Atthakatha Book 2 : PALI ROMAN
Vinaya.A. (samanta.2)

     {86} Dasamasikkhapade. Jata ca pathavi ajata ca pathaviti
imehi padehi jatapathavinca ajatapathavinca dasseti.
Appapasanadisu appa pasana etthati appapasanati evamattho
datthabbo. Tattha mutthippamanato upari pasano veditabbo.
Mutthippamana sakkhara. Kathalati kapalakhandani. Marumbati
pakatasakkhara. Valukati valukayeva. Yebhuyyena pamsuti tisu
kotthasesu dvekotthasa pamsu eko pasanadisu annataro.
Adaddhapiti uddhanapattapacanakumbhakaravapadivasena tatha tatha
adaddha. Sa pana visum natthi suddhapamsuadisu annatara
veditabba. Yebhuyyena sakkharati bahutara sakkhara. Hatthikucchiyam
---------------------------------------------------------------------------------------------
page309.
Kira ekapacchipuram aharapetva doniyam dhovitva pathaviya
yebhuyyena sakkharabhavam natva sayam bhikkhu pokkharanim khanimsu. Yani
pana majjhe appapamsu appamattikati dve padani tani yebhuyyena
pasanadipancakameva pavisanti. Tesamyeva hi dvinnam pabhedadassanametam.
Sayam khanati apatti pacittiyassati ettha pahare pahare
pacittiyam veditabbam. Sakim anatto bahukampi khanatiti sacepi
sakaladivasam khanati anapakassa ekamyeva pacittiyam. Sace pana
kusito hoti punappunam anapetabbo tam anapetva khanapentassa
vacaya vacaya pacittiyam. Ayam tava palivannana.
     Ayam pana palimuttakavinicchayo. Pokkharanim khanati vadati
vattati. Khatayeva hi pokkharani nama hoti tasma ayam
kappiyavoharo. Eseva nayo vapim talakam avatam khanati
adisupi. Imam okasam khana imasmi okase pokkharanim khanati
vattum pana na vattati. Kandam khana mulam khanati aniyametva
vattum vattati. Imam vallim khana imasmim okase kandam va
mulam va khanati vattum na vattati. Pokkharanim sodhentehi yo
kutehi ussincitum sakka hoti tanukakaddamo tam apanetum
vattati. Bahalam na vattati. Atapena sukkhakaddamo phalati. Tatra yo
hettha pathaviya asambaddho tameva apanetum vattati. Udakena gatatthane
udakapappatako nama hoti vatappaharena calati tam apanetum
vattati. Pokkharaniyadinam tatam bhijjitva udakasamanta patati.
---------------------------------------------------------------------------------------------
page310.
Sace omakacatummasam ovuttham chinditum va bhinditum va vattati.
Catummasato uddham na vattati. Sace pana udakeyeva patati
deve atirekacatummasam ovutthepi udakeyeva udakassa patitatta
vattati. Pasanapitthiyam sondim khananti. Sacepi tattha pathamameva
sukhumarajam pati tam devena ovuttham hoti catummasaccayena
akappiyapathavisankhyam gacchati. Udake pariyadinne sondim sodhentehi
tam vikopetum na vattati. Sace pathamameva udakena purati paccha
rajam patati tam vikopetum vattati. Tattha hi deve vassantepi
udakeyeva udakam patatiti. Pitthipasanesu sukhumarajam hoti. Tam
deve phusayante alliyati. Tampi catummasaccayena vikopetum na
vattati. Akatapabbhare vammiko utthito hoti yathasukham vikopetum
vattati. Sace abbhokase utthahati omakacatummasam vutthoyeva
vattati. Rukkhadisu arulhaupacikamattikayapi eseva nayo.
Ganduppadaguthamusikakukkuragokantakadisupi eseva nayo. Gokantako
nama gavinam khuracchinnakaddamo vuccati. Sace pana hetthimatalena
bhumisambaddho hoti ekadivasampi na vattati. Kasitatthanepi
nangalacchinnam mattikapindam ganhantassa eseva nayo. Puranasenasanam
hoti acchadanam va vinatthacchadanam va atirekacatummasam ovuttham
jatapathavisankhyameva gacchati. Tato avasesam chadanitthakam va
gopanasiadikam upakaranam va itthakam ganhami gopanasim bhittipadam
padarattharanam pasanatthambham ganhamiti sannaya ganhitum vattati.
---------------------------------------------------------------------------------------------
page311.
Tena saddhim mattika patati anapatti. Bhittimattikam ganhantassa
pana apatti. Sace ya ya atinta tantam ganhati anapatti.
Antogehe mattikapunjo hoti. Tasmim ekadivasam ovutthe
geham chadenti. Sace sabbo tinto catummasaccayena
jatapathaviyeva. Sacassa upari bhagoyeva tinto anto atinto yattakam
tintam tam kappiyakarakehi kappiyavoharena apanametva sesam
yathasukham valanjetum vattati. Udakena temetva ekabaddhayeva hi
jatapathavi hoti na itarati. Abbhokase mattikapakaro
hoti. Atirekacatummasam ce ovuttho jatapathavisankhyam gacchati.
Tattha laggapamsum pana allahatthena chupitva gahetum vattati. Sace
itthakapakaro hoti yebhuyyena kathalatthane titthati yathasukham
vikopetum vattati. Abbhokase thitam mandapatthambham itocitoca
sancaletva pathavim vikopentena gahetum na vattati. Ujukameva
uddharitum vattati. Annampi sukkharukkham va sukkhakhanukam va
ganhantassa eseva nayo. Navakammattham pasanam va rukkham va
dandakehi uccaletva pavattenta gacchanti. Tattha pathavi
bhijjati. Sace suddhacitta pavattenti anapatti. Atha pana
tena apadesena pathavim bhinditukamayeva honti apatti.
