ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {103} Tatiyasikkhapade. Dabbam mallaputtam bhikkhu ujjhapentiti
chandaya dabbo mallaputtoti adini vadanta tam ayasmantam tehi
bhikkhuhi avajanapenti avannaya olokapenti lamakato va
cintapentiti attho. Lakkhanam panettha saddasatthanusarena
veditabbam. Ojjhapentitipi patho. Ayameva attho. Chandayati
chandena pakkhapatena. Tena attano sanditthasambhattanam panitani
pannapetiti adhippayo. Khiyyantiti chandaya dabbo mallaputtoti
Adini vadanta pakasenti. {105} Ujjhapanake khiyyanake pacittiyanti
ettha yena vacanena ujjhapenti tam ujjhapanakam. Yena
ca khiyyanti tam khiyanakam. Tasmim ujjhapanake khiyanake. Pacittiyanti
vatthudvaye pacittiyadvayam vuttam. {106} Ujjhapanakam nama upasampannam
sanghena sammatam senasanapannapakam va .pe. Appamattakavissajjakam
vati etesam padanam mankukattukamoti imina sambandho.
Avannam kattukamo ayasam kattukamoti imesam padanam vasena
upasampannanti adisu upasampannassati evam vibhattiparinamo
katabbo. Ujjhapeti va khiyyati va apatti pacittiyassati
ettha pana yasma khiyanakam namati evam matikapadam uddharitvapi
ujjhapanakam namati imassa padassa vuttavibhangoyeva vattabbo hoti
annavadakasikkhapade viya anno viseso natthi tasma tam visum
anuddharitva avibhajitvapi nigamanameva ekato katanti veditabbam.
Dhammakamme dhammakammasanniti adisu yam tassa upasampannassa
sammatikammam katam tance dhammakammam hoti so ca bhikkhu tasmim
dhammakammasanni ujjhapanakanca khiyanakanca karoti athassa tasmim
ujjhapanake ca khiyanake ca apatti pacittiyassati imina nayena
attho veditabbo. Anupasampannam ujjhapeti va khiyyati vati
ettha upasampannam sanghena sammatam annam anupasampannam ujjhapeti
va avajanapeti tassa va nam santike khiyyatiti attho.
Upasampannam sanghena asammatanti kammavacaya asammatam. Kevalam
Taveso bharoti sanghena aropitabharam bhikkhunam va phasuviharatthaya
sayameva tam bharam vahantam. Yatra va dve tayo bhikkhu viharanti
tatra tadisam kammam karontanti adhippayo. Anupasampannam sanghena
sammatam va asammatam vati ettha pana kincapi anupasampannassa
terasa sammatiyo datum na vattati athakho upasampannakale
laddhasammatiko paccha anupasampannabhave thito tam sandhaya sanghena
sammatam vati vuttam. Yassa pana byattassa samanerassa kevalam
sanghena va sammatena va bhikkhuna tvam idam kammam karohiti bharo
kato tadisam sandhaya asammatam vati vuttam. Sesam uttanameva.
Tisamutathanam kayacittato vacacittato kayavacacittato ca samutthati
kiriya sannavimokkham sacittakam lokavajjam kayakammam vacikammam
akusalacittam dukkhavedananti.
                  Ujjhapanasikkhapadam tatiyam.



             The Pali Atthakatha in Roman Book 2 page 329-331. http://84000.org/tipitaka/atthapali/read_rm.php?B=2&A=6942&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=6942&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=-501              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=16376              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=6691              The Pali Tipitaka in Roman Character :- http://84000.org/tipitaka/read/roman_read.php?B=1&A=6691              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]