ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                     10. Sariputtaupasamasuttavannana
    [40] Dasame attano upasamanti savakaparamimatthakappattiya hetubhutam
aggamaggena attano anavasesakilesavupasamam.
    Ayasma hi sariputto anupasantakilesanam sattanam ragadikilesa-
janitasantapadarathaparilahadukkhanceva kilesabhisankharanimittam jatijarabyadhimaranasoka-
paridevadidukkhanca paccakkhato disva atitanagatepi nesam vattamulakam dukkham
parituletva karunayamano attanapi puthujjanakale anubhutam kilesanimittam va
anappakam dukkham anussaritva "idisassa nama mahadukkhassa hetubhuta kilesa
idani me suppahina"ti attano kilesavupasamam abhinham paccavekkhati. Paccavekkhanto
@Footnote: 1 su.vi. 2/95/94, visuddhi. 3/145 (sya)  2 ka. kasma  3 Ma. khino
Ca "ime ettaka kilesa sotapattimaggena upasamita, ettaka sakadagamimaggena,
ettaka anagamimaggena, ettaka arahattamaggena upasamita"ti
tamtammaggananena odhiso kisesanam upasamitabhavam paccavekkhati. Tena vuttam
"attano upasamam paccavekkhamano"ti.
    Apare "thero arahattaphalasamapattim samapajjitva tam paccavekkhitva `imassa
vatayam santapanitabhavo accantasantaya asankhataya dhatuya arammanato, sayanca
sammadeva kilesavupasamato'ti evam abhinham upasamam paccavekkhati"ti vadanti. Anne
pana "anavasesakilesanam upasamapariyosane jatam aggaphalamevettha upasamo nama,
tam paccavekkhamano nisinno"ti.
    Etamattham viditvati yadidam ayasmato sariputtassa mahapannatadihetubhutam
savakesu anannasadharanam kilesappahanam aggaphalam va upasamapariyayena vuttam,
tassa paccavekkhanasankhatam attham sabbakarato viditva tadanubhavadipakam imam udanam
udanesi.
    Tattha upasantasantacittassati upasantameva hutva santam cittam etassati
upasantasantacitto. Samapattivikkhambhanena hi upasantakilesatta upasantam cittam
na sabbatha "upasantasantan"ti vuccati tassa upasamassa anaccantikabhavato, na
tatha aggamaggena. Tena pana accantameva kilesanam samucchinnatta arahato
cittam puna kilesanam anupasametabbataya samathavipassanahetthimamaggehi upasantakilesam
hutva accantasantabhavatova "upasantasantan"ti vuccati. Tena vuttam "upasantameva
hutva santam cittam etassati upasantasantacitto"ti. Upasantanti va upasamo
vuccati, tasma "upasantasantacittassa"ti accantupasamena santacittassati attho.
    Atha va satipi sabbesam khinasavanam anavasesakilesaupasame 1- savakaparaminanassa
pana matthakappattihetubhuto savakesu anannasadharano saviseso
dhammasenapatino kilesaupasamoti dassetum 2- sattha upasantasaddena visesetva
aha "upasantasantacittassa"ti.
    Tatrayamattho:- bhusam dalham va santam upasantam, tena upasantameva
hutva santam upasantasantam, tadisam cittam etassati sabbam purimasadisameva.
Tathahesa bhagavata:- "sariputto bhikkhave mahapanno puthupanno hasapanno
javanapanno tikkhapanno nibbedhikapanno"tiadina 3- anekapariyayena vannito
thomito. Netticchinnassati netti vuccati bhavatanha samsarassa nayanato, sa
netti chinna etassati netticchinno. Tassa netticchinnassa, pahinatanhassati
attho. Mutto so marabandhanati so evamvidho parikkhinabhavasamyojano sabbasma
marabandhanato mutto, na tassa marabandhanamocanaya karaniyam atthi, tasma
dhammasenapati attano upasamam paccavekkhatiti. Sesam vuttanayameva.
                       Dasamasuttavannana nitthita.
                      Nitthita ca meghiyavaggavannana.
                           -----------
@Footnote: 1 cha.Ma. anavasesakilesavupasame
@2 cha.Ma. kilesavupasamoti dassetum 3 Ma.u. 14/93/77



             The Pali Atthakatha in Roman Book 26 page 289-291. http://84000.org/tipitaka/atthapali/read_rm.php?B=26&A=6474&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=6474&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=109              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2837              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2925              The Pali Tipitaka in Roman Character :- http://84000.org/tipitaka/read/roman_read.php?B=25&A=2925              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]