ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {675} Catutthe. Avassutati lokassadamittasanthavavasena
kayasamsaggaragena avassuta. Dutiyapadepi eseva nayo. Purisapuggalassa
hatthaggahanam vatiadisu pana yam purisapuggalena hatthe gahanam katam
tam purisapuggalassa hatthaggahananti vuttam. Eseva nayo
sanghatikannaggahanepi. Hatthaggahananti ettha ca hatthaggahananca annampi
aparajikakkhette gahananca ekajjham katva hatthaggahanam vuttanti
Veditabbam. Tenevassa padabhajane hatthaggahanam va sadiyeyyati
hattho nama kupparam upadaya yava agganakha etassa asaddhammassa
patisevanatthaya ubbhakkhakam adhojanumandalam gahanam sadiyati apatti
thullaccayassati vuttam. Ettha ca asaddhammoti kayasamsaggo
veditabbo na methunadhammo. Na hi methunassa samanta thullaccayam
hoti. Vinnu patibalo kayasamsaggam samapajjitunti vacanampi cettha
sadhakam.
          Tissitthiyo methunantam na seve
          tayo purise tayo ca anariyapandake na cacare
          methunam byanjanasmim chejjam siya methunadhammapaccaya
          panhamesa kusalehi cintitati 1-
     imaya parivare vuttaya sedamocanagathaya virujjhatiti ce.
Na methunadhammassa pubbabhagatta. Parivareyeva hi methunadhammassa
pubbabhago janitabboti vanno avanno kayasamsaggo dutthullavaca
attakamaparicariya vanamanuppadananti evam sukkavisatthiadini panca
sikkhapadani methunadhammassa pubbabhagoti vuttani. Tasma
kayasamsaggo methunadhammassa pubbabhagatta paccayo hoti. Iti chejjam
siya methunadhammapaccayati ettha imina pariyayena attho veditabbo.
Etenupayena sabbapadesu vinicchayo veditabbo. Apica sanketam va
gaccheyyati etassa padabhajane itthannamam agacchati evam namakam
thanam agacchati attho. {676} Atthamam vatthum paripurenti assamani
@Footnote: 1. vi. parivara. 8/534-535.
Hotiti anulomato va patilomato va ekantarikaya va yena
tena nayena atthamavatthum paripurentiyeva assamani hoti. Ya pana
ekam va vatthum satta va vatthuni sattakkhattumpi purenti neva
assamani hoti apanna apattiyo desetva muccati. Apicettha
gananupika apatti veditabba. Vuttam hetam atthapatti desita
gananupika atthapatti desita na gananupikati. Tatrayam vinicchayo
idani napajjissamiti dhuranikkhepam katva desita gananupika
desitagananam upeti parajikassa angam na hoti. Tasma ya
ekam apanna dhuranikkhepam katva desetva puna kilesavasena
apajjati puna deseti evam attha vatthuni purentipi parajika
na hoti. Ya pana apajjitva punapi annam vatthum apajjissamiti
saussahava deseti tassa sa apatti agananupika desitapi
adesitava hoti desitagananam na gacchati parajikasseva angam
hoti atthame vatthumhi paripunnamatte parajika hoti. Sesam
uttanamevati. Dhuranikkhepasamutthanam kayavacacittato samutthati
kiriya sannavimokkham sacittakam lokavajjam kayakammam vacikammam
akusalacittam dvivedananti.
     Catutthaparajikasikkhapadam samattam vannanakkamenati.
     Uddittha kho ayyayo attha parajika dhammati bhikkhu
arabbha pannatta sadharana cattaro ime ca cattaroti evam
patimokkhuddesamattena uddittha kho ayyayo attha parajika
Dhammati evamettha attho datthabbo. Sesam mahavibhange
vuttanayamevati.
     Samantapasadikaya vinayasamvannanaya bhikkhunivibhanage parajikakandavannana
nitthita.
                 ------------



             The Pali Atthakatha in Roman Book 2 page 513-516. http://84000.org/tipitaka/atthapali/read_rm.php?B=2&A=10810&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=10810&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=23              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=751              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=765              The Pali Tipitaka in Roman Character :- http://84000.org/tipitaka/read/roman_read.php?B=1&A=765              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]