AtthaPali Vol.27

3. Ubhayatthasuttavannana [23] Tatiye bhavitoti uppadito ca vaddhito ca. Bahulikatoti punappunam kato. Atthoti hitam. Tam hi araniyato upagantabbato atthoti vuccati. Samadhiggayha titthatiti samma pariggahetva vattati. Ditthadhammikanti ditthadhammo vuccati paccakkhabhuto attabhavo, ditthadhamme bhavam ditthadhammikam, idhalokapariyapannanti attho. Samparayikanti dhammavasena samparetabbato samparayo, paraloko, samparaye bhavam samparayikam, paralokapariyapannanti vuttam hoti. Ko panesa ditthadhammiko nama attho, ko va samparayikoti? sankhepena Tava yam idhalokasukham, yancetarahi idhalokasukhavaham, ayam ditthadhammiko attho. Seyyathidam? gahatthanam tava idha yankinci vittupakaranam, anakulakammantata, Arogyasamvidhanam vatthuvisadakiriyayogavihitani sippayatanavijjatthanani sangahitaparijanatati evamadi. Pabbajitanam pana ye ime jivitaparikkharacivarapindapata- senasanagilanapaccayabhesajjaparikkhara, tesam akicchalabho, tattha ca sankhaya

--------------------------------------------------------------------------------------------- page91.

Patisevana, sankhaya parivajjana, vatthuvisadakiriya, appicchata, santutthita, ^1- paviveko, asamsaggoti evamadi. Patirupadesavasasappurisupanissayasaddhammassavanayoniso- manasikaradayo pana ubhayesam sadharana ubhayanurupa cati veditabba. Appamadoti ettha appamado pamadappatipakkhato veditabbo. Ko panesa pamado nama? pamajjanakaro. Vuttanhetam:- "tattha katamo pamado, kayaduccarite va vaciduccarite va manoduccarite va pancasu kamagunesu cittassa vossaggo vossagganuppadanam kusalanam va dhammanam bhavanaya asakkaccakiriyata asataccakiriyata anatthitakiriyata ^2- olinavuttita nikkhittacchandata nikkhittadhurata anasevana abhavana abahulikammam anadhitthanam ananuyogo pamado, yo evarupo, pamado pamajjana pamajjitattam, ayam vuccati pamado"ti. ^3- Tasma vuttappatipakkhato appamado veditabbo. Atthato hi so satiya avippavaso, niccam upatthitassatiya etam namam. Apare pana "satisampajannayogena pavatta cattaro arupino khandha appamado"ti vadanti. "bhavito bahulikato"ti vuttam, katham panayam appamado bhavetabboti? na Appamadabhavana nama visum eka bhavana atthi. Ya hi kaci punnakiriya kusalakiriya, sabba sa appamadabhavanatveva veditabba. Visesato pana vivattupanissayam saranagamanam kayikavacasikasamvaranca upadaya sabba silabhavana sabba samadhibhavana sabba pannabhavana sabba kusalabhavana anavajjabhavana appamadabhavanati veditabba. "appamado"ti hi idam mahantam attham dipeti, @Footnote: ¹ cha.Ma. santutthi ² Ma. anutthitakiriyata ³ abhi.vi. 35/846/427

--------------------------------------------------------------------------------------------- page92.

Mahantam attham pariggahetva titthati. Sakalampi tepitakam buddhavacanam aharitva appamadapadassa attham katva kathento dhammakathiko "atitthena pakkhando"ti na vattabbo. Kasma? appamadapadassa mahantabhavato. Tatha hi sammasambuddho kusinarayam yamakasalanamantare parinibbanasamaye nipanno abhisambodhito patthaya pancacattalisaya vassesu attana bhasitam dhammam ekena padena sangahetva dassento "appamadena sampadetha"ti bhikkhunam ovadamadasi. Tatha ca vuttam:- "seyyathapi bhikkhave yani kanici jangalanam pananam padajatani, sabbani tani hatthipade samodhanam gacchanti, hatthipadam tesam aggamakkhayati yadidam mahantatthena. Evameva kho bhikkhave ye keci kusala dhamma, sabbe te appamadamulaka appamadasamosarana, appamado tesam dhammanam aggamakkhayati"ti. ^1- Gathasu appamadam pasamsantiti danadipunnakiriyasu appamadam appamajjanam pandita sappanna buddhadayo pasamsanti vannenti thomenti. Kasma? yasma appamatto ubho atthe adhiganhati pandito. Ke pana te ubho atthati aha "ditthe dhamme ca yo attho, yo cattho samparayiko"ti, evamettha padayojana veditabba. Idhapi ditthe dhamme ca yo atthoti gahatthassa tava "anavajjani kammani, anakula ca kammanta"tiadina nayena vutto kasigorakkhadividhina laddhabbo attho. Pabbajitassa pana avippatisaradiattho veditabbo. Yo cattho samparayikoti pana ubhayesampi dhammacariyava vuttