|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Mahamoggallanasuttavannana [25] Pancame kayagataya satiyati kayanupassanavasena kaye gataya kayarammanaya satiya, itthambhutalakkhane idam karanavacanam. Ajjhattanti idha ajjhattam nama niyakajjhattam, tasma attani attasantaneti attho, atha va yasma kammatthanabhuto kesadiko dvattimsakotthasasamudayo idha kayoti adhippeto, tasma ajjhattanti padassa gocarajjhattanti attho veditabbo. Supatthitayati niyakajjhattabhute gocarajjhattabhute va kaye sutthu upatthitaya. Ka panayam sati, ya "ajjhattam supatthita"ti vutta? yvayam bhagavata "atthi imasmim kaye kesa loma"tiadina 1- ajjhattakesadiko dvattimsakaro kayo vutto, tattha ya patikulamanasikaram pavattentassa upacarappanavasena kaye upatthita sati, sa "kayagatasati"ti vuccati. Yatha cayam, evam anapanacatuiriyapathasatisampajannanam vasena uddhumatakavinilakadivasena ca manasikaram pavattentassa yatharaham upacarappanavasena kaye upatthita sati "kayagatasati"ti vuccati. Idha pana ajjhattam kayagata sati pathaviadika catasso dhatuyo sasambharasankhepadisu catusu yena kenaci ekenakarena vavatthapetva tesam aniccadilakkhanasallakkhanavasena upatthita vipassanasampayutta sati "kayagata sati"ti adhippeta. Thero pana tatha vipassitva attano phalasamapattimeva samapajjitva nisidi. Idhapi gathaya evam imassa atthassa vinnatabbata "na cayam nisajja"tiadina vuttanayanusarena yojetabba. Etamatthanti etam therassa catudhatuvavatthanamukhena kayanupassanasatipatthanena vipassanam ogahetva phalasamapattisamapajjanasankhatam attham viditva. Imam udananti imam satipatthanabhavanaya nibbanadhigamadipakam udanam udanesi. @Footnote: 1 di.maha. 10/377/250-1, Ma.mu. 12/110/79, khu.khu. 25/3/2--------------------------------------------------------------------------------------------- page201.
Tattha sati kayagata upatthitati pubbe vuttalakkhana sati saddhapubbangamanam samadhiviriyapannanam yathasakam kiccanipphadanena sahayabhavam apannatta pahinapatipakkha tato eva tikkhavisadabhuta ca yathavuttakayasamvaranavasena ca aviparitasabhavam sallakkhenti upagantva thita hoti, etena kayasankhatanam catunnam dhatunam tannissitananca upadarupanam sallakkhanavasena paccaye vavatthapetva tato param tesam aniccadilakkhanasallakkhanavasena ca pavattam nanaparamparagatam satim dasseti, satisisena va tamsampayuttam parinnattayapariyapannananaparamparameva dasseti. Chasu phassayatanesu samvutoti yathavuttaya kaye upatthitassatitaya samannagato cakkhvadisu phassassa karanabhutesu chasu dvaresu kayanupassanaya abhavitaya uppajjanarahanam abhijjhadinam 1- tassa bhavitatta nanappavattim pativedhento 2- te pidahanto "tattha samvuto"ti vuccati, etena nanasamvaram dasseti. Sattam bhikkhu samahitoti so bhikkhu evam upatthitassati sabbattha ca samvuto puthuttarammane cittam avissajjetva aniccadivasena sammasanto vipassanam ussukkapetva nane tikkhe sure vahante vipassanasamadhina tava satatam nirantaram samahito anulomanananantaram gotrabhunanodayato patthaya. Janna nibbanamattanoti annesam puthujjananam supinantepi agocarabhavato ariyanam pana tassa tasseva avenikatta attasadisatta ca "atta"ti laddhavoharassa maggaphalananassa satisayavisayabhavato 3- ekantasukhavaham nibbanam asankhatadhatu "attano"ti vuttam, tam nibbanam janna janeyya, maggaphalananehi pativijjheyya, sacchikareyyati attho. Etena ariyanam nibbane adhimuttatam 4- @Footnote: 1 Ma. avijjadinam 2 Si. patisedhento @3 Si. satiyabhavato 4 Si. vimuttatam--------------------------------------------------------------------------------------------- page202.
Dasseti. Ariya hi adhicittappavattikalepi ekanteneva nibbane ninnaponapabbharabhavena viharanti. Ettha ca yassa sati kayagata upatthita, so bhikkhu chasu phassayatanesu samvuto tato eva satatam samahito attapaccakkhakaranena nibbanam attano janeyyati evam gathapadanam sambandho veditabbo. Evam kayanupassanasatipatthanamukhena yava arahatta ekassa 1- bhikkhuno niyyanamaggam dasseti dhammaraja. Aparo nayo:- sati kayagata upatthitati etena kayanupassanasatipatthanam dasseti. Chasu phassayatanesu samvutoti phasso ayatanam karanam etesanti phassayatanani, tesu phassayatanesu. Phassahetukesu phassapaccaya nibbattesu chasu cakkhusamphassajadivedayitesu tanhadinam appavattiya samvuto, etena vedananupassanasatipatthanam dasseti. Satatam bhikkhu samahitoti satatam niccakalam nirantaram vikkhepabhavato samahito bhikkhu. So cayam avikkhepo sabbaso satipatthanabhavanaya matthakappattaya hoti. Sammasanto hi atitadibhedabhinnesu pancupadanakkhandhesu anavasesatova pariggahetva sammasatiti. Etena sesasatipatthane dasseti. Janna nibbanamattanoti evam catusatipatthanabhavanam matthakam papatva thito bhinnakileso bhikkhu attano kilesanibbanam paccavekkhannanena sayameva janeyyati attho. Atha va sati kayagata upatthitati attano paresanca kayassa yathasabhavaparinnadipanena therassa sativepullappatti dipita. Chasu phassayatanesu samvutoti cakkhvadisu chasu dvaresu accantasamvaradipanena chasattaviharivasena 2- therassa sampajannappakasini pannavepullappatti dipita. Satatam bhikkhu samahitoti samapattibahulatadassanena navanupubbaviharasamapattiyo dassita. Evambhuto pana @Footnote: 1 Si. etassa 2 Si. santaviharadivasena--------------------------------------------------------------------------------------------- page203.
Bhikkhu janna nibbanamattanoti katakiccatta uttari karaniyabhavato kevalam attano anupadisesanibbanameva janeyya cinteyya, annampi tassa cintetabbam natthiti adhippayo. Pancamasuttavannana nitthita. ---------------The Pali Atthakatha in Roman Book 26 page 200-203. http://84000.org/tipitaka/atthapali/read_rm.php?B=26&A=4481&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=4481&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=77 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2266 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2286 The Pali Tipitaka in Roman Character :- http://84000.org/tipitaka/read/roman_read.php?B=25&A=2286 Contents of The Tipitaka Volume 25 http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]