ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                        8. Samghabhedasuttavannana
      [18] Atthame ekadhammoti katamo ayam suttanikkhepo? atthuppattiko.
Tatrayam sankhepakatha:- devadatto hi ajatasattum duggahanam gahapetva tassa
pitaram rajanam bimbisaram tena marapetvapi abhimare payojetvapi silapavijjhanena
ruhiruppadakammam 1- katvapi na tavata pakato jato, nalagirim vissajjetva
pana pakato jato. Atha mahajano "evarupampi nama papam gahetva raja
@Footnote: 1 cha.Ma. lohituppadakammam
Vicarati"ti kolahalamakasi, mahaghoso ahosi. Tam sutva raja attana diyamanani
panca thalipakasatani pacchindapesi, upatthanampissa nagamasi. Nagarapi kulam
upagatassa katacchubhattampissa nadamsu. So parihinalabhasakkaro kohannena
jivitukamo sattharam upasankamitva panca vatthuni yacitva "alam devadatta yo
icchati. So aranniko hotu"tiadina 1- bhagavata patikkhitto tehi pancahi
vatthuhi balam lukhappasannam janam sannapento pancasate vajjiputtake salakam
gahapetva samgham bhinditvava te adaya gayasisam agamasi. Atha dve
aggasavaka satthu anaya tattha gantva dhammam desetva te ariyaphale
patitthapetva anayimsu. Ye panassa samghabhedaya parakkamantassa laddhim rocetva
tatheva paggayha thita samghe bhijjante bhinne ca samanunna ahesum, tesam tam
digharattam ahitaya dukkhaya ahosi.
      Devadattopi nacirasseva rogabhibhuto balhagilano maranakale "sattharam
vandissami"ti mancakasivikaya niyyamano jetavane pokkharanitire thapito pathaviya
vivare dinne patitva avicimhi nibbatti, yojanasatiko cassa attabhavo ahosi
kappatthiyo 2- talakkhandhaparimanehi ayasulehi vinividdho. Devadattapakkhikani ca
pancamattani kulasatani tassa laddhiyam thitani saha bandhavehi niraye nibbattani.
Ekadivasam bhikkhu dhammasabhayam katham samutthapesum "avuso devadattena samgham
bhindantena bhariyam kammam katan"ti. Atha sattha dhammasabham upagantva "kaya nuttha
bhikkhave etarahi kathaya sannisinna"ti pucchitva "imaya nama"ti vutte
samghabhede adinavam dassento imam suttam abhasi. Keci pana bhananti "devadattassa
tappakkhikanam ca tatha niraye nibbattabhavam disva samghabhede adinavam dassento
bhagava attano ajjhasayeneva imam suttam desesi"ti.
@Footnote: 1 vi.mahavi. 1/409/309, vi.cula. 7/343/137   2 Si.,ka. kappatthitiyo
      Tattha ekadhammoti eko akusalo mahasavajjadhammo. Loketi sattaloke.
Uppajjamano uppajjatiti ettha bhedasamvattanikesu bhandanadisu samghe uppannesupi
"dhammo adhammo"tiadisu attharasabhedakaravatthusu yassa kassaci dipanavasena
voharantesupi tattha rucijananattham anussaventesupi anussavetva salakaya
gahitayapi samghabhedo uppajjamano nama hoti, salakaya pana gahitaya
cattaro va atireka va yada avenikam uddesam va samghakammam va karonti,
tada samghabhedo uppajjati nama. Kate pana tasmim samghabhedo uppanno nama.
Kammam uddeso voharo anussavana salakaggahoti imesu hi pancasu samghassa
bhedakaranesu kammam va uddeso va pamanam, voharanussavanasalakaggaha
pana pubbabhagati.
