AtthaPali Vol.26

5. Brahmanasuttavannana [5] Pancame savatthiyanti evamnamake nagare. Tam hi savatthassa nama isino nivasanatthane mapitatta savatthiti vuccati yatha kakandi makanditi. Evantava akkharacintaka. Atthakathacariya pana bhananti:- yankinci manussanam upabhogaparibhogam sabbamettha atthiti savatthi. Satthasamayoge ^3- ca kimettha bhandamatthiti pucchite sabbamatthitipi vacanam upadaya savatthiti. @Footnote: ¹ Si.,Ma. padesam ² Si. tapassubhallikanam ³ ka. yattha samayoge, pa.su. 1/14/66

--------------------------------------------------------------------------------------------- page58.

Sabbada sabbupakaranam savatthiyam samohitam tasma sabbamupadaya savatthiti pavuccatiti. ^1- Tassam savatthiyam, samipatthe cetam bhummavacanam. Jetavaneti attano paccatthike jinatiti jeto, ranna va paccatthike jane jite jatoti jeto, mangalakamyataya va tassa evam namameva katanti jeto. Vanayatiti vanam, attano sampattiya sattanam attani bhattim karoti uppadetiti attho. Vanute iti va vanam, nanavidhakusumagandhasammodamattakokiladivihangavirutalapehi mandamarutacalitarukkhasakha- pallavahatthehi ^2- ca "etha mam paribhunjatha"ti panino yacati viyati attho. Jetassa vanam jetavanam. Tam hi jetena kumarena ropitam samvaddhitam paripalitam sova tassa sami ahosi, tasma jetavananti vuccati, tasmim jetavane. Anathapindikassa arameti matapituhi katanamavasena ^3- sudatto nama so mahasetthi, sabbakamasamiddhitaya pana vigatamalamaccherataya karunadigunasamangitaya ca niccakalam anathanam pindam deti, tasma anathapindikoti vuccati. Aramanti ettha panino visesena pabbajitati aramo, pupphaphaladisobhaya natiduranaccasannatadipanca- vidhasenasanangasampattiya ca tato tato agamma ramanti abhiramanti anukkanthita hutva vasantiti attho. Vuttappakaraya va sampattiya tattha tattha gatepi attano abbhantare ^4- anetva rametiti aramo. So hi anathapindikena gahapatina jetassa rajakumarassa hatthato attharasahi hirannakotihi kotisantharena kinitva attharasahi hirannakotihi senasanani karapetva attharasahi hirannakotihi viharamaham nitthapetva evam catupannasahirannakotipariccagena @Footnote: ¹ pa.su. 1/14/66 ² Ma.... pattehi ³ Ma. gahitanamanvayena, cha. gahitanamavasena @⁴ cha.Ma. abbhantaramyeva, pa.su. 1/14/66

--------------------------------------------------------------------------------------------- page59.

Buddhappamukhassa samghassa niyyatito, tasma "anathapindikassa aramo"ti vuccati. Tasmim anathapindikassa arame. Ettha ca "jetavane"ti vacanam purimasamiparikittanam, "anathapindikassa arame"ti pacchimasamiparikittanam. Ubhayampi dvinnam pariccagavisesaparidipanena punnakamanam ayatim ditthanugatiapajjanattham. Tattha hi dvarakotthakapasadakaranavasena ^1- bhumivikkayaladdha attharasa hirannakotiyo anekakotiagghanaka rukkha ca jetassa pariccago, catuppannasa kotiyo anathapindikassa. Iti tesam pariccagaparikittanena "evam punnakama punnani karonti"ti dassento dhammabhandagariko annepi punnakame tesam ditthanugatiapajjane niyojetiti. Tattha siya:- yadi bhagava savatthiyam viharati, "jetavane"ti na vattabbam. Atha jetavane viharati, "savatthiyan"ti na vattabbam. Na hi sakka ubhayattha ekam samayam viharitunti. Na kho panetam evam datthabbam, nanu avocumha "samipatthe etam bhummavacanan"ti. Tasma yadidam savatthiya samipe jetavanam, tattha viharanto "savatthiyam viharati jetavane"ti vutto. Gocaragamanidassanattham hissa savatthivacanam, pabbajitanurupanivasatthanadassanattham sesavacananti. Ayasma ca sariputtotiadisu ayasmati piyavacanam. Casaddo samuccayattho. Rupasariya nama brahmaniya puttoti sariputto. Mahamoggallanoti pujavacanam. Gunavisesehi mahanto moggallanoti hi mahamoggallano. Revatoti khadiravaniyarevato, ^2- na kankharevato. Ekasmim hi divase bhagava rattasaniparikkhitto viya suvannayupo, pavaladhajaparivarito ^3- viya suvannapabbato, navutihamsasahassaparivarito viya dhatarattho hamsaraja, sattaratanasamujjalaya caturanginiya senaya parivuto ^4- @Footnote: ¹ cha.Ma.... pasadamapame, pa.su. 1/14/67 ² Si. khadiravanavasirevato, @cha.Ma. khadiravanikarevato ³ ka. sajjhajaladharaparivarito ⁴ cha.Ma. parivarito

--------------------------------------------------------------------------------------------- page60.

