ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {44} Catutthasikkhapade. Appatissati appatissava upasakati
vutte vacanampi na sotukama anadarati attho. Appatissaya va
anicavuttinoti attho. Asabhagavuttikati visabhagajivika yatha
bhikkhusu vattitabbam evam appavattavuttinoti attho. {45} Padaso
dhammam vaceyyati ekato padam padam dhammam vaceyya kotthasam
kotthasam vaceyyati attho. Yasma pana tam kotthasanamakam
padam catubbidham hoti tasma tam dassetum padam anupadam anvakkharam
anubyanjananti padabhajane vuttam. Tattha padanti eko gathapado
adhippeto. Anupadanti dutiyapado. Anvakkharanti ekekamakkharam.
Anubyanjananti purimabyanjanena sadisam pacchabyanjanam. Yankinci
ekekamakkharam anvakkharam akkharasamuho anubyanjanam akkharanubyanjanasamuho
padam pathamam padam padameva dutiyam anupadanti evamettha
nanakaranam veditabbam. Idani padam nama ekato patthapetva
ekato osapentiti gathabandham dhammam vacento manopubbangama
dhammati imam ekamekam padam samanerena saddhim ekato arabhitva
ekatoyeva nitthapeti. Evam vacentassapi padagananaya
pacittiya veditabba. Anupadam nama patekkam patthapetva ekato
osapentiti therena manopubbangama dhammati vutte samanero
tam padam apapunitva manosettha manomayati dutiyapadam ekato
bhanati. Ime patekkam patthapetva ekato osapenti nama.
Evam vacentassapi anupadagananaya pacittiya. Anvakkharam nama
rupam aniccanti vuccamano ruti opatetiti rupam aniccanti bhana
samanerati vuccamano rukaramattameva ekato vatva titthati.
Evam vacentassapi anvakkharagananaya pacittiya. Gathabandhepi
ca eseva nayo labbhatiyeva. Anubyanjanam nama rupam aniccanti
vuccamano vedana aniccati saddam niccharetiti rupam bhikkhave
aniccam vedana aniccati imam suttam vacayamano therena rupam
aniccanti vuccamano samanero sighapannataya vedana aniccati
imam aniccapadam therassa rupam aniccanti etena aniccapadena saddhim
ekato bhananto vacam nicchareti. Evam vacentassapi
Anubyanjanagananaya pacittiya. Ayam panettha sankhepo imesu
padadisu yam yam ekato bhanati tena tena apattim apajjatiti.
Buddhabhasitoti sakalam vinayapitakam abhidhammapitakam dhammapadam cariyapitakam
udanam itivuttakam jatakam suttanipato vimanavatthu petavatthu
brahmajaladini ca suttani. Savakabhasitoti catupparisapariyapannehi
savakehi bhasito ananganasammaditthianumanasuttaculavedallamaha-
vedalladiko. Isibhasitoti bahiraparibbajakehi bhasito sakalo
paribbajakavaggo bavariyassa antevasikanam solasannam brahmananam
pucchati evamadi. Devatabhasitoti devatahi bhasito. So
devatasamyuttadevaputtasamyuttamarasamyuttabrahmasamyuttasakkasamyuttadivasena
veditabbo. Atthupasanhitoti atthakathanissito. Dhammupasanhitoti
palinissito. Ubhayenapi vivattupanissitameva vadati. Kincapi
vivattupanissitam vadati. Tisso sangitiyo arulham dhammamyeva pana padaso
vacentassa apatti. Vivattupanissitepi nanabhasavasena
gathasilokabandhadihi abhisankhate anapatti. Tisso sangitiyo anarulhepi
kulumbasuttam rajovadasuttam tikkhindriyacatupparivattanandopanandasuttanti
idise apattiyeva. Apalaladamanampi vuttam mahapaccariyam pana
patisiddham. Mendakamilindapanhesu therassa sakapatibhane anapatti.
Yam ranno sannapanattham aharitva vuttam tattha apatti.
Vannapitaka angulimalapitakaratthapalagajjita alavakagajjita gulhaummanga
gulhavessantaragulhavinaya vedallapitkadini pana abuddhavacananiyevati vuttam.
Silupadeso nama dhammasenapatina vuttoti vadanti tasmim
apattiyeva. Annanipi maggakathaarammanakathavuddhikarandakananavatthu-
asubhakathadini atthi tesu sattattimsa bodhipakkhiyadhamma vibhatta
dhutangapanhe patipada vibhatta tasma tesu apattiti vuttam.
Mahapaccariyadisu pana sangitim anarulhesu rajovadatikkhindriya-
catupparivattanandopanandakulumbasuttesuyeva anapattim vatva avasesesu
yam buddhavacanato aharitva vuttam tadeva apattivatthu hoti
na itaranti ayamattho pariggahito. {48} Ekato uddisapentoti
anupasampannena saddhim ekato uddesam ganhantopi ekato vadati
anapattiti attho. Tatrayam vinicchayo upasampanno ca
anupasampanno ca nisiditva uddisapenti acariyo nisinnanam
bhanamiti tehi saddhim ekato vadati. Acariyassa apatti
anupasampannena saddhim ganhantassa anapatti. Dvepi thita
ganhanti eseva nayo. Daharabhikkhu nisinno samanero thito
nisinnassa bhanamiti bhanato anapatti. Sace daharo titthati
itaro nisidati thitassa bhanamiti bhanatopi anapatti. Sace
bahunnam bhikkhunam antare eko samanero nisinno hoti nisinne
padaso dhammam vacentassa acariyassa acittakapatti. Sace
samanero upacaram muncitva thito va nisinno va hoti yesam
vaceti tesu apariyapannatta ekena disabhagena palayanagantham
ganhatiti sankhyam gacchati tasma anapatti. Ekato sajjhayam
Karontoti anupasampannena saddhim upasampanno ekato sajjhayam
karonto tena saddhimyeva bhanati anapatti. Anupasampannassa
santike uddesam ganhantassapi tena saddhim ekato bhanantassa
anapatti. Ayampi hi ekato sajjhayam karoticceva sankhyam gacchati.
Yebhuyyena pagunam gantham bhanantam opatetiti sace ekagathaya
ekako pado na agacchati sesam agacchati ayam yebhuyyena
pagunagantho nama. Etena nayena suttepi veditabbo. Tam
opatentassa evam bhanahiti ekatopi bhanantassa anapatti.
Osarentam opatetiti suttam uccarentam parisamajjhe parisankamanam
evam vadehiti tena saddhim ekatopi vadantassa anapatti. Yam pana
mahapaccariyadisu maya saddhim ma vadati vutto yadi vadati
anapattiti vuttam. Tam mahaatthakathayam natthi. Natthibhavoyeva
cassa yutto. Kasma. Kiriyasamutthanatta. Itaratha hi kiriyakiriyam
bhaveyya. Sesamettha uttanatthameva. Padasodhammasamutthanam
vacato vacacittato ca samutthati kiriya nosannavimokkham
acittakam pannattivajjam vacikammam ticittam tivedananti.
                 Padasodhammasikkhapadam catuttham.



             The Pali Atthakatha in Roman Book 2 page 290-294. http://84000.org/tipitaka/atthapali/read_rm.php?B=2&A=6112&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=6112&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=397              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=13714              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=5394              The Pali Tipitaka in Roman Character :- http://84000.org/tipitaka/read/roman_read.php?B=1&A=5394              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]