      Bahujanahitayatiadisu mahajanassa jhanamaggadisampattinivaranena ahitaya,
saggasampattinivaranena asukhaya, apayupapattihetubhavena anatthaya. Akusaladhammavasena
va ahitaya, hitamattassapi abhava sugatiyampi nibbattanakakayikacetasikadukkhaya
uppajjatiti sambandho. Devamanussananti idam "bahuno janassa"ti vuttesu
ukkatthapuggalaniddeso. Aparo nayo:- bahujanahitayati bahujanassa mahato
sattanikayassa ahitatthaya, ditthadhammikasamparayikaanatthayati attho. Asukhayati
ditthadhammikasamparayikaasukhatthaya, duvidhadukkhatthayati attho anatthayati
paramatthapatikkhepaya. Nibbanam hi paramattho, tato uttarim attho natthi. Ahitayati
maggapatikkhepaya. Nibbanasampapakamaggato hi uttarim hitam nama natthi. Dukkhayati
ariyasukhaviradhanena vattadukkhataya. Ye hi ariyasukhato viraddha tam adhigantum abhabba,
te vattadukkhe paribbhamanti, ariyasukhato ca uttarim sukham nama natthi. Vuttanhetam
"ayam samadhi paccuppannasukho ceva ayatinca sukhavipako"ti. 1-
@Footnote: 1 di.pa. 11/355/249, an.pancaka. 22/27/25
      Idani "samghabhedo"ti sarupato dassetva tassa ahitadinam ekantahetubhavam
pakasetum "samghe kho pana bhikkhave bhinne"tiadimaha. Tattha bhinneti nimittatthe
bhummam yatha "adhananam dhane ananuppadiyamane"ti 1- bhedahetuti attho,
annamannam bhandananiti catunnam parisanam tappakkhikananca "eso dhammo, neso
dhammo"ti annamannavivadanani. Bhandanam hi kalahassa pubbabhago. Paribhasati
"idancidanca vo anattham karissama"ti bhayuppadavasena tajjana. Parikkhepati
jatiadivasena parito khepa, dasahi akkosavatthuhi khumsanavambhana. Pariccajanati
ukkhepaniyakammakaranadivasena nissarana. Tatthati  tasmim samghabhede, tannimitte
va bhandanadike. Appasannati ratanattayagunanam anabhinna. Nappasidantiti
"dhammacarino samacarino"tiadina yvayam bhikkhusu pasadanakaro, tatha na
pasidanti, tesam va sotabbam saddhatabbam na mannanti. Tatha ca dhamme satthari
ca appasannava honti. Ekaccanam annathattanti puthujjananam avirulhasaddhanam
pasadannathattam.
      Gathayam apayikotiadisu apaye nibbattanarahataya apayiko. Tatthapi
avicisankhate mahaniraye uppajjatiti nerayiko. Ekam antarakappam paripunnameva
katva tattha titthatiti kappattho. Samghabhedasankhate vagge ratoti vaggarato.
Adhammiyataya adhammo. Bhedakaravatthuhi samghabhedasankhate eva ca adhamme thitoti
adhammattho. Yogakkhema padhamsatiti yogakkhemato hi tato padhamsati parihayati, 2-
catuhipi va yogehi anupaddutatta yogakkhemam nama arahattam nibbananca,
tato panassa dhamsane vattabbameva natthi. Ditthisilasamannato samhatatthena samgham,
tato eva ekakammadividhanayogena samaggam sahitam. Bhetvanati pubbe vuttalakkhanena
@Footnote: 1 di.pa 11/91/55      2 Ma. yogakkhemati hitato vidhamsati parihayati
Samghabhedena bhinditva. Kappanti ayukappam. So panettha antarakappova. Nirayamhiti
avicimahanirayamhi.
                       Atthamasuttavannana nitthita.
                         --------------



             The Pali Atthakatha in Roman Book 27 page 76-80. http://84000.org/tipitaka/atthapali/read_rm.php?B=27&A=1666&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=1666&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=196              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4676              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4903              The Pali Tipitaka in Roman Character :- http://84000.org/tipitaka/read/roman_read.php?B=25&A=4903              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]