------------------------------------------- page15.

Thero cintesi "idaneveko gitasaddo suyittha, so ca kho itthiya, samaneropi cirayati, so silavipattim patto bhavissatiti. Sopi attano kiccam nitthapetva agantva "gacchama bhanteti aha. Atha nam thero pucchi "papo jatosi samanerati. So tunhi hutva punappunam putthopi na kinci kathesi. Atha nam thero aha "tadisena papena mama yatthikotiggahanakiccam natthiti. So samvegappatto kasayani apanetva gihiniyamena paridahitva "bhante aham pubbe samanero, idani panamhi gihi jato; pabbajantopicaham na saddhaya pabbajito, maggaparipanthabhayena pabbajito; etha, gacchamati aha. "avuso gihipapopi samanapapopi papoyeva; tvam samanabhave thatvapi silamattam puretum nasakkhi; gihi hutva kinnama kalyanam karissasi; tadisena papena mama yatthikotiggahanakiccam natthiti. "bhante amanussupadduto maggo, tumhe ca andha, katham idha vasissathati. Atha nam thero "avuso tvam ma evam cintayi, idheva me nipajjitva marantassapi aparaparam pavattentassapi, taya saddhim gamanam nama natthiti vatva ima gatha abhasi "handaham hatacakkhusmi kantaraddhanamagato, sayamano na gacchami; natthi bale sahayata. Handaham hatacakkhusmi kantaraddhanamagato marissami, no gamissami; natthi bale sahayatati.

--------------------------------------------------------------------------------------------- page16.

Tam sutva itaro samvegajato, "bhariyam vata me sahasikam ananucchavikam kammam katanti baha paggayha kandanto vanasandam pakkhanditva tatha pakkantova ahosi. Therassapi silatejena satthiyojanayamam pannasayojanavitthatam pannarasayojanabahalam jayasumanapupphavannam nisidanutthahanakalesu onamanunnamanapakatikam sakkassa devarajassa pandukambalasilasanam unhakaram dassesi. Sakko "ko nu kho mam thana cavetukamoti olokento dibbena cakkhuna theram addasa. Tenahu porana "sahassanetto devindo dibbacakkhum visodhayi `papagarahi ayam palo ajivam parisodhayi', sahassanetto devindo dibbacakkhum visodhayi `dhammagaruko ayam palo nisinno sasane ratoti. Athassa etadahosi "sacaham evarupassa papagarahino dhammagarukassa ayyassa santikam na gamissami, muddha me sattadha phaleyya; gamissamissa santikanti. Tato sahassanetto devindo devarajjasiridharo tamkhanena agantva, cakkhupalam upagami. Upagantva ca pana therassavidure padasaddam akasi. Atha nam thero pucchi "ko esoti. "aham bhante addhikoti. "kuhim yasi upasakati. "savatthiyam bhanteti. "yahi avusoti. "ayyo pana bhante kuhim

--------------------------------------------------------------------------------------------- page17.

Gamissatiti. "ahampi tattheva gamissamiti. "tenahi ekatova gacchama bhanteti. "aham dubbalo, maya saddhim gacchantassa tava papanco bhavissatiti. "mayham accayikam natthi; ahampi ayyena saddhim gacchanto dasasu punnakiriyavatthusu ekam labhissami; ekatova gacchama bhanteti. Thero "eso sappuriso bhavissatiti cintetva "tenahi yatthikotim ganha upasakati aha. Sakko tatha katva pathavim sankhipanto sayanhasamaye jetavanam sampapesi. Thero sankhapanavadisadde sutva "kattheso saddoti pucchi. "savatthiyam bhanteti. "mayam gamanakale cirena gamimhati. "aham ujukamaggam janami bhanteti. Tasmim khane thero "nayam manusso, devata bhavissatiti sallakkhesi. Sahassanetto devindo devarajjasiridharo sankhipitvana tam maggam khippam savatthimagami. So therassevatthaya kanitthakutumbikena karitam pannasalam netva phalake nisidapetva piyasahayavannena tassa santikam gantva "samma palati pakkosi. "kim sammati. "therassa agatabhavam janasiti. "na janami, kim pana thero agatoti. "ama samma, idanaham viharam gantva theram taya karitapannasalayam nisinnakam disva agatomhiti vatva pakkami. Kutumbikopi viharam gantva theram disva padamule pavattento roditva "idam disva aham bhante tumhakam pabbajitum nadasintiadini vatva dve dasadarake bhujisse katva therassa santike pabbajetva

--------------------------------------------------------------------------------------------- page18.

"antogamato yagubhattadini aharitva theram upatthahathati patipadesi. Samanera vattapativattam katva theram upatthahimsu. Athekadivasam disavasino bhikkhu "sattharam passissamati jetavanam agantva sattharam vanditva asitimahathere disva viharacarikam caranta cakkhupalattherassa vasanatthanam patva "idampi passissamati sayam tadabhimukha ahesum. Tasmim khane mahamegho utthahi. Te "idani sayanca, megho ca utthito, patova agantva passissamati nivattimsu. Devo pathamayame vassitva majjhimayame vigato. Thero araddhaviriyo acinnacankamano; tasma pacchimayame cankamanam otari. Tada pana navavutthaya bhumiya bahu indagopaka utthahimsu. Te there cankamante, yebhuyyena vipajjimsu. Antevasika therassa cankamanatthanam kalasseva na sammajjimsu. Itare bhikkhu "therassa vasanatthanam passissamati agantva cankamane panake disva "ko imasmim 1- cankamatiti pucchimsu. "amhakam upajjhayo bhanteti. Te ujjhayimsu "passatha samanassa kammam; sacakkhukale nipajjitva niddayanto kinci akatva, idani cakkhuvikalakale `cankamamiti ettake pane maresi; `attham karissamiti anattham akariti. Atha te gantva tathagatassa arocesum "bhante cakkhupalatthero `cankamamiti bahu panake maresiti. "kim pana so tumhehi marento ditthoti. "na @Footnote: 1. "idhati yuttataram.

--------------------------------------------------------------------------------------------- page19.

Dittho bhanteti. "yatheva tumhe tam na passatha; tatha sopi te pane na passati, khinasavanam maranacetana nama natthi bhikkhaveti. "bhante arahattassa upanissaye sati, kasma andho jatoti. "attana katakammavasena bhikkhaveti. "kim pana bhante tena katanti. "tenahi bhikkhave sunatha: atite baranasiyam baranasiraje rajjam karente, eko vejjo gamanigame caritva vejjakammam karonto ekam cakkhudubbalam itthim disva pucchi "kinte aphasukanti. "akkhihi na passamiti. "bhesajjante karissamiti. "karohi samiti. "kim me dassasiti. "sace me akkhini pakatikani katum sakkhissasi, ahante saddhim puttadhitahi dasi bhavissamiti. So "sadhuti bhesajjam samvidahi. Ekabhesajjeneva akkhini pakatikani ahesum. Sa cintesi "aham etassa `saputtadhita dasi bhavissamiti patijanim, na kho pana mam sanhena samudacarissati, vancessami nanti. Sa vejjenagantva "kidisam bhaddeti puttha, "pubbe me akkhini thokam rujjimsu, idani atirekataram rujjantiti aha. Vejjo "ayam mam vancetva kinci adatukama, na me etaya dinnabhatiya attho, idani tam andham karissamiti cintetva geham gantva bhariyaya tamattham acikkhi. Sa tunhi ahosi. So ekam bhesajjam yojetva tassa santikam gantva "bhadde imam bhesajjam anjahiti anjapesi. Dve akkhini dipasikha viya vijjhayimsu. So vejjo cakkhupalo ahosi.

--------------------------------------------------------------------------------------------- page20.

"bhikkhave tada mama puttena katakammam pacchato pacchato anubandhi, papakammam hi nametam dhuram vahato balivaddassa padam cakkam viya anugacchatiti idam vatthum kathetva anusandhim ghatetva patitthapitamattikam sasanam rajamuddaya lanchanto viya dhammaraja imam gathamaha "manopubbangama dhamma manosettha manomaya; manasa ce padutthena bhasati va karoti va, tato nam dukkhamanveti cakkamva vahato padanti. Tattha "manoti kamavacarakusaladibhedam sabbampi catubhumikacittam. Imasmim pana pade tada tassa vejjassa uppannacittavasena niyamiyamanam vavatthapiyamanam paricchijjamanam, domanassasahagatam patighasampayuttam cittameva labbhati. Pubbangamati: tena pathamagamina hutva samannagata. Dhammati: gunadesanapariyattinissattanijjivavasena cattaro dhamma nama. Tesu "na hi dhammo adhammo ca ubho samavipakino, adhammo nirayam neti dhammo papeti suggatinti 1- ayam gunadhammo nama. "dhammam vo bhikkhave desessami adikalyananti ayam desanadhammo nama. "idha pana bhikkhave ekacce kulaputta dhammam pariyapunanti suttam geyyanti 2- ayam pariyattidhammo nama. "tasmim kho pana samaye dhamma honti, khandha hontiti 3- ayam nissattadhammo nama. Nijjivadhammotipi eseva @Footnote: 1. khu. ja. visa. 27/473. 2. Ma. mu. 12/268 3. dhammasangani. 34/33.

--------------------------------------------------------------------------------------------- page21.

Nayo. Tesu imasmim thane nissattanijjivadhammo adhippeto. So atthato tayo arupino khandha "vedanakkhandho sannakkhandho sankharakkhandhoti. Ete hi, mano pubbangamo etesanti manopubbangama nama. "katham panetehi saddhim ekavatthuko ekarammano apubbam acarimam ekakkhane uppajjamano mano pubbangamo nama hotiti. Uppadappaccayatthena. Yatha hi bahusu ekato gamaghatadikammani karontesu, "ko tesam pubbangamoti vutte, yo tesam paccayo hoti, yam nissaya te tam kammam karonti; so datto va matto va "tesam pubbangamoti vuccati; evam sampadamidam veditabbam. Iti uppadappaccayatthena mano pubbangamo etesanti manopubbangama. Na hi te, mane anuppajjante, uppajjitum sakkonti. Mano pana, ekaccesu cetasikesu anuppajjantesupi, uppajjatiyeva. Adhipativasena pana mano settho etesanti manosettha. Yatha hi coradinam corajetthakadayo adhipatino settha; tatha tesampi manoti manosettha. Yatha pana daruadihi nipphannani tani tani bhandani darumayadini nama honti; tatha etepi manato nipphannatta manomaya nama. Padutthenati: agantukehi abhijjhadihi dosehi padutthena. Pakatimano hi bhavangacittam. Tam appaduttham, yatha hi pasannam udakam agantukehi niladihi upakkilittham nilodakadibhedam hoti, na ca navam udakam napi purimam pasannaudakameva; tatha tampi agantukehi abhijjhadihi dosehi paduttham hoti, na ca navam cittam,

--------------------------------------------------------------------------------------------- page22.

Napi purimam bhavangacittameva. Tenaha bhagava "pabhassaramidam bhikkhave cittam. Tanca kho agantukehi upakkilesehi upakkilitthanti. 1- Evam manasa ce padutthena. Bhasati va karoti vati: so bhasamano catubbidham vaciduccaritameva bhasati, karonto tividham kayaduccaritameva karoti, abhasanto akaronto taya abhijjhadihi padutthamanasataya tividham manoduccaritam pureti. Evamassa dasa akusalakammapatha paripurim gacchanti. Tato nam dukkhamanvetiti: tato tividhaduccaritato tam puggalam dukkhamanveti: duccaritanubhavena catusu apayesu va manussesu va tamattabhavam gacchantam kayavatthukampi itaravatthukampiti imina pariyayena kayikacetasikam vipakadukkham anugacchati. Yathakim? cakkamva vahato padanti: dhure yuttassa dhuram vahato balivaddassa padam cakkam viya. Yatha hi so ekampi divasam dvepi pancapi dasapi addhamasampi vahanto cakkam nivattetum jahitum na sakkoti; athakhvassa purato atikkamantassa yugam givam badhati, pacchato patikkamantassa cakkam urumamsam patihanti; imehi dvihi karanehi badhantam cakkam tassa padanupadikam honti, tatheva manasa padutthena tini duccaritani puretva thitam puggalam nirayadisu tattha tattha gatatthanesu duccaritamulakam kayikampi cetasikampi dukkham anubandhatiti. Gathapariyosane timsasahassa bhikkhu saha patisambhidahi arahattam papunimsu. Sampattaparisayapi desana satthika saphala ahositi. Cakkhupalattheravatthu. @Footnote: 1. an. eka. 20/11.

--------------------------------------------------------------------------------------------- page23.

2. Matthakundalivatthu. (2) "manopubbangamati dutiyagathapi savatthiyamyeva matthakundalim arabbha bhasita. Savatthiyam kira adinnapubbako nama brahmano ahosi. Tena kassaci kinci na dinnapubbam, tena tam "adinnapubbakotveva sanjanimsu. Tassekaputtako ahosi piyo manaPo. Athassa pilandhanam karetukamo, "sace suvannakarassacikkhissami, vetanam databbam bhavissatiti sayameva suvannam kottetva matthani kundalani katva adasi. Tenassa putto "matthakundalitveva pannayittha. Tassa solasavassakale pandurogo udapadi. Mata puttam oloketva "brahmana puttassa te rogo uppanno, tikicchapehi nanti aha. "bhoti sace vejjam anessami, bhattavetanam databbam bhavissati; tvam mama dhanacchedam na olokesiti. "atha kim karissasi brahmanati. "yatha me dhanacchedo na hoti; tatha karissamiti. So vejjanam santikam gantva "asukarogassa nama tumhe kim bhesajjam karothati pucchi. Athassa te yam va tam va rukkhatacadim acikkhanti. So tam aharitva puttassa bhesajjam karoti. Tam karontassevassa rogo balava ahosi, atekicchabhavam upagami. Brahmano tassa dubbalabhavam natva ekam vejjam pakkosi. So oloketva "amhakam ekam kiccam atthi, annam vejjam pakkositva tikicchapehiti tam paccakkhaya nikkhami.

--------------------------------------------------------------------------------------------- page24.

Brahmano tassa maranasamayam natva "imassa dassanatthaya agatagata antogehe sapateyyam passissanti, bahi nam karissamiti puttam niharitva bahi alinde nipajjapesi. Tam divasam bhagava balavapaccusasamaye mahakarunasamapattito vutthaya pubbabuddhesu katadhikaranam ussannakusalamulanam veneyyabandhavanam dassanattham buddhacakkhuna lokam volokento, dasasahassacakkavale nanajalam patthari. Matthakundali bahialinde nipannakareneva tassa anto pannayi. Sattha tam disva tassa antogeha niharitva tattha nippajjapitabhavam natva "atthi nu kho mayham ettha gatappaccayena atthoti upadharento, idam addasa "ayam manavo mayi cittam pasadetva, kalam katva, tavatimsadevaloke timsayojanike kanakavimane nibbattissati, accharasahassaparivaro bhavissati, brahmanopi tam jhapetva rodanto alahane vicarissati, devaputto tigavutappamanam satthisakatabharalankarapatimanditam accharasahassaparivaram attabhavam oloketva `kena nu kho kammena maya ayam sirisampatti laddhati olokento, mayi cittappasadena laddhabhavam natva `dhanacchedabhayena mama bhesajjam akaretva, idani alahanam gantva rodati, vippakarappattam nam karissamiti pitari akkhantiya matthakundalivannenagantva alahanassavidure nippajjitva rodissati. Atha nam brahmano `kosi tvanti pucchissati, `ahante putto matthakundaliti, `kuhim

--------------------------------------------------------------------------------------------- page25.

Nibbattositi, `tavatimsabhavaneti, `kim kammam katvati vutte, mayi cittappasadena nibbattabhavam acikkhissati, brahmano `tumhesu cittam pasadetva sagge nibbatta 1- nama atthiti mam pucchissati, athassaham `ettakani satani va sahassani va satasahassani vati na sakka gananaya paricchinditunti vatva dhammapade gatham bhasissami, gathapariyosane caturasitiya panasahassanam dhammabhisamayo bhavissati, matthakunadali sotapanno bhavissati; tatha adinnapubbako brahmano, iti imam kulaputtam nissaya dhammayago maha 2- bhavissatiti natva, punadivase katasarirapatijaggano mahabhikkhusanghaparivuto savatthim pindaya pavisitva, anupubbena brahmanassa gehadvaram gato. Tasmim khane matthakundali antogehabhimukho nipanno hoti. Sattha attano apassanabhavam natva, ekam rasmim vissajjesi. Manavo "kim obhaso namesoti parivattitva nippannova sattharam disva "andhabalapitaram nissaya evarupam buddham upasankamitva kayaveyyavatikam va katum danam va datum dhammam va sotum nalattham, idani me hatthapi avidheyya, annam kattabbam natthiti manameva pasadesi. Sattha "alam ettakena imassati pakkami. So tathagate cakkhupatham vijahanteyeva, pasannamano kalam katva suttappabuddho viya devaloke timsayojanike kanakavimane nibbatti. @Footnote: 1. nibbattanantipi. 2. katthaci mahati padam natthi.

--------------------------------------------------------------------------------------------- page26.

Brahmanopissa sariram jhapetva alahane rodanaparayano ahosi, devasikam alahanam gantva rodati "kaham ekaputtaka, kaham ekaputtakati. Devaputtopi attano sampattim oloketva "kena kammena laddhati upadharento "satthari manopasadenati natva "ayam brahmano mama aphasukakale bhesajjam akaretva idani alahanam gantva rodati; vippakarappattametam katum vattatiti matthakundalivannenagantva alahanassavidure baha paggayha rodanto atthasi. Brahmano tam disva "aham tava puttasokena rodami, esa kimattham rodati; pucchissami nanti pucchanto imam gathamaha "alankato matthakundali malabhari haricandanussado, baha paggayha kandasi vanamajjhe kim dukkhito tuvanti. So aha "sovannamayo pabhassaro uppanno rathapanjaro mama, tassa cakkayugam na vindami tena dukkhena jahissami jivitanti. Atha nam brahmano aha

--------------------------------------------------------------------------------------------- page27.

"sovannamayam manimayam lohamayam atha rupiyamayam acikkha me bhaddamanava, cakkayugam patilabhayami teti. Tam sutva manavo "ayam puttassa bhesajjam akatva puttapatirupakam mam disva rodanto `suvannadimayam rathacakkam karomiti vadati; hotu, nigganhissami nanti cintetva "kivamahantam me cakkayugam karissasiti vatva "yavamahantam akankhasiti vutte, "candasuriyehi me attho, te me dehiti yacito so manavo tassa pavadi "candasuriya ubhayattha bhataro, sovannamayo ratho mama tena cakkayugena sobhatiti. Atha nam brahmano aha "balo kho tvamasi manava, yo tvam patthayase apatthiyam, mannami tuvam marissasi, na hi tvam lacchasi candasuriyeti. Atha nam manavo "kim pana pannayamanassatthaya rodanto balo hoti, udahu apannayamanassati vatva

--------------------------------------------------------------------------------------------- page28.

"gamanagamanampi dissati, vannadhatu ubhayattha vithiya, peto kalakato na dissati ko nidha kandatam balyataroti. Tam sutva brahmano "yuttam esa vadatiti sallakkhetva "saccam kho vadesi manava ahameva kandatam balyataro candam viya darako rudam puttam kalakatabhipatthayanti vatva tassa kathaya nissoko hutva manavassa thutim karonto ima gatha abhasi "adittam vata mam santam ghatasittamva pavakam varina viya osincam, sabbam nibbapaye daram, abbuhi vata me sallam sokam hadayanissitam, yo me sokaparetassa puttasokam apanudi; svaham abbulhasallosmi sitibhutosmi nibbuto, na socami, na rodami tava sutvana manavati. Atha nam "ko nama tvanti pucchanto "devata nusi gandhabbo adu sakko purindado, ko va tvam kassa va putto? katham janemu tam mayanti. Athassa manavo

--------------------------------------------------------------------------------------------- page29.

"yanca kandasi yanca rodasi puttam alahane sayam dahitva; svaham kusalam karitvana kammam tidasanam sahabyatam pattoti acikkhi. Brahmano aha "appam va bahum va naddasama danam dadantassa sake agare, uposathakammam va tadisam, kena kammena gatosi devalokanti. Manavo aha "abadhikoham dukkhito gilano aturarupomhi sake nivesane, buddham vigatarajam vitinnakankham addakkhim sugatam anomapannam; svaham muditamano pasannacitto anjalim akarim tathagatassa taham kusalam karitvana kammam tidasanam sahabyatam pattoti. Tasmim kathente kathenteyeva, brahmanassa sakalasariram pitiya paripuri. So tam pitim pavedento

--------------------------------------------------------------------------------------------- page30.

"acchariyam vata abbhutam, anjalikammassa ayamidiso vipako. Ahampi muditamano pasannacitto, ajjeva buddham saranam vajamiti aha. Atha nam manavo "ajjeva buddham saranam vajahi, dhammanca sanghanca pasannacitto, tatheva sikkhapadani panca akhandaphullani samadiyassu. Panatipata viramassu khippam, loke adinnam parivajjayassu, amajjapo, no ca musa bhanahi, sakena darena ca hohi tutthoti aha. So "sadhuti sampaticchitva ima gatha abhasi "atthakamosi me yakkha hitakamosi devate, karomi tuyham vacanam tvamasi acariyo mama upemi saranam buddham dhammancapi anuttaram sanghanca naradevassa gacchami saranam aham. Panatipata viramami khippam, loke adinnam parivajjayami,

--------------------------------------------------------------------------------------------- page31.

Amajjapo, no ca musa bhanami, sakena darena ca homi tutthoti. Atha nam devaputto "brahmana tava gehe bahum dhanam atthi, sattharam upasankamitva danam dehi dhammam sunahi, panham pucchahiti vatva tatthevantaradhayi. Brahmanopi geham gantva brahmanim amantetva "bhadde aham samanam gotamam nimantetva panham pucchissami; sakkaram karohiti vatva viharam gantva sattharam neva abhivadetva na patisantharam katva ekamantam thito "bho gotama adhivasehi me ajjatanaya bhattam saddhim bhikkhusanghenati aha. Sattha adhivasesi. So satthu adhivasanam viditva vegenagantva sakanivesane khadaniyam bhojaniyam patiyadapesi. Sattha bhikkhusanghaparivuto tassa geham gantva pannattasane nisidi. Brahmano sakkaccam parivisi. Mahajano sannipati. Micchaditthikena kira tathagate nimantite, dve janakaya sannipatanti: micchaditthika "ajja samanam gotamam panham pucchaya vihethiyamanam passissamati sannipatanti, sammaditthika "ajja buddhavisayam buddhalilham passissamati sannipatanti. Atha brahmano katabhattakiccam tathagatam upasankamitva nicasane nisinno, panham pucchi "bho gotama tumhakam danam adatva pujam akatva dhammam assutva uposathavasam avasitva kevalam manopasadamatteneva sagge nibbatta nama hontiti. "brahmana kasma mam pucchasi,

--------------------------------------------------------------------------------------------- page32.

Nanu te puttena matthakundalina mayi manam pasadetva attano sagge nibbattabhavo kathitoti. "kada bho gotamati. "nanu tvam ajja susanam gantva kandanto avidure baha paggayha kandantam ekam manavam disva `alankato matthakundali malabhari haricandanussadoti dvihi janehi kathitam katham pakasento sabbam matthakundalivatthum kathesi. Tenevetam buddhabhasitam nama jatam. Tam kathetva ca pana, "na kho brahmana ekasatam, na dve, athakho mayi manam pasadetva sagge nibbattanam ganana natthiti aha. Mahajano vematiko ahosi. Athassa anibbematikabhavam viditva sattha "matthakundalidevaputto vimaneneva saddhim agacchatuti adhitthasi. So tigavutappamanena dibbabharanapatimanditena attabhavenagantva vimana oruyha sattharam vanditva ekamantam atthasi. Atha nam sattha "tvam imam sampattim kim kammam katva patilabhiti pucchanto, abhikkantena vannena ya tvam titthasi devate obhasenti disa sabba osadhi viya taraka, pucchami tam deva mahanubhavam manussabhuto kimakasi punnanti gathamaha. Devaputto "ayam bhante sampatti tumhesu manam pasadetva laddhati. "mayi manam pasadetva laddha teti. "ama bhanteti.

--------------------------------------------------------------------------------------------- page33.

Mahajano devaputtam oloketva, acchariya vata bho buddhaguna adinnapubbakabrahmanassa nama putto annam kinci punnam akatva satthari manam pasadetva evarupam sampattim patilabhiti tutthim pavedesi. Atha nesam "kusalakusalakammakarane mano pubbangamo, mano settho; pasannena hi manena katakammam devalokam manussalokam gacchantam puggalam chayava na vijahatiti idam vatthum kathetva anusandhim ghatetva patitthapitamattikam sasanam rajamuddaya lanchanto viya dhammaraja imam gathamaha "manopubbangama dhamma manosettha manomaya; manasa ce pasannena bhasati va karoti va, tato nam sukhamanveti chayava anupayiniti. 1- Tattha kincapi "manoti avisesena sabbampi catubhumikacittam vuccati; imasmim pana pade niyamiyamanam vavatthapiyamanam paricchijjamanam atthavidham kamavacarakusalacittam labbhati; vatthuvasena panahariyamanam tatopi somanassasahagatam nanasampayuttam cittameva labbhati. Pubbangamati: tena pathamagamina hutva samannagata. Dhammati: vedanadayo tayo khandha. Etesam hi uppadappaccayatthena mano pubbangamo, tena manopubbangama nama. Yatha hi bahusu ekato mahabhikkhusanghassa pattacivaradanadini va ularapujadhammassavanadipamalakaranadini va punnani karontesu, "ko tesam pubbangamoti @Footnote: 1. Si. anapayini.

