ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {497} Tena samayenati tatiyakathinasikkhapadam. Tattha ussapetva
punappunam vimajjatiti valisu natthasu idam mahantam bhavissatiti
mannamano udakena sincitva padehi akkamitva hatthehi ussapetva
ukkhipitva pitthiya ghamsati. Tam atapena sukkham pathamappamanameva
hoti. So punapi tatha karoti. Tena vuttam ussapetva
punappunam vimajjatiti. Tam evam kilamantam bhagava gandhakutiyam nisinnova
disva nikkhamitva senasanacarikam ahindanto viya tattha
agamasi. Tena vuttam addasa kho bhagavati adi.
     {499-500} Ekadasamaseti ekam pacchimakattikamasam thapetva sese ekadasamase.
Sattamaseti kattikamasamyeva hemantike ca cattaroti pancamase
thapetva sese sattamase. Kalepi adissa dinnanti sanghassa
va idam akalacivaranti uddisitva dinnam ekassa puggalassa va
Idam tuyham dammiti dinnam. Sanghato vati attano pattabhagavasena
sanghato va uppajjeyya. Ganato vati idam suttantikaganassa dema
idam abhidhammikaganassati evam ganassa denti tato attano
pattabhagavasena ganato va uppajjeyya. No cassa paripuriti
no ce paripuri bhaveyya. Yattakena kariyamanam adhitthanacivaram
pahoti tam ce civaram tattakam na bhaveyya unakam bhaveyyati
attho. Paccasa hoti sanghato vati adisu asukadivasam nama
sangho civarani labhissati gano labhissati tato me civaram
uppajjissatiti evam sanghato va ganato va paccasa hoti. Athava
natakehi me civaratthaya pesitam mittehi pesitam te agata civaram
dassantiti evam natito va mittato va paccasa hoti.
Pamsukulato  vati ettha pana pamsukulam va lacchamiti evam paccasa
hotiti yojetabbam. Attano va dhanenati attano
kappasasuttadina dhanena asukadivasam nama lacchamiti evam va paccasa
hotiti attho. Tato ce uttarim nikkhipeyya satiyapi paccasayati
masaparamato ce uttarim nikkhipeyya nissaggiyam pacittiyanti
attho. Evam pana avatva yasma antara uppajjamane
paccasacivare mulacivarassa uppannadivasato yava visatimo divaso
tava uppannam paccasacivaram mulacivaram attano gatikam karoti tato
uddham mulacivaram patcasacivaram attano gatikam karoti tasma tam
visesam dassetum tadahuppanne mulacivareti adina nayena pana 1- bhajanam
@Footnote: 1. atirekam manne.
Vuttam. Tam uttanatthameva. Visabhage uppanne mulacivareti
yadi mulacivaram sanham paccasacivaram thulam neva sakka yojetum
rattiyo ca sesa honti na tava maso purati. Na akamati
akamena civaram na karetabbam. Annam paccasacivaram
labhitvayeva kalabbhantare katabbam. Paccasacivarampi parikkharacolam
adhitthatabbam. Atha mulacivaram thulam hoti paccasacivaram sanham
mulacivaram parikkharacolam adhitthahitva paccasacivarameva mulacivaram
katva thapetabbam. Tam puna masapariharam labhati etenevupayena
yava icchati tava annamannam mulacivaram katva thapetum labbhatiti.
Sesam uttanatthameva. Samutthanadini pathamakathinasadisanevati.
               Tatiyakathinasikkhapadavannana nitthita.



             The Pali Atthakatha in Roman Book 2 page 184-186. http://84000.org/tipitaka/atthapali/read_rm.php?B=2&A=3866&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=3866&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=21              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=671              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=709              The Pali Tipitaka in Roman Character :- http://84000.org/tipitaka/read/roman_read.php?B=1&A=709              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]