บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Culapanthakasuttavannana [50] Dasame culapanthakoti mahapanthakattherassa kanitthabhatikatta ca panthe jatatta ca daharakale laddhavoharena aparabhagepi ayamayasma "culapanthako"tveva pannayittha. Gunavisesehi pana chalabhinno pabhinnapatisambhido "etadaggam bhikkhave mama savakanam bhikkhunam manomayam kayam abhinimminantanam yadidam culapanthako, cetovivattakusalanam yadidam culapanthako"ti 2- dvisu thanesu bhagavata etadagge thapito asitiya mahasavakesu abbhantaro. So ekadivasam pacchabhattam pindapatappatikkanto attano divatthane divaviharam nisinno samapattihi divasabhagam vitinametva sayanhasamayam upasakesu dhammassavanattham anagatesu eva viharamajjham pavisitva bhagavati gandhakutiyam nisinne "akalo tava bhagavato upatthanam upasankamitun"ti gandhakutippamukhe ekamantam nisidi pallankam abhujitva. Tena vuttam "tena kho pana samayena ayasma culapanthako bhagavato avidure nisinno hoti pallankam abhujitva ujum kayam panidhaya parimukham satim upatthapetva"ti so hi tada kalaparicchedam katva samapattim samapajjitva nisidi. Etamattham viditvati etam ayasmato culapanthakassa kayacittanam sammapanihitabhavasankhatam attham janitva. Imam udananti annopi yo @Footnote: 1 Si.,Ma. avidu 2 an. ekaka. 20/199/24 Passaddhakayo sabbiriyapathesu upatthitassati samahito, tassa bhikkhuno anupadaparinibbanapariyosanassa visesadhigamassa tattha patubhavavibhavanam imam udanam udanesi. Tattha thitena kayenati kayadvarikassa asamvarassa pahanena akaranena samma thapitena copanakayena, tatha cakkhadinam indriyanam nibbisevanabhavakaranena sutthu thapitena pancadvarikakayena, samyatahatthapadataya hatthakukkuccadinam abhavato apariphandanena thitena karajakayena cati sankhepato sabbenapi kayena nibbikaratasankhatena niccalabhavena thitena. Etenassa silaparisuddhi dassita. Itthambhutalakkhane ca idam karanavacanam. Thitena cetasati cittassa thitiparidipanena samadhisampadam dasseti. Samadhi hi cittassa `thiti'ti vuccati. Tasma samathavasena vipassanavaseneva va ekaggataya sati cittam arammane ekodibhavupagamanena thitam nama hoti, na annatha. Idanca yathavuttakayacittanam thapanam samadahanam sabbasmimpi kale sabbesu ca iriyapathesu icchitabbanti dassento aha "tittham nisinno uda va sayano"ti. Tattha va saddo aniyamattho. Tena titthanto va nisinno va sayano va tadanniriyapatho vati ayamattho dipito hotiti cankamanassapi idha sangaho veditabbo. Etam satim bhikkhu adhitthahanoti yaya pageva parisuddhasamacaro kayacittadutthullabhavupasamanena kayam cittanca asaraddham katva patiladdhaya anavajjasukhadhitthaya kayacittapassaddhivasena cittam lahum mudum kammannanca katva samma thapento samadahanto kammatthanam paribruheti matthakanca papeti, tam eva kammatthananuyogassa adimajjhapariyosanesu bahupakaram satim bhikkhu adhitthahano silavisodhanam adim katva yava visesadhigama tattha 1- tattha adhitthahantoti attho. @Footnote: 1 Si.,Ma. tadattham Labhetha pubbapariyam visesanti so evam satiarakkhena cetasa kammatthanam uparupari vaddhento bruhanto phatim karonto pubbapariyam pubbapariyavantam pubbaparabhavena pavattam ularularataradibhedavisesam labheyya. Tattha duvidho pubbapariyaviseso samathavasena vipassanavasena cati. Tesu samathavasena tava nimittuppattito patthaya yava nevasannanasannayatanavasibhavo, tava pavatto bhavanaviseso pubbapariyaviseso. Vipassanavasena pana rupamukhena abhinivisantassa rupadhammapariggahato, itarassa namadhammapariggahato patthaya yava arahattadhigamo, tava pavatto bhavanaviseso pubbapariyaviseso. Ayameva ca idhadhippeto. Laddhana pubbapariyam visesanti pubbapariyavisesam ukkamsaparamippattam arahattam labhitva. Adassanam maccurajassa gaccheti jivitupacchedavasena sabbesam sattanam abhibhavanato maccurajasankhatassa maranassa visayabhutam bhavattayam samatikkantatta adassanam agocaram gaccheyya. Imasmim vagge yam avuttam, tam hettha vuttanayamevati. Dasamasuttavannana nitthita. Nitthita ca sonattheravaggavannana 1- ------------------ @Footnote: 1 cha.Ma. mahavaggavannanaThe Pali Atthakatha in Roman Book 26 page 342-344. http://84000.org/tipitaka/atthapali/read_rm.php?B=26&A=7662&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=7662&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=126 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3295 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=3451 The Pali Tipitaka in Roman Character :- http://84000.org/tipitaka/read/roman_read.php?B=25&A=3451 Contents of The Tipitaka Volume 25 http://84000.org/tipitaka/read/?index_25
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]