--------------------------------------------------------------------------------------------- page34.

Vutte, yo tesam paccayo hoti, yam nissaya te tani punnani karonti, so tisso va pusso va "tesam pubbangamoti vuccati; evam sampadamidam veditabbam. Iti uppadappaccayatthena mano pubbangamo etesanti manopubbangama. Na hi te mane anuppajjante, uppajjitum sakkonti, mano pana, ekaccesu cetasikesu anuppajjantesupi, uppajjatiyeva. Evam adhipativasena pana mano settho etesanti manosettha. Yatha hi ganadinam adhipati puriso "ganasettho senisetthoti vuccati; tatha tesampi manoti manosettha. Yatha pana suvannadihi nipphannani tani tani bhandani suvannamayadini nama honti; tatha etepi manato nipphannatta manomaya nama. Pasannenati: anabhijjhadihi gunehi pasannena. Bhasati va karoti vati: evarupena manena bhasanto catubbidham vacisucaritameva bhasati, karonto tividham kayasucaritameva karoti, abhasanto akaronto taya anabhijjhadihi pasnnamanasataya tividham manosucaritam pureti. Evamassa dasa kusalakammapatha paripurim gacchanti. Tato nam sukhamanvetiti: tato tividhasucaritato tam puggalam sukhamanveti. Idha tebhumikampi kusalam adhippetam; tasma "tebhumikasucaritanubhavena sugatibhave nibbattam sugatiyam va sukhanubhavanatthane thitam `kayavatthukampi itaravatthukampiti kayikacetasikam vipakasukham anugacchati na vijahatiti attho veditabbo. Yathakim? chayava anupayiniti: yatha hi chaya nama sarirappatibaddha sarire gacchante, gacchati, titthante, titthati, nisidante,

--------------------------------------------------------------------------------------------- page35.

Nisidati, na sakka sanhena va pharusena va `nivattahiti vatva va pothetva va nivattapetum. Kasma? sarirappatibaddhatta. Evameva imesam dasannam kusalakammapathanam acinnasamacinnakusalamulakam kamavacaradibhedam kayikacetasikam sukham gatagatatthane anupayini chaya viya hutva na vijahatiti. Gathapariyosane caturasitiya panasahassanam dhammabhisamayo ahosi. Matthakundalidevaputto sotapattiphale patitthahi. Tatha adinnapubbako brahmano. So tavamahantam vibhavam buddhasasane vippakiriti. Matthakundalivatthu. ----------- 3. Tissattheravatthu. (3) "akkocchi mam, avadhi manti imam dhammadesanam sattha jetavane viharanto tissattheram arabbha kathesi. So kirayasma bhagavato pitucchaputto mahallakakale pabbajito buddhasasane uppannam labhasakkaram paribhunjanto thullasariro akotitapaccakotitehi civarehi yebhuyyena viharamajjhe upatthanasalayam nisidati. Tathagatassa dassanatthaya agata agantuka bhikkhu "eso mahathero bhavissatiti sannaya tassa santikam gantva vattam apucchanti, padasambahanadini apucchanti. So tunhi

--------------------------------------------------------------------------------------------- page36.

Hoti. Atha nam eko daharabhikkhu "kativassa tumheti pucchitva "vassam natthi, mahallakakale pabbajita mayanti vutte, "avuso dubbinita mahallaka attano pamanam na janasi, ettake mahallakatthere disva samicimattampi na karosi, vatte apucchiyamane, tunhi hosi, kukkuccamattampi te natthiti accharam pahari. So khattiyamanam janetva "tumhe kassa santikam agatati pucchitva, "satthu santikanti vutte, "mam pana `ko esoti sallakkhetha, mulameva vo chindissamiti vatva rudanto dukkhi dummano satthu santikam agamasi. Atha nam sattha "kinnu tvam tissa dukkhi dummano assumukho rudamano agatositi pucchi. Tepi bhikkhu "esa gantva kinci alulikam kareyyati cintetva teneva saddhim gantva sattharam vanditva ekamantam nisidimsu. So satthara pucchito "ime mam bhante bhikkhu akkosantiti aha. "kaham pana tvam nisinnositi. "viharamajjhe upatthanasalayam bhanteti. "ime te bhikkhu agacchanta ditthati. "dittha bhanteti. "utthaya te paccuggamanam katanti. "na katam bhanteti. "tesam parikkharaggahanam te apucchitanti. "napucchitam bhanteti. "vattam va paniyam va apucchitanti. "napucchitam bhanteti. "asanam abhiharitva padasambahanam katanti. "na katam bhanteti. "tissa mahallakabhikkhunam sabbametam vattam kattabbam, etam akarontena viharamajjhe nisiditum na vattati; taveva doso, ete bhikkhu khamapehiti. "ete mam bhante akkosimsu,

--------------------------------------------------------------------------------------------- page37.

Naham ete khamapemiti. "tissa ma evam kari: taveva doso, khamapehi neti. "na khamapemi bhanteti. Atha sattha "dubbaco esa bhanteti bhikkhuhi vutte, "na bhikkhave idaneva, pubbepesa dubbacoyevati vatva "idani tavassa bhante dubbacabhavo amhehi nato, atite kimakaliti vutte, "tenahi bhikkhave sunathati vatva atitam ahari: atite baranasiyam baranasiraje rajjam karente, devalo 1- nama tapaso attha mase himavante vasitva lonambilasevanatthaya cattaro mase nagaram upanissaya vasitukamo himavantato agantva nagaradvarapalake disva pucchi "imam nagaram sampattapabbajita kattha vasantiti. "kumbhakarasalayam bhanteti. So kumbhakarasalam gantva dvare thatva "sace te agaru, vaseyyama ekarattim salayanti aha. Kumbhakaro "mayham rattim salayam kiccam natthi, mahati sala, yathasukham vasatha bhanteti salam niyyadesi. Tasmim pavisitva nisinne, aparopi narado nama tapaso himavantato agantva kumbhakaram ekarattivasam yaci. Kumbhakaro "pathamagato imina saddhim ekato vasitukamo bhaveyya va no va, attanam parimocessamiti cintetva "sace bhante pathamupagato rocessati, tassa ruciya vasathati aha. So tam upasankamitva "sace te acariya agaru, mayamettha ekarattim vaseyyamati. "mahati sala, @Footnote: 1. "devilotipi patho.

--------------------------------------------------------------------------------------------- page38.

Pavisitva ekamante vasati vutte, pavisitva puretaram pavitthassa aparabhage nisidi. Ubhopi saraniyam katham kathetva, sayanakale narado devalassa nipajjanatthananca dvaranca sallakkhetva nipajji. So pana devalo nipajjamano attano nisinnatthane anipajjitva dvaramajjhe tiriyam nipajji. Narado rattim nikkhamanto tassa jatasu akkami. "ko mam akkamiti vutte, "acariya ahanti aha. "kutajatila arannato agantva mama jatasu akkamasiti. "acariya tumhakam idha nipannabhavam na janami, khamatha meti vatva tassa kandantasseva, bahi nikkhami. Itaro "ayam pavisantopi mam akkameyyati parivattetva padatthane sisam katva nipajji. Naradopi pavisanto "pathamampaham acariye aparajjhim, idanissa padapassena pavisissamiti cintetva agacchanto givaya akkami, "ko esoti vutte, "aham acariyati vatva "kutajatila pathamam jatasu akkamitva idani givaya akkamasi, abhisapissami tanti vutte, "acariya mayham doso natthi, aham tumhakam evam nipannabhavam na janami, `pathamampi me aparadham atthi, idani padapassena pavisissamiti pavitthomhi, khamatha meti aha. "kutajatila abhisapissami tanti. "ma evam akarittha acariyati. So tassa vacanam anadayitva "sahassaramsi satatejo suriyo tamavinodano, pato udayante suriye muddha te phalatu sattadhati tam abhisapiyeva. Narado "acariya mayham doso natthi, mama

--------------------------------------------------------------------------------------------- page39.

Vadantasseva, tumhe abhisapittha, yassa doso atthi; tassa muddha phalatu ma niddosassati vatva "sahassaramsi satatejo suriyo tamavinodano, pato udayante suriye muddha te phalatu sattadhati abhisapi. So pana mahanubhavo "atite cattalisa anagate cattalisati asitikappe anussarati; tasma "kassa nu kho upari sapo patissatiti upadharento "acariyassati natva tasmim anukampam paticca iddhibalena arunuggamanam nivaresi. Nagara arune anuggacchante, rajadvaram gantva "deva tayi rajjam karente, aruno na utthati, 1- arunam no utthapehiti kandimsu. Raja attano kayakammadini olokento kinci ayuttam adisva "kim nu kho karananti cintetva "pabbajitanam vivadena bhavitabbanti parisankamano "kacci imasmim nagare pabbajita atthiti pucchi. "hiyyo sayam kumbhakarasalam agata atthi devati vutte, tamkhananneva raja ukkahi dhariyamanahi tattha gantva naradam vanditva ekamantam nisinno aha "kammanta nappavattanti jambudipassa narada, kena loko tamobhuto? tam me akkhahi pucchitoti. Narado sabbam pavattim acikkhitva "imina karanenaham imina abhisapito, athaham `mayham doso natthi, yassa doso @Footnote: 1. Si. Ma. utthahati.

--------------------------------------------------------------------------------------------- page40.

Atthi; tasseva upari sapo patatuti vatva abhisapim; abhisapitva ca pana `kassa nukho upari sapo patissatiti upadharento `suriyuggamanavelaya acariyassa muddha sattadha phalissatiti disva etasmim anukampam paticca arunassa uggantum na demiti. "katham panassa bhante antarayo na bhaveyyati. "sace mam khamapeyya, na bhaveyyati. "tenahi khamapehiti. "eso mam jatasu ca givaya ca akkami, naham etam kutajatilam khamapemiti. "khamapehi bhante, ma evam kariti. "na khamapemiti. "muddha te sattadha phalissatiti vuttepi, na khamapesiyeva. Atha nam raja "na tvam attano ruciya khamapessasiti, hatthapadakucchigivasu tam gahapetva naradassa padamule onamapesi. Narado "utthehi acariya, khamami teti vatva "maharaja nayam yathamanena khamapeti, avidure eko saro atthi, tattha nam sise mattikapindam katva galappamane udake thapapehiti aha. Raja tatha karesi. Narado devalam amantetva "acariya maya iddhiya vissatthaya, suriyasantape utthahante, tvam udake nimujjitva annena thanena uttaritva gaccheyyasiti aha. Tassa suriyaramsihi samphutthamattova mattikapindo sattadha phali. So nimujjitva annena thanena palayi. Sattha imam dhammadesanam aharitva "tada bhikkhave raja anando ahosi, devalo tisso, narado ahameva, evam tadapesa dubbacoyevati vatva tissattheram amantetva "tissa bhikkhuno

--------------------------------------------------------------------------------------------- page41.

Hi `asukenaham akkuttho, asukena pahato, asukena jito, asuko me bhandam ahasiti cintentassa verannama na vupasammati; evam pana anupanayhantasseva upasammatiti vatva ima gatha abhasi "akkocchi mam, avadhi mam, ajini mam, ahasi me, ye ca tam upanayhanti, veram tesam na sammati. `akkocchi Mam, avadhi mam, ajini mam, ahasi me,' ye ca tam nupanayhanti, veram tesupasammatiti. Tattha "akkocchiti: akkosi. Avadhiti; pahari. Ajiniti: kutasakkhim otaranena va vadappativadena va karanuttariyakaranena va mam ajesi. Ahasiti: mama santakam vatthadisu yankincideva avahari. Ye ca tanti: yekeci deva va manussa va gahattha va pabbajita va tam `akkocchi mantiadivatthukam kodham sakatadhuram viya naddhina putimacchadini viya ca kusadihi punappunam vethenta upanayhanti, tesam sakim uppannam veram na sammati na upasammati. Ye ca tam nupanayhantiti: asatiamanasikaravasena va kammapaccavekkhanavasena va ye tam akkosadivatthukam kodham "tayapi koci niddoso purimabhave akkuttho bhavissati, pahato bhavissati, kutasakkhim otaretva jito bhavissati, kassaci te pasayha kinci acchinnam bhavissati; tasma niddoso hutvapi akkosadini papunasiti evam na upanayhanti, tesam pamadena uppannampi veram imina anupanayhanena nirindhano viya jatavedo upasammatiti.

--------------------------------------------------------------------------------------------- page42.

Desanapariyosane satasahassabhikkhu sotapattiphaladini papunimsu. Dhammadesana mahajanassa satthika ahosi. Dubbacopi suvaco jatoti. Tissattheravatthu. ----------- 4. Kaliyakkhiniya uppattivatthu. (4) "na hi verena veraniti imam dhammadesanam sattha jetavane viharanto annataram vanjhitthim arabbha kathesi. Eko kira kutumbikaputto, pitari kalakate, khette ca ghare ca sabbakammani attanava karonto mataram patijaggi. Athassa mata "kumarikam te tata anessamiti aha. "amma ma evam vadetha, aham yavajivam tumhe patijaggissamiti. "tata khette ca ghare ca kiccam tvameva karosi, tena mayham cittasukham nama na hoti, anessami teti. So punappunam patikkhipitvapi tunhi ahosi. Sa ekam kulam gantum geha nikkhami. Atha nam putto "katarakulam gacchathati pucchitva, "asukannamati vutte, tattha gamanam patisedhetva attano abhirucitam kulam acikkhi. Sa tattha gantva kumarikam varetva divasam vavatthapetva tam anetva tassa ghare akasi. Sa vanjha ahosi. Atha nam mata "putta tvam attano ruciya kumarikam anapesi, sa idani vanjha

--------------------------------------------------------------------------------------------- page43.

Jata; aputtakanca nama kulam vinassati, paveni na ghatiyati; tena annam te kumarikam anessamiti, tena "alam ammati vuccamanapi punappunam kathesi. Vanjhitthi tam katham sutva "putta nama matapitunam vacanam atikkamitum na sakkonti, idani annam vijayinim itthim anetva mam dasibhogena bhunjissati, yannunaham sayamevekam kumarikam aneyyanti cintetva ekam kulam gantva tassatthaya kumarikam varetva "kinnametam amma vadesiti tehi patikkhitta "aham vanjha, aputtakam kulam vinassati, tumhakam dhita puttam patilabhitva kutumbassa samini bhavissati, detha tam mayham samikassati yacitva sampaticchapetva anetva samikassa ghare akasi. Athassa etadahosi "sacayam puttam va dhitaram va labhissati, ayameva kutumbassa samini bhavissati, yatha darakam na labhati; tatheva nam katum vattatiti. Atha nam aha "yada te kucchiyam gabbho patitthati; tada me aroceyyasiti. Sa "sadhuti patisutva, gabbhe patitthite, tassa arocesi. Tassa pana sayeva niccam yagubhattam deti. Athassa ahareneva saddhim gabbhapatanabhesajjam adasi. Gabbho pati. Dutiyampi gabbhe patitthite, tassa arocesi. Itarapi dutiyampi tatheva patesi. Atha nam pativissakitthiyo pucchimsu "kacci te sapatti antarayam karotiti. Sa tamattham arocetva, "andhabale kasma evamakasi? ayam tava issariyabhayena gabbhapatanabhesajjam yojetva deti, tena te gabbho patati, ma puna

--------------------------------------------------------------------------------------------- page44.

Evamakasiti vutta, tatiyavare na kathesi. Athassa itara udaram disva "kasma mayham gabbhassa patitthitabhavam na kathesiti vatva, "tvam mam anetva dve vare gabbham patesi, kimattham tuyham kathemiti vutte, "natthadanimhiti cintetva, tassa pamadam olokenti, parinate gabbhe, okasam labhitva bhesajjam yojetva adasi. Gabbho parinatatta patitum asakkonto tiriyam nipajji. Tibba khara vedana uppajji. Jivitasamsayam 1- papuni. Sa "nasitamhi taya, tvameva mam anetva tayo darake nasesi; idani sayampi nassami, itodani cuta yakkhini hutva tava darake khaditum samattha hutva nibbatteyyanti patthanam thapetva kalam katva tasmimyeva gehe majjari hutva nibbatti. Itarampi samiko gahetva "taya me kulupacchedo katoti kapparajannukadihi supothitam pothesi. Sa tenevabadhena kalam katva tattheva kukkuti hutva nibbatti. Na cirasseva kukkuti andani vijayi. Majjari agantva tani khadi. Dutiyampi tatiyampi khadiyeva. Kukkuti "tayo vare mama andani khaditva, idani mampi khaditukamasi; itodani cuta tam saputtakam khaditum labheyyanti patthanam katva tato cuta dipini hutva nibbatti. Itarapi migi hutva nibbatti. Tassa vijatavijatakale dipini agantva tayo vare puttake khadi. Migi maranakale "imaya me tikkhattum putta khadita, idani @Footnote: 1. Ma. jivitakkhayam.

--------------------------------------------------------------------------------------------- page45.

Mampi khadissati; itodani cuta etam saputtakam khaditum labheyyanti patthanam katva kalam katva yakkhini hutva nibbatti. Dipinipi tato cuta savatthiyam kuladhita hutva nibbatti. Sa vuddhippatta dvaragame patikulam agamasi. Aparabhage puttam vijayi. Yakkhini tassa piyasahayikavannena agantva "kuhim me sahayikati pucchi. "antogabbhe vijatati ahamsu. Sa tam sutva "puttam nu kho vijata udahu dhitaram, passissami nanti, pavisitva passanti viya darakam gahetva khaditva gata. Dutiyavarepi tatheva khadi. Tatiyavare itara garugabbha 1- hutva samikam amantetva "sami imasmim thane eka yakkhini mama dve putte khaditva gata, idani mama kulageham gantva vijayissamiti kulageham gantva vijayi. Tada sa yakkhini udakavaram gata hoti. Vessavanassa hi yakkhiniyo varena anotattato sisaparamparaya udakam aharantiyo catummasaccayenapi pancamasaccayenapi muccanti. Apara kilantakaya jivitakkhayampi papunanti. Sa pana udakavarato muttamattava vegena tam gharam gantva "kuhim me sahayikati pucchi. "kuhim nam passissasi, tassa imasmim thane jatadarake yakkhini khadati; tasma kulageham gatati. Sa "yattha va tattha va gacchatu, na me muccissatiti veravegasamussahita nagarabhimukhi 2- pakkhandi. Itarapi namaggahanadivase tam darakam nahapetva namam katva "sami idani @Footnote: 1. Ma. Yu. garubhaRa. 2. "nagarabhimukhiniti yuttataram.

--------------------------------------------------------------------------------------------- page46.

Sakagharam gacchamati puttam adaya samikena saddhim viharamajjhagatena maggena gacchanti puttam samikassa datva viharapokkharaniyam nahatva uttaritva puttam gahetva, samike nahayante, puttam payamana thita, yakkhinim agacchantim disva sanjanitva "sami vegena ehi, ayam sa yakkhiniti uccasaddam katva, yava tassagamanam santhatum asakkonti nivattitva antoviharabhimukhi 1- pakkhandi. Tasmim samaye sattha parisamajjhe dhammam deseti. Sa puttam tathagatassa padapitthe nipajjapetva "tumhakam maya esa dinno, puttassa me jivitam dethati aha. Dvarakotthake adhivattho sumanadevo yakkhiniya anto pavisitum nadasi. Sattha anandattheram amantetva "gacchananda tam yakkhinim pakkosati aha. Thero tam pakkosi. Itara "ayam bhante agacchatiti aha. Sattha "etu, ma saddam akasiti vatva, tam agantva thitam "kasma evam karosi? sace hi tumhe madisassa buddhassa sammukhibhavam nagamissatha, ahinakulanam viya veram acchaphandananam viya kakolukanam viya ca kappatthitikam vo veram abhavissa, kasma verapativeram karotha? veram hi averena upasammati, no verenati vatva imam gathamaha "na hi verena verani sammantidha kudacanam. Averena ca sammanti esa dhammo sanantanoti. Tattha "na hi verenati: yatha hi @Footnote: 1. "antoviharabhimukhiniti yuttataram.

--------------------------------------------------------------------------------------------- page47.

Khelasinghanikadiasucimakkhitatthanam teheva asucihi dhovantopi suddham niggandham katum na sakkoti, athakho tam thanam bhiyyoso mattaya asuddhataranca duggandhataranca hoti; evameva akkosantam paccakkosanto paharantam patippaharanto verena veram vupasametum na sakkoti, athakho bhiyyo bhiyyo verameva karoti. Iti verani nama verena kismincipi kale na sammanti, athakho vaddhantiyeva. Averena ca sammantiti: yatha pana tani kheladini asucini vippasannena udakena dhoviyamanani vinassanti, tam thanam suddham hoti niggandham; evameva averena khantimettodakena yonisomanasikarena paccavekkhanena verani vupasammanti patippassambhanti abhavam gacchanti. Esa dhammo sanantanoti: esa averena veravupasamanasankhato poranako dhammo sabbesam buddhapaccekabuddhakhinasavanam gatamaggoti. Gathapariyosane sa yakkhini sotapattiphale patitthahi. Sampattaparisayapi desana satthika ahosi. Sattha tam itthim aha "etissa tava puttam dehiti. "bhayami bhanteti. "ma bhayi, natthi te etam nissaya paripanthoti. Sa puttam tassa adasi. Sa tam gahetva cumbitva alingitva puna matuyeva datva roditum arabhi. Atha nam sattha "kimetanti pucchi. "bhante aham pubbe yatha tatha jivitam kappentipi kucchipuram nama nalattham, idani katham jivissamiti. Atha nam sattha "ma cintayiti samassasetva, tam itthim aha "imam netva attano gehe nivasapetva

--------------------------------------------------------------------------------------------- page48.

Aggayagubhattehi patijaggahiti. Sa tam netva pitthivamse patitthapetva aggayagubhattehi patijaggi. Tassa vihipaharanakale musalam muddham paharantam viya upatthati. Sa sahayikam amantetva "imasmim thane vasitum na sakkhissami, annattha mam patitthapehiti vatva, musalasalayam udakacatiyam uddhane nimbakose sankarakute gamadvareti etesu thanesu patitthapitapi, "idha me musalam sisam bhindantam viya upatthati, idha daraka ucchitthudakam otarenti, idha sunakha nipajjanti, idha daraka asucim karonti, idha kacavaram chaddenti, idha gamadaraka lakkhayoggam karontiti sabbani tani patikkhipi. Atha nam bahigame vivittokase patitthapetva tattha tassa aggayagubhattadini haritva patijaggi. Sa yakkhini evam cintesi "ayam me sahayika idani bahupakara, handaham kinci patigunam karomiti, "imasmim samvacchare subbutthika bhavissati, thalatthane sassam karohi, imasmim samvacchare dubbutthika bhavissati, ninnatthaneyeva sassam karohiti sahayikaya arocesi. Sesajanehi katasassam atiudakena 1- va anodakena 2- va nassati. Tassa sassam ativiya sampajjati. Atha nam "amma taya katam sassam neva accodakena 1- nassati, na anodakena 2- nassati; subbutthidubbutthibhavam natva kammam karosi, kim nu kho etanti pucchimsu. "amhakam sahayika yakkhini subbutthi- dubbutthibhavam acikkhati, mayam tassa vacanena thalaninnesu sassani @Footnote: 1. accudakenati yuttataram. 2. anudakenati yuttataram.

--------------------------------------------------------------------------------------------- page49.

Karoma, tena no sassam sampajjati, kim na passatha nibaddham amhakam gehato yagubhattadini hariyamanani? tani etissa hariyanti, tumhepi etissa aggayagubhattadini haratha, tumhakampi kammante olokessatiti. Athassa sakalanagaravasino sakkaram karimsu. Sapi tato patthaya sabbesam kammante olokenti labhaggappatta ahosi mahaparivaRa. Sa aparabhage attha salakabhattani patthapesi. Tani yavajjakala diyantiyeva. Idam kaliyakkhiniya uppattivatthu. --------- 5. Kosambikavatthu. (5) "pare ca na vijanantiti imam dhammadesanam sattha jetavane viharanto kosambike bhikkhu arabbha kathesi. Kosambiyam hi ghositarame pancasatapancasataparivara dve bhikkhu viharimsu: vinayadharo ca dhammakathiko ca. Tesu dhammakathiko ekadivasam sariravalanjam katva udakakotthake acamanaudakavasesam bhajane thapetva nikkhami. Paccha vinayadharo tattha pavittho tam udakam disva nikkhamitva itaram pucchi "avuso taya udakam thapitanti. "ama avusoti. "kim panettha apattibhavam na janasiti. "ama na janamiti. "hotavuso, ettha apattiti. "tenahi

--------------------------------------------------------------------------------------------- page50.