Viya cakkavattiraja, mahabhikkhusamghaparivuto gaganamajjhe candam utthapento viya catunnam parisanam majjhe catusaccagabbhadhammam ^1- desento nisinno hoti. Tasmim samaye ime aggasavaka mahasavaka ca bhagavato pade vandanatthaya upasankamimsu. Bhikkhu amantesiti attanam parivaretva nisinnabhikkhu te agacchante dassetva abhasi. Bhagava hi te ayasmante silasamadhipannadigunasampanne paramena upasamena samannagate paramaya akappasampattiya yutte upasankamante passitva pasannamanaso tesam gunavisesaparikittanattham bhikkhu amantesi "ete bhikkhave brahmana agacchanti, ete bhikkhave brahmana agacchanti"ti. Pasadavasena etam ameditam, pasamsavasenatipi vattum yuttam. Evam vutteti evam bhagavata te ayasmante "brahmana"ti vutte. Annataroti namagottena pakato tassam parisayam nisinno eko bhikkhu. Brahmanajatikoti brahmanakule jato. So hi ularabhoga brahmanamahasalakula pabbajito. Tassa kira evam ahosi "ime lokiya ubhatosujatiya brahmanasikkhanipphattiya ca brahmano hoti, na annathati vadanti, bhagava ca ete ayasmante brahmanati vadati, handaham bhagavantam brahmanalakkhanam puccheyyan"ti. Etadatthameva hi bhagava tada te there "brahmana"ti abhasi. Brahmam anatiti brahmanoti hi jatibrahmananam nibbacanam. Ariya pana bahitapapataya brahmana. Vuttanhetam "bahitapapoti brahmano, samacariya samanoti vuccati"ti. ^2- Vakkhati ca "bahitva papake dhamme"ti. Etamattham viditvati etam brahmanasaddassa paramatthato sikhappattamattham janitva. Imam udananti imam paramatthabrahmanabhavadipakam udanam udanesi. @Footnote: ¹ cha.Ma. dhammam ² khu.dha. 25/388/83

--------------------------------------------------------------------------------------------- page61.

Tattha bahitvati bahi katva, attano santanato niharitva samucchedappahanavasena pajahitvati attho. Papake dhammeti lamake dhamme, duccaritavasena tividhaduccaritadhamme, cittuppadavasena dvadasakusalacittuppade, kammapathavasena dasakusalakammapathe, pavattibhedavasena anekabhedabhinne sabbepi akusaladhammeti attho. Ye caranti sada satati ye sativepullappattataya sabbakalam rupadisu chasupi arammanesu satataviharavasena ^1- sata satimanto hutva catuhi iriyapathehi caranti. Satiggahaneneva cettha sampajannampi gahitanti veditabbam. Khinasamyojanati catuhipi ariyamaggehi dasavidhassa samyojanassa samucchinnatta parikkhinasabbasamyojana ^2- buddhati catusaccasambodhena buddha. Te ca pana savakabuddha paccekabuddha sammasambuddhati tividha, tesu idha savakabuddha adhippeta. Te ve lokasmi brahmanati te setthatthena brahmanasankhate dhamme ^3- ariyajatiya jata, brahmanabhutassa va bhagavato orasaputtati imasmim sattaloke paramatthato brahmana nama, na jatigottamattehi, na jatadharanadimattena vati attho. Evam imesu dvisu suttesu brahmanakara dhamma arahattam papetva kathita, nanajjhasayataya pana sattanam desanavilasena abhilapananattena desanananattam veditabbam. Pancamasuttavannana nitthita. --------------

The Pali Atthakatha in Roman Book 26 page 57-61. http://84000.org/tipitaka/atthapali/read_rm.php?B=26&A=1285&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=1285&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=42 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=1512 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=1513 The Pali Tipitaka in Roman Character :- http://84000.org/tipitaka/read/roman_read.php?B=25&A=1513 Contents of The Tipitaka Volume 25 http://84000.org/tipitaka/read/?index_25