ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {175} Chatthasikkhapade. Udayiti loludayi. Patthoti patibalo.
Nipuno ceva samattho cati vuttam hoti. Annatara bhikkhuniti
tasseva puranadutiyika. Patibhanacittanti attano patibhanena
katacittam. So kira civaram rajitva tassa majjhe nanavannehi
vippakatamethunam itthipurisarupamakasi. Tena vuttam majjhe patibhanacittam
vutthapetvati. Yathasamhatanti yathasamharitameva. Civaranti yam
nivasitum va parupitum va sakka hoti. Evam hi mahapaccariyadisu
vuttam. Sayam sibbetiti ettha sibbissamiti vicarentassapi
Chindantassapi dukkatam. Sibbantassa pana arapathe arapatheti sucim
pavesetva pavesetva niharane. Sace pana sakalasucim aniharanto
dighasuttam pavesanattham satakkhattumpi vijjhitva niharati ekameva
pacittiyam. Sakim anattoti sakim civaram sibbati vutto.
Bahumpi sibbatiti sacepi sabbam sucikammam pariyosapetva civare
nitthapeti ekameva pacittiyam. Atha pana imasmim civare
kattabbakammam tava bharoti vutto karoti anattassa arapathe
arapathe ekamekam pacittiyam. Anapakassa ekavacaya
sambahulanipi. Punappunam anattiyam pana vattabbameva natthi.
     Yepi sace acariyupajjhayesu attano natikanam civaram sibbantesu tesam
nissitaka acariyupajjhayavattam va kathinavattam va karomati sibbanti
tesampi arapathagananaya apattiyo. Acariyupajjhaya attano
natikanam antevasikehi sibbapenti acariyupajjhayanam dukkatam
antevasikanam pacittiyam. Antevasika attano natikanam
acariyupajjhayehi sibbapenti tatrapi eseva nayo antevasikanampi
acariyupajjhayanipi natikaya civaram hoti. Acariyupajjhaya pana
antevasike vancetva sibbapenti ubhinnampi dukkatam.
Kasma. Antevasikanam annatakasannaya sibbitatta itaresam
akappiye niyojitatta. Tasma idante matu civaram idanca
bhaginiyati acikkhitva sibbapetabbam. {179} Annam parikkharanti
yankinci upahanatthavikadi. Sesam uttanameva. Chassamutthanam
Kiriya nosannavimokkham acittakam pannattivajjam kayakammam
vacikammam ticittam tivedananti.
                  Civarasibbanasikkhapadam chattham.



             The Pali Atthakatha in Roman Book 2 page 375-377. http://84000.org/tipitaka/atthapali/read_rm.php?B=2&A=7917&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=7917&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=              The Pali Tipitaka in Roman Character :- http://84000.org/tipitaka/read/roman_read.php?B=1&A=              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]