Patikkarissami nanti "sace pana te avuso asancicca asatiya katam, natthi apattiti. So tassa apattiya anapattiditthi ahosi. Vinayadharopi attano nissitakanam "ayam dhammakathiko apattim apajjamanopi na janatiti arocesi. Te tassa nissitake disva "tumhakam upajjhayo apattim apajjitvapi apattibhavam na janatiti ahamsu. Te gantva attano upajjhayassa arocesum. So evamaha "ayam vinayadharo pubbe "anapattiti vatva idani `apattiti vadati, musavadi esoti. Te gantva "tumhakam upajjhayo musavaditi kathayimsu. Te evam annamannam kalaham vaddhayimsu. Tato vinayadharo okasam labhitva dhammakathikassa apattiya adassane ukkhepaniyakammam akasi. Tato patthaya tesam paccayadayaka upatthakapi dve kotthasa ahesum. Ovadapatiggahika bhikkhuniyopi arakkhadevatapi tasam sanditthasambhatta akasatthadevatapi yava brahmalokapi sabbe puthujjana dve pakkha ahesum. Yava akanitthabhavana pana ekaninnadam kolahalam agamasi. Atheko bhikkhu tathagatam upasankamitva ukkhepakanam "dhammikenevayam kammena ukkhittoti laddhim ukkhittanuvattakanam "adhammikena kammena ukkhittoti laddhim ukkhepakehi variyamananampi ca tesam tam anuparivaretva vicaranabhavam arocesi. Bhagava "samagga kira hontuti dve vare pesetva "na icchanti bhante samagga bhavitunti sutva tatiyavare "bhinno bhikkhusangho, bhinno bhikkhusanghoti sutva tesam santikam

--------------------------------------------------------------------------------------------- page51.

Gantva, ukkhepakanam ukkhepane itaresanca apattiya adassane adinavam kathetva puna tesam tattheva ekasimayam uposathadini anujanitva bhattaggadisu bhandanajatanam "asanantarikaya nisiditabbanti bhattagge vattam pannapetva "idanipi bhandanajata viharantiti sutva tattha gantva "alam bhikkhave ma bhandanantiadini vatva "bhikkhave bhandanakalahaviggahavivada namete anatthakaraka, kalaham nissaya hi latukikapi sakunika hatthinagam jivitakkhayam papesiti latukikajatakam 1- kathetva "bhikkhave samagga hotha ma vivadatha; vivadam nissaya hi anekasahassavattakapi jivitakkhayam pattati vattakajatakam 2- kathesi. Evampi tesu vacanam anadiyantesu, annatarena dhammavadina tathagatassa vihesam anicchantena "agametu bhante bhagava dhammassami, appossukko bhante bhagava ditthadhammasukhaviharam anuyutto viharatu; mayametena bhandanena kalahena viggahena vivadena pannayissamati 3- vutte, "bhutapubbam bhikkhave baranasiyam brahmadatto nama kasiraja ahositi 4- brahmadattena dighitissa kosalaranno rajjam acchinditva annatakavesena vasantassa maritabhavanceva dighavukumarena attano jivite dinne, tato patthaya tesam samaggabhavanca kathetva "tesam hi nama bhikkhave rajunam adinnadandanam adinnasatthanam evarupam khantisoraccam bhavissati, idha kho tam bhikkhave sobhetha; yam tumhe @Footnote: 1. khu. ja. pancaka. 27/170. tadatthakatha 4/446. 2. khu. ja. eka. 27/12. @ tadatthakatha 2/297. 3. vi. maha. 5/321,322,335. 4. vi. maha. 5/322.

--------------------------------------------------------------------------------------------- page52.

Evam svakkhate dhammavinaye pabbajita samana khama ca bhaveyyatha sorata 1- cati ovaditvapi neva te samagge katum asakkhi. So taya akinnaviharataya ukkanthito "aham kho idani akinno dukkham viharami, ime ca bhikkhu mama vacanam na karonti; yannunaham eko ganamha vupakattho vihareyyanti cintetva kosambiyam pindaya caritva anapaloketva bhikkhusangham ekakova attano pattacivaramadaya balakalonakaramam 2- gantva tattha bhaguttherassa ekacarikavattam kathetva pacinavamsamigadaye tinnam kulaputtanam samaggirasanisamsam kathetva, yena parileyyakam, tadavasari. Tatra sudam bhagava parileyyakam upanissaya rakkhitavanasande bhaddasalamule parileyyakena hatthina upatthiyamano phasukam vassavasam vasi. Kosambivasinopi kho upasaka viharam gantva sattharam apassanta "kuhim bhante satthati pucchimsu. Te bhikkhu ahamsu "parileyyakavanasandam gatoti. "kimkarana bhanteti. "amhe samagge katum vayami, mayam pana na samagga ahumhati. "bhante tumhe satthu santike pabbajitva, tasmim samaggim karontepi, samagga na ahuvatthati. "evamavusoti. Manussa "ime satthu santike pabbajitva, tasmim samaggim karontepi, samagga na jata; mayam ime nissaya sattharam datthum na labhimha; @Footnote: 1. vi. maha. 5/334-335. 2. paliyam "balakalonakarakagamoti dissati.

--------------------------------------------------------------------------------------------- page53.

Imesam neva asanam dassama, na abhivadanadini karissamati tato patthaya tesam samicimattakampi na karimsu. Te appaharataya sussamana katipaheneva ujuka hutva annamannam accayam desetva khamapetva "upasaka mayam samagga jata, tumhepi no purimasadisava hothati ahamsu. "khamapito pana vo bhante satthati. "na khamapito avusoti. "tenahi sattharam khamapetha, satthu khamapitakale mayampi tumhakam purimasadisa bhavissamati. Te antovassabhavena satthu santikam gantum avisahanta dukkhena tam antovassam vitinamesum. Sattha pana tena hatthina upatthiyamano sukham vasi. Sopi ganam pahaya phasuviharatthaya tam vanasandam pavisi. Yathaha? "aham kho 1- akinno viharami hatthihi hatthinihi hatthikalabhehi 2- hatthicchapehi, chinnaggani ceva tinani khadami, obhaggobhagganca me sakhabhangam khadanti, avilani ca paniyani pivami, ogahantassa 3- me uttinnassa hatthiniyo kayam upanighamsantiyo gacchanti, 4- yannunaham eko ganamha vupakattho vihareyyanti. Athakho so hatthinago yutha apakkamma, yena parileyyakam rakkhitavanasando bhaddasalamulam yena bhagava, tenupasankami; upasankamitva 5- ca pana bhagavantam vanditva olokento annam @Footnote: 1. paliyampana aham kho etahi akinnoti dissati. 2. Yu. hatthikulabhehi. 3. tattheva @ogaha ca meti. 4. ito param "akinno dukkham na phasu viharami. yannunahanti. @5. vi. maha. 5/341-342.

--------------------------------------------------------------------------------------------- page54.

Kinci adisva bhaddasalamulam padena paharanto tacchetva sondaya sakham gahetva sammajji; tato patthaya sondaya ghatam gahetva paniyam paribhojaniyam upatthapeti; unhodakena atthe sati, unhodakam patiyadeti. Katham? hatthena katthani ghamsitva aggim sampadeti, tam daruni pakkhipanto jaletva tattha pasane pacitva darudandakena pavattetva paricchinnaya khuddakasondiyam khipati; tato hattham otaretva udakassa tattabhavam janitva gantva sattharam vandati. Sattha "udakam te tapitam parileyyakati vatva tattha gantva nahayati. Athassa nanavidhani phalani aharitva deti. Yada pana sattha gamam pindaya pavisati; tada satthu pattacivaramadaya kumbhe patitthapetva satthara saddhimyeva gacchati. Sattha gamupacaram patva "parileyyaka ito patthaya taya gantum na sakka, ahara me pattacivaranti aharapetva gamam pindaya pavisati. Sopi yava satthu nikkhamana tattheva thatva satthu agamanakale paccuggamanam katva purimanayeneva pattacivaram gahetva vasanatthane otaretva vattam dassetva sakhaya vijati, rattim valamigaparipanthanivaranattham mahantam dandam sondaya gahetva "sattharam rakkhissamiti yava arunuggamana vanasandassa antarantare vicarati. Tato patthayayeva kira so vanasando rakkhitavanasando nama jato. Arune uggate, mukhodakadanam adim katva teneva upayena sabbavattani karoti.

--------------------------------------------------------------------------------------------- page55.

Atheko makkato tam hatthim utthaya samutthaya tathagatassa abhisamacarikam karontam disva "ahampi kincideva karissamiti vicaranto ekadivasam nimmakkhikam dandakamadhupatalam disva dandakam bhanjitva dandakeneva saddhim madhupatalam satthu santikam haritva kadalipattam chinditva tattha thapetva adasi. Sattha ganhi. Makkato "karissati nu kho paribhogam na karissatiti olokento gahetva nisinnam disva "kim nu khoti cintetva dandakotim gahetva parivattetva upadharento andakani disva tani sanikam apanetva puna adasi. Sattha paribhogamakasi. So tutthamanaso tam tam sakham gahetva naccanto atthasi. Athassa gahitasakhapi akkantasakhapi bhijji. So ekasmim khanumatthake patitva, nibbiddhagatto pasanneneva cittena kalam katva tavatimsabhavane timsayojanike kanakavimane nibbatti, accharasahassaparivaro ahosi. Tathagatassa tattha hatthinagena upatthiyamanassa vasanabhavo sakalajambudipe pakato ahosi. Savatthinagarato "anathapindiko visakha mahaupasikati evamadini mahakulani anandattherassa sasanam pahinimsu "sattharam no bhante dassethati. Disavasinopi pancasata bhikkhu vutthavassa anandattheram upasankamitva "cirassuta no avuso ananda bhagavato sammukha dhammikatha; sadhu mayam avuso ananda labheyyama bhagavato sammukha dhammikatham savanayati yacimsu. Thero te bhikkhu adaya tattha gantva "temasam ekaviharino

--------------------------------------------------------------------------------------------- page56.

Tathagatassa santikam ettakehi bhikkhuhi saddhim upasankamitum ayuttanti cintetva te bhikkhu bahi thapetva ekakova sattharam upasankami. Parileyyako tam disva dandakam adaya pakkhandi. Sattha oloketva "apehi parileyyaka, ma nivarayi; buddhupatthako esoti aha. So tattheva dandam chaddetva pattacivarapatiggahanam apucchi. Thero nadasi. Nago "sace uggahitavatto bhavissati, satthu nisidanapasanaphalake attano parikkharam na thapessatiti cintesi. Thero pattacivaram bhumiyam thapesi. Vattasampanna hi garunam asane va sayane va attano parikkharam na thapenti. So tam disva pasannacitto ahosi. Thero sattharam vanditva ekamantam nisidi. Sattha "ananda ekakova agatositi pucchitva pancasatehi bhikkhuhi saddhim agatabhavam sutva "kuhim pana teti vatva, "tumhakam cittam ajananto bahi thapetva agatomhiti vutte, "pakkosahi teti aha. Thero tatha akasi. Te bhikkhu agantva sattharam vanditva ekamantam nisidimsu. Sattha tehi saddhim patisantharam katva, tehi bhikkhuhi "bhante bhagava buddhasukhumalo ceva khattiyasukhumalo ca, tumhehi temasam ekakehi titthantehi nisidantehi ca dukkaram katam; vattapativattakarakopi mukhodakadayakopi nahosi manneti vutte, "bhikkhave parileyyakahatthina mama sabbakiccani katani, evarupam hi sahayakam labhantena ekato vasitum yuttam, alabhantassa ekacarikabhavova seyyoti vatva ima

--------------------------------------------------------------------------------------------- page57.

Nagavagge tisso gathayo abhasi "sace labhetha nipakam sahayam saddhimcaram sadhuvihari dhiram, abhibhuyya sabbani parissayani careyya tenattamano satima. No ce labhetha nipakam sahayam saddhimcaram sadhuvihari dhiram, rajava rattham vijitam pahaya, eko care, matangaranneva nago. Ekassa caritam seyyo, natthi bale sahayata; eko care na ca papani kayira, appossukko matangaranneva nagoti. Gathapariyosane pancasatapi te bhikkhu arahatte patitthahimsu. Anandatthero anathapindikadihi pesitam sasanam arocetva "bhante anathapindikapamukha panca ariyasavakakotiyo tumhakam agamanam paccasimsantiti aha. Sattha "tenahi ganhahi pattacivaranti pattacivaram gahapetva nikkhami. Nago gantva magge tiriyam atthasi. Bhikkhu tam disva bhagavantam pucchimsu "kim karoti bhanteti. "tumhakam bhikkhave bhikkham datum paccasimsati, digharattam kho panayam mayham upakarako, nassa cittam kopetum vattati, nivattatha bhikkhaveti. Sattha bhikkhu gahetva nivatti. Hatthipi vanasandam pavisitva

--------------------------------------------------------------------------------------------- page58.

Panasakadaliphaladini nanaphalani samharitva rasim katva punadivase bhikkhunam adasi. Pancasata bhikkhu sabbani khepetum nasakkhimsu. Bhattakiccapariyosane sattha pattacivaram gahetva nikkhami. Nago bhikkhunam antarantarena gantva satthu purato tiriyam atthasi. Bhikkhu tam disva bhagavantam pucchimsu "kim karoti bhanteti. "ayam bhikkhave tumhe pesetva mam nivattetiti. "evam bhanteti. "ama bhikkhaveti. Atha nam sattha "parileyyaka idam mama anivattagamanam, tava imina attabhavena jhanam va vipassanam va maggaphalam va natthi, tittha tvanti aha. Tam sutva nago mukhe sondam pakkhipitva rodanto pacchato pacchato agamasi. So hi sattharam nivattetum labhanto teneva niyamena yavajivam patijaggeyya. Sattha pana tam gamupacaram patva "parileyyaka ito patthaya tava abhumi, manussavaso saparipantho, tittha tvanti aha. So rodamano tattha thatva, satthari cakkhupatham vijahante, hadayena phalitena kalam katva satthari pasadena tavatimsabhavane timsayojanike kanakavimane accharasahassamajjhe nibbatti. "parileyyakadevaputtotvevassa namam ahosi. Satthapi anupubbena jetavanam agamasi. Kosambika bhikkhu "sattha kira savatthim agatoti sutva sattharam khamapetum tattha agamamsu. Kosalaraja "te kira kosambika bhandanakaraka bhikkhu agacchantiti sutva sattharam upasankamitva "aham bhante tesam mama vijitam pavisitum na dassamiti aha.

--------------------------------------------------------------------------------------------- page59.

"maharaja silavanta te bhikkhu, kevalam annamannam vivadena mama vacanam na ganhimsu; idani mam khamapetum agacchanti: agacchantu maharajati. Anathapindikopi "bhante aham tesam viharam pavisitum na dassamiti vatva tatheva bhagavata patikkhitto tunhi ahosi. Savatthiyam anuppattanam pana tesam bhagava ekamante vivittam karapetva senasanam dapesi. Anne bhikkhu tehi saddhim neva ekato nisidanti na titthanti. Agatagata sattharam pucchanti "katame te bhante bhandanakaraka kosambika bhikkhuti. Sattha "eteti dasseti. Te "ete kira te, ete kira teti agatagatehi anguliya dassiyamana lajjaya sisam ukkhipitum asakkonta bhagavato padamule nipajjitva bhagavantam khamapesum. Sattha "bhariyam vo bhikkhave katam; tumhe nama madisassa buddhassa santike pabbajitvapi, mayi samaggim karonte, mama vacanam na karittha, poranakapanditapi vajjhappattanam matapitunam ovadam sutva, tesu jivita voropiyamanesupi, tam anatikkamitva paccha dvisu ratthesu rajjam karayimsuti vatva punadeva dighavukumarajatakam kathetva "evam bhikkhave dighavukumaro matapitusu jivita voropiyamanesupi, tesam ovadam anatikkamitva paccha brahmadattassa dhitaram labhitva dvisu kasikosalaratthesu rajjam karesi, tumhehi pana mama vacanam akarontehi bhariyam katanti vatva imam gathamaha

--------------------------------------------------------------------------------------------- page60.

"pare ca na vijananti `mayamettha yamama se; ye ca tattha vijananti, tato sammanti medhagati. Tattha "pareti: pandite thapetva tato anne bhandanakaraka pare nama. Te tattha sanghamajjhe kolahalam karonta "mayam yamama se uparamama nassama sasatam samipam maccusantikam gacchamati na vijananti. Ye ca tattha vijanantiti; ye tattha pandita "mayam maccusamipam gacchamati vijananti. Tato sammanti medhagati: evam hi te jananta yonisomanasikaram uppadetva medhaganam kalahanam vupasamaya patipajjanti, atha tesam taya patipattiya te medhaga sammanti. Athava "pare cati: pubbe maya "ma bhikkhave bhandanantiadini vatva ovadiyamanapi mama ovadassa apatiggahanena amamaka pare nama "mayam chandadivasena micchagaham gahetva ettha sanghamajjhe yamamase bhandanadinam vuddhiya vayamamati na vijananti. Idani pana yoniso paccavekkhamana tattha tumhakam antare ye panditapurisa "pubbe mayam chandadivasena vayamanta ayoniso patipannati vijananti, tato tesam santika te panditapurise nissaya imedani kalahasankhata medhaga sammantiti ayamettha atthoti. Gathapariyosane sampattabhikkhu sotapattiphaladisu patitthahimsuti. Kosambikavatthu. -----------

--------------------------------------------------------------------------------------------- page61.

6. Cullakalamahakalavatthu. (6) "subhanupassim viharantanti imam dhammadesanam sattha setabyanagaram upanissaya sisapavane viharanto cullakalamahakale arabbha kathesi. Setabyanagaravasino hi "cullakalo majjhimakalo mahakalo cati tayo bhataro kutumbika. Tesu jetthakanittha disasu vicaritva pancahi sakatasatehi bhandam aharanti. Majjhimakalo abhatam vikkinati. Athekasmim samaye te ubhopi bhataro pancahi sakatasatehi nanabhandam gahetva savatthim gantva savatthiya ca jetavanassa ca antare sakatani mocayimsu. Tesu mahakalo sayanhasamaye malagandhadihatthe savatthivasino ariyasavake dhammassavanaya gacchante disva "kuhim ime gacchantiti pucchitva tamattham sutva "ahampi gamissamiti cintetva kanittham amantetva "tata sakatesu appamatto hohi, ahampi dhammam sotum gamissamiti vatva gantva tathagatam vanditva parisapariyante nisidi. Sattha tamdivasam tassa ajjhasayena anupubbikatham kathento dukkhakkhandhasuttadivasena anekapariyayena kamanam adinavam okaram sankilesanca kathesi. Tam sutva mahakalo "sabbam kira pahaya gantabbam, paralokam gacchantam neva bhoga na natayo anugacchanti, kim me gharavasena, pabbajissamiti cintetva, mahajane vanditva pakkante, sattharam pabbajjam yacitva, satthara "natthi te koci apaloketabboti vutte, "kanittho me atthi bhanteti vatva, "tenahi apalokehi nanti vutte, "sadhu bhanteti agantva

--------------------------------------------------------------------------------------------- page62.

Kanittham etadavoca "tata imam sabbam sapateyyam patipajjati. 1- "tumhe pana bhatikati. "aham satthu santike pabbajissamiti. So tam nanappakarehi yacitva nivattetum asakkonto "sadhu sami yathajjhasayam karothati aha. Mahakalo gantva satthu santike pabbaji. "aham bhatikam gahetvava uppabbajissamiti cullakalopi pabbaji. Aparabhage mahakalo upasampadam labhitva sattharam upasankamitva sasane dhurani pucchitva, satthara dvisu dhuresu kathitesu, "aham bhante mahallakakale pabbajitatta ganthadhuram puretum na sakkhissami, vipassanadhuram pana puressamiti yava arahatta sosanikadhutangam kathapetva, pathamayamatikkame sabbesu niddam okkantesu, susanam gantva paccusakale sabbesu anutthitesuyeva, viharam agacchati. Atheka susanagopika kali nama chavadahika therassa thitatthananca nisidanatthananca cankamanatthananca disva "ko nu kho idhagacchati, parigganhissami nanti parigganhitum asakkonti ekadivasam susanakutikaya dipam jaletva puttadhitaro adaya gantva ekamante nilina majjhimayame theram agacchantam disva gantva vanditva "ayyo no bhante imasmim thane viharatiti aha. "ama upasiketi. "bhante susane viharantehi nama vattam ugganhitum vattatiti. Thero "kim pana mayam taya kathitavatte vattissamati @Footnote: 1. paticchatipi, Ma. patipajjahi.

--------------------------------------------------------------------------------------------- page63.

Avatva "kim katum vattati upasiketi aha. "bhante sosanikehi nama susane vasanabhavo susanagopakanam vihare mahatherassa gamabhojakassa ca kathetum vattatiti. "kimkaranati. "katakamma cora samikehi padanupadam anubandhanta susane bhandikam chaddetva palayanti; atha manussa sosanikanam paripantham karonti; etesam pana kathite, `mayam imassa bhaddantassa ettakannama kalam ettha vasanabhavam janama, acoro esoti upaddavam nivarenti; tasma etesam kathetum vattatiti. "annam kim katabbanti. "bhante susane vasantena nama ayyena macchamamsapitthatilaguladini vajjetabbani, diva na niddayitabbam, akusitena bhavitabbam araddhaviriyena, asathena amayavina hutva kalyanajjhasayena bhavitabbam, sayam sabbesu suttesu viharato agantabbam, paccusakale sabbesu anutthitesuyeva, viharam gantabbam, sace bhante ayyo imasmim thane evam viharanto pabbajitakiccam matthakam papetum sakkhissati, sace matasariram anetva chaddenti, kambalakutagaram aropetva gandhamaladihi sakkaram katva sarirakiccam karissami; no ce sakkhissati, citakam aropetva aggim jaletva sankuna akaddhitva bahi thapetva 1- pharasuna kottetva khandakhandikam chinditva aggimhi pakkhipitva tuyham 2- dassetva 2- jhapessamiti. Atha nam thero "sadhu bhadde, ekam pana ruparammanam disva mayham kathehiti aha. Sa "sadhuti paccassosi. Thero yathajjhasayena @Footnote: 1. Si. Ma. khipitva. 2. Si. Ma. natthi, atirekapadehi bhavitabbam.

--------------------------------------------------------------------------------------------- page64.

Susane samanadhammam karoti. Cullakalatthero pana utthaya samutthaya gharavasam cinteti, puttadaram anussarati, "ayam me bhatiko atibhariyam kammam karotiti cintesi. Atheka kuladhita tammuhuttam samutthitena byadhina sayanhasamaye amilata akilanta kalamakasi. Tamenam natayo daruteladihi saddhim sayam susanam netva susanagopikaya "imam jhapehiti bhatim datva niyyadetva pakkamimsu. Sa tassa parupanavattham apanetva tam muhuttamatam panitappanitam suvannavannam sariram disva "imam ayyassa dassetum patirupam arammananti cintetva gantva theram vanditva "evarupam nama bhante arammanam atthi, olokeyyathati aha. Thero "sadhuti gantva parupanavattham niharapetva padatalato yava kesagga oloketva "atipanitametam rupam suvannavannam, aggimhi nam pakkhipitva mahajalahi gahitakale mayham aroceyyasiti vatva sakatthanameva gantva nisidi. Sa tatha katva therassa arocesi. Thero gantva olokesi. Jalaya pahatapahatatthane kavaragavi viya sariravannam ahosi. Pada namitva olambimsu, hattha patikujjimsu, lalatam 1- niccammam ahosi. Thero "idam sariram idaneva olokentanam apariyantikaram hutva idaneva khayappattam vayappattanti rattitthanam gantva nisiditva khayavayam sampassamano @Footnote: 1. Si. Ma. nalatam.

--------------------------------------------------------------------------------------------- page65.

"anicca vata sankhara uppadavayadhammino, uppajjitva nirujjhanti tesam vupasamo sukhoti 1- gatham vatva vipassanam vaddhetva saha patisambhidahi arahattam papuni. Tasmim arahattam patte, sattha bhikkhusanghaparivuto carikancaramano setabyanagaram gantva simsapavanam pavisi. Cullakalassa bhariyayo "sattha kira anuppattoti sutva "amhakam samikam ganhissamati pesetva sattharam nimantapesum. Buddhanam pana aparicitatthane asanapannattim acikkhantena ekena bhikkhuna pathamataram gantum vattati. Buddhanam hi majjhimatthane asanam pannapetva tassa dakkhinato sariputtattherassa vamato mahamoggallanattherassa tato patthaya ubhosu passesu bhikkhusanghassa asanam pannapetabbam hoti; tasma mahakalatthero civaraparupanatthane thatva "tvam purato gantva asanapannattim acikkhahiti cullakalam pesesi. Tassa ditthakalato patthaya gehajana tena saddhim parihasam karonta nicasanani sanghattherakotiyam attharanti, uccasanani sanghanavakakotiyam. Itaro "ma evam karotha, uccasanani upari pannapetha, nicasanani hetthati aha. Itthiyo tassa vacanam asanantiyo viya "tvam kim karonto vicarasi? kim tava asanani pannapetum na vattati? tvam kam apucchitva pabbajito? kena pabbajapitosi? kasma idhagatositi vatva nivasanaparupanam acchinditva setakani @Footnote: 1. di. maha. 10/181. sam. sa. 15/8. sam. ni. 16/228. khu. ja. eka. 27/31.

--------------------------------------------------------------------------------------------- page66.

