ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                        3. Gopalakasuttavannana
    [33] Tatiye kosalesuti kosala nama janapadavasino 1- rajakumara,
tesam nivaso ekopi janapado "kosala"tveva vuccati, tesu kosalesu janapade.
Carikam caratiti aturitacarikavasena janapadacarikam carati. Mahatati gunamahattenapi
mahata, aparicchinnasankhyatta sankhyamahattenapi mahata. Bhikkhusamghenati
ditthisilasamannasamhatena samanaganena. Saddhinti ekato. Magga okkammati
maggato apakkamitva. Annataram rukkhamulanti ghanapattasakhavitapasampannassa
sandacchayassa mahato rukkhassa samipasankhatam mulam.
    Annataro gopalakoti eko goganarakkhako, namena pana nando
nama. So kira addho mahaddhano mahabhogo, yatha keniyo jatilo pabbajjavesena,
evam anathapindikassa goyutham rakkhanto gopalakattena rajapilam
@Footnote: 1 cha.Ma. janapadino

--------------------------------------------------------------------------------------------- page257.

Pariharanto 1- attano kutumbam rakkhati. So kalena kalam pancagorase gahetva mahasetthissa santikam agantva niyyadetva satthu santikam gantva sattharam passati, dhammam sunati, attano ca vasanatthanam agamanatthaya sattharam yacati. Sattha tasseva nanaparipakam agamayamano agantva aparabhagena mahata bhikkhusamghena parivuto janapadacarikam caranto "idanissa nanam paripakkan"ti natva tassa vasanatthanassa avidure magga okkamma annatarasmim rukkhamule nisidi tassa agamanam agamayamano. Nandopi kho "sattha kira janapadacarikam caranto ito agacchati"ti sutva hatthatuttho vegena gantva sattharam upasankamitva vanditva katapatisantharo ekamantam nisidi, athassa bhagava dhammam desesi. So sotapattiphale patitthahitva bhagavantam nimantetva sattaham payasadanam adasi, sattame divase bhagava anumodanam katva pakkami. Tena vuttam "ekamantam nisinnam kho tam gopalakam bhagava dhammiya kathaya sandassesi .pe. Utathayasana pakkami"ti. Tattha sandassesiti "ime dhamma kusala, ime dhamma akusala"tiadina 2- kusaladidhamme kammavipake idhalokaparaloke paccakkhato dassento anupubbikathavasane cattari ariyasaccani samma dassesi. Samadapesiti "saccadhigamaya ime nama dhamma attani uppadetabba"ti siladidhamme samma ganhapetva tesu tam patitthapesi. Samuttejesiti te dhamma samadinna anukkamena bhaviyamana nibbedhabhagiya hutva tikkhavisada yatha khipapam ariyamaggam avahanti, tatha samma uttejesi sammadeva tejesi. 3- Sampahamsesiti bhavanaya pubbenaparam visesabhavadassanena cittassa pamodapanavasena sutthu pahamsesi. Apicettha @Footnote: 1 cha.Ma. apaharanto 2 abhi.san. 34/1384-5/308 @3 Si. tatha samuttejesi samma uttejesi

--------------------------------------------------------------------------------------------- page258.