Sakhadini kaddhantanampi pathaviyam daruni phalentanampi eseva
nayo. Pathaviyam atthisucikantakadisupi yankinci akottetum va
pavesetum va na vattati. Passavadharaya vegena pathavim
---------------------------------------------------------------------------------------------
page312.
Bhindissamiti evam passavampi katum na vattati. Karontassa
bhijjati apatti. Visamam bhumim samam karissamiti sammajjaniya
ghamsitumpi na vattati. Vattasiseneva hi sammajjitabbam. Keci
kattarayatthiya bhumim kottenti padangutthakena vilikhanti.
Cankamitatthanam dassessamati punappunam bhumim bhindanta cankamanti
sabbam na vattati. Viriyassa sampaggahanattham pana samanadhammam
karontena suddhacittena cankamitum vattati. Karontassa bhijjati
anapatti. Hattham dhovissamati pathaviyam ghamsanti na vattati.
Aghamsantena pana allahattham pathaviyam thapetva rajam gahetum vattati.
Keci kandukacchuadihi abadhika chinnatatadisu angapaccangani
ghamsanti na vattati.
     {87} Khanati va khanapeti vati antamaso padangutthakenapi
sammajjanisalakayapi sayam va khanati annena va khanapeti. Bhindati va
bhindapeti vati antamaso udakampi chaddento sayam va bhindati
annena va bhedapeti. Dahati va dahapeti vati antamaso
pattam pacanto sayam va dahati annena va dahapeti.
Yattakesu thanesu aggim deti va dapeti va tattakani pacittiyani.
Pattam pacantenapi pubbe pakkatthaneyeva pacitabbo.
Adaddhaya pathaviya thapetum na vattati. Pattapacanakapalassa
pana upari aggim thapetum na vattati. Darunam upari thapeti so
aggi tani dahanto gantva pathavim dahati na vattati.
---------------------------------------------------------------------------------------------
page313.
Itthakapasanadisupi eseva nayo. Tatrapi hi itthakadinamyeva
upari thapetum vattati. Kasma. Tesam anupadanatta. Na hi
tani aggissa upadanasankhayam gacchanti. Sukkhakhanusukkharukkhadisupi
aggim datum na vattati. Sace pana pathavim appattameva nibbapetva
gamissamiti deti vattati. Paccha nibbapetum na sakkoti
avisayatta anapatti. Tinukkam gahetva gacchanto hatthe
dayhamane bhumiyam pateti anapatti. Patitatthaneyeva upadanam
datva aggim katum vattatiti mahapaccariyam vuttam. Daddhapathaviya
ca yattakam thanam usumaya anugatam sabbam vikopetum vattatiti
tattheva vuttam. Yo pana ajananako bhikkhu aranisahitena aggim
nibbattetva hatthena ukkhipitva kim karomiti vadati jalehiti
vattabbo. Hattho me dayhatiti vadati yatha na dayhati
tatha karohiti vattabbo. Bhumiyam patehiti pana na vattabbo.
Sace hatthe dayhamane pateti pathavim dayhissamiti apatitatta
anapatti. Patitatthane pana aggim katum vattatiti kurundiyam
vuttam. {88} Anapatti imam janati adisu pana imassa thambhassa
avatam jana mahamattikam jana thusamattikam jana mahamattikam
dehi thusamattikam dehi mattikam ahara pamsum ahara mattikaya
attho pamsuna attho imassa thambhassa avatam kappiyam karohi
imam mattikam kappiyam karohi imam pamsum kappiyam karohiti evamattho
veditabbo. Asanciccati pasanarukkhadini va pavattentassa
---------------------------------------------------------------------------------------------
page314.
Kattaradandena va ahacca ahacca gacchantassa pathavi bhijjati.
Sa tena bhindissamiti evam sancicca abhinnatta asancicca bhinna
nama hoti. Iti asancicca bhindantassa anapatti.
Asatiyati annavihito kenaci saddhim kinci kathento
padangutthakena va kattarayatthiya va pathavim vilikhanto titthati.
Evam asatiya vilikhantassa va bhindantassa va anapatti.
Ajanantassati antogehe ovuttham channam pathavim akappiyapathaviti
na janati kappiyapathaviti sannaya vikopeti khanami bhindami
dahamiti va na janati kevalam sangopanatthaya khanittadini va
thapeti dayhamanahattho va aggim pateti evam ajanantassa
anapatti. Sesam uttanameva.
      Tisamutthanam kayacittato vacacittato kayavacacittato ca
samutthati kiriya sannavimokkham sacittakam pannattivajjam kayakammam
vacikammam ticittam tivedananti.
                  Pathavikhananasikkhapadam dasamam.
         Samatto vannanakkamena musavadavaggo pathamo.


             The Pali Atthakatha in Roman Book 2 page 308-314.
http://84000.org/tipitaka/atthapali/read_rm.php?B=2&A=6493&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=6493&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=1&i=-486
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=16118
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=6442
             The Pali Tipitaka in Roman Character :-
http://84000.org/tipitaka/read/roman_read.php?B=1&A=6442
             Contents of The Tipitaka Volume 1
http://84000.org/tipitaka/read/?index_1