Vatthani nivasetva sise malacumbatakam thapetva "gaccha tvam, sattharam anehi; mayam asanani pannapessamati pahinimsu. So naciram bhikkhubhave thatva avassikova uppabbajitva lajjitum na janati; tasma tena akappena nirasankova gantva sattharam vanditva buddhappamukham bhikkhusangham adaya agato. Bhikkhusanghassa pana bhattakiccavasane mahakalassa bhariyayo "imahi attano samiko gahito, mayampi amhakam samikam ganhissamati cintetva punadivasatthaya sattharam nimantayimsu. Tada pana asanapannapanattham anno bhikkhu agamasi. Ta tasmim khane okasam alabhitva buddhappamukham bhikkhusangham nisidapetva bhikkham adamsu. Cullakalassa pana dve bhariyayo, majjhimakalassa catasso, mahakalassa attha. Bhikkhupi bhattakiccam katukama nisiditva bhattakiccamakamsu, bahi gantukama utthaya agamamsu. Sattha pana nisiditva bhattakiccam kari. Tassa bhattakiccapariyosane ta itthiyo "bhante mahakalo amhakam anumodanam katva gamissati, tumhe purato gacchathati vadimsu. Sattha "sadhuti vatva purato agamasi. Gamadvaram patva bhikkhusangho ujjhayi "kinnametam satthara katam, natva nu kho katam udahu ajanitva?, hiyyo cullakalassa purato gatatta pabbajjantarayo jato, ajja annassa purato gatatta antarayo nahosi, idani sattha mahakalam nivattetva agato, silava kho pana bhikkhu acarasampanno; karissanti nu kho tassa pabbajjantarayanti.

--------------------------------------------------------------------------------------------- page67.

Sattha tesam vacanam sutva nivattitva thito "kim kathetha bhikkhaveti pucchi. Te tamattham arocesum. "kim pana tumhe bhikkhave cullakalam viya mahakalam sallakkhethati. "ama bhante, tassa hi dve pajapatiyo, imassa attha; atthahi parikkhipitva gahito kim karissati bhanteti. Sattha "ma bhikkhave evam avacuttha, cullakalo utthaya samutthaya subharammanabahulo viharati, papatatate thitadubbalarukkhasadiso, mayham pana putto mahakalo asubhanupassi viharati, ghanaselapabbato viya acalo vati vatva ima gathayo abhasi "subhanupassim viharantam indriyesu asamvutam bhojanamhi amattannum kusitam hinaviriyam tam ve pasahati maro, vato rukkhamva dubbalam. Asubhanupassim viharantam indriyesu susamvutam bhojanamhi ca mattannum saddham araddhaviriyam tam ve nappasahati maro, vato selamva pabbatanti. Tattha subhanupassinti: subham anupassantam. "ittharammane manasam vissajjetva viharantanti attho. Yo hi puggalo nimittaggaham anubyanjanaggaham ganhanto "nakha sobhanati ganhati, "anguliyo sobhanati ganhati, "hattha pada jangha uru kati udaram thana giva ottho danta mukham nasa akkhini kanna bhamuka lalatam kesa sobhanati ganhati, "kesa loma nakha danta taco sobhanoti ganhati, "vanno subho, santhanam subhanti ganhati;

--------------------------------------------------------------------------------------------- page68.

Ayam subhanupassi nama; tam evam subhanupassim viharantam. Indriyesuti: cakkhadisu chasu indriyesu. Asamvutnti; cakkhudvaradini arakkhantam. Amattannunti: pariyesanamatta patiggahanamatta paribhogamattati imissa mattaya ajananato bhojanamhi amattannum. Apica "paccavekkhanamatta vissajjanamattati imissapi mattaya ajananato amattannum. "idam bhojanam dhammikam, idam adhammikantipi ajanantam. Kusitanti: kamabyapadavihimsavitakkavasikataya kusitam. Hinaviriyanti: nibbiriyam catusu iriyapathesu viriyakaranavirahitam. Pasahatiti: abhibhavati ajjhottharati. Vato rukkhamva dubbalanti: balavavato chinnatate jatam dubbalarukkham viya. "yatha hi so vato tassa rukkhassa pupphaphalapallavadinipi pateti, khuddakasakhapi bhanjati, mahasakhapi bhanjati, samulampi tam rukkham ubbattetva uddhamulam adhosakham katva gacchati; evameva evarupam puggalam anto uppanno kilesamaro pasahati; balavavato dubbalarukkhassa pupphaphalapallavadipatanam viya khuddanukhuddakapattiapajjanampi karoti, khuddakasakhabhanjanam viya nissaggiyadiapattiapajjanampi karoti, mahasakhabhanjanam viya terasasanghadisesapajjanampi karoti, ubbattetva uddhamulam hetthasakham katva patanam viya parajikapattiapajjanampi karoti, svakkhatasasana niharitva katipaheneva gihibhavam papeti; evarupam puggalam kilesamaro attano vase vattetiti attho. Asubhanupassinti: dasasu asubhesu annataram asubham passantam,

--------------------------------------------------------------------------------------------- page69.

Patikulamanasikare yuttam, kese asubhato passantam, lome nakhe dante tacam vannam santhanam asubhato passantam. Indriyesuti: chasu indriyesu. Susamvutanti: nimittaggahadivirahitam pihitadvaram. Amattannutapatipakkhena bhojanamhi ca mattannum. Saddhanti: kammassa ceva phalassa ca saddahana- lakkhanaya lokiyasaddhaya ceva tisu vatthusu aveccappasadasankhataya lokuttarasaddhaya ca samannagatam. Araddhaviriyanti: paggahitaviriyam paripunnaviriyam. Tam veti: tam evarupam puggalam. "yatha dubbalavato sanikam paharanto ekaghanam selam caletum na sakkoti; tatha abbhantare uppajjamanopi dubbalakilesamaro nappasahati khobhetum kampetum caletum na sakkotiti attho. Tapi kho tassa puranadutiyika theram parivaretva "tvam kam apucchitva pabbajito? idani gihi bhavissasi na bhavissasitiadini vatva kasayani niharitukama ahesum. Thero tasam akaram sallakkhetva nisinnasana vutthaya iddhiya uppatitva kutagarakannikam bhinditva akasena gantva, satthari gatha pariyosapenteyeva, satthu suvannavannam sariram abhitthavanto otaritva tathagatassa pade vandi. Gathapariyosane sampattabhikkhu sotapattiphaladisu patitthahimsuti. Cullakalamahakalavatthu. ----------------

--------------------------------------------------------------------------------------------- page70.

7. Devadattavatthu. (7) "anikkasavoti imam dhammadesanam sattha jetavane viharanto rajagahe devadattassa gandharakasavalabham arabbha kathesi. Ekasmim hi samaye dve aggasavaka pancasate pancasate attano parivare adaya sattharam apucchitva jetavanato rajagaham agamamsu. Rajagahavasino dvepi tayopi bahupi ekato hutva agantukadanam adamsu. Athekadivasam ayasma sariputto anumodanam karonto "upasaka eko sayam danam deti, param na samadapeti; so nibbattanibbattatthane bhogasampadam labhati, no parivarasampadam, eko param samadapeti, sayam na deti; nibbattanibbattatthane parivarasampadam labhati, no bhogasampadam, eko sayampi na deti, parampi na samadapeti; so nibbattanibbattatthane kanjikamattampi kucchipuram na labhati, anatho hoti nippaccayo, eko sayampi deti, parampi samadapeti; so nibbattanibbattatthane attabhavasatepi attabhavasahassepi attabhavasatasahassepi bhogasampadanceva parivarasampadanca labhatiti evam dhammam desesi. Tameko panditapuriso sutva "acchariya vata bho dhammadesana, sukhakaranam kathitam; maya imasam dvinnam sampattinam nipphadanakakammam katum vattatiti cintetva " bhante sve mayham bhikkham ganhathati theram nimantesi. "kittakehi te bhikkhuhi attho upasakati. "kittaka pana vo bhante parivarati. "sahassamatta upasakati. "sabbehi saddhimyeva bhikkham ganhatha bhanteti. Thero adhivasesi. Upasako

--------------------------------------------------------------------------------------------- page71.

Nagaravithiyam caranto "ammatata maya bhikkhusahassam nimantitam, tumhe kittakanam bhikkhunam bhikkham datum sakkhissatha, tumhe kittakananti samadapeti. Manussa attano attano pahonakaniyamena "mayam dasannam dassama, mayam visatiya, mayam satassati ahamsu. Upasako "tenahi ekasmim thane samagamam katva ekatova pacissama, sabbe telatilatandulasappiphanitadini samaharathati ekasmim thane samaharapesi. Athassa eko kutumbiko satasahassagghanakam gandharakasavavattham datva "sace te danavattam nappahoti, idam vissajjetva, yadunam, tam pureyyasi; sace pahoti, yassa icchasi; tassa bhikkhuno dadeyyasiti aha. Tada tassa sabbam danavattam pahosi, kinci unannama nahosi. So manusse pucchi "idam anagghakasavam ekena kutumbikena evam nama vatva dinnam, danavattam atirekam jatam, kassidam demati. Ekacce "sariputtattherassati ahamsu. Ekacce "thero sassaparipakasamaye agantva gamanasilo; devadatto amhakam mangalamangalesu sahayo udakamaniko viya niccam patitthito, tassa tam demati ahamsu. Sambahulikaya kathayapi "devadattassa databbanti vattaro bahutara ahesum. Atha nam devadattassa adamsu. So tam chinditva sibbitva rajitva nivasetva parupitva vicarati. Manussa tam disva "nayidam devadattassa anucchavikam; sariputtattherassa anucchavikam; devadatto attano ananucchavikam nivasetva parupitva vicaratiti vadimsu. Atheko disavasiko bhikkhu rajagaha savatthim gantva sattharam

--------------------------------------------------------------------------------------------- page72.

Vanditva katapatisantharo satthara dvinnam aggasavakanam phasuviharam pucchito adito patthaya sabbam tam pavattim arocesi. Sattha "na kho bhikkhu idaneva so attano ananucchavikam vattham dhareti, pubbepi dharesiyevati vatva atitam ahari; atite baranasiyam brahmadatte rajjam karente, baranasivasi eko hatthimarako hatthim maretva dante ca tace ca antani ca ghanamamsanca aharitva vikkinanto jivitam kappesi. Athekasmim aranne anekasahassa hatthi gocaram gahetva gacchanta paccekabuddhe disva tato patthaya gacchamana gamanagamanakale jannukehi nipatitva vanditva pakkamanti. Ekadivasam hatthimarako tam kiriyam disva "aham ime kicchena maremi, ime ca gamanagamanakale paccekabuddhe vandanti, kinnu kho disva vandantiti cintento "kasavanti sallakkhetva "mayapi idani kasavam laddhum vattatiti cintetva ekassa paccekabuddhassa jatassaram oruyha nahayantassa tire thapitesu kasavesu civaram thenetva tesam hatthinam gamanagamanamagge sattim gahetva sasisam parupitva nisidati. Hatthi tam disva "paccekabuddhoti sannaya vanditva pakkamanti. So tesam sabbapacchato gacchantam sattiya paharitva maretva dantadini gahetva sesam bhumiyam nikhanitva gacchati. Aparabhage bodhisatto hatthiyoniyam patisandhim gahetva hatthijetthako yuthapati ahosi. Tadapi so tatheva karoti. Mahapuriso attano parisaya parihanim natva "kuhim ime hatthi gata manda jatati pucchitva,

--------------------------------------------------------------------------------------------- page73.

"na janama samiti vutte, "kuhim 1- gacchanta mam anapuccha na gamissanti, paripanthena bhavitabbanti cintetva "ekasmim thane kasavam parupitva nisinnassa santika paripanthena bhavitabbanti parisankitva tam parigganhitum sabbe hatthi purato pesetva sayam pacchato vilambamano agacchati. So sesahatthisu vanditva gatesu, mahapurisam agacchantam disva civaram samharitva sattim vissajji. Mahapuriso satim upatthapetva agacchanto pacchato patikkamitva sattim vancesi. Atha nam "imina me hatthi nasitati ganhitum pakkhandi. Itaro ekam rukkham purato katva niliyi. Atha nam rukkhena saddhim sondaya parikkhipitva "gahetva bhumiyam pothessamiti tena niharitva dassitam kasavam disva "sacaham imasmim dussissami, anekasahassesu me buddhappaccekabuddhakhinasavesu lajja nama bhinna bhavissatiti adhivasetva "taya me ettaka nataka nasitati pucchi. "ama samiti. "kasma evam bhariyam kammam akasi? attano ananucchavikam vitaraganam anucchavikam vattham paridahitva evarupam papakammam karontena bhariyam taya katanti. Evanca pana vatva uttarimpi nigganhanto "anikkasavo kasavam yo vattham paridahessati apeto damasaccena, na so kasavamarahati, yo ca vantakasavassa silesu susamahito upeto damasaccena, sa ve kasavamarahatiti @Footnote: 1. kuhinti pucchanasaddo. ettha pana puccha natthi tasma yatthati va yattha katthaciti @va yuttataram.

--------------------------------------------------------------------------------------------- page74.

Gatham 1- vatva "ayuttante katanti vatva tam vissajjesi. Sattha imam dhammadesanam aharitva "tada hatthimarako devadatto ahosi, tassa niggahako hatthinago ahamevati jatakam samodhanetva "na kho bhikkhu idaneva, pubbepi devadatto attano ananucchavikam vattham dharesiyevati vatva ima gatha abhasi "anikkasavo kasavam yo vattham paridahessati apeto damasaccena, na so kasavamarahati, yo ca vantakasavassa silesu susamahito upeto damasaccena, sa ve kasavamarahatiti. 2- Chaddantajatakenapi ayamattho dipetabboti. Tattha "anikkasavoti: kamaragadihi kasavehi sakasavo. Paridahessatiti: nivasanaparupanattharanavasena paribhunjissati. "pari- dahissatitipi patho. Apeto damasaccenati: indriyadamanena ceva paramatthasaccapakkhikena ca vacisaccena apeto. "viyuttoti attho. Na soti: so evarupo puggalo kasavam paridahitum narahati. Vantakasavassati: catuhi maggehi vantakasavo chadditakasavo pahinakasavo assa. Silesuti: catusu parisuddhisilesu. Susamahitoti: sutthu samahito sutthu thito. Upetoti: indriyadamanena ceva vuttappakarena ca vacisaccena upeto. Sa veti: so evarupo puggalo tam kasavavattham arahatiti. @Footnote: 1. gathati yuttataram. 2. khu. ja. du. 27/83. tadatthakatha. 3/261.

--------------------------------------------------------------------------------------------- page75.

Gathapariyosane so disavasiko bhikkhu sotapanno jato. Annepi bahu sotapattiphaladini papunimsu. Desana mahajanassa satthika ahositi. Devadattavatthu. ---------- 8. Sanjayavatthu. (8) "asare saramatinoti imam dhammadesanam sattha veluvane viharanto dvihi 1- aggasavakehi niveditam sanjayassa anagamanam arabbha kathesi. Tatrayam anupubbikatha: amhakam hi sattha ito kappasatasahassadhikanam catunnam asankheyyanam matthake amaravatinagare sumedho nama brahmanakumaro hutva sabbasippanam 2- nipphattim patto 3- matapitunam accayena anekakotisankhyam dhanam pariccajitva isipabbajjam pabbajitva himavante vasanto jhanabhinnayo nibbattetva akasena gacchanto dipankaradasabalassa sudassanaviharato amaravatinagaram 4- pavisanatthaya maggam sodhiyamanam disva sayampi ekam padesam gahetva, tasmim anitthiteyeva 5- agatassa satthuno attanam setum katva ajinicammam kalale 6- attharitva @Footnote: 1. Si. Ma. Yu. "dvihiti natthi. 2. Si. Ma. Yu. sabbasippesu. 3. Si. Ma. Yu. @patva. 4. Si. Yu. rammavatinagaram. Ma. rammavatinagare. 5. Si. Ma. Yu. @asodhiteyeva. 6. Ma. kalale ajinicammam. Si. Yu. "ajinicammanti natthi.

--------------------------------------------------------------------------------------------- page76.

"sattha sasavakasangho kalalam anakkamitva mam akkamanto gacchatuti nipanno, satthara [1]- disvava "buddhankuro esa anagate kappasatasahassadhikanam catunnam asankheyyanam pariyosane gotamo nama buddho bhavissatiti byakato, tassa satthuno aparabhage "kondanno sumangalo sumano revato sobhito anomadassi padumo narado padumuttaro sumedho sujato piyadassi atthadassi dhammadassi siddhattho tisso pusso vipassi sikhi vessabhu kakusandho konagamano kassapo cati lokam obhasetva uppannanam imesampi tevisatiya buddhanam santike laddhabyakarano "dasa paramiyo dasa upaparamiyo dasa paramatthaparamiyoti samatimsaparamiyo puretva vessantarattabhave thito sattakkhattum pathavikampanani mahadanani datva puttadaram pariccajitva ayupariyosane tusitapure nibbattitva tattha yavatayukam thatva, dasasahassacakkavaladevatahi sannipatitva "kaloyante mahavira, uppajja matukucchiyam, sadevakam tarayanto bujjhassu amatam padanti vutte, panca mahavilokanani viloketva tato cuto sakyarajakule patisandhim gahetva tattha mahasampattiya paricariyamano anukkamena bhadrayobbanam patva tinnam utunam anucchavikesu tisu pasadesu devalokasirim viya rajjasirim anubhavanto uyyanakilaya gamanasamaye anukkamena jinnabyadhimatasankhate tayo devadute disva @Footnote: 1. Si. Ma. Yu. etthantare "tanti dissati.

--------------------------------------------------------------------------------------------- page77.

Sanjatasamvego nivattitva catutthavare pabbajitam disva "sadhu pabbajjati pabbajjaya rucim uppadetva uyyanam gantva tattha divasam khepetva mangalapokkharanitire nisinno kappakavesam gahetva agatena vissukammuna devaputtena alankatapatiyatto rahulakumarassa jatasasanam sutva puttasinehassa balavabhavam natva "yava idam bandhanam na bandhati, tavadeva chindissamiti cintetva sayam nagaram pavisanto "nibbuta nuna sa mata, nibbuto nuna so pita, nibbuta nuna sa nari, yassayam idiso patiti kisagotamiya nama pitucchadhitaya bhasitam imam gatham sutva "aham imaya nibbutapadam savitoti givato muttaharam omuncitva tassa pesetva attano bhavanam pavisitva sirisayane nisinno, niddupagatanam natakitthinam vippakaram disva nibbinnahadayo channam utthapetva kanthakam aharapetva kanthakam aruyha channasahayo dasasahassacakkavaladevatahi parivuto mahabhinikkhamanam nikkhamitva anomanaditire pabbajitva anukkamena rajagaham gantva tattha pindaya caritva pandavapabbatapabbhare nisinno magadharanna rajjena nimantiyamano tam patikkhipitva sabbannutam patva attano vijitam agamanatthaya tena gahitapatinno alaranca uddakanca upasankamitva tesam santike adhigatavisesam analankaritva chabbassani mahapadhanam padahitva visakhapunnamidivase patova sujataya

--------------------------------------------------------------------------------------------- page78.

Dinnam payasam paribhunjitva neranjaraya nadiya suvannapatim pavahetva neranjaraya nadiya tire mahavanasande nanasamapattihi divasabhagam vitinametva sayanhasamaye sotthiyena dinnam tinam gahetva kalena nagarajena abhitthutaguno bodhimandam aruyha tinani santharitva "na tavimam pallankam bhindissami, yava me anupadaya asavehi cittam na vimuccissatiti patinnam katva puratthabhimukho nisiditva, suriye anatthangamiteyeva, marabalam vidhamitva pathamayame pubbenivasananam majjhimayame cutupapatananam patva pacchimayamavasane paccayakare nanam otaretva arunuggamane dasabalacatuvesarajjadisabbagunapatimanditam sabbannutananam pativijjhitva sattasattaham bodhimande vitinametva atthame sattahe ajapalanigrodhamule nisinno dhammagambhiratapaccavekkhanena appossukkatam apajjamano dasasahassamahabrahmaparivarena sahampatibrahmuna ayacitadhammadesano buddhacakkhuna lokam oloketva brahmuno ajjhesanam adhivasetva "kassa nu kho aham pathamam dhammam deseyyanti olokento alaruddakanam kalakatabhavam natva pancavaggiyanam bhikkhunam bahupakaratam anussaritva utthayasana kasipuram gacchanto antaramagge upakena ajivakena saddhim mantetva asalhapunnamidivase isipatane migadaye pancavaggiyanam bhikkhunam vasanatthanam patva te ananucchavikena samudacarena samudacarante sannapetva annakondannappamukhe attharasabrahmakotiyo

--------------------------------------------------------------------------------------------- page79.

Amatapanam payento dhammacakkam pavattetva pavattitapavaradhammacakko pancamiyam pakkhassa sabbepi te bhikkhu arahatte patitthapetva tamdivasameva yasassa kulaputtassa upanissayasampattim disva tam rattibhage nibbinditva geham pahaya nikkhamantam "ehi yasati pakkositva tasmimyeva rattibhage sotapattiphalam papetva punadivase arahattam papetva aparepi tassa sahayake catupannasajane ehibhikkhupabbajjaya pabbajetva arahattam papesi. Evam loke ekasatthiya arahantesu jatesu, vutthavasso pavaretva "caratha bhikkhave carikanti satthibhikkhu disasu pesetva sayam uruvelam gacchanto antaramagge kappasikavanasande timsajane bhaddavaggiyakumare vinesi. Tesu sabbapacchimako sotapanno, sabbuttamo anagami ahosi. Tepi sabbe ehibhikkhubhaveneva pabbajetva disasu pesetva sayam uruvelam gantva addhuddhani patihariyasahassani dassetva uruvelakassapadayo sahassajatilaparivare tebhatikajatile vinetva ehibhikkhubhaveneva pabbajetva gayasise nisidapetva adittapariyayadesanaya arahatte patitthapetva tena arahantasahassena parivuto "bimbisararanno dinnam patinnam mocessamiti rajagahanagarupacare latthivanuyyanam gantva "sattha kira agatoti sutva dvadasanahutehi brahmanagahapatikehi saddhim agatassa ranno madhuradhammakatham kathento rajanam ekadasahi nahutehi saddhim sotapattiphale patitthapetva ekam nahutam saranesu

--------------------------------------------------------------------------------------------- page80.

Patitthapetva punadivase sakkena devaranna manavakavannam gahetva abhitthutaguno rajagahanagaram pavisitva rajanivesane katabhattakicco veluvanaramam patiggahetva tattheva vasam kappesi. Tattha nam sariputtamoggallana upasankamimsu. Tatrayam anupubbikatha: anuppanneyeva hi buddhe, rajagahato avidure "upatissagamo ca kolitagamo cati dve brahmanagama ahesum. Tesu upatissagame sariya nama brahmaniya gabbhassa patitthitadivaseyeva kolitagame moggalliya nama brahmaniyapi gabbho patitthahi. Tani kira dvepi kulani yava sattama kulaparivatta abaddha- patibaddhasahayakaneva. Tasam dvinnampi ekadivasameva gabbhapariharam adamsu. Ta ubhopi dasamasaccayena putte vijayimsu. Namaggahanadivase sariya brahmaniya puttassa upatissagamake jetthakulassa puttatta "upatissoti namam akamsu. Itarassa kolitagame jetthakulassa puttatta "kolitoti namam akamsu. Te ubhopi vuddhimanvaya sabbasippanam param agamamsu. Upatissamanavassa kilanatthaya nadim va uyyanam va gamanakale panca suvannasivikasatani parivarani honti, kolitamanavassa panca ajannarathasatani. Dvepi jana pancapancamanavasataparivara honti. Rajagahe ca anusamvacchare giraggasamajjo nama hoti. Tesam dvinnampi ekatthaneyeva mancatimancam bandhanti. Dvepi ekatova nisiditva samajjam passanta hasitabbatthane hasanti, samvegatthane samvegam apajjanti,

--------------------------------------------------------------------------------------------- page81.

Dayam datum yuttatthane dayam denti. Tesam imina niyamena ekadivasam samajjam passantanam paripakagatatta nanassa purimadivasesu viya hasitabbatthane haso va samvegatthane samvego va dayam datum yuttatthane dayam va nahosi. Dve pana jana evam cintayimsu "kim ettha oloketabbam atthi, sabbepime appatte vassasate apannattikabhavam gamissanti, amhehi pana ekam mokkhadhammam pariyesitum vattatiti arammanam gahetva nisidimsu. Tato kolito upatissam aha "samma upatissa tvam na annesu divasesu viya hatthapahattho, idani anattamanadhatukosi, kinte sallakkhitanti. So aha "samma kolita `etesam olokane saro natthi, niratthakametam, attano mokkhadhammam gavesitum vattatiti idam cintayanto nisinnomhi, tvam pana kasma anattamanositi. Sopi tathevaha. Athassa attana saddhim ekajjhasayatam natva upatisso aha "samma amhakam ubhinnampi sucintitam, mokkhadhammam pana gavesitum vattati, gavesantehi nama ekam pabbajjam laddhum vattati, kassa santike pabbajamati. Tena kho pana samayena sanjayo paribbajako rajagahe pativasati mahatiya paribbajakaparisaya saddhim. Te "tassa santike pabbajissamati pancamanavakasatani "sivikayo ca rathe ca gahetva gacchathati uyyojetva pancahi manavakasatehi saddhim sanjayassa santike pabbajimsu. Tesam pabbajitakalato patthaya

--------------------------------------------------------------------------------------------- page82.

