ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                       6. Tanhasankhayasuttavannana
    [66] Chatthe annasikondannoti ettha kondannoti tassa ayasmato
gottato agatanamam. Savakesu pana sabbapathamam ariyasaccani pativijjhiti bhagavata
"annasi vata bho kondanno"ti 2- vuttaudanavasena thero sasane
"annasikondanno"tveva pannayittha. Tanhasankhayavimuttinti tanha sankhiyati
pahiyati etthati tanhasankhayo, nibbanam. Tasmim tanhasankhaye vimutti. Tanha va
sankhiyati pahiyati etenati tanhasankhayo, ariyamaggo. Tassa phalabhuta pariyosanabhuta
va vimuttiti tanhasankhayavimutti, nippariyayena arahattaphalasamapatti. Tam
paccavekkhamano nisinno hoti. Ayam hi ayasma bahulam phalasamapattim samapajjati.
Tasma idhapi evamakasi.
    Etamattham viditvati etam annasikondannattherassa aggaphalapaccavekkhanam
viditva tadatthadipanam imam udanam udanesi.
    Tattha yassa mulam chama natthiti yassa ariyapuggalassa attabhavarukkhamulabhuta
avijja, tassava patittha hetubhuta asavanivaranaayonisomanasikarasankhata chama
pathavi ca natthi aggamaggena samugghatitatta. Panna natthi kuto latati natthi
lata kuto pannati padasambandho. Manatimanadippabheda sakhapasakhadisankhata
@Footnote: 1 Si. suparikkhatam  2 vi.maha. 4/17/16, sam.maha. 19/1081/370
Latapi natthi, kuto eva madappamadamayasatheyyadipannaniti attho. Atha va
panna natthi kuto latati rukkhankurassa vaddhamanassa 1- pathamam pannani
nibbattanti. 2- Paccha sakhapasakhasankhata latati katva vuttam. Tattha yassa
ariyamaggabhavanaya asati uppajjanarahassa attabhavarukkhassa ariyamaggassa bhavitatta
yam avijjasankhatam mulam, tassa patitthanabhutam asavadi ca natthi. Mulaggahaneneva
cettha mulakaranatta bijatthaniyam kammam tadabhavopi gahitoyevati veditabbo.
Asati ca kammabije tannimitto vinnanankuro, vinnanankuranimitta ca
namarupasalayatanapattasakhadayo na nibbattissantiyeva. Tena vuttam "yassa mulam
chama natthi, panna natthi kuto lata"ti.
    Tam dhiram bandhana muttanti tam catubbidhasammappadhanaviriyayogena vijitamaratta
dhiram, tato eva sabbakilesabhisankharabandhanato muttam. Ko tam ninditumarahatiti
ettha tanti nipatamattam. Evam sabbakilesavippamuttam siladianuttaragunasamannagatam
ko nama vinnujatiko ninditum garahitum arahati nindanimittasseva abhavato
devapi nam pasamsantiti annadatthu deva sakkadayo gunavisesavidu, apisaddena
manussapi khattiyapanditadayo pasamsanti. Kinci bhiyyo brahmunapi pasamsito
mahabrahmunapi annehipi brahmanagayakkhagandhabbadihipi pasamsito thomitoyevati.
                       Chatthasuttavannana nitthita.
                           -----------



             The Pali Atthakatha in Roman Book 26 page 397-398. http://84000.org/tipitaka/atthapali/read_rm.php?B=26&A=8883&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=8883&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=152              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3863              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4150              The Pali Tipitaka in Roman Character :- http://84000.org/tipitaka/read/roman_read.php?B=25&A=4150              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]