AtthaPali Vol.26

7. Culavagga 1. Pathamalakuntakabhaddiyasuttavannana [61] Culavaggassa pathame lakuntakabhaddiyanti ettha bhaddiyoti tassa ayasmato namam, kayassa pana rassatta "lakuntakabhaddiyo"ti nam sanjananti. So kira savatthivasi kulaputto mahaddhano mahabhogo rupena apasadiko dubbanno duddasiko okotimako. So ekadivasam satthari jetavane viharante upasakehi saddhim viharam gantva dhammadesanam sutva patiladdhasaddho pabbajitva laddhupasampado satthu santike kammatthanam gahetva vipassanaya kammam karonto sotapattiphalam papuni. Tada sekkha bhikkhu yebhuyyena ayasmantam sariputtam upasankamitva uparimaggatthaya kammatthanam yacanti, dhammadesanam yacanti, panham pucchanti. So tesam adhippayam purento kammatthanam acikkhati, dhammam deseti, panham vissajjeti. Te ghatenta vayamanta appekacce sakadagamiphalam, appekacce anagamiphalam, appekacce arahattaphalam, ^1- appekacce tisso vijja, appekacce chalabhinna appekacce catasso patisambhida adhigacchanti. Te disva lakuntakabhaddiyopi sekkho samano kalam natva attano cittakallatanca sallekhanca paccavekkhitva ^2- dhammasenapatim upasankamitva katapatisantharo sammodamano dhammadesanam yaci. Sopissa ajjhasayanurupam dhammam ^3- kathesi. Tena vuttam "tena kho pana samayena ayasma sariputto ayasmantam lakuntakabhaddiyam anekapariyayena dhammiya kathaya sandasseti"tiadi. Tattha anekapariyayenati "itipi pancakkhandha anicca, itipi dukkha, itipi anatta"ti evam anekehi karanehi. Dhammiya kathayati pancannam @Footnote: ¹ cha.Ma. arahattam ² Si.,ka. sallakkhetva ³ cha.Ma. ajjhasayassa anurupam katham Upadanakkhandhanam udayabbayadipakasaniya dhammiya kathaya. Sandassetiti taniyeva aniccadini lakkhanani udayabbayadike ca samma dasseti, hatthena gahetva viya paccakkhato dasseti. Samadapetiti tattha lakkhanarammanikavipassanam samma adapeti, yatha vithipatipanna hutva pavattati, evam ganhapeti. Samuttejetiti vipassanaya araddhaya sankharanam udayabbayadisu ^1- upatthahantesu yathakalam paggahaniggahasamupekkhanehi bojjhanganam anupavattanena bhavanam majjhimam vithim otaretva yatha vipassanananam suram pasannam hutva vahati, evam indriyanam visadabhavakaranena vipassanacittam samma uttejeti, visadapanavasena ^2- vodapeti. Sampahamsetiti tatha pavattiyamanaya vipassanaya samappavattabhavanavasena ceva upariladdhabbabhavanabalena ca cittam samma pahamseti, laddhassadavasena va sutthu toseti. Anupadaya asavehi cittam vimucciti yatha yatha dhammasenapati dhammam deseti, tatha tatha tathalakkhanam ^3- vipassantassa therassa ca desananubhavena, attano ca upanissayasampattiya nanassa paripakam gatatta desananusarena nane ^4- anuppavattante ^5- kamasavadisu kanci asavam aggahetva maggapatipatiyava anavasesato cittam vimucci. Arahattaphalam sacchakasiti attho. Etamattham viditvati etam ayasmato lakuntakabhaddiyassa annaradhanasankhatam attham sabbakarato viditva tadatthadipanam imam udanam udanesi. Tattha uddhanti rupadhatuya ca arupadhatuya ca. Adhoti kamadhatuya. Sabbadhiti sabbasmimpi sankharagate. Vippamuttoti pubbabhage vikkhambhanavimuttiya aparabhage samucchedapatippassaddhivimuttihi sabbappakarena vimutto. Ettha ca uddham vippamuttoti etena pancuddhambhagiyasamyojanappahanam dasseti. Adho vippamuttoti etena pancorambhagiyasamyojanappahanam. Sabbadhi vippamuttoti etena @Footnote: ¹ Si. udayabbayesu ² ka. nisadanavasena ³ ka. yathalakkhanam @⁴ ka. nanam ⁵ ka. pacattentassa Avasitthasabbakusalappahanam dasseti. Atha va uddhanti anagatakalaggahanam. Adhoti atitakalaggahanam. Ubhayaggahaneneva tadubhayapatisamyuttatta paccuppanno addha gahito hoti, tattha anagatakalaggahanena anagatakkhandhayatanadhatuyo gahita. Sesapadesupi eseva nayo. Sabbadhiti kamabhedadike sabbasmim bhave. Idam vuttam hoti:- anagato atito paccuppannoti evam tiyaddhasangahite sabbasmim bhave vippamuttoti. Ayamahamasmiti ananupassiti yo evam vippamutto, so rupavedanadisu "ayam nama dhammo ahamasmi"ti ditthimanamannanavasena evam nanupassati. Tassa tatha dassane karanam natthiti adhippayo. Atha va ayamahamasmiti ananupassiti idam yathavuttaya vimuttiya adhigamupayadipanam. Tiyaddhasangahite tebhumakasankhare "etam mama, esohamasmi, eso me atta"ti ^1- pavattanasabhavaya mannanaya anadhitthanam katva "netam mama, nesohamasmi, na me so atta"ti ^1- evam uppajjamana ya pubbabhagavutthanagamini vipassana, sa vimuttiya padatthanam. Evam vimutto udatari ogham, atinnapubbam apunabbhavayati evam dasahi samyojanehi sabbakusalehi ca sabbatha vimutto araha ariyamaggadigamanato pubbe supinantepi atinnapubbam kamogho bhavogho ditthogho avijjoghoti imam catubbidham ogham, samsaramahoghameva va apunabbhavaya anupadisesanibbanaya udatari uttinno, uttaritva pare thitoti attho. Pathamasuttavannana nitthita. -------------

The Pali Atthakatha in Roman Book 26 page 386-388. http://84000.org/tipitaka/atthapali/read_rm.php?B=26&A=8632&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=8632&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=147 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3770 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4067 The Pali Tipitaka in Roman Character :- http://84000.org/tipitaka/read/roman_read.php?B=25&A=4067 Contents of The Tipitaka Volume 25 http://84000.org/tipitaka/read/?index_25