Sanjayo atirekalabhaggayasaggappatto ahosi. Te katipaheneva sabbam sanjayassa samayam parigganhitva "acariya tumhakam jananasamayo ettakova udahu uttarimpi atthiti pucchimsu. "ettakova, sabbam tumhehi natanti vutte, te cintayimsu "evam sati, imassa santike brahmacariyavaso niratthako, mayam mokkhadhammam gavesitum nikkhanta, so imassa santike uppadetum na sakka, maha kho pana jambudipo, gamanigamajanapadarajadhaniyo caranta addha mokkhadhammadesakam kanci acariyam labhissamati. Tato patthaya "yattha yattha pandita samanabrahmana santiti vadanti; tattha tattha gantva sakaccham karonti. Tehi putthapanham anne kathetum na sakkonti, te pana tesam panham vissajjenti. Evam sakalajambudipam parigganhitva nivattitva sakatthanameva agantva "samma kolita amhesu yo pathamam amatam adhigacchati, so arocetuti katikam akamsu. Evam tesu katikam katva viharantesu, sattha vuttanukkamena rajagaham patva veluvanam patiggahetva veluvane viharati. Tada "caratha bhikkhave carikam bahujanahitayati ratanattayagunappakasanattham uyyojitanam ekasatthiya arahantanam antare pancavaggiyanam abbhantare assajitthero patinivattitva rajagaham agato punadivase patova pattacivaramadaya rajagaham pindaya pavisi. Tasmim samaye upatissaparibbajako patova bhattakiccam katva paribbajakaramam

--------------------------------------------------------------------------------------------- page83.

Gacchanto theram disva cintesi "maya evarupo nama pabbajito na ditthapubboyeva, ye loke arahanto va arahattamaggam va samapanna, ayam tesam bhikkhu annataro; yannunaham imam bhikkhum upasankamitva puccheyyam `kamsi tvam avuso uddissa pabbajito, ko va te sattha, kassa va tvam dhammam rocesiti. Athassa etadahosi "akalo kho imam bhikkhum panham pucchitum, antaragharam pavittho pindaya carati; yannunaham imam bhikkhum pitthito pitthito anubandheyyam, atthikehi upanatam magganti. So theram laddhapindapatam annataram okasam gacchantam disva nisiditukamatancassa natva attano paribbajakapithakam pannapetva adasi. Bhattakiccapariyosanepissa attano kundikaya udakam adasi. Evam acariyavattam katva katabhattakiccena therena saddhim madhurapatisantharam katva evamaha "vippasannani kho te avuso indriyani, parisuddho chavivanno pariyodato; kamsi tvam avuso uddissa pabbajito, ko va te sattha, kassa va tvam dhammam rocesiti pucchi. Thero cintesi "ime paribbajaka nama sasanassa patipakkhabhuta, imassa sasane gambhiratam dassessamiti attano navakabhavam dassento aha "aham kho avuso navo acirapabbajito adhunagato imam dhammavinayam, na tava sakkhissami vittharena dhammam desetunti. Paribbajako "aham upatisso nama, tvam yathasattiya appam va bahum va vada, etam nayasatena nayasahassena pativijjhitum mayham bharoti vatva aha

--------------------------------------------------------------------------------------------- page84.

"appam va bahum va bhasassu, atthanneva me bruhi, attheneva me attho kim kahasi byanjanam bahunti. Evam vutte, thero "ye dhamma hetuppabhava, tesam hetum tathagato, tesanca yo nirodho ca; evamvadi mahasamanoti 1- gathamaha. Paribbajako pathamapadadvayameva sutva sahassanayasampanne sotapattiphale patitthahi. Itaram padadvayam sotapannakale nitthapesi. So sotapanno hutva uparivisese appavattante "bhavissati ettha karananti sallakkhetva theram aha "bhante ma upari dhammadesanam vaddhayittha, ettakameva hotu, kuhim amhakam sattha vasatiti. "veluvane avusoti. "tenahi bhante tumhe purato yatha; mayham eko sahayako atthi, amhehi ca annamannam katika kata `yo pathamam amatam adhigacchati, so arocetuti ahantam patinnam mocetva sahayakam gahetva tumhakam gatamaggeneva satthu santikam agamissamiti pancappatitthitena therassa padesu nipatitva tikkhattum padakkhinam katva theram uyyojetva paribbajakaramabhimukho agamasi. Kolitaparibbajako tam durato va agacchantam disva "ajja mayham sahayakassa mukhavanno na annadivasesu viya, addhanena amatam adhigatam bhavissatiti amatadhigamam pucchi. Sopissa "amavuso amatam adhigatanti patijanitva tameva gatham abhasi. @Footnote: 1. vi. mahavagga. 4/76.

--------------------------------------------------------------------------------------------- page85.

Gathapariyosane kolito sotapattiphale patitthahitva aha "kuhim kira samma amhakam sattha vasatiti. "veluvane kira samma, evam no acariyena assajittherena kathitanti. "tenahi samma ayama, sattharam passissamati. Sariputtatthero ca namesa sadapi acariyapujako va; tasma sahayakam evamaha "samma amhehi adhigatam amatam amhakam acariyassa sanjayaparibbajakassapi kathessama, bujjhamano pativijjhissati, appativijjhanto amhakam saddahitva satthu santikam gamissati, buddhanam desanam sutva maggaphalapativedham karissatiti. Tato dvepi jana sanjayassa santikam agamamsu. Sanjayo te disva "kim tata koci vo amatamaggadesako laddhoti pucchi. "ama acariya laddho; buddho loke uppanno, dhammo uppanno, sangho uppanno; tumhe tucche asare vicaratha, etha, satthu santikam gamissamati. "gacchatha tumhe, aham na sakkhissamiti. "kimkaranati. "aham mahajanassa acariyo hutva vicarim, tassa me antevasikavaso catiya udakacalanabhavuppattisadiso, na sakkhissamaham antevasikavasam vasitunti. "ma evam karittha acariyati. "hotu tata, gacchatha tumhe, naham sakkhissamiti. "acariya loke buddhassa uppannakalato patthaya mahajano gandhamaladihattho gantva tameva pujessati, mayampi tattheva gamissama, tumhe kim karissathati. "tata kinnu kho imasmim loke dandha bahu, udahu panditati. "dandha acariya bahu,

--------------------------------------------------------------------------------------------- page86.

Pandita nama katipayaeva hontiti. "tenahi tata pandita pandita samanassa gotamassa santikam gamissanti, dandha dandha mama santikam agamissanti; gacchatha tumhe, naham gamissamiti. Te "pannayissatha tumhe acariyati pakkamimsu. Tesu gacchantesu, sanjayassa parisa bhijji. Tasmim khane aramo tuccho ahosi. So tuccham aramam disva unaham lohitam chaddesi. Tehipi saddhim gacchantesu pancasu paribbajakasatesu, sanjayassa parisaya addhateyyasatani nivattimsu. Attano antevasikehi addhateyyehi paribbajakasatehi saddhim veluvanam agamamsu. Sattha catuparisamajjhe nisinno dhammam desento te durato va disva bhikkhu amantesi "ete bhikkhave dve sahayaka agacchanti kolito ca upatisso ca, etam me savakayugam bhavissati aggam bhaddayuganti. Te sattharam vanditva ekamantam nisidimsu. Te bhagavantam etadavocum "labheyyama mayam bhante bhagavato santike pabbajjam; labheyyama upasampadanti. "etha bhikkhavoti bhagava avoca, "svakkhato dhammo, caratha brahmacariyam samma dukkhassa antakiriyayati. Sabbepi iddhimayapattacivaradhara vassasatikatthera viya ahesum. Atha nesam parisaya cariyavasena sattha dhammadesanam vaddhesi. Thapetva dve aggasavake avasesa arahattam papunimsu. Aggasavakanam pana uparimaggakiccam na nitthasi. Kimkarana? Savakaparaminanassa mahantataya. Athayasma mahamoggallano

--------------------------------------------------------------------------------------------- page87.

Pabbajitadivasato sattame divase magadharatthe kallavalagamakam upanissaya viharanto, thinamiddhe okkamante, satthara samvejito thinamiddham vinodetva tathagatena dinnam dhatukammatthanam sunantova uparimaggattayakiccam nitthapetva savakaparaminanassa matthakam patto, sariputtattheropi pabbajitadivasato addhamasam atikkamitva satthara saddhim tameva rajagaham upanissaya sukarakhatalene viharanto, attano bhagineyyassa dighanakhaparibbajakassa vedanapariggahasuttante desiyamane, suttanusarena nanam pesetva parassa vaddhitam bhattam bhunjanto viya savakaparaminanassa matthakam patto. "nanu cayasma mahapanno, atha kasma mahamoggallanato ciratarena savakaparaminanam papuniti. Parikammamahantataya. Yatha hi duggatamanussa katthaci gantukama khippameva nikkhamanti, rajunam pana hatthivahanakappanadim mahantam parikammam laddhum vattati; evam sampadamidam veditabbam. Tamdivasameva pana sattha vaddhamanakacchayaya veluvane savakasannipatam katva dvinnam theranam aggasavakatthanam datva patimokkham uddisi. Bhikkhu ujjhayimsu "sattha mukholokanena bhikkhunam deti, aggasavakatthanam dentena nama pathamam pabbajitanam pancavaggiyanam datum vattati, ete anolokentena yasattherappamukhanam pancapannasaya bhikkhunam datum vattati, ete anolokentena bhaddavaggiyanam, ete anolokentena uruvelakassapadinam tebhatikanam; ete pana ettake

--------------------------------------------------------------------------------------------- page88.

Pahaya sabbapaccha pabbajitanam aggasavakatthanam dentena mukham oloketva dinnanti vadimsu. Sattha "kim kathetha bhikkhaveti pucchitva, "idam namati vutte, "naham bhikkhave mukham oloketva bhikkhunam demi, etesam pana attana attana patthitapatthitameva demi; annakondanno hi ekasmim sasse nava aggasassadanani dento na aggasavakatthanam patthetva adasi, aggadhammam pana arahattam sabbapathamam pativijjhitum patthetva adasiti. "kada bhagavati. "sunissatha bhikkhaveti. "ama bhanteti. "bhikkhave ito ekanavutikappe vipassi 1- bhagava loke udapadi. Tada "mahakalo cullakaloti dve bhatika kutumbika mahantam salikkhettam vapapesum. Athekadivasam cullakalo salikkhettam gantva ekam saligabbham phaletva khadi. Atimadhuram ahosi. So buddhappamukhassa sanghassa saligabbhadanam datukamo hutva jetthabhatikam upasankamitva "bhatika saligabbham phaletva buddhanam anucchavikam katva pacapetva danam demati aha. "kim vadesi, saligabbham phaletva danam nama neva atite bhutapubbam, nanagate bhavissati, ma sassam nasayiti. So punappunam yaciyeva. Atha nam bhata "tenahi khettam dve kotthase katva mama kotthasam anamasitva attano khettakotthase, yam icchasi, tam karohiti aha. So "sadhuti khettam vibhajitva bahu manusse hatthakammam yacitva saligabbham @Footnote: 1. khu. bu. 33/515.

--------------------------------------------------------------------------------------------- page89.

Phaletva nirudake khire pacapetva sappimadhusakkharahi yojetva buddhappamukhassa bhikkhusanghassa danam datva bhattakiccapariyosane "idam bhante mama aggadanam aggadhammassa sabbapathamam pativedhaya samvattatuti aha. Sattha "evam hotuti anumodanam akasi. So khettam gantva olokento sakalakhette kannikabaddhehi viya salisisehi sanchannam disva pancavidham pitim patilabhitva "labha vata meti cintetva puthukakale puthukaggam nama adasi, gamavasihi saddhim aggasassadanam nama adasi; layane layanaggam, venikarane veniggam, kalapadisu kalapaggam khalaggam bhandaggam kotthagganti evam ekasasse nava vare aggadanam adasi. Tassa sabbesu varesu gahitagahitatthanam paripuri. Sassam atirekam utthanasampannam ahosi. Dhammo namesa attanam rakkhantam rakkhati. Dhammo have rakkhati dhammacarim dhammo sucinno sukhamavahati esanisamso dhamme sucinne na duggatim gacchati dhammacariti. 1- Evameva vipassisammasambuddhakale aggadhammam pathamam pativijjhitum patthento nava aggadanani adasi. Ito satasahassakappamatthake pana hamsavatinagare padumuttarabuddhakalepi 2- sattaham mahadanam datva tassa bhagavato padamule nipajjitva aggadhammassa pathamam pativijjhanatthameva @Footnote: 1. khu. ja. dasa. 27/290. tadatthakatha. 5/493. khu. thera. 26/314. @2. khu. bu. 33/476.

--------------------------------------------------------------------------------------------- page90.

Patthanam thapesi. Iti imina patthitameva maya dinnam, naham mukham oloketva demiti. "yasakulaputtappamukha pancapannasa jana kim kammam karimsu bhanteti. "etepi ekassa buddhassa santike arahattam patthenta bahum punnakammam katva, aparabhage anuppanne buddhe, sahayaka hutva vaggabandhena punnani karonta anathasarirani patijagganta vicarimsu. Te ekadivasam sagabbham itthim kalakatam disva "jhapessamati susanam harimsu. Tesu panca jane "tumhe jhapethati susane thapetva sesa gamam pavittha. Yasadarako tam sariram sulehi vijjhitva parivattetva parivattetva jhapento asubhasannam patilabhi. Itaresampi catunnam jananam "passatha bho imam sariram tattha tattha viddhastacammam kabaragorupam viya asucim duggandham patikulanti dassesi. Tepi tattha asubhasannam patilabhimsu. Te panca jana gamam gantva sesasahayakanam kathayimsu. Yaso pana darako geham gantva matapitunanca bhariyaya ca kathesi. Te sabbepi asubham bhavayimsu. Idametesam pubbakammam. Teneva yasassa itthagare susanasanna uppajji. Taya ca upanissayasampattiya sabbesam visesadhigamo nibbatti. Evam ime attana patthitameva labhimsu. Naham mukham oloketva dammiti. "bhaddavaggiya sahayaka pana kim karimsu bhanteti. "etepi bhikkhave pubbabuddhanam santike arahattam patthetva punnani

--------------------------------------------------------------------------------------------- page91.

Katva, aparabhage anuppanne buddhe, timsadhutta hutva tundilovadam sutva satthivassasahassani panca silani rakkhimsu. Evam imepi attana patthitapatthitameva labhimsu, naham mukham oloketva bhikkhunam dammiti. "uruvelakassapadayo pana bhante kim karimsuti. "arahattameva patthetva punnani karimsu. Ito hi dvenavutikappe `tisso 1- phussoti 2- dve buddha uppajjimsu. Phussabuddhassa mahindo nama raja pita ahosi. Tasmim pana sambodhim patte, ranno kanitthaputto aggasavako, purohitaputto dutiyasavako ahosi. Raja satthu santikam gantva "jetthaputto me buddho, kanitthaputto aggasavako, purohitaputto dutiyasavakoti te oloketva "mameva buddho, mameva dhammo, mameva sangho; namo tassa bhagavato arahato sammasambuddhassati tikkhattum udanam udanetva satthu padamule nipajjitva "bhante idani me navutivassasahassaparimanassa ayuno kotiyam nisiditva niddayanakalo viya, annesam gehadvaram agantva, yavaham jivami, tava me cattaro paccaye adhivasethati patinnam gahetva nibaddham buddhupatthanam karoti. Ranno pana aparepi tayo putta ahesum. Tesu jetthassa panca yodhasatani parivaro, majjhimassa tini, kanitthassa dve. Te "mayampi bhatikam bhojessamati pitaram @Footnote: 1. khu. bu. 33/507. 2. khu. bu. 33/511. tattha pana pussoti pita cassa jayasenoti @dissati.

--------------------------------------------------------------------------------------------- page92.

Okasam yacitva punappunam yacantapi alabhitva, paccante kupite, tassa vupasamanatthaya pesita paccantam vupasametva pitu santikam agamimsu. Atha ne pita alingitva sise cumbitva "varam vo tata dammiti aha. Te "sadhu devati varam gahitakam katva puna katipahaccayena pitara "ganhatha tata varanti vutta "deva amhakam annena kenaci attho natthi, ito patthaya mayam bhatikam bhojessama, imam no varam dehiti ahamsu. "na demi tatati. "niccakalam adenta satta samvaccharani dethati. "na demi tatati. "tenahi cha panca cattari tini dve ekam samvaccharam satta mase cha mase panca mase cattaro mase tayo mase dethati. "na demi tatati. "hotu deva, ekekassa no ekekam masam katva tayo mase dethati. "sadhu tata, tenahi tayo mase bhojethati. Tesam pana tinnampi eko va kotthagariko, eko va ayuttako. Te dvadasanahutapurisaparivaRa. Te pakkosapetva "mayam imam temasam dasa silani gahetva dve kasayani nivasetva satthara sahavasam vasissama, tumhe ettakam nama danavattam gahetva devasikam navutisahassanam bhikkhunam yodhasahassassa ca no sabbam khadaniyabhojaniyam samvatteyyatha, mayam hi ito patthaya na kinci vakkhamati vadimsu. Te tayopi parivarakapurisasahassam gahetva dasa silani samadaya kasayavatthani nivasetva vihareyeva

--------------------------------------------------------------------------------------------- page93.

Vasimsu. Kotthagariko ca ayuttako ca ekato hutva tinnam bhatikanam kotthagarehi varena varena vattam gahetva danam denti. Kammakaranam pana putta yagubhattadinam atthaya rodanti. Te tesam, bhikkhusanghe anagateyeva, yagubhattadini denti. Bhikkhusanghassa bhattakiccavasane kinci atirekam na bhutapubbam. Te aparabhage "darakanam demati attanapi gahetva khadimsu, manunnampi aharam disva adhivasetum nasakkhimsu. Te pana caturasitisahassa ahesum. Te sanghassa dinnam vattam khaditva kayassa bheda pettivisaye nibbattimsu. Te bhatika pana purisasahassena saddhim kalam katva devaloke nibbattitva devaloka devalokam samsaranta dvenavutikappe khepesum. Evam te tayo bhataro arahattam patthenta tada kalyanakammam karimsu. Te attana patthitameva labhimsu. Naham mukham oloketva dammiti." tada pana tesam ayuttako bimbisaro ahosi, kotthagariko visakho upasako. Tesam kammakara tada petesu nibbattitva sugatiduggativasena samsaranta imasmim kappe cattari buddhantarani petalokeyeva nibbattimsu. Te imasmim kappe sabbapathamam uppannam cattalisavassasahassayukam kakusandham 1- bhagavantam upasankamitva "amhakam aharam labhanakalam acikkhathati pucchimsu. "mama tava @Footnote: 1. khu. bu. 33/529.

--------------------------------------------------------------------------------------------- page94.

Kale na labhissatha, mama pacchato mahapathaviya yojanamattam abhirulhaya konagamanabuddho 1- uppajjissati, tam puccheyyathati aha. Te tattakam kalam khepetva, tasmim uppanne, tam pucchimsu. Sopi "mama kale na labhissatha, mama pacchato mahapathaviya yojanamattam abhirulhaya kassapabuddho 2- uppajjissati, tam puccheyyathati aha. Te tattakam kalam khepetva, tasmim uppanne, tam pucchimsu. Sopi "mama kale na labhissatha, mama pacchato mahapathaviya yojanamattam abhirulhaya gotamabuddho 3- nama uppajjissati, tada tumhakam natako bimbisaro nama raja bhavissati, so satthu danam datva tumhakam papessati, tada labhissathati aha. Tesam ekam buddhantaram svedivasam viya ahosi. Te, tathagate uppanne, bimbisararanna pathamadivasam dane dinne, rattibhage bheravasaddam katva ranno attanam dassayimsu. So punadivase veluvanam agantva tathagatassa tam pavattim arocesi. Sattha "maharaja ito dvenavutikappamatthake phussabuddhakale ete tava nataka bhikkhusanghassa dinnam vattam 4- khaditva petaloke nibbattitva samsaranta kakusandhadayo buddhe uppanne pucchitva tehi idancidanca vutta ettakam kalam tava danam paccasimsamana, hiyyo taya dane dinne, pattim alabhamana evamakamsuti. "kim pana bhante idanipi dinne labhissantiti. "ama maharajati. Raja @Footnote: 1-2. khu. bu. 33/533.537. 3. khu. bu. 33/543. 4. Yu. danavattam.

--------------------------------------------------------------------------------------------- page95.

Buddhappamukham bhikkhusangham nimantetva punadivase mahadanam datva "bhante ito tesam petanam dibbannapanam sampajjatuti pattim adasi. Tesam tatheva nibbatti. Punadivase nagga hutva attanam dassesum. Raja "ajja bhante nagga hutva attanam dassesunti arocesi. "vatthani te na dinnani maharajati. Punadivase buddhappamukhassa bhikkhusanghassa civarani datva "ito tesam dibbavatthani hontuti papesi. Tamkhananneva tesam dibbavatthani uppajjimsu. Te petattabhavam vijahitva dibbattabhavena santhahimsu. Sattha anumodanam karonto "tirokuddesu titthantiti tirokuddanumodanam 1- akasi. Anumodanavasane caturasitiya panasahassanam dhammabhisamayo ahosi. Iti sattha tebhatikajatilanam vatthum kathetva imampi dhammadesanam ahari. "aggasavaka pana bhante kim karimsuti. "aggasavakabhavaya patthanam karimsu. Ito kappasatasahassadhikassa hi kappanam asankheyyassa matthake sariputto brahmanamahasalakule nibbatti, namena saradamanavo nama ahosi. Moggallano gahapatimahasalakule nibbatti, namena sirivaddhakutumbiko nama ahosi. Te ubhopi sahapamsukilaka sahayaka ahesum. Saradamanavo pituaccayena kulasantakam mahadhanam patipajjitva ekadivasam rahogato cintesi "aham idhalokattabhavameva janami, no paralokattabhavam; jatasattananca maranam nama dhuvam, maya ekam pabbajjam pabbajitva mokkhadhammagavesanam @Footnote: 1. khu. khu. 25/9.

--------------------------------------------------------------------------------------------- page96.

Katum vattatiti. So sahayakam upasankamitva aha "samma sirivaddha aham pabbajitva mokkhadhammam gavesissami, tvam maya saddhim pabbajitum sakkhissasi, na sakkhissasiti. "na sakkhissami samma, tvamyeva pabbajahiti. So cintesi "paralokam gacchanto sahayam va natimitte va gahetva gato nama natthi, attana katam attanova hotiti. Tato ratanakotthagaram vivarapetva kapanaddhikavanibbakayacakanam mahadanam datva pabbatapadam pavisitva isipabbajjam pabbaji. Tassa eko dve tayoti evam anupabbajjam pabbajitva catusattatisahassamatta jatila ahesum. So panca abhinna attha ca samapattiyo nibbattetva tesam jatilanam kasinaparikammam acikkhi. Tepi sabbe panca abhinna attha ca samapattiyo nibbattesum. Tena samayena anomadassi 1- nama buddho loke udapadi. Nagaram candavati nama ahosi. Pita yasavanto nama khattiyo, mata yasodhara nama devi, bodhi ajjunarukkho, nisabho ca anomo ca dve aggasavaka, varuno nama upatthako, sundara ca sumana ca dve aggasavika; ayu vassasatasahassam ahosi, sariram atthapannasahatthubbedham, sarirappabha dvadasayojanam phari, bhikkhusatasahassam parivaro ahosi. So ekadivasam paccusakale mahakarunasamapattito vutthaya lokam volokento saradatapasam disva "ajja mayham saradatapasassa @Footnote: 1. khu. bu. 33/462.

--------------------------------------------------------------------------------------------- page97.

Santikam gatapaccayena dhammadesana ca mahati bhavissati, so ca aggasavakatthanam patthessati, tassa sahayako sirivaddhakutumbiko dutiyasavakatthanam patthessati, desanapariyosane cassa parivara catusattatisahassajatila arahattam papunissanti; maya tattha gantum vattatiti attano pattacivaramadaya annam kanci anamantetva siho viya ekacaro hutva, saradatapasassa antevasikesu phalaphalatthaya gatesu, "buddhabhavam me janatuti, passantasseva saradatapasassa, akasato otaritva pathaviyam patitthasi. Saradatapaso buddhanubhavanceva sariranipphattinca disva lakkhanamante sammasitva "imehi lakkhanehi samannagato nama agaramajjhe vasanto raja hoti cakkavatti, pabbajanto loke vivatacchado sabbannubuddho hoti; ayam puriso nissamsayam buddhoti janitva paccuggamanam katva pancapatitthitena vanditva asanam pannapetva adasi. Nisidi bhagava pannattasane. Saradatapasopi attano anucchavikam asanam gahetva ekamantam nisidi. Tasmim samaye catusattatisahassa jatila panitapanitani ojavantani phalaphalani gahetva acariyassa santikam sampatta, buddhananceva acariyassa ca nisinnasanam oloketva ahamsu "acariya mayam `imasmim loke tumhehi mahantataro natthiti vicarama, ayam pana puriso tumhehi mahantataro manneti. "tata kim vadetha, sasapena saddhim atthasatthiyojanasatasahassubbedham sinerum samam katum icchatha, sabbannubuddhena saddhim mama upamam

--------------------------------------------------------------------------------------------- page98.

Ma karittha puttakati. Atha te tapasa "sacayam puriso ittarasatto abhavissa, na amhakam acariyo evarupam upamam aharissati, yava maha vatayam purisoti sabbeva padesu patitva sirasa vandimsu. Atha ne acariyo aha "tata amhakam buddhanam anucchaviko deyyadhammo natthi, sattha ca bhikkhacaravelayam idhagato, mayam yathasatti yathabalam deyyadhammam dassama; tumhe yam yam panitam phalaphalam, tam tam aharathati aharapetva hatthe dhovitva sayam tathagatassa patte patitthapesi. Satthara phalaphale patiggahitamatte, devata dibbojam pakkhipimsu. So tapaso udakampi sayameva parissavetva adasi. Tato bhattakiccam katva nisinne satthari, sabbe antevasike pakkositva satthu santike saraniyakatham kathento nisidi. Sattha "dve aggasavaka bhikkhusanghena saddhim agacchantuti cintesi. Te satthu cittam natva satasahassakhinasavaparivara agantva sattharam vanditva ekamantam atthamsu. Tato saradatapaso antevasike amantesi "tata buddhanam nisinnasanampi nicam, samanasatasahassassapi asanam natthi, tumhehi ajja ularam buddhasakkaram katum vattati, pabbatapadato vannagandhasampannani pupphani aharathati. Kathanakalo papanco viya hoti, iddhimato pana iddhivisayo acinteyyoti. Muhuttamatteneva te tapasa vannagandhasampannani pupphani aharitva buddhanam yojanappamanam pupphasanam pannapesum. Ubhinnam aggasavakanam

--------------------------------------------------------------------------------------------- page99.

