ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

page493.

Sekhiyakandavannana yani sikkhitasikkhena sekhiyaniti tadina bhasitani ayam dani tesampi vannanakkamoti. {576} Tattha parimandalanti samantato mandalam. Nabhimandalam janumandalanti uddham nabhimandalam adho janumandalam paticchadentena janumandalassa hettha janghatthikato patthaya atthangulamattam nivasanam otaretva nivasetabbam. Tato param otarentassa dukkatanti vuttam. Yathanisinnassa janumandalato hettha caturangulamattam paticchannam hotiti mahapaccariyam vuttam. Evam nivasentassa pana nivasanam pamanikam vattati. Tatridam pamanam dighaso mutthipancamam tiriyam addhateyyahattham tadisassa pana alabhena tiriyam dvihatthappamanampi vattati janumandalapaticchadanattham nabhimandalam pana civarenapi sakka paticchadetunti. Tattha ekapattacivaram evam nivatthampi thane na titthati dupattam pana titthati. Olambanto nivaseti apatti dukkatassati ettha na kevalam purato ca pacchato ca olambetva nivasentasseva dukkatam ye panannepi tena kho pana samayena chabbaggiya bhikkhu gihinivattham nivasenti hatthisondakam macchavalakam catukkannakam talavantakam satavalikam nivasentitiadina 1- nayena khandhake nivasanadosa vutta tatha @Footnote: 1. vi. cullavagga. 7/66.

--------------------------------------------------------------------------------------------- page494.

Nivasentassapi dukkatameva. Te sabbe vuttanayeneva parimandalam nivasentassa na hontiti ayamettha sankhepo. Vittharo pana tattheva avibhavissati. Asanciccati purato va pacchato va olambetva nivasessamiti evam asancicca athakho parimandalamyeva nivasessamiti virajjhitva aparimandalam nivasentassa anapatti. Asatiyati annavihitassapi tatha nivasentassa anapatti. Ajanantassati ettha nivasanavattam ajanantassa mokkho natthi. Nivasanavattam hi sadhukam uggahetabbam. Tassa anuggahanamevassa anadariyam. Tam pana sancicca anugganhantasseva yujjati. Tasma uggahitavattopi yo arulhabhavam va orulhabhavam va na janati tassa anapatti. Kurundiyam pana parimandalam nivasetum ajanantassa anapattiti vuttam. Yo pana sukkhajangho va mahapindikamamso va hoti tassa saruppatthaya janumandalato atthanguladhikampi otaretva nivasetum vattati. Gilanassati janghaya 1- va pade va vano hoti ukkhipitva va otaretva va nivasetum vattati. Apadasuti balamiga va cora va anubandhanti evarupasu apadasu anapatti. Sesamettha uttanameva. Pathamaparajikasamutthanam kiriya sannavimokkham sacittakam lokavajjam kayakammam akusalacittam dukkhavedananti. Pussadevatthero sacittakam pannattivajjam tivedananti aha. Upatissatthero pana anadaram paticca vuttatta lokavajjam @Footnote: 1. janghe.

--------------------------------------------------------------------------------------------- page495.

Akusalacittam dukkhavedananti aha. {577} Parimandalam parupitabbanti tena kho pana samayena chabbaggiya bhikkhu gihiparutam parupantiti 1- evam vuttam anekappakaram gihiparutam aparupitva idha vuttanayeneva ubho kanne samam katva parupanavattam purentena parimandalam parupitabbam. Imani ca dvepi sikkhapadani avisesena vuttani. Tasma viharepi antaragharepi parimandalameva nivasetabbam ca parupitabbancati. Samutthanadini pathamasikkhapade vuttanayeneva saddhim theravadena. {578} Kayam vivaritvati janumpi urampi vivaritva. Supaticchannenati na sisam parutena athakho kanthikam patimuncitva ubhato anuvatantena givam paticchadetva ubho kanne samam katva patisamharitva yava manibandhana paticchadetva antaraghare gantabbam. Tatiyasikkhapade. Galavatakato patthaya sisam manibandhato patthaya hatthe pindikamamsato patthaya pade vivaritva nisiditabbam. {579} Vasupagatassati vasatthaya upagatassa rattibhage va divasabhage va kayam vivaritvapi nisidato anapatti. {580} Susamvutoti hattham va padam va akilapento suvinitoti attho. {582} Okkhittacakkhuti hettha khittacakkhu hutva. Yugamattam pekkhantenati yugayuttako hi danto ajaniyo yugamattam pekkhati purato catuhatthappamanam bhumibhagam iminapi ettakam pekkhantena gantabbam. Yo anadariyam paticca taham taham olokentoti yo tam tam disabhagam pasadam kutagaram vithim olokento gacchati apatti dukkatassa. Ekasmim pana thane thatvava @Footnote: 1. vi. cullavagga. 7/66.

--------------------------------------------------------------------------------------------- page496.

Hatthiassadiparissayabhavam oloketum vattati. Nisidantenapi okkhittacakkhunava nisiditabbam. {584} Ukkhittakayati ukkhepena. Itthambhutalakkhane karanavacanam. Ekato va ubhato va ukkhittacivaro hutvati attho. Antoindakhilato patthaya na evam gantabbam. Nisinnakale dhamakarakam niharantenapi civaram anukkhipitvava niharitabbanti. Pathamo vaggo.


             The Pali Atthakatha in Roman Book 2 page 493-496. http://84000.org/tipitaka/atthapali/read_rm.php?B=2&A=10376&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=10376&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=1&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=              The Pali Tipitaka in Roman Character :- http://84000.org/tipitaka/read/roman_read.php?B=1&A=              Contents of The Tipitaka Volume 1 http://84000.org/tipitaka/read/?index_1

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com