AtthaPali Vol.2

{188} Atthamasikkhapade. Samvidhayati lokassadamittasanthavavasena kilapurekkhara samvidahitva. Uddhagamininti uddham nadiya patisotam gacchantim. Yasma pana yo uddhajavanato ujjavanikaya navaya kilati so uddhagaminim abhiruhatiti vuccati. Tenassa padabhajane atthameva dassetum ujjavanikayati vuttam. Adhokamininti adho anusotam gacchantim. Yasma pana yo adhojavanato ojavanikaya navaya kilati so adhogaminim abhiruhatiti vuccati. Tenassapi padabhajane atthameva dassetum ojavanikayati vuttam. Tattha yam titthasampatipadanattham uddham va adho va haranti ettha anapatti. Tiriyantaranayati upayogatthe nissakkavacanam. {189} Gamantare gamantareti ettha yassa nadiya ekam tiram kukkutasampatagamehi nirantaram ekam agamakam arannam tassa sagamakatirapassena gamanakale gamantaragananaya pacittiyani. Agamakatirapassena gamanakale addhayojanagananaya. Ya pana yojanavitthata hoti tassa majjhena gamanepi addhayojanagananaya pacittiyani veditabbani. Anapatti tiriyantaranayati ettha na kevalam nadiya yopi mahatitthapattanato tambalittim va suvannabhumim va gacchati tassapi anapatti. Sabbaatthakathasu hi nadiyamyeva apatti vicarita na samudde. {191} Visamketenati idhapi kalavisamketeneva anapatti. Titthavisamketena pana navavisamketena va gacchantassa apattiyeva. Sesam pathamasikkhapadasadisameva saddhim samutthanadihiti. Navabhiruhanasikkhapadam atthamam.

The Pali Atthakatha in Roman Book 2 page 380-381. http://84000.org/tipitaka/atthapali/read_rm.php?B=2&A=8011&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=8011&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A= The Pali Tipitaka in Roman Character :- http://84000.org/tipitaka/read/roman_read.php?B=1&A= Contents of The Tipitaka Volume 1 http://84000.org/tipitaka/read/?index_1