Tigavutam, sesanam bhikkhunam addhayojanikadibhedam, sanghanavakassa usabhamattam ahosi. "katham ekasmim assamapade tavamahantani asanani pannattaniti na cintetabbam. Iddhivisayo hesa. Evam pannattesu asanesu, saradatapaso tathagatassa purato anjalim paggayha thito "bhante mayham digharattam hitaya sukhaya imam pupphasanam abhiruhathati aha. Tena vuttam "nanapupphanca gandhanca sannipatetvana ekato pupphasanam pannapetva idam vacanamabravi `idam me asanam vira pannattam tavanucchavim, mama cittam pasadento nisida pupphamasane. Sattarattindivam buddho nisidi pupphamasane mama cittam pasadetva hasayitva sadevaketi. Evam nisinne satthari, dve aggasavaka sesabhikkhu ca attano attano pattasane nisidimsu. Saradatapaso mahantam pupphacchattam gahetva tathagatassa matthake dharento atthasi. Sattha "jatilanam ayam sakkaro mahapphalo hotuti nirodhasamapattim samapajji. Satthu samapattim samapannabhavam natva dve aggasavakapi sesabhikkhupi samapattim samapajjimsu. Tathagate sattaham nirodhasamapattim samapajjitva nisinne, antevasika, bhikkhacarakale sampatte, vanamulaphalaphalam paribhunjitva sesakalam buddhanam anjalim paggayha titthanti. Saradatapaso pana bhikkhacarampi agantva pupphacchattam

--------------------------------------------------------------------------------------------- page100.

Dharayamanova sattaham pitisukhena vitinamesi. Sattha nirodhato vutthaya dakkhinapasse nisinnam aggasavakam nisabhattheram amantesi "nisabha sakkarakarakanam tapasanam pupphasananumodanam karohiti. Thero cakkavattiranno santika patiladdhamahalabho mahayodho viya tutthamanaso savakaparaminane thatva pupphasananumodanam arabhi. Tassa desanavasane dutiyasavakam amantesi "tvampi bhikkhu dhammam desehiti. Anomatthero tepitakam buddhavacanam sammasitva dhammam kathesi. Dvinnam aggasavakanam desanaya ekassapi abhisamayo nahosi. Atha sattha aparimane buddhavisaye thatva dhammadesanam arabhi. Desanapariyosane thapetva saradatapasam sabbepi catusattatisahassajatila arahattam papunimsu. Sattha "etha bhikkhavoti hattham pasaresi. Tesam tavadeva kesamassuni antaradhayimsu. Attha parikkhara kaye patimukkava ahesum. "saradatapaso kasma arahattam na pattoti. Vikkhittacittatta. Tassa kira buddhanam dutiyasane nisiditva savakaparaminane thatva dhammam desayato aggasavakassa dhammadesanam sotum araddhakalato patthaya "aho vatahampi anagate uppajjanakassa buddhassa sasane imina savakena patiladdham dhuram labheyyanti cittam uppadesi. So tena parivitakkena maggaphalappativedham katum nasakkhi. Tathagatam pana vanditva sammukhe thatva aha "bhante tumhakam anantarasane nisinno bhikkhu tumhakam sasane ko nama hotiti. "maya pavattitam

--------------------------------------------------------------------------------------------- page101.

Dhammacakkam anupavattento savakaparaminanassa kotippatto solasa panna pativijjhitva thito, mayham sasane aggasavako nama esoti. "bhante yvayam maya sattaham pupphacchattam dharentena sakkaro kato, aham imassa phalena annam sakkattam va brahmattam va na patthemi, anagate pana ayam nisabhatthero viya ekassa buddhassa aggasavako bhaveyyanti patthanam akasi. Sattha "samijjhissati nu kho imassa purisassa patthanati anagatamsananam pesetva olokento kappasatasahassadhikam ekam asankheyyam atikkamitva samijjhanabhavam addasa, disva saradatapasam aha "na te ayam patthana mogha bhavissati, anagate pana kappasatasahassadhikam ekam asankheyyam atikkamitva gotamo 1- nama buddho loke uppajjissati, tassa mata mahamayadevi nama bhavissati, pita suddhodano nama maharaja, putto rahulo nama, upatthako anando nama, dutiyasavako moggallano nama, tvam panassa aggasavako dhammasenapati sariputto 2- nama bhavissasiti. Evam tapasam byakaritva dhammakatham kathetva bhikkhusanghaparivuto akasam pakkhandi. Saradatapasopi antevasikattheranam santikam gantva sahayakassa sirivaddhakutumbikassa sasanam pesesi "bhante mama sahayakassa vadetha `sahayakena te saradatapasena anomadassissa buddhassa padamule anagate @Footnote: 1. khu. bu. 33/543. 2. khu. A. 32/22.

--------------------------------------------------------------------------------------------- page102.

Uppajjanakassa gotamabuddhassa sasane aggasavakatthanam patthitam, tvam dutiyasavakatthanam patthehiti. Evanca pana vatva therehi puretarameva ekapassena gantva sirivaddhassa nivesanadvare atthasi. Sirivaddho "cirassam vata me ayyo agatoti asane nisidapetva attana nicatare asane nisinno "antevasikaparisa pana vo bhante na pannayantiti pucchi, "ama samma, amhakam assamam anomadassi buddho agato, mayam tassa attano balena sakkaram karimha, sattha sabbesam dhammam desesi, desanapariyosane thapetva mam sesa arahattam patta pabbajimsu, aham satthu aggasavakam nisabhattheram disva anagate uppajjanakassa gotamabuddhassa nama sasane aggasavakatthanam patthesim, tvampi tassa sasane dutiyasavakatthanam patthehiti. "mayham buddhehi saddhim paricayo natthi bhanteti. "buddhehi saddhim kathanam mayham bharo hotu, tvam mahantam abhisakkaram sajjehiti. Sirivaddho tassa vacanam sutva attano nivesanadvare rajamanena atthakarisamattam thanam samatalam karetva valikam okiritva lajapancamani pupphani vikkiritva niluppalacchadanam mandapam karapetva buddhasanam pannapetva sesabhikkhunampi asanani patiyadetva mahantam sakkarasammanam sajjetva buddhanam nimantanatthaya saradatapasassa sannam adasi. Tapaso buddhappamukham bhikkhusangham gahetva tassa nivesanam agamasi. Sirivaddhopi paccuggamanam katva tathagatassa hatthato pattam gahetva mandapam

--------------------------------------------------------------------------------------------- page103.

Pavesetva pannattasane nisinnassa buddhappamukhassa bhikkhusanghassa dakkhinodakam datva panitabhojanena parivisitva bhattakiccapariyosane buddhappamukham bhikkhusangham maharahehi vatthehi acchadetva "bhante nayam arambho appamattakatthanatthaya, iminava niyamena sattaham anukampam karothati aha. Sattha adhivasesi. So teneva niyamena sattaham mahadanam pavattetva bhagavantam vanditva anjalim paggayha thito aha "bhante mama sahayo saradatapaso `yassa satthu aggasavako bhaveyyanti patthesi, aham tasseva dutiyasavako bhaveyyanti. Sattha anagatam oloketva tassa patthanaya samijjhanabhavam disva byakasi "tvampi ito kappasatasahassadhikam asankheyyam atikkamitva gotamabuddhassa dutiyasavako 1- bhavissasiti. Buddhanam byakaranam sutva sirivaddho hatthapahattho ahosi. Satthapi bhattanumodanam katva saparivaro viharameva gato. Ayam bhikkhave mama puttehi tada patthitapatthana, te yathapatthitameva labhimsu, naham mukham oloketva demiti. Evam vutte, dve aggasavaka bhagavantam vanditva "bhante mayam agariyabhuta samana giraggasamajjam dassanaya gatati yava assajittherassa santika sotapattiphalapativedha sabbam paccuppannavatthum kathetva "te mayam bhante sanjayassa acariyassa santikam gantva tam tumhakam padamulam anetukama, tassa laddhiya @Footnote: 1. khu. u. 32/45.

--------------------------------------------------------------------------------------------- page104.

Nissarabhavam kathetva idhagamane anisamsam kathayimha, so `idani mayham antevasivaso nama catiya udakacalanabhavappattisadiso, na sakkhissami antevasivasam vasitunti vatva; `acariya idani mahajano gandhamaladihattho gantva sattharamyeva pujessati, tumhe katham bhavissathati vutte, `kim pana imasmim loke pandita bahu udahu dandhati, `dandhati kathite, `tenahi pandita pandita samanassa gotamassa santikam gamissanti, dandha dandha mama santikam agamissanti, gacchatha tumheti vatva agantum na icchi bhanteti. Tam sutva sattha "bhikkhave sanjayo attano micchaditthitaya asaram `saroti saranca `asaroti ganhi, tumhe pana attano panditataya saram sarato asaranca asarato natva asaram pahaya sarameva ganhitthati vatva ima gatha abhasi "asare saramatino sare casaradassino te saram nadhigacchanti micchasankappagocara saranca sarato natva asaranca asarato te saram adhigacchanti sammasankappagocarati. Tattha "asare saramatinoti: cattaro paccaya, dasavatthuka micchaditthi, tassa upanissayabhuta dhammadesanati ayam asaro nama, tasmim saraditthinoti attho. Sare casaradassinoti: dasavatthuka sammaditthi, tassa upanissayabhuta dhammadesanati ayam

--------------------------------------------------------------------------------------------- page105.

Saro nama, tasmim "nayam saroti asaradassino. Te saranti: te tam micchaditthigahanam gahetva thita kamavitakkadinam vasena micchasankappagocara hutva silasaram samadhisaram pannasaram vimuttisaram vimuttinanadassanasaram paramatthasaram nibbananca nadhigacchanti. Sarancati: tameva silasaradisaram "saro nama ayanti vuttappakaranca asaram "asaro ayanti natva. Te saranti: te pandita evam sammadassanam gahetva thita nekkhammasankappadinam vasena sammasankappagocara hutva tam vuttappakaram saram adhigacchantiti. Gathapariyosane bahu sotapattiphaladini papunimsu. Sannipatitanam satthika desana ahositi. Sanjayavatthu. ------------- 9. Nandattheravatthu. (9) "yatha agaram ducchannanti imam dhammadesanam sattha jetavane viharanto ayasmantam nandam arabbha kathesi. Sattha hi pavattitapavaradhammacakko rajagaham gantva veluvane viharanto, "puttam me anetva dassethati suddhodanamaharajena pesitanam sahassasahassaparivaranam dasannam dutanam sabbapacchato gantva arahattam pattena kaludayittherena agamanakalam natva satthimattaya

--------------------------------------------------------------------------------------------- page106.

Gathaya maggavannam vannetva visatisahassakhinasavaparivuto kapilavatthupuram nito, natisamagame pokkharavassam atthuppattim katva mahavessantarajatakam 1- kathetva, punadivase pindaya pavittho "uttitthe nappamajjeyyati 2- gathaya pitaram sotapattiphale patitthapetva "dhammancare sucaritanti 3- gathaya mahapajapatim gotamim sotapattiphale rajananca sakadagamiphale patitthapesi. Bhattakiccapariyosane pana rahulamatugunakatham nissaya candakinnarijatakam 4- kathetva, tato tatiyadivase nandakumarassa abhisekagehappavesana- vivahamangalesu vattamanesu, pindaya pavisitva nandakumarassa hatthe pattam datva mangalam vatva utthayasana pakkamanto nandakumarassa hatthato pattam na ganhi. Sopi tathagatagaravena "pattam vo bhante ganhathati vattum nasakkhi. Evam pana cintesi "sopanasise pattam ganhissatiti. Sattha tasmimpi thane na ganhi. Itaro "sopanapadamule ganhissatiti cintesi. Sattha tatthapi na ganhi. Itaro "rajangane ganhissatiti cintesi. Sattha tatthapi na ganhi. Kumaro nivattitukamo aruciya gacchanto tathagatagaravena "pattam ganhathati vattum na sakkoti, "idha ganhissati, ettha ganhissatiti cintento gacchati. Tasmim khane anna itthiyo tam disva janapadakalyaniya acikkhimsu "ayye @Footnote: 1. khu. ja. maha. 28/365. tadatthakatha. 10/315. 2. khu. dha. @25/38. 4. khu. ja. pakin. 27/368. tadatthakatha. 6/257.

--------------------------------------------------------------------------------------------- page107.

Bhagava nandakumaram gahetva gato, tumhehi tam vina karissatiti. 1- Sapi tam sutva udakabinduhi paggharanteheva addhullikhitehi kesehi vegena gantva "tuvatam kho ayyaputta agaccheyyasiti aha. Tam tassa vacanam tassa hadaye tiriyam patitva viya thitam. Satthapissa hatthato pattam agganhitvava tam viharam netva "pabbajissasi nandati aha. So buddhagaravena "na pabbajissamiti avatva "ama bhante pabbajissamiti aha. Sattha "tenahi bhikkhave nandam pabbajethati aha. Sattha kapilavatthupuram gantva tatiyadivase nandam pabbajesi. Sattame divase rahulamata kumaram alankaritva bhagavato santikam pesesi "passa tata etam visatisahassasamanaparivutam suvannavannam brahmarupavannam samanam, ayante pita, etassa tava pituno jatakale mahanta nidhikumbhiyo ahesum, tassa nikkhamanakalato patthaya na passami, gaccha nam dayajjam yacahi `aham tata kumaro, abhisekam patva cakkavatti bhavissami, dhanena me attho, dhanam me dehi, samiko hi putto pitu santakassati. Kumaro bhagavato santikam gantva vanditva pitusineham patilabhitva hatthatuttho "sukha te samana chayati vatva annampi bahum attano anurupam vadanto atthasi. Bhagava katabhattakicco anumodanam katva utthayasana pakkami. Kumaropi "dayajjam me samana dehi, dayajjam me samana dehiti bhagavantam anubandhi. @Footnote: 1. Ma. kim tumhe hi tam vina karissathati.

--------------------------------------------------------------------------------------------- page108.

Bhagavapi kumaram na nivattapesi. Parijanopi bhagavata saddhim gacchantam nivattetum nasakkhi. Iti so bhagavata saddhim aramameva agamasi. Tato bhagava cintesi "yam ayam pitu santakam dhanam icchati, tam vattanugatam savighatam; handassa bodhimule maya patiladdham sattavidham ariyadhanam demi, lokuttaradayajjassa nam samikam karomiti. Athakho bhagava ayasmantam sariputtam amantesi "tenahi tvam sariputta rahulakumaram pabbajehiti. Thero tam pabbajesi. Pabbajite pana kumare, ranno tam sutva adhimattam dukkham uppajji. Tam adhivasetum asakkonto bhagavato santikam gantva patinivedetva "sadhu bhante ayya matapituhi ananunnatam puttam na pabbajeyyunti varam yaci. Bhagava tassa tam varam datva, punekadivasam rajanivesane katapataraso, ekamantam nisinnena ranna "bhante tumhakam dukkarakarikakale eka devata mam upasankamitva `putto te kalakatoti aha, aham tassa vacanam asaddahanto `na mayham putto bodhim appatva kalam karotiti tam patikkhipinti vutte, "idani maharaja kim saddahissatha; pubbepi, atthikani tuyham dassetva `putto te matoti vutte, na saddahitthati, imissa atthuppattiya mahadhammapalajatakam 1- kathesi. Kathapariyosane raja anagamiphale patitthahi. Iti @Footnote: 1. khu. ja. dasaka. 27/288. tadatthakatha. 5/486.

--------------------------------------------------------------------------------------------- page109.

Bhagava pitaram tisu phalesu patitthapetva bhikkhusanghaparivuto punadeva rajagaham gantva tato anathapindikena savatthim agamanatthaya gahitapatinno, nitthite jetavanamahavihare, tattha gantva vasam kappesi. Evam satthari jetavane viharanteyeva, ayasma nando 1- ukkanthitva bhikkhunam etamattham arocesi "anabhirato aham avuso brahmacariyam carami, na sakkomi brahmacariyam sandharetum, 2- sikkham paccakkhaya hinayavattissamiti. Bhagava tam pavattim sutva ayasmantam nandam pakkosapetva etadavoca "saccam kira tvam nanda sambahulanam bhikkhunam evamarocesi `anabhirato aham avuso brahmacariyam carami, na sakkomi brahmacariyam sandharetum, sikkham paccakkhaya hinayavattissamiti. "evam bhanteti. "kissa pana tvam nanda anabhirato brahmacariyam carasi, na sakkosi brahmacariyam sandharetum, sikkham paccakkhaya hinayavattissasiti. "sakiyani me bhante janapadakalyani ghara nikkhamantassa addhullikhitehi 3- kesehi apaloketva mam etadavoca "tuvatam kho ayyaputta agaccheyyasiti; so kho aham bhante tam anussaramano anabhirato brahmacariyam carami, na sakkomi brahmacariyam sandharetum, sikkham paccakkhaya hinayavattissamiti. Athakho bhagava ayasmantam nandam @Footnote: 1. khu. u. 25/103. 2. Si. santanetum. paliyampana "sandharetunti dissati. @3. "upaddhullikhitehitipi patho.

--------------------------------------------------------------------------------------------- page110.

Bahaya gahetva iddhibalena tavatimsadevalokam nento, antaramagge ekasmim jhamakkhette jhamakhanumatthake nisinnam chinnakannanasananguttham ekam palutthamakkatim dassetva, tavatimsabhavane sakkassa devaranno upatthanam agatani kakutapadani 1- panca accharasatani dassesi. Dassetva ca pana evamaha "tam kim mannasi nanda, katama nukho abhirupatara ca 2- dassaniyatara ca 2- pasadikatara ca, 2- sakiyani va janapadakalyani imani va panca accharasatani kakutapadaniti. Tam sutva aha "seyyathapi sa bhante chinnakannanasa- nanguttha palutthamakkati; evameva kho bhante sakiyani janapadakalyani, imesam pancannam accharasatanam upanidhaya sankhyampi na upeti, kalampi na upeti bhagampi na upeti; athakho imaneva panca accharasatani abhirupatarani ceva dassaniyatarani ca pasadikatarani cati. "abhirama nanda, abhirama nanda, ahante patibhogo pancannam accharasatanam patilabhaya kakutapadananti. "sace me bhante bhagava patibhogo pancannam accharasatanam patilabhaya kakutapadanam. Abhiramissamaham bhante bhagava brahmacariyeti. Athakho bhagava ayasmantam nandam gahetva tattha antarahito jetavaneyeva paturahosi. Assosum kho bhikkhu "ayasma kira nando bhagavato bhata @Footnote: 1. kakutapadaniti: rattavannataya paravatapadasadisapadani. paliyampana @"kukkutapadaniti dissati. 2. Ma. Yu. va. paliyampi "vati dissati.

--------------------------------------------------------------------------------------------- page111.

Matucchaputto accharanam hetu brahmacariyam carati, bhagava kirassa patibhogo pancannam accharasatanam patilabhaya kakutapadananti. Athakho ayasmato nandassa sahayaka bhikkhu ayasmantam nandam bhatakavadena ca upakkitakavadena ca samudacaranti "bhatako kirayasma nando, upakkitako kirayasma nando, pancannam accharasatanam hetu brahmacariyam carati, bhagava kirassa patibhogo pancannam accharasatanam patilabhaya kakutapadananti. Athakho ayasma nando sahayakanam bhikkhunam bhatakavadena ca upakkitakavadena ca attiyamano harayamano jigucchamano eko vupakattho appamatto atapi pahitatto viharanto, nacirasseva yassatthaya kulaputta sammadeva agarasma anagariyam pabbajanti, tadanuttaram brahmacariyapariyosanam dittheva dhamme sayam abhinna sacchikatva upasampajja vihasi, "khina jati, vusitam brahmacariyam, katam karaniyam naparam itthattayati abbhannasi, annataro ca panayasma nando arahatam ahosi. Atheka devata rattibhage sakalam jetavanam obhasetva sattharam upasankamitva vanditva arocesi "ayasma bhante nando bhagavato bhata matucchaputto asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti. Bhagavatopi kho nanam udapadi "nando asavanam khaya anasavam cetovimuttim pannavimuttim

--------------------------------------------------------------------------------------------- page112.

Dittheva dhamme sayam abhinna sacchikatva upasampajja viharatiti. Sopayasma tassa rattiya accayena bhagavantam upasankamitva vanditva etadavoca "yam me bhante bhagava patibhogo pancannam accharasatanam patilabhaya kakutapadanam, muncamaham bhante bhagavantam etasma patissavati. "mayapi kho te nanda cetasa ceto paricca vidito `nando asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti, devatapi me etamattham arocesi `ayasma bhante nando asavanam khaya anasavam cetovimuttim pannavimutim dittheva dhamme sayam abhinna sacchikatva upasampajja viharatiti, yadeva kho te nanda anupadaya asavehi cittam muttam, athaham mutto etasma patissavati. Athakho bhagava etamattham viditva tayam velayam imam udanam udanesi "yassa tinno kamapanko maddito kamakantako mohakkhayamanuppatto sukhadukkhe na vedhatiti. 1- Athekadivasam bhikkhu ayasmantam nandam pucchimsu "avuso nanda pubbe tvam `ukkanthitomhiti vadesi, idani te kathanti. "natthi me avuso gihibhavaya alayoti. Tam sutva bhikkhu "abhutam ayasma nando katheti, annam byakaroti, atitadivasesu `ukkanthitomhiti vatva, idani `natthi me gihibhavaya alayoti kathetiti vatva gantva @Footnote: 1. khu. u. 25/107.

--------------------------------------------------------------------------------------------- page113.

Bhagavato etamattham arocesum. Bhagava "bhikkhave atitadivasesu nandassa attabhavo ducchannagehasadiso ahosi, idani succhannagehasadiso jato, ayam hi dibbaccharanam ditthakalato patthaya pabbajitakiccassa matthakam papetum vayamanto tam kiccam pattoti vatva ima gatha abhasi "yatha agaram ducchannam vutthi samativijjhati; evam abhavitam cittam rago samativijjhati. Yatha agaram succhannam vutthi na samativijjhati; evam subhavitam cittam rago na samativijjhatiti. Tattha "agaranti: yankinci geham. Ducchannanti: viralacchannam chiddavachiddam. Samativijjhatiti: vassavutthi vinivijjhati. Abhavitanti: tam agaram vutthi viya bhavanarahitatta abhavitam cittam rago samativijjhati, na kevalam ragova, dosamohamanadayo sabbakkilesa tatharupam cittam ativijjhantiyeva. Subhavitanti: samathavipassanabhavanahi subhavitam, evarupam cittam succhannam geham vutthi viya ragadayo kilesa ativijjhitum na sakkontiti. Gathapariyosane bahu sotapattiphaladini papunimsu, mahajanassa satthika desana ahosi. Atha bhikkhu dhammasabhayam katham samutthapesum "avuso buddha ca nama acchariya, janapadakalyanim nissaya ukkanthito namayasma nando satthara devacchara amisam katva vinitoti. Sattha agantva,

--------------------------------------------------------------------------------------------- page114.

"kaya nuttha bhikkhave etarahi kathaya sannisinnati pucchitva, "imaya namati vutte, "na bhikkhave idaneva, pubbepesa maya matugamena palobhetva vinitoyevati vatva, tehi yacito atitam ahari: atite baranasiyam brahmadatte rajjam karente, baranasivasi kappako nama vanijo ahosi. Tasseko gadrabho kumbhabharam vahati. Divase divase satta yojanani gacchati. So ekasmim samaye gadrabhabharakehi takkasilam gantva yava bhandassa vissajjana gadrabham vicaritum vissajjesi. Athassa so gadrabho parikhapitthe caramano ekam gadrabhim disva upasankami. Sa tena saddhim patisantharam karonti aha "kuto agatositi. "baranasitoti. "kena kammenati. "vanijakammenati. "kittakam bharam vahasiti. "kumbhabharanti. "ettakam bharam vahanto katiyojanani gacchasiti. "sattayojananiti. "gatatthane te kaci padaparikammam va pitthiparikammam va karonti atthiti. "natthi bhaddeti. "evam sante mahadukkham anubhositi. Kincapi hi tiracchanagatanam padaparikammadikarako nama natthi, kamasannojanaghattanattham evarupam kathesi. So tassa kathaya ukkanthito. Kappakopi bhandam vissajjetva tassa santikam gantva "ehi tata, gamissamati aha. "gacchatha tumhe, naham gamissamiti. Atha nam punappunam yacitva "anicchantam nam bhayetva nessamiti cintetva imam gathamaha

--------------------------------------------------------------------------------------------- page115.