Savajjanavajjadhammesu dukkhadisu ca sammohavinodanena sandassanam, sammapatipattiyam pamadapanodanena samadapanam, cittassalasiyapattivinodanena samuttejanam, sammapatipattisiddhiya sampahamsanam veditabbam. Evam so bhagavato samukkamsikaya dhammadesanaya sotapattiphale patitthahi. Adhivasesiti tena ditthasaccena "adhivasetu me bhante bhagava"tiadina 1- nimantito kayangavacangam acopento citteneva adhivasesi sadiyi. Tenevaha "tunhibhavena"ti. Appodakapayasanti nirudakapayasam. Patiyadapetvati sampadetva sajjetva. Navanca sappinti navanitam gahetva tavadeva vilinam mandasappinca patiyadapetva. Sahatthati adarajato sahattheneva parivisanto. Santappesiti patiyattam bhojanam bhojesi. Sampavaresiti "alam alan"ti vacaya patikkhipapesi. Bhuttavinti katabhattakiccam. Onitapattapaninti pattato apanitapanim, dhotapattapanin"tipi patho, dhotapattahatthanti attho. Nicanti anuccam asanam gahetva asaneyeva nisidanam ariyadesavasinam carittam, so pana satthu santike upacaravasena pannattassa daruphalakasanassa samipe nisidi. Dhammiya kathayatiadi sattame divase katam anumodanam sandhaya vuttam. So kira sattaham bhagavantam bhikkhusamghanca tattha vasapetva mahadanam pavattesi, sattame pana divase appodakapayasadanam adasi, sattha tassa tasmim attabhave uparimaggatthaya nanaparipakabhavato anumodanameva katva pakkami. Simantarikayati simantare, tassa gamassa anantaram. Gamavasino kira ekam talakam nissaya tena saddhim kalaham akamsu. So te abhibhavitva tam talakam ganhi. Tena baddhaghato eko puriso tam satthu pattam gahetva dure @Footnote: 1 di.maha. 10/161/87, Ma.mu. 13/84/62

--------------------------------------------------------------------------------------------- page259.

Anugantva "nivattahi upasaka"ti vutte bhagavantam vanditva padakkhinam katva bhikkhusamghassa ca anjalim katva yava dassanupacarasamatikkama dasanakhasamodhanasamujjalam anjalim sirasi paggayha patinivattitva dvinnam gamanamantare arannapadese ekakam gacchantam sarena vijjhitva maresi. Tena vuttam "acirapakkantassa .pe. Voropesi"ti. Kenacideva karaniyena ohiyitva paccha gacchanta bhikkhu tam tatha matam disva bhagavato tamattham arocesum, tam sandhaya vuttam "atha kho sambahula bhikkhu"tiadi. Etamattham viditvati yasma ditthisampannam ariyasavakam nandam marentena purisena anantariyakammam bahulam apunnam pasutam, tasma yam corehi verihi ca kattabbam, tatopi ghorataram imesam sattanam micchapanihitam cittam karotiti imamattham janitva tadatthadipanam imam udanam udanesi. Tattha diso disanti dusako dusaniyam coro coram, disvati vacanaseso. Yantam kayirati yam tassa anayabyasanam kareyya, dutiyapadepi eseva nayo. Idam vuttam hoti:- eko ekassa mittadubbhi coro puttadarakhettavatthugomahimsadisu aparajjhanto yassa aparajjhati, tampi tatheva attani aparajjhantam coram disva, veri va pana kenacideva karanena baddhaveram verim disva attano kakkhalataya darunataya yantassa anayabyasanam kareyya, puttadaram va pileyya, khettadini va naseyya, jivita va voropeyya, dasasu akusalakammapathesu micchathapitatta micchapanihitam cittam papiyo na tato kare, tam purisam papataram tato kareyya. Vuttappakaro hi diso va veri va disassa va verino va imasmimyeva attabhave dukkham va uppadeyya, jivitakkhayam va kareyya. Idampana

--------------------------------------------------------------------------------------------- page260.

Akusalakammapathesu micchathapitam cittam dittheva dhamme anayabyasanam papeti, attabhavasatasahassesupi catusu apayesu khipitva sisamassa ukkhipitum na detiti. Tatiyasuttavannana nitthita. ---------------


             The Pali Atthakatha in Roman Book 26 page 256-260. http://84000.org/tipitaka/atthapali/read_rm.php?B=26&A=5741&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=5741&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=25&i=91              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2582              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2640              The Pali Tipitaka in Roman Character :- http://84000.org/tipitaka/read/roman_read.php?B=25&A=2640              Contents of The Tipitaka Volume 25 http://84000.org/tipitaka/read/?index_25

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com