AtthaPali Vol.26

9. Visakhasuttavannana [19] Navame pubbarameti savatthiya pacinadisabhage anuradhapurassa uttamadeviviharasadise thane karite arame. Migaramatu pasadeti migaramatuya pasade. Tatrayam anupubbikatha:- atite satasahassakappamatthake padumuttaradasabalam eka upasika annataram upasikam attano aggupatthayikatthane thapentam disva bhagavantam nimantetva buddhappamukhassa bhikkhusatasahassassa danam datva bhagavato nipaccakaram katva "anagate tumhadisassa buddhassa aggupatthayika bhaveyyan"ti patthanam akasi. Sa kappasatasahassam devesu ca manussesu ca samsaritva amhakam bhagavato kale bhaddiyanagare mendakasetthiputtassa dhananjayasetthino gehe sumanadeviya kucchismim patisandhim ganhi. Jatakale cassa visakhati namam akamsu. Sa yada bhagava bhaddiyanagaram agamasi, tada pancahi darikasatehi saddhim bhagavato paccuggamanam katva pathamadassaneneva sotapanna ahosi. Aparabhage savatthiyam migarasetthiputtassa punnavaddhanakumarassa geham gata, tattha nam sassuro migarasetthi upakaravasena matutthane thapesi. Tasma migaramatati vuccati. Sa attano mahalatapasadhanam ^1- vissajjetva navakotihi bhagavato bhikkhusamghassa ca vasanatthaya karisamatte bhumibhage uparibhumiyam panca gabbhasatani hetthabhumiyam pancagabbhasataniti gabbhasahassehi patimanditam pasadam karesi. Tena vuttam "migaramatu pasade"ti. Kocideva atthoti kincideva payojanam. Ranneti rajini. Patibaddhoti ayatto. Visakhaya natikulato manimuttadiracitam tadisam bhandajatam tassa @Footnote: ¹ cha.Ma. mahallatapasadhanam Pannakaratthaya pesitam, tam nagaradvarappattam sunkika tattha sunkam ganhanta tadanurupam aggahetva atirekam ganhimsu. Tam sutva visakha ranno tamattham nivedetukama patirupaparivarena rajanivesanam agamasi, tasmim khane raja mallikaya deviya saddhim antepuram gato hoti, visakha okasam alabhamana "idani labhissami"ti bhojanavelam atikkamitva chinnabhatta hutva pakkami, evam dvihatiham gantvapi okasam na labhiyeva. Iti raja aniveditopi tassa atthavinicchayassa okasakaranena "yathadhippayam na tireti"ti vutto. Tattha yathadhippayanti adhippayanurupam. Na tiretiti na nitthapeti. Mahaupasikaya hi rannayagatasunkameva ^1- ranno datva itaram vissajjapetum adhippayo, so ranna na ditthatta eva na tirito. Handati vossaggatthe nipato. Divadivassati divasassa diva. Majjhanhike kaleti attho. Kenacideva karaniyena dvihatiham ^2- rajanivesanadvaram gacchanti tassa atthassa anitthitatta niratthakameva upasankamim, bhagavati ^3- upasankamanameva pana dassananuttariyadippatilabhakaranatta satthakanti evaham bhante imaya velaya idhagatati imamattham dassenti mahaupasika "idha me bhante"tiadimaha. Etamatthanti etam parayattataya adhippayasamijjhanasankhatam attham viditva. Imam udananti imam paradhinaparadhinavuttisu adinavanisamsaparidipakam udanam udanesi. Tattha sabbam paravasam dukkhanti yankinci atthajatam payojanam paravasam parayattam attano icchaya nipphadetum asakkuneyyataya dukkham dukkhavaham hotiti attho. Sabbam issariyam sukhanti duvidham issariyam lokiyam lokuttaranca. Tattha lokiyam @Footnote: ¹ Si. rannayatta..., cha.Ma. rajayatta... @² ka. karaniyena divasassa diva dvihatiham ³ ka. bhagavato Rajissariyadi ceva lokiyajjhanabhinnanibbattam cittissariyanca, lokuttaram maggaphaladhigamanimittam nirodhissariyam. Tesu yam cakkavattibhavapariyosanam manussesu issariyam, yanca sakkadinam tasmim tasmim devanikaye adhipaccabhutam issariyam, tadubhayam yadipi kammanubhavena yathicchitanipphattiya sukhanimittataya sukham, viparinamadukkhataya pana sabbatha dukkhameva. ^1- Tatha aniccantikataya lokiyajjhananibbattam cittissariyam, nirodhissariyameva pana lokadhammehi akampaniyato anivattisabhavatta ca ekantasukham nama. Yampanettha sabbattheva aparadhinataya labhati cittasukham, tam sandhaya sattha "sabbam issariyam sukhan"ti aha. Sadharane vihannantiti idam "sabbam paravasam dukkhan"ti imassa padassa atthavivaranam. Ayancettha ^2- attho:- sadharane payojane sadhetabbe sati tassa paradhinataya yathadhippayam anipphadanato ime satta vihannanti vighatam apajjanti kilamanti. Kasma? yoga hi duratikkamati yasma kamayogabhavayogaditthiyogaavijjayoga anadikalabhavita anupacitakusalasambharehi pajahitum asakkuneyyataya duratikkama. Etesu ditthiyogo pathamamaggena atikkamitabbo, kamayogo tatiyamaggena. Itare aggamaggena. Iti ariyamagganam duradhigamaniyatta ime yoga duratikkama. Tasma kamayogadivasena icchitalabhahetu satta vihannanti, asadharane pana cittissariye nirodhissariye ca sati na kadacipi vighatassa sambhavoti adhippayo. Athava sabbam paravasanti yam attano annapatibaddhaparayattavuttisankhatam, ^3- tam sabbam aniccasabhavataya dukkham. "yadaniccam tam dukkhan"ti hi vuttam. Sabbam issariyanti yam sabbasankhatanissatam issariyatthanataya issariyanti laddhanamam @Footnote: ¹ ka. pana na sabbatha sukhameva ² cha.Ma. ayanhettha @³ Ma. annappatibaddhapaccayayattavuttisankhatam, cha. annappatibaddhavuttisankhatam Nibbanam, tam upadisesadivibhagam sabbam sukham. "nibbanam paramam sukhan"ti ^1- hi vuttam. Sadharaneti evam dukkhasukhe vavatthite ime satta bahusadharane dukkhakarane nimugga hutva vihannanti. Kasma? yoga hi duratikkamati yasma te sabbattha nimmujjanassa hetubhuta kamayogadayo duratikkama, tasma tvampi visakhe parayattamattham patthetva alabhamana vihannasiti adhippayo. Navamasuttavannana nitthita. -------------

The Pali Atthakatha in Roman Book 26 page 165-168. http://84000.org/tipitaka/atthapali/read_rm.php?B=26&A=3693&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=3693&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=63 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=1977 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=1987 The Pali Tipitaka in Roman Character :- http://84000.org/tipitaka/read/roman_read.php?B=25&A=1987 Contents of The Tipitaka Volume 25 http://84000.org/tipitaka/read/?index_25