"patodante karissami solasangulikantakam, sanchindissami te kayam; evam janahi gadrabhati. Tam sutva gadrabho "evam sante, ahampi te kattabbam janissamiti vatva imam gathamaha "patodamme karissasi solasangulikantakam, purato patitthahitvana uddharitvana pacchato bhandam 1- te patayissami; 2- evam janahi kappakati. 3- Tam sutva vanijo "kena nu kho karanenesa mam evam vadatiti cintetva ito cito ca olokento tam gadrabhim disva "imaya esa evam sikkhapito bhavissati, `evarupim nama te gadrabhim anessamiti matugamena tam palobhetva nessamiti cintetva imam gathamaha "catuppadim sankhamukhim narim sabbangasobhinim bhariyam te anayissami, evam janahi gadrabhati. Tam sutva tutthacitto gadrabho imam gathamaha "catuppadim sankhamukhim narim sabbangasobhinim bhariyam me anayissasi, evam janahi kappaka kappaka bhiyyo gamissami yojanani catuddasati. Atha nam kappako "tenahi ehiti gahetva sakatthanam agamasi. So katipahaccayena tam aha "nanu mam tumhe `bhariyante @Footnote: 1. Si. Ma. Yu. dantam. 2. Si. savayissami. 3. Si. Ma. Yu. kappata.

--------------------------------------------------------------------------------------------- page116.

Anayissamiti avocutthati. "ama vuttam, naham attano katham bhindissami, bhariyante anayissami; vattam pana tuyham ekakasseva dassami, tuyham attano 1- dutiyassa tam pahotu va ma va, tvameva janeyyasi; ubhinnam vo samvasamanvaya puttapi jayissanti, tehipi bahuhi saddhim tuyham tam pahotu va ma va, tvameva janeyyasiti. Gadrabho, tasmim kathenteyeva, anapekkho ahosi. Sattha imam dhammadesanam aharitva "tada bhikkhave gadrabhi janapadakalyani ahosi, gadrabho nando, vanijo ahameva, evam pubbepesa maya matugamena palobhetva vinitoti jatakam nitthapesiti. Nandattheravatthu. ----------- 10. Cundasukarikavatthu. (10) "idha socati pecca socatiti imam dhammadesanam sattha veluvane viharanto cundasukarikam nama arabbha kathesi. So kira pancapannasa vassani sukare vadhitva khadanto ca vikkinanto ca jivitam kappesi. Chatakakale sakatena vihi adaya janapadam gantva ekanalidvinalimattena gamasukarapotake @Footnote: 1. Ma. tuyham vettanam dutiyassa pahotu va ma va, Si. tuyham pana attadutiyassa.

--------------------------------------------------------------------------------------------- page117.

Kinitva sakatam puretva agantva pacchanivesane vajam viya ekatthanam parikkhipitva tattheva tesam nivapam ropetva, tesu nanagacche ca sariravalanjanca khaditva vaddhitesu, yam yam maretukamo hoti, tam tam alahane niccalam bandhitva sariramamsassa uddhumayitva bahalabhavattham caturassamuggarena pothetva "bahalamamso jatoti natva mukham vivaritva dantantare dandakam datva lohanaliya pakkutthitam unhodakam mukhe asincati. Tam kucchiyam pavisitva pakkutthitam karisam adaya adhobhagena nikkhamitva, yava thokam karisam atthi, tava avilam hutva nikkhamati, suddhe udare, accham anavilam nikkhamati. Athassa avasesam udakam pitthiyam asincati. Tam kalacammam uppatetva gacchati. Tato tinukkaya lomani jhapetva tinhena asina sisam chindati. Paggharantam lohitam bhajanena patiggahetva mamsam lohitena madditva pacitva puttadaramajjhe nisinno khaditva sesam vikkinati. Tassa imina niyameneva jivitam kappentassa pancapannasa vassani atikkantani. Tathagate dhuravihare vasante, ekadivasampi pupphamutthimattena puja va katacchumattabhikkhadanam va annam va kinci punnam nama nahosi. Athassa sarire rogo uppajji. Jivantasseva avicimahanirayasantapo upatthahi. Avicisantapo nama yojanasate thatva olokentassa akkhini bhindanasamattho parilaho hoti. Vuttampi cetam

--------------------------------------------------------------------------------------------- page118.

"samanta yojanasatam pharitva titthati sabbadati. 1- Nagasenattherena panassa pakatikaaggisantapato adhimattataya ayamupama vutta "yatha maharaja kutagaramatto pasanopi nirayaaggimhi pakkhitto khanena vilayam gacchati, nibbattasatta panettha kammabalena matukucchigata viya na viliyantiti. 2- Tassa tasmim santape upatthite, kammasarikkhako akaro uppajji. Gehamajjheyeva sukararavam ravitva jannukehi vicaranto puratthimavatthumpi pacchimavatthumpi gacchati. Athassa gehamanusaka tam dalham gahetva mukham pidahanti. Kammavipako nama na sakka kenaci patibahitum. So viravanto ito cito ca vicarati. Samanta sattasu gharesu manussa niddam na labhanti. Maranabhayena tajjitassa panassa bahi nikkhamanam nivaretum asakkonto sabbo gehajano, yatha anto thito bahi vicaritum na sakkoti; tatha gehadvarani pidahitva bahigeham parivaretva rakkhanto acchati. Itaropi antogeheyeva nirayasantapena viravanto ito cito ca vicarati. Evam satta divasani vicaritva atthame divase kalam katva avicimahaniraye nibbatti. Avicimahanirayo devadutasuttantena vannetabbo. Bhikkhu tassa gharadvarena gacchanta tam saddam sutva "sukarasaddoti sannino hutva viharam gantva satthu santike nisinna evamahamsu @Footnote: 1. Ma. upa. 14/341. "tassa ayomaya bhumi jalita tejasa yutta, samanta...sabbadati @devadutasutte agata. 2. milinda. 92.

--------------------------------------------------------------------------------------------- page119.

"bhante cundasukarikassa gehadvaram pidahitva sukaranam mariyamananam, ajja sattamo divaso; gehe kaci mangalakiriya bhavissati manne, ettake nama bhante sukare marentassa ekampi mettacittam va karunnam va natthi, na ca vata no evarupo kakkhalo pharuso satto ditthapubboti. Sattha "na bhikkhave so ime satta divase sukare mareti, kammasarikkhakam panassa udapadi, jivantasseva avicimahanirayasantapo upatthasi, so tena santapena satta divasani sukararavam ravanto antonivesane vicaritva ajja kalam katva avicimhi nibbattoti vatva, "bhante idha loke evam socitva puna gantva socanatthaneyeva nibbattoti vutte, "ama bhikkhave, pamatto nama gahattho va hotu pabbajito va, ubhayattha socatiyevati vatva imam gathamaha "idha socati pecca socati papakari ubhayattha socati, so socati so vihannati disva kammakilitthamattanoti. Tattha "papakariti; nanappakarassa papakammassa karako puggalo "akatam vata me kalyanam, katam me papanti ekamseneva maranasamaye idha socati, idamassa kammasocanam; vipakam anubhavanto pana pecca socati, idamassa paraloke vipakasocanam; evam so ubhayattha socatiyeva. Teneva karanena jivamanoyeva so cundasukarikopi

--------------------------------------------------------------------------------------------- page120.

Socati. Disva kammakilitthamattanoti: attano kilitthakammam passitva socati, nanappakaram vilapanto vihannati kilamatiti. Gathapariyosane bahu sotapannadayo ahesum, mahajanassa satthika desana jatati. Cundasukarikavatthu. ----------- 11. Dhammikaupasakavatthu. (11) "idha modati pecca modatiti imam dhammadesanam sattha jetavane viharanto dhammikaupasakam arabbha kathesi. Savatthiyam kira pancasata dhammikaupasaka nama ahesum. Tesu ekekassa panca panca upasakasatani parivaro. Yo tesam jetthako, tassa satta putta satta dhitaro. Tesu ekekassa ekeka salakayagu salakabhattam pakkhikabhattam sanghabhattam uposathikabhattam agantukabhattam vassavasikam ahosi. Tepi sabbeva anujataputta nama ahesum. Iti cuddasannam puttanam bhariyaya upasakassati solasa salakayaguadini pavattanti. Iti so saputtadaro silava kalyanadhammo danasamvibhagarato ahosi. Athassa aparabhage rogo uppajji. Ayusankharo parihayi. So dhammam sotukamo "attha va me solasa va bhikkhu pesethati satthu santikam

--------------------------------------------------------------------------------------------- page121.

Pahini. Sattha bhikkhu pesesi. Te gantva tassa mancam parivaretva pannattesu asanesu nisinna, "bhante ayyanam me dassanam dullabham bhavissati, dubbalomhi, ekam me suttam sajjhayathati vutta, "kataram suttam sotukamo upasakati, "sabbabuddhanam avijahitam satipatthanasuttanti 1- vutte, "ekayano ayam bhikkhave maggo sattanam visuddhiyati suttantam patthapesum. Tasmim khane chahi devalokehi sabbalankarapatimandita sahassasindhavayutta diyaddhayojanasatika cha ratha agamimsu. Tesu thita devata "amhakam devalokam nessama, amhakam devalokam nessama, ambho mattikabhajanam bhinditva suvannabhajanam ganhanto viya amhakam devaloke abhiramitum idha nibbattatuti 2- vadimsu. Upasako dhammassavanantarayam anicchanto "agametha agamethati aha. Bhikkhu "amhe vadatiti sannaya tunhi ahesum. Athassa puttadhitaro "amhakam pita pubbe dhammassavanena atitto ahosi, idani pana bhikkhu pakkosapetva sajjhayam karetva sayameva vareti, maranassa abhayanakasatto nama natthiti viravimsu. Bhikkhu "idani anokasoti utthayasana pakkamimsu. Upasako thokam vitinametva satim patilabhitva putte pucchi "kasma kandathati. "tata tumhe bhikkhu pakkosapetva dhammam sunanta sayameva varayittha, atha mayam `maranassa abhayanakasatto nama natthiti kandimhati. @Footnote: 1. di. maha. 10/325. 2. Ma. nibbattahiti.

--------------------------------------------------------------------------------------------- page122.

"ayya pana kuhinti. "anokasoti utthayasana pakkanta tatati. "naham ayyehi saddhim kathemiti. "atha kena saddhim kathethati. "../../bdpicture/chahi devalokehi devata cha rathe alankaritva adaya akase thatva `amhakam devaloke abhiramahi, amhakam devaloke abhiramahiti saddam karonti, tahi saddhim kathemiti. "kuhim tata ratha, na mayam passamati. "atthi pana mayham ganthitani pupphaniti. "atthi tatati. "kataro devaloko ramaniyoti. "sabbabodhisattanam buddhamatapitunanca vasanatthanam tusitabhavanam ramaniyam tatati. "tenahi `tusitabhavanato agatarathe pupphadamam laggatuti pupphadamam khipathati. Te khipimsu. Tam rathadhure laggitva akase olambi. Mahajano tadeva passati, ratham na passati. Upasako "passathetam pupphadamanti vatva, "ama passamati vutte, "etam tusitabhavanato agatarathe olambati, aham tusitabhavanam gacchami, tumhe ma cintayittha, mama santike nibbattitukama hutva maya kataniyameneva punnani karothati vatva kalam katva tusitabhavanato agatarathe patitthasi. Tavadevassa tigavutappamano satthisakatabharalankarapatimandito attabhavo nibbatti, accharasahassam parivaresi, pancavisatiyojanikam ratanavimanam paturahosi. Tepi bhikkhu viharam anuppatte sattha pucchi "suta bhikkhave upasakena dhammadesanati. "ama bhante, antarayeva pana `agamethati varesi, athassa puttadhitaro kandimsu, mayam

--------------------------------------------------------------------------------------------- page123.

`idani Anokasoti utthayasana nikkhantati. "na so bhikkhave tumhehi saddhim kathesi; chahi pana devalokehi devata cha rathe alankaritva aharitva tam upasakam pakkosimsu, so dhammadesanaya antarayam anicchanto tahi saddhim kathesiti. "evam bhanteti. "evam bhikkhaveti. "idani kuhim nibbattoti. "tusitabhavane bhikkhaveti. "bhante idha natimajjhe modamano caritva puna modanatthaneyeva nibbattoti. "ama bhikkhave, appamatta hi gahattha va pabbajita va sabbattha modantiyevati vatva imam gathamaha "idha modati pecca modati katapunno ubhayattha modati, so modati so pamodati disva kammavisuddhimattanoti. Tattha katapunnoti: nanappakarassa kusalassa karako puggalo "akatam vata me papam, katam vata me kalyananti idha kammamodanena modati, pecca vipakamodanena modati, evam ubhayattha modati nama. Kammavisuddhinti: dhammikaupasakopi attano kammavisuddhim punnakammasampattim disva kalakiriyato pubbe idha lokepi modati, kalam katva idani paralokepi pamodati atimodatiyevati. Gathapariyosane bahu sotapannadayo ahesum, mahajanassa satthika dhammadesana jatati. Dhammikaupasakavatthu. --------------

--------------------------------------------------------------------------------------------- page124.

12. Devadattavatthu. (12) "idha tappati pecca tappatiti imam dhammadesanam sattha jetavane viharanto devadattam arabbha kathesi. Devadattassa vatthum pabbajitakalato patthaya yava pathavippavesana devadattam arabbha bhasitani sabbani jatakani vittharetva kathitam. Ayam panettha sankhepo: satthari, anupiyam nama mallanam nigamo, tam nissaya anupiyambavane viharanteyeva, tathagatassa lakkhanapatiggahanadivaseyeva asitisahassehi natikulehi "raja va hotu buddho va, khattiyaparivaro vicarissatiti asitisahassaputta patinnata, tesu yebhuyyena pabbajitesu, "bhaddiyarajanam anuruddham anandam bhagum kimbilam devadattanti ime cha sakke apabbajante disva "mayam attano putte pabbajema, ime cha sakka na nataka manne; tasma na pabbajantiti katham samutthapesum. Atha mahanamo sakko anuruddham upasankamitva "tata amhakam kula pabbajito natthi, tvam va pabbaja, aham va pabbajissamiti aha. So pana sukhumalo hoti sampannabhogo, "natthiti vacanampi tena na sutapubbam. Ekadivasam hi tesu chasu khattiyesu gulakilaya kilantesu, anuruddho puvena parajito puvatthaya pahini. Athassa mata puve sajjetva pahini. Te khaditva pana kilimsu. Punappunam tasseva parajayo hoti. Mata panassa pahite pahite tikkhattum puve pahinitva catutthavare

--------------------------------------------------------------------------------------------- page125.

"puva natthiti pahini. So "natthiti vacanassa assutapubbatta "esapeka puvavikati bhavissatiti mannamano "natthipuvameva aharathati pesesi. Mata panassa, "natthipuvam kira ayye dethati vutte, "mama puttena `natthiti padam na sutapubbam, imina pana upayena etamattham janapessamiti tuccham suvannapatim annaya suvannapatiya patikujjitva pesesi. Nagarapariggahika devata cintesum "anuruddhasakkena annabharakale attano bhagabhattam uparitthapaccekabuddhassa datva `natthiti me vacanassa savanam ma hotu, bhojanuppattitthanajananam ma hotuti patthana kata, sacayam tucchapatim passissati; devasamagamam pavisitum na labhissama, sisampi no sattadha phaleyyati. Atha nam patim dibbapuvehi punnam akamsu. Tassa gulamandale thapetva ugghatitamattaya puvagandho sakalanagaram chadetva thito. Puvakhandam mukhe thapitamattameva sattarasaharanisahassani anuphari. So cintesi "naham matu piyo, ettakam me kalam imam natthipuvannama na paci, ito patthaya annam puvam na khadissamiti geham gantva mataram pucchi "amma tumhakam aham piyo, appiyoti. "tata ekakkhino akkhi viya hadayam viya ca atipiyo meti. "atha kasma ettakam kalam mayham natthipuvam na pacittha ammati. Sa cullupatthakam pucchi "atthi kinci patiyam tatati. "paripunna ayye pati puvehi, evarupa puva nama me na ditthapubbati. Sa cintesi "mayham putto punnava katabhiniharo bhavissati,

--------------------------------------------------------------------------------------------- page126.

Devatahi patim puretva pahita bhavissantiti. Atha nam putto "amma ito patthayaham annam puvannama na khadissami, natthipuvameva paceyyasiti. Sapissa tato patthaya, "puvam khaditukamomhiti vutte, tucchapatimeva annaya patiya patikujjitva pesesi. Yava agaramajjhe vasi, tavassa devata dibbapuve pahinimsu. So ettakampi ajananto pabbajjannama kim janissati, tasma "ka esa pabbajja namati bhataram pucchitva, "oharitakesamassuna kasayanivatthena katthatthare va vidalamancake va nipajjitva pindaya carantena viharitabbam, esa pabbajja namati vutte, "bhatika aham sukhumalo, naham sakkhissami pabbajitunti aha. "tenahi tata kammantam uggahetva gharavasam vasa, na hi sakka amhesu ekena apabbajitunti aha. Atha nam "ko eso kammanto namati pucchi. Bhattutthanatthanampi ajananto kulaputto kammantam nama kim janissati. Ekadivasam hi tinnam khattiyanam katha udapadi "bhattam nama kuhim utthahatiti. Kimbilo aha "kotthe utthahatiti. Atha nam bhaddiyo "tvam bhattassa utthanatthanam na janasi, bhattannama ukkhaliyam utthahatiti aha. Anuruddho "tumhe dvepi na janatha, bhattannama ratanamakulaya suvannapatiyam utthahatiti aha. Tesu kira ekadivasam kimbilo kotthato vihi otariyamane disva "ete kotthakeyeva jatati sanni ahosi. Bhaddiyopi ekadivasam ukkhalito bhattam vaddhiyamanam disva "ukkhaliyanneva

--------------------------------------------------------------------------------------------- page127.

Uppannanti sanni ahosi. Anuruddhena pana neva vihi kottenta na bhattam pacenta va vaddhenta va ditthapubba, vaddhetva pana purato thapitameva passati. So "bhunjitukamakale bhattam patiyam utthahatiti sannamakasi. Evam tayopi te bhattutthanatthanampi na jananti. Tenayam "ko esa kammanto namati pucchitva "pathamam khettam kasapetabbantiadikam samvacchare samvacchare kattabbam kiccam sutva "kada kammantanam anto pannayissati, kada mayam appossukka bhoge bhunjissamati vatva, kammantanam apariyantataya akkhataya, "tenahi tvanneva gharavasam vasa, na mayham etena atthoti vatva mataram upasankamitva "anujanahi mam amma, aham pabbajissamiti vatva, taya tikkhattum patikkhipitva "sace te sahayako bhaddiyaraja pabbajissati, tena saddhim pabbajahiti vutte, tam upasankamitva "mama kho samma pabbajja tava patibaddhati vatva tam nanappakarehi sannapetva sattame divase attana saddhim pabbajatthaya patinnam ganhi. Tato "bhaddiyo sakyaraja anuruddho anando bhagu kimbilo devadatto cati ime cha khattiya upalikappakasattama, deva viya dibbasampattim sattaham mahasampattim anubhavitva uyyanam gacchanta viya caturanginiya senaya nikkhamitva paravisayam patva rajanaya sabbasenam nivattapetva paravisayam okkamimsu. Tattha cha khattiya attano abharanani omuncitva bhandikam katva "handa bhane upali

--------------------------------------------------------------------------------------------- page128.

Nivattassu, alam te ettakam jivikayati tassa adamsu. So tesam padamule pavattitva paridevitva tesam anam atikkamitum asakkonto utthaya tam gahetva nivatti. Tesam dvidha jatakale vanam rodanappattam viya pathavi kampanakarappatta viya ahosi. Upalikappakopi thokam gantva nivattitva evam cintesi "canda kho sakiya `imina kumara nipatitati ghateyyumpi mam, ime hi nama sakyakumara evarupam sampattim pahaya imani anagghani abharanani khelapindam viya chaddetva pabbajissanti, kimangam panahanti cintetva bhandikam omuncitva tani abharanani rukkhe laggitva "atthika ganhantuti vatva tesam santikam gantva tehi "kasma nivattositi puttho tamattham arocesi. Atha nam te adaya satthu santikam gantva bhagavantam vanditva "mayam bhante sakiya nama mananissita, ayam amhakam digharattam paricarako, imam pathamataram pabbajetha, mayamassa abhivadanadini karissama, evam no mano nimmadayissatiti vatva tam pathamataram pabbajetva paccha sayam pabbajimsu. Tesu ayasma bhaddiyo teneva antaravassena tevijjo ahosi. Ayasma anuruddho dibbacakkhuko hutva paccha mahapurisavitakkasuttam 1- sutva arahattam papuni. Ayasma anando sotapattiphale patitthahi. Bhagutthero ca kimbilatthero ca aparabhage vipassanam vaddhetva arahattam papunimsu. Devadatto pothujjanikam iddhim patto. @Footnote: 1. an. atthaka. 23/233.

--------------------------------------------------------------------------------------------- page129.

Aparabhage satthari kosambiyam viharante, sasavakasanghassa tathagatassa mahanto labhasakkaro nibbatti. Tattha vatthabhesajjadihattha manussa viharam pavisitva "kuhim sattha, kuhim sariputtatthero, kuhim mahamoggallanatthero, kuhim mahakassapatthero, kuhim bhaddiyatthero, kuhim anuruddhatthero, kuhim anandatthero, kuhim bhagutthero, kuhim kimbilattheroti asitimahasavakanam nisinnatthanam olokenta vicaranti. "devadattatthero kuhim nisinno va thito vati pucchanto nama natthi. So cintesi "aham etehi saddhimyeva pabbajito, etepi khattiyapabbajita, ahampi khattiyapabbajito; labhasakkarahattha manussa ete pariyesanti, mama namam gahetapi natthi, kena nu kho saddhim ekato hutva kam pasadetva mama labhasakkaram nibbatteyyanti. Athassa etadahosi "ayam raja bimbisaro pathamadassaneneva ekadasanahutehi saddhim sotapattiphale patitthito, na sakka etena saddhim ekato bhavitum, kosalarannapi saddhim na sakka ekato bhavitum, ayam kho pana ranno putto ajatasattukumaro kassaci gunadosam na janati, etena saddhim ekato bhavissamiti. So kosambito rajagaham gantva kumarakavannam abhinimminitva cattaro asivise catusu hatthapadesu ekam givaya bandhitva ekam sise cumbatakam katva ekam ekamsam karitva imaya ahimekhalaya akasato oruyha ajatasattussa ucchange nisiditva, tena bhitena "kosi tvanti vutte, "aham devadattoti vatva tassa

--------------------------------------------------------------------------------------------- page130.

Bhayavinodanattham tam attabhavam patisamharitva sanghatipattacivaradharo purato thatva tam pasadetva labhasakkaram nibbattesi. So labhasakkarabhibhuto "aham bhikkhusangham pariharissamiti papakam cittam uppadetva saha cittuppadena iddhito parihayitva sattharam veluvanavihare sarajikaya parisaya dhammam desentam vanditva utthayasana anjalimpaggayha "bhagava bhante etarahi jinno vuddho mahallako, appossukko ditthadhammasukhaviharam anuyunjatu; aham bhikkhusangham pariharissami, niyyadetha me bhikkhusanghanti vatva satthara khelasikavadena apasadetva patikkhitto, anattamano imam pathamam tathagate aghatam bandhitva apakkami. Athassa bhagava rajagahe pakasaniyakammam karesi. So "pariccattodani aham samanena gotamena, idanissa anattham karissamiti ajatasattum upasankamitva "pubbe kho kumara manussa didayuka, etarahi appayuka, thanam kho panetam vijjati, yam tvam kumarova samano kalam kareyyasi, tenahi tvam kumara pitaram hantva raja hohi, aham bhagavantam hantva buddho bhavissamiti vatva, tasmim rajje patitthite, tathagatassa vadhaya purise payojetva, tesu sotapattiphalam patva nivattesu, sayam gijjhakutam abhiruhitva "ahameva samanam gotamam jivita voropessamiti silam pavijjhitva ruhiruppadakammam katva iminapi upayena maretum asakkonto puna nalagirim vissajjapesi. Tasmim agacchante, anandatthero attano jivitam satthu

--------------------------------------------------------------------------------------------- page131.

Pariccajitva purato atthasi. Sattha nagam dametva nagara nikkhamitva viharam agantva anekasahassehi upasakehi abhihatam mahadanam paribhunjitva, tasmim divase sannipatitanam attharasakotisankhatanam rajagahavasinam anupubbikatham kathesi. Caturasitiya panasahassanam dhammabhisamayo jato. "aho mahaguno ayasma anando; tatharupe nama hatthinage agacchante, attano jivitam pariccajitva satthu purato atthasiti therassa gunakatham sutva "na bhikkhave idaneva, pubbepesa mamatthaya jivitam pariccajiyevati vatva bhikkhuhi yacito cullahamsamahahamsakakkatakajatakani 1- 2- 3- kathesi. Devadattassapi kammam neva tatha ranno marapitatta, na vadhakanam payojitatta, na silaya paviddhatta, pakatam ahosi; yatha nalagirihatthino vissajjitatta. Tada hi mahajano "rajapi devadatteneva marapito, vadhakapi payojita, silapi paviddha; idani pana tena nalagiri vissajjapito, evarupam nama papam gahetva raja vicaratiti kolahalamakasi. Raja mahajanassa katham sutva panca thalipakasatani harapetva na puna tassupatthanam agamasi. Nagarapissa kulam upagatassa bhikkhamattampi nadamsu. So parihinalabhasakkaro kohannena jivitukamo sattharam upasankamitva @Footnote: 1. khu. ja. asiti. 28/68. tadatthakatha. 8/211. 2. khu. ja. asiti. 28/77. @tadatthakatha. 8/242. 3. khu. ja. catu. 27/145. tadatthakatha. 4/335. tattha pana @"kakkarujatakanti khayati.

