ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                   4. Catutthanibbanapatisamyuttasuttavannana
    [74] Catutthe atha kho bhagava etamtham viditvati tada kira bhagavata
anekapariyayena sandassanadivasena nibbanapatisamyuttaya dhammadesanaya kataya
@Footnote: 1 Si. pharusabhavanam  2 an.tika. 20/137/278 adi, khu.dha. 25/277-9/64,
@khu,maha. 29/131/111 (sya)  3 Si. samayasaddo  4 Ma. atthatopi
Tesam bhikkhunam etadahosi "ayam tava bhagavata amatamahanibbanadhatuya
anekakaravokaram anisamsam dipentena 1- anannasadharano anubhavo pakasito,
adhigamupayo panassa na bhasito, katham nu kho patipajjantehi amhehi ayam
adhigantabba"ti. Atha bhagava tesam bhikkhunam etam yathavuttaparivitakkasankhatam attham
sabbakarato viditva. Imam udananti tanhavasena katthaci anissitassa
passaddhakayacittassa vithipatipannavipassanassa ariyamaggena anavasesato
tanhapahanena nibbanadhigamavibhavanam imam udanam udanesi.
    Tattha nissitassa calitanti rupadisankhare tanhaditthihi nissitassa calitam
"etam mama, eso me atta"ti 2- tanhaditthivipphanditam hoti.
Appahinatanhaditthikassa hi puggalassa sukhadisu uppannesu tani abhibhuyya viharitum
asakkontassa "mama vedana, aham vediyami"tiadina tanhaditthiggahavasena
kusalappavattito cittasantanassa calanam kampanam, avakkhalitam va hotiti attho.
Anissitassa calitam natthiti yo pana visuddhipatipadam patipajjanto samathavipassanahi
tanhaditthiyo vikkhambhetva aniccadivasena sankhare sammasanto viharati, tassa
tam anissitassa yathavuttam calitam avakkhalitam, vipphanditam va natthi karanassa
suvikkhambhitatta.
    Calite asatiti yathavutte calite asati yatha tanhaditthiggaha nappavattanti,
tatha vithipatipannaya vipassanaya tam ussukkapentassa. 3- Passaddhiti
vipassanacittasahajatanam kayacittanam sarambhakarakilesavupasamini duvidhapi passaddhi
hoti. Passaddhiya sati nati na hotiti pubbenaparam visesayuttaya passaddhiya sati
anavajjasukhadhitthanam samadhim vaddhetva tam pannaya samavayakaranena samathavipassanam
@Footnote: 1 cha.Ma. dassentena  2 Ma.mu. 12/241, 358/203, 322
@3 Ma. upakkamantassa
Yuganaddham yojetva maggaparamparaya kilese khepentassa kamabhavadisu namanato
"nati"ti laddhanama tanha arahattamaggakkhane anavasesato na hoti,
anuppattidhammatam apaditatta na uppajjatiti attho.
    Natiya asatiti arahattamaggena tanhaya supahinatta bhavadiatthaya
alayanikantipariyutthane asati. Agatigati na hotiti patisandhivasena idha agati
agamanam cutivasena gati ito paralokagamanam peccabhavo na hoti nappavattati.
Agatigatiya asatiti vuttanayena agatiya ca gatiya ca asati. Cutupapato na
hotiti aparaparam cavanupapajjanam na hoti nappavattati. Asati hi kilesavatte
kammavattam pacchinnameva, pacchinne ca tasmim kuto vipakavattassa samabhavo.
Tenevaha 1- "cutupapate asati nevidha na huran"tiadi. Tattha yam vattabbam, tam hettha
bahiyasutte vittharato vuttameva. Tasma tattha vuttanayeneva attho veditabbo.
    Iti bhagava idhapi tesam bhikkhunam anavasesato vattadukkhavupasamahetubhutam
amatamahanibbanassa anubhavam sammapatipattiya pakasesi.
                       Catutthasuttavannana nitthita.
                          -------------



             The Pali Atthakatha in Roman Book 26 page 424-426. http://84000.org/tipitaka/atthapali/read_rm.php?B=26&A=9498&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=9498&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=161              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4022              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4283              The Pali Tipitaka in Roman Character :- http://84000.org/tipitaka/read/roman_read.php?B=25&A=4283              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]