AtthaPali Vol.2

{135} Navamasikkhapade. Yava dvarakosati ettha dvarakoso nama pitthisanghatassa samanta kavatavittharappamano okaso. Mahapaccariyam pana dvarabahato patthaya diyaddhahatthoti vuttam. Kurundiyam dvarassa ubhosu passesu kavatappamananti vuttam. Mahaatthakathayam kavatam nama diyaddhahatthampi hoti dvihatthampi addhateyyahatthampiti vuttam. Tam suvuttam. Tadeva hi sandhaya bhagavata pitthisanghatassa samanta hatthapasati ayam ukkatthaparicchedo kato. Aggalatthapanayati sakavatadvarabandhatthapanaya sakavatassa dvarabandhassa niccalabhavatthayati attho. Dvaratthapanayati idampi hi padabhajanam imamevattham sandhaya bhasitam. Ayam panettha adhippayo. Kavatam hi lahuparivattakam vivaranakale bhittim ahanati pidahanakale dvarabandham tena ahananena bhitti kampati tato mattika calati calitva sithila va hoti patati va. Tenaha bhagava yava dvarakosa aggalatthapanayati. Tattha kincapi

--------------------------------------------------------------------------------------------- page348.

Idannama kattabbanti neva matikayam na padabhajane vuttam atthuppattiyam pana punappunam chadapesi punappunam limpapesiti adhikarato yava dvarakosa aggalatthapanaya punappunam limpitabbo va limpapetabbo vati evamattho datthabbo. Yam pana padabhajane pitthisanghatassa samanta hatthapasati vuttam tattha yassa vemajjhe dvaram hoti uparibhage ca ucca bhitti tassa tisu disasu samanta hatthapasa upacaro hoti. Khuddakassa viharassa dvisu disasu upacaro hoti. Tatrapi yam bhittim vivariyamanam kavatam ahanati sa aparipuraupacarapi hoti. Ukkatthaparicchedena pana tisu disasu samanta hatthapasa dvarassa niccalabhavatthaya lepo anunnato. Sace pana dvarassa adhobhagepi lepokaso atthi tampi limpitum vattati. Alokasandhiparikammayati ettha alokasandhiti vatapanakavataka vuccanti. Te vivaranakale vidatthimattampi atirekampi bhittippadesam paharanti. Upacaro panettha sabbadisasu labbhati. Tasma sabbadisasu kavatavittharappamano okaso alokasandhiparikammatthaya limpitabbo va limpapetabbo vati ayamettha adhippayo. Setavannanti adikam na matikapadabhajanam. Imina hi viharassa bharikattannama natthiti padabhajaneyeva anunnatam. Tasma sabbametam yathasukham kattabbam. Evam lepakammam yam kattabbam tam dassetva puna yam chadane kattabbam tam dassetum dvitticchadanassati adi vuttam. Tattha

--------------------------------------------------------------------------------------------- page349.

Dvitticchadanassa pariyayanti chadanassa dvittipariyayam. Pariyayo vuccati parikkhepo. Parikkhepadvayam va parikkhepattayam va adhitthatabbanti attho. Appaharite thitenati aharite thitena. Haritanti cettha sattadhannappabhedam pubbannam muggamasatilakulatthaalabu- kumbhandaadibhedanca aparannam adhippetam. Tenevaha haritannama pubbannam aparannanti. Sace harite thito adhitthati apatti dukkatassati ettha pana yasmimpi khette vuttam vijam na tava sampajjati vasse va pana patite sampajjissati etampi haritasankhyameva gacchati. Tasma evarupe khettepi thitena na adhitthatabbam. Ahariteyeva thitena adhitthatabbam. Tatrapi ayam paricchedo pitthivamsassa va kutagarakannikaya va uparithupikaya va passe nisinno chadanamukhavattiantena olokento yasmim bhumibhage thitam passati yasmim ca bhumibhage thito tam uparinisinnakam passati tasmim thatabbam. Tassa anto aharitepi thatva adhitthatum na labbhati. Kasma. Viharassa hi patantassa ayam patanokasoti. {136} Maggena chadentassati ettha maggena chadanam nama aparikkhipitva ujukameva chadanam. Tam itthakasilasudhahi labbhati. Dve magge adhitthahitvati dve magga sace ducchanna honti apanetvapi punappunam chadapetum labbhati. Tasma yatha icchati tatha dve magge adhitthahitva tatiyam maggam idani evam chadehiti anapetva pakkamitabbam. Pariyayenati parikkhepena. Evam

--------------------------------------------------------------------------------------------- page350.

Chadanam pana tinapannehi labbhati. Tasma idhapi yatha icchati tatha dve pariyaye adhitthahitva tatiyam pariyayam idani evam chadehiti anapetva pakkamitabbam. Sace pana na pakkamati tunhibhutena thatabbam. Sabbampi cetam chadanam chadanupari veditabbam. Uparuparicchanno hi viharo ciram anovassako hotiti mannamana evam chadenti. Tato ce uttarinti tinnam magganam va pariyayanam va upari catutthe magge va pariyaye va. {137} Karale karaleti tinamutthiyam tinamutthiyam. Sesamettha uttanamevati. Chassamutthanam kiriya nosannavimokkham acittakam pannattivajjam kayakammam vacikammam ticittam tivedananti. Mahallakaviharasikkhapadam navamam.

The Pali Atthakatha in Roman Book 2 page 347-350. http://84000.org/tipitaka/atthapali/read_rm.php?B=2&A=7312&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=7312&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i=607 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=18735 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=8106 The Pali Tipitaka in Roman Character :- http://84000.org/tipitaka/read/roman_read.php?B=1&A=8106 Contents of The Tipitaka Volume 1 http://84000.org/tipitaka/read/?index_1