--------------------------------------------------------------------------------------------- page132.

Panca vatthuni yacitva bhagavata "alam devadatta, yo icchati, arannako hotuti patikkhitto, "kassavuso vacanam sobhanam: kim tathagatassa udahu mama? aham hi ukkatthavasena evam vadami `sadhu bhante bhikkhu yavajivam arannika assu, pindapatika, pamsukulika, rukkhamulika, macchamamsam na khadeyyunti, yo dukkha muccitukamo, so maya saddhim agacchatuti vatva pakkami. Tassa vacanam sutva ekacce navapabbajita mandabuddhino "kalyanam devadatto aha, etena saddhim vicarissamati tena saddhim ekatova ahesum. Iti so pancasatehi bhikkhuhi saddhim tehi pancahi vatthuhi lukhappasannam janam sannapento kulesu vinnapetva bhunjanto sanghabhedaya parakkami. So bhagavata "saccam kira tvam devadatta sanghabhedaya parakkamasi cakkabhedayati puttho "saccam bhagavati vatva "garuko kho devadatta sanghabhedotiadihi ovaditopi satthu vacanam anadayitva pakkanto, ayasmantam anandam rajagahe pindaya carantam disva "ajjataggedanaham avuso ananda annatreva bhagavata annatra bhikkhusangha uposatham karissami, sanghakammam karissamiti aha. Thero tamattham bhagavato arocesi. Tam viditva sattha uppannadhammasamvego hutva "devadatto sadevakassa lokassa anatthanissitam attano avicimhi pacanakammam karotiti parivitakketva "sukarani asadhuni attano ahitani ca; yam ve hitanca sadhunca tam ve paramadukkaranti

--------------------------------------------------------------------------------------------- page133.

Imam gatham vatva puna imam udanam udanesi "sukaram sadhuna sadhu, sadhu papena dukkaram; papam papena sukaram, papamariyehi dukkaranti. 1- Athakho devadatto uposathadivase attano parisaya saddhim ekamantam nisiditva "yassimani panca vatthuni khamanti, so salakam ganhatuti vatva, pancasatehi vajjiputtakehi navakehi appakatannuhi salakaya gahitaya, sangham bhinditva te bhikkhu adaya gayasisam agamasi. Tassa tattha gatabhavam sutva sattha tesam bhikkhunam anayatthaya dve aggasavake pesesi. Te tattha gantva adesanapatihariyanusasaniya ca iddhipatihariyanusasaniya ca anusasanta te amatam payetva adaya akasenagamimsu. Kokalikopi kho "utthehi avuso devadatta, nita te bhikkhu sariputtamoggallanehi, nanu tvam maya vutto `ma avuso sariputtamoggallanehi vissasi; papiccha sariputtamoggallana, papikanam icchanam vasangatati vatva jannukena hadayamajjhe pahari. Tassa tattheva unham lohitam mukhato ugganchi. Ayasmantam pana sariputtam bhikkhusanghaparivutam akasenagacchantam disva bhikkhu ahamsu "bhante ayasma sariputto gamanakale attadutiyova gato, idani mahaparivaro agacchanto sobhatiti. Sattha "na bhikkhave idaneva, tiracchanayoniyam nibbattakalepi @Footnote: 1. cullavagga. 7/194. khu. u. 25/167.

--------------------------------------------------------------------------------------------- page134.

Mama putto mama santikam agacchanto sobhatiyevati vatva "hoti silavatam attho patisantharavuttinam. Lakkhanam passa ayantam natisanghapurakkhitam, atha passasimam kalam suvihinamva natibhiti 1- idam jatakam 2- kathesi. Puna bhikkhuhi "bhante devadatto kira dve aggasavake ubhosu passesu nisidapetva `buddhalilhaya dhammam desessamiti tumhakam anukiriyam kariti vutte, "na bhikkhave idaneva; pubbepesa mama anukiriyam katum vayami, na pana sakkhiti vatva "api viraka passesi sakunam manjubhanakam mayuragivasankasam patim mayham savitthakam? udakathalacarassa pakkhino niccam amakamacchabhojino tassanukaram savitthako sevalehi paligunthito matoti 3- nadicarakakajatakam 4- kathetva, aparesupi divasesu tatharupimeva katham arabbha "acari vatayam vitudam vanani katthangarukkhesu asarakesu, @Footnote: 1. khu. ja. eka. 27/4. tadatthakatha. 1/220. 2. lakkhanajatakam. 3. khu. ja. @duka. 27/75. tadatthakatha. 3/199. 4. jatake "virakajatakanti khayati.

--------------------------------------------------------------------------------------------- page135.

Athasada khadiram jatasaram, yatthabhida garulo uttamanganti 1- ca lasi ca te nipphalita, matthako ca vidalito, sabba te phasuka bhagga, dani samma virocasiti 2- ca evamadini jatakani 3- kathesi. Puna "akatannu devadattoti katham arabbha "akaramha va te kiccam, yam balam ahuvamha se; migaraja namo tyatthu; api kinci labhamha se. Mama lohitabhakkhassa niccam luddani kubbato dantantaragato santo tam bhum, yampi jivasiti 4- adini jatakani 5- kathesi. Puna vadhaya parisakkanamassa arabbha "natametam kurungassa yam tvam sepanni seyyasi; annam sepannim gacchami, na me te ruccate phalanti 6- adini jatakani 7- kathesi. Puna "ubhato parihino devadatto labhasakkarato ca samannato cati kathasu pavattamanasu, "na bhikkhave idaneva, pubbepi parihinoyevati vatva @Footnote: 1. khu. ja. duka. 27/77. tadatthakatha. 3/216. 2. khu. ja. eka. 27/46. tadatthakatha. @2/387. 3. kandagalajatakanceva virocanajatakanca. 4. khu. ja. catu. 27/133. @tadatthakatha. 4/258. 5. javasakunajatakam. 6. khu. ja. eka. 27/7. tadatthakatha. 1/262. @7. kurungamigajatakam.

--------------------------------------------------------------------------------------------- page136.

"akkhi bhinna, pato nattho, sakhigehe ca bhandanam, ubhato padutthakammanta udakamhi thalamhi cati 1- adini jatakani 2- kathesi. Evam rajagahe viharanto devadattam arabbha bahuni jatakani kathetva, rajagahato savatthim gantva jetavanamahavihare vasam kappesi. Devadattopi kho nava mase gilano, pacchime kale sattharam datthukamo hutva attano savake "aham sattharam datthukamo, tam me dassethati vatva, tehi "tvam samatthakale satthara saddhim veri hutva acari, na mayam tam tattha nessamati vutte, "ma mam nasetha, maya satthari aghato kato, satthu pana mayi kesaggamattopi aghato natthiti. So hi bhagava vadhake devadattamhi core angulimalake dhanapale rahule ca sabbattha samamanasoti "dassetha me bhagavantanti punappunam yaci. Atha nam te mancakenadaya nikkhamimsu. Tassagamanam sutva bhikkhu satthu arocesum "bhante devadatto kira tumhakam dassanatthaya agacchatiti. "na bhikkhave so tenattabhavena mam passitum labhissatiti. Bhikkhu kira pancannam vatthunam ayacitakalato patthaya puna buddhe datthum na labhanti, ayam dhammata. "asukatthananca asukatthananca agato bhanteti ahamsu. "yam icchati, tam karotu; na so mam passitum labhissatiti. "bhante @Footnote: 1. khu. ja. eka. 27/45. tadatthakatha. 2/372. 2. ubhatobhatthajatakam.

--------------------------------------------------------------------------------------------- page137.

Ito yojanamattam agato, addhayojanam, gavutam, pokkharanisamipam agato bhanteti. "sacepi antojetavanam pavisati, neva mam passitum labhissatiti. Devadattam gahetva agata jetavanapokkharanitire mancam otaretva pokkharaniyam nahayitum otarimsu. Devadattopi kho mancato utthaya ubho pade bhumiyam thapetva nisidi. Te pathavim pavisimsu. So anukkamena yava gopphaka yava jannuka yava katito yava thanato yava givato pavisitva hanukatthikassa bhumiyam patitthitakale gathamaha "imehi atthihi tamaggapuggalam devatidevam naradammasarathim samantacakkhum satapunnalakkhanam panehi buddham saranam gatosmiti. Idam kira thanam disva tathagato devadattam pabbajesi. Sace hi so na pabbajissa; gihi hutva kammam bhariyam akarissa, ayatim bhavassa paccayam katum nasakkhissa; pabbajitva ca pana, kincapi kammam bhariyam karissati, ayatim bhavassa paccayam katum sakkhissatiti nam sattha pabbajesi. So hi ito satasahassakappamatthake atthissaro nama paccekabuddho bhavissati. So pathavim pavisitva avicimhi nibbatti. Niccale buddhe aparaddhabhavena pana niccalova hutva paccati. Tiyojanasatike antoavicimhi yojanasatubbedhamevassa sariram nibbatti, sisam yava kannasakkhalito upari ayakapallam pavisi, pada

--------------------------------------------------------------------------------------------- page138.

Yava gopphaka hettha ayapathavim pavittha, mahatalakkhandhaparimanam ayasulam pacchimabhittito nikkhamitva pitthimajjham bhinditva urena nikkhamitva puratthimabhittim pavisi, aparam dakkhinabhittito nikkhamitva dakkhinapassam bhinditva vamapassena nikkhamitva uttarabhittim pavisi, aparam upari kapallato nikkhamitva matthakam bhinditva adhobhagena nikkhamitva ayapathavim pavisi. Evam so tattha niccalo hutva paccati. Bhikkhu "ettakam thanam gantva devadatto sattharam datthum alabhitvava pathavim pavitthoti katham samutthapesum. Sattha "na bhikkhave devadatto idaneva mayi aparajjhitva pathavim pavisi, pubbepi pavitthoyevati vatva, hatthirajakale maggamulham purisam samassasetva attano pitthim aropetva khemantam papitassa tena puna tikkhattum agantva `aggatthane majjhimatthane muleti evam dante chinditva tatiyavare mahapurisassa cakkhupatham atikkamantassa tassa pathavim pavitthabhavam dipetum "akatannussa posassa niccam vivaradassino sabbance pathavim dajja neva nam abhiradhayeti 1- imam jatakam 2- kathetva, punapi tatheva kathaya samutthitaya, khantivadibhute attani aparajjhitva kalaburajabhutassa tassa pathavim pavitthabhavam dipetum khantivadijatakam, 3- culladhammapalabhute attani aparajjhitva @Footnote: 1. khu. ja. eka. 27/23. tadatthakatha. 2/128. 2. silavanagajatakam. 3. khu. ja. catu. @27/137. tadatthakatha. 4/275.

--------------------------------------------------------------------------------------------- page139.

Mahapataparajabhutassa tassa pathavim pavitthabhavam dipetum culladhamma- palajatakanca 1- kathesi. Pathavim pavitthe pana devadatte, mahajano hatthatuttho dhajapatakakadaliyo ussapetva punnaghate thapetva "labha vata noti mahantam chanam anubhoti. Tamattham bhagavato arocesum. Bhagava "na bhikkhave idaneva devadatte mate mahajano tussati, pubbepi tussiyevati vatva, sabbajanassa appiye cande pharuse baranasiyam pingalaraje nama mate mahajanassa tutthabhavam dipetum "sabbo jano himsito pingalena, tasmim mate, paccayam vedayanti, piyo nu te asi akanhanetto. Kasma tuvam rodasi dvarapala? Na me piyo asi akanhanetto, bhayami paccagamanaya tassa, ito gato himseyya maccurajam, so himsito aneyya nam puna idhati imam pingalajatakam 2- kathesi. Bhikkhu sattharam pucchimsu "idani bhante devadatto kuhim nibbattoti. "avicimahaniraye bhikkhaveti. "bhante idha tappanto @Footnote: 1. khu. ja. panca. 27/171. tadatthakatha. 4/450. 2. khu. ja. duka. 27/92. tadatthakatha. @3/321.

--------------------------------------------------------------------------------------------- page140.

Vicaritva puna gantva tappanatthaneyeva nibbattoti. "ama bhikkhave, pabbajita va hontu gahattha va pamadaviharino ubhayattha tappantiyevati vatva imam gathamaha "idha tappati, pecca tappati, papakari ubhayattha tappati; `papam me katanti tappati, bhiyyo tappati duggatim gatoti. Tattha "idha tappatiti: idha kammatappanena domanassamattena tappati. Peccati: paraloke pana vipakatappanena atidarunena apayadukkhena tappati. Papakariti: nanappakarassa papassa katta. Ubhayatthati: imina vuttappakarena tappanena ubhayattha tappati nama. Papam meti: so hi kammatappanena tappanto "papam me katanti tappati, tam appamattakam tappanam; vipakatappanena pana tappanto bhiyyo tappati duggatim gato, atipharusena tappanena ativiya tappatiti. Gathapariyosane bahu sotapannadayo ahesum. Desana mahajanassa satthika jatati. Devadattavatthu. ----------

--------------------------------------------------------------------------------------------- page141.

13. Sumanadevivatthu. (13) "idha nandati, pecca nandatiti imam dhammadesanam sattha jetavane viharanto sumanadevim arabbha kathesi. Savatthiyam hi devasikam anathapindikassa gehe dve bhikkhusahassani bhunjanti, tatha visakhaya mahaupasikaya. Savatthiyanca yo yo danam datukamo hoti; so so tesam ubhinnam okasam labhitvava karoti. "kimkaranati. "tumhakam danaggam anathapindiko va visakha va agatati pucchitva, "nagatati vutte, satasahassam vissajjetva katadanampi "kim danam nametanti garahanti. Ubhopi hi te bhikkhusanghassa rucinca anucchavikakiccani ca jananti. Tesu viharantesu, bhikkhu cittanurupameva bhunjanti. Tasma sabbe danam datukama te gahetva gacchanti. Iti te attano ghare bhikkhu parivisitum na labhanti. Tato visakha "ko nu kho mama thane thatva bhikkhusangham parivisissatiti upadharenti puttassa dhitaram disva tam attano thane thapesi. Sa tassa nivesane bhikkhusangham parivisati. Anathapindikopi mahasubhaddam nama jetthadhitaram thapesi. Sa hi bhikkhunam veyyavaccam karonti dhammam sunanti sotapanna hutva patikulam agamasi. Tato cullasubhaddam thapesi. Sapi tatheva karonti sotapanna hutva patikulam gata. Atha sumanadevim nama kanitthadhitaram thapesi. Sa pana dhammam sutva sakadagamiphalam patva, kumarikava hutva tatharupena aphasukena atura aharupacchedam katva pitaram

--------------------------------------------------------------------------------------------- page142.

Datthukama hutva pakkosapesi. So ekasmim danagge tassa sasanam sutvava agantva "kim amma sumaneti aha. Sa pitaram aha "kim kanitthabhatikati. "vippalapasi ammati. "na vippalapami kanitthabhatikati. "bhayasi ammati. "na bhayami kanitthabhatikati. Ettakam vatvayeva pana sa kalamakasi. So sotapannopi samano setthi dhitari uppannasokam adhivasetum asakkonto dhitu sarirakiccam karetva rodanto satthu santikam gantva, "kim gahapati dukkhi dummano assumukho rudamano agatositi vutte, "dhita me bhante sumanadevi kalakatati aha. "atha kasma socasi, nanu sabbesam ekamsikam marananti. "janametam bhante, evarupa pana me hirottappasampanna dhita, sa maranakale satim paccupatthapetum asakkonti vippalapamana mata: tena me anappakam domanassam uppajjatiti. "kim pana taya kathitam mahasetthiti. "aham tam bhante `kim amma sumaneti amantesim, atha mam aha `kim kanitthabhatikati; tato `vippalapasi ammati vutte, `na vippalapami kanitthabhatikati; `bhayasi ammati, `na bhayami kanitthabhatikati; ettakam vatva kalamakasiti. Atha nam bhagava aha "na hi te mahasetthi dhita vippalapatiti. "atha kasma evamahati. "kanitthattayeva; dhita hi te gahapati maggaphalehi taya mahallika; tvam hi sotapanno, dhita pana te sakadagamini; sa maggaphalehi mahallikatta tam evamahati. "evam bhanteti. "evam gahapatiti. "idani kuhim nibbatta bhanteti. "tusitabhavane gahapatiti vutte,

--------------------------------------------------------------------------------------------- page143.

"bhante mama dhita idha natakanam antare nandamana vicaritva ito gantvapi nandanatthaneyeva nibbattati. Atha nam sattha "ama gahapati appamatta nama gahattha va pabbajita va idhaloke ca paraloke ca nandantiyevati vatva imam gathamaha "idha nandati, pecca nandati, katapunno ubhayattha nandati, `punnam me katanti nandati, bhiyyo nandati suggatim gatoti. Tattha "idhati: idhaloke kammanandanena nandati. Peccati: paraloke vipakanandanena nandati. Katapunnoti: nanappakarassa punnassa katta. Ubhayatthati: idha "katam me kusalam, akatam me papanti nandati, parattha vipakam anubhavanto nandati. Punnam meti: idha nandanto pana "punnam me katanti somanassamattakeneva kammanandanam upadaya nandati. Bhiyyoti: vipakanandanena pana sugatim gato, sattapannasavassakotiyo satthinca vassasatasahassani dibbasampattim anubhavanto tusitapure ativiya nandatiti. Gathapariyosane bahu sotapannadayo ahesum. Mahajanassa dhammadesana satthika jatati. Sumanadevivatthu. -----------

--------------------------------------------------------------------------------------------- page144.

14. Dvesahayakabhikkhuvatthu. (14) "bahumpi ce sahitam bhasamanoti imam dhammadesanam sattha jetavane viharanto dve sahayake bhikkhu arabbha kathesi. Savatthivasino hi dve kulaputta sahayaka viharam gantva satthu dhammadesanam sutva kame pahaya satthu sasane uram datva pabbajitva panca vassani acariyupajjhayanam santike vasitva sattharam upasankamitva sasane dhuram pucchitva vipassanadhuranca ganthadhuranca vittharato sutva, eko tava "aham bhante mahallakakale pabbajito na sakkhissami ganthadhuram puretum, vipassanadhuram pana puressamiti yava arahatta vipassanam kathapetva ghatento vayamanto saha patisambhidahi arahattam papuni. Itaro pana "aham ganthadhuram puressamiti anukkamena tepitakam buddhavacanam ugganhitva gatagatatthane dhammam katheti, sarabhannam bhanati pancannam bhikkhusatanam dhammam vacento vicarati, attharasannam mahagananam acariyo ahosi. Bhikkhu satthu santike kammatthanam gahetva itarassa therassa vasanatthanam gantva tassovade thatva arahattam patva theram vanditva "sattharam datthukamamhati vadanti. Thero "gacchatha avuso, mama vacanena sattharam vanditva asitimahathere vandatha, sahayakattherampi me `amhakam acariyo tumhe vandatiti vadethati pesesi. Te viharam gantva sattharanceva asitimahathere ca vanditva ganthikattherassa santikam gantva "bhante amhakam acariyo tumhe vandatiti vadanti. Itarena ca

--------------------------------------------------------------------------------------------- page145.

`ko Namesoti vutte, "tumhakam sahayakabhikkhu bhanteti vadanti. Evam there punappunam sasanam pahinante, so bhikkhu thokam kalam sahitva aparabhage sahitum asakkonto, "amhakam acariyo tumhe vandatiti vutte, "ko esoti vatva, "tumhakam sahayakabhikkhu bhanteti vutte, "kim pana tumhehi tassa santike uggahitam: kim dighanikayadisu annataro nikayo, kim tisu pitakesu ekam pitakanti vatva, "catuppadikampi gatham na janati, pamsukulam gahetva pabbajitakaleyeva arannam pavittho, bahu vata antevasike labhi, tassa agatakale maya panham pucchitum vattatiti cintesi. Aparabhage thero sattharam datthum agato, sahayakattherassa santike pattacivaram thapetva gantva sattharanceva asitimahathere ca vanditva sahayakattherassa vasanatthanam paccagami. Athassa so vattam karetva samappamanam asanam gahetva "panham pucchissamiti nisidi. Tasmim khane sattha "esa evarupam mama puttam vihethetva niraye nibbatteyyati tasmim anukampaya viharacarikam caranto viya tesam nisinnatthanam gantva pannatte buddhasane nisidi. Tattha tattha nisidanta hi bhikkhu buddhasanam pannapetva va nisidanti. Tena sattha pakatipannatteyeva asane nisidi. Nisajja kho pana ganthikabhikkhum pathamajjhane panham pucchitva, tasmim akathite, dutiyajjhanam adim katva atthasupi samapattisu ruparupesu panham pucchi. Ganthikatthero ekampi kathetum nasakkhi. Itaro tam sabbam kathesi. Atha nam sotapattimagge panham pucchi. Ganthikatthero

--------------------------------------------------------------------------------------------- page146.

Kathetum nasakkhi. Tato khinasavattheram pucchi. Thero kathesi. Sattha "sadhu sadhuti abhinanditva sesamaggesupi patipatiya panham pucchi. Ganthikatthero ekampi kathetum nasakkhi. Khinasavo pana pucchitapucchitam kathesi. Sattha catusupi thanesu tassa sadhukaram adasi. Tam sutva bhummadeve adim katva yava brahmaloka sabba devata ceva nagasupanna ca sadhukaram adamsu. Tam sadhukaram sutva tassa antevasika ceva saddhiviharino ca sattharam ujjhayimsu "kim nametam satthara katam: kinci ajanantassa mahallakattherassa catusu thanesu sadhukaram adasi, amhakam panacariyassa sabbapariyattidharassa pancannam bhikkhusatanam pamokkhassa pasamsamattampi na kariti. Atha ne sattha "kinnametam bhikkhave kathethati pucchitva, tasmim atthe arocite, "bhikkhave tumhakam acariyo mama sasane bhatiya gavo rakkhanasadiso, mayham pana putto yatharuciya pancagorase paribhunjanakasamisadisoti vatva ima gatha abhasi "bahumpi ce sahitam 1- bhasamano na takkaro hoti naro pamatto, gopova gavo ganayam paresam na bhagava samannassa hoti. Appampi ce sahitam bhasamano dhammassa hoti anudhammacari @Footnote: 1. Ma. samhita. ayanhi gatha upendavajiro nama hoti, so ca ja ta ja ganehi ceva @garudvayena ca niyamito, tasma "samhita iti yujjati.

--------------------------------------------------------------------------------------------- page147.

Raganca dosanca pahaya moham sammappajano suvimuttacitto anupadiyano idha va huram va, sa bhagava samannassa hotiti. Tattha "sahitanti tepitakassa buddhavacanassetam namam, tam acariye upasankamitva ugganhitva bahumpi paresam bhasamano vacento kathento, tam dhammam sutva yam karakena puggalena kattabbam, takkaro na hoti, kukkutassa pakkhapaharanamattampi aniccadivasena manasikaram nappavattesi; eso, yatha nama divase bhatiya gavo rakkhanto gopo patova sampaticchitva sayam ganetva samikanam niyyadetva divasabhatimattam ganhati, yatharuciya pana pancagorase paribhunjitum na labhati; evameva kevalam antevasikanam santika vattapativattakaranamattassa bhagi hoti, samannassa pana bhagi na hoti. Yatha pana gopalakena niyyaditanam gunnam pancagorasam gosamikava paribhunjanti; tatha tena kathitam dhammam sutva karakapuggala yathanusittham patipajjitva, keci pathamajjhanadini papunanti, keci vipassanam vaddhetva maggaphalani papunanti, gosamika gorasasseva, samannassa bhagino honti. Iti sattha silasampannassa bahussutassa pamadaviharino aniccadivasena yonisomanasikare appavattassa bhikkhuno vasena pathamam gatham kathesi, na dussilassa.

--------------------------------------------------------------------------------------------- page148.

Dutiyagatha pana appassutassapi yonisomanasikare kammam karontassa karakapuggalassa vasena kathita. Tattha "appampi ceti: thokam ekavaggadvivaggamattampi. Dhammassa hoti anudhammacariti: atthamannaya dhammamannaya navalokuttaradhammassa anurupam dhammam pubbabhagapatipadasankhatam catuparisuddhisiladhutangaasubhakammatthanadibhedam caranto anudhammacari hoti "ajja ajjevati pativedham akankhanto vicarati; so imaya sammapatipattiya raganca dosanca pahaya moham, samma hetuna nayena parijanitabbadhamme parijananto, tadangavikkhambhanasamucchedapatipassaddhinissaranavimuttinam vasena suvimuttacitto, anupadiyano idha va huram va, idhalokaparaloke pariyapanna va ajjhattikabahira va khandhayatanadhatuyo catuhi upadanehi anupadiyanto mahakhinasavo, maggasankhatassa samannassa vasena agatassa phalasamannassa ceva pancaasekhadhammakkhandhasamannassa ca bhagava hotiti. Ratanakutena viya agarassa, arahattena desanaya kutam ganhiti. Gathapariyosane bahu sotapannadayo ahesum. Desana mahajanassa satthika jatati. Dvesahayakabhikkhuvatthu. Yamakavaggavannana nitthita. Pathamo vaggo.


             The Pali Atthakatha in Roman Book 18 page 1-148. http://84000.org/tipitaka/atthapali/read_rm.php?B=18&A=1&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=18&A=1&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=25&i=11              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=268              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=269              The Pali Tipitaka in Roman Character :- http://84000.org/tipitaka/read/roman_read.php?B=25&A=269              Contents of The Tipitaka Volume 25 http://84000.org/tipitaka/read/?index_25

previous bookno pageNumbernext book chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com