ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                     2. Dutiyalakuntakabhaddiyasuttavannana
    [62] Dutiya sekkhoti mannamanoti 2- "sekkho ayan"ti mannamano.
Tatrayam vacanattho:- sikkhatiti sekkho. Kim sikkhati? adhisilam adhicittam adhipannanca.
@Footnote: 1 Ma.mu. 12/241/203  2 cha.Ma. sekham mannamanoti
Atha va sikkhanam sikkha, sa etassa silanti sekkho. So hi apariyositasikkhatta
tadadhimuttatta ca ekantena sikkhanasilo, na parinitthitasikkho asekkho
viya tattha patippassaddhussukko, 1- napi vissatthasikkho pacurajano viya tattha
anadhimutto. Atha va ariyaya jatiya tisu sikkhasu jato, tattha va
bhavoti sekkho. Bhiyyoso mattayati pamanato uttari, pamanam atikkamitva
adhikataranti attho. Ayasma hi lakuntakabhaddiyo pathamasutte vuttena vidhina
pathamovadena yathanisinnova asavakkhayam patto. Dhammasenapati pana tassa tam
arahattappattim anavajjanena ajanitva "sekkhoyeva"ti mannamano appam
yacito bahum dadamano ularapuriso viya bhiyyo bhiyyo anekapariyayena
asavakkhayaya dhammam kathetiyeva. Ayasmapi lakuntakabhaddiyo "katakicco danaham,
kim imina ovadena"ti acintetva saddhammagaravena pubbe viya sakkaccam
sunatiyeva. Tam disva bhagava gandhakutiyam nisinnoyeva  buddhanubhavena yatha
dhammasenapati tassa kilesakkhayam janati, tatha katva imam udanam udanesi.
Tena vuttam "tena kho pana samayena"tiadi. Tattha yam vattabbam, tam anantarasutte
vuttameva.
    Gathayam pana acchecchi vattanti anavasesato kilesavattam samucchindi,
chinne ca kilesavatte kammavattampi chinnameva. Byaga nirasanti asa vuccati
tanha, natthi ettha asati nirasam, nibbanam. Tam nirasam visesena
aga adhigatoti byaga. Aggamaggassa adhigatatta puna adhigamakaranena vina
adhigatoti attho. Yasma tanha dukkhasamudayabhuta, taya pahinaya appahino
nama kileso natthi, tasmassa tanhapahanam savisesam katva dassento
"visukkha sarita na sandati"ti aha. Tassattho:- catutthasuriyapatubhavena viya
@Footnote: 1 Ma. patippassaddhiyutto
Mahanadiyo catutthamaggananuppadena anavasesato visukkha visosita tanhasarita
nadi na sandati, ito patthaya nappavattati. Tanha hi "sarita"ti vuccati.
Yathaha:- "saritani sinehitani ca somanassani bhavanti jantuno"ti, 1- "sarita
lata visattika"ti 2- ca. Chinnam vattam na vattatiti evam kilesavattasamucchedena
chinnam vattam anuppadadhammatam avipakadhammatanca apadanena upacchinnam kammavattam
na vattati nappavattati. Esevanto dukkhassati yadetam sabbaso kilesavattabhavena 3-
kammavattassa appavattanam, so ayatim vipakavattassa ekamseneva
anuppado eva sakalassapi samsaradukkhassa anto paricchedo parivatumabhavoti.
                       Dutiyasuttavannana nitthita.
                           ----------



             The Pali Atthakatha in Roman Book 26 page 388-390. http://84000.org/tipitaka/atthapali/read_rm.php?B=26&A=8697&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=8697&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=148              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3788              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4086              The Pali Tipitaka in Roman Character :- http://84000.org/tipitaka/read/roman_read.php?B=25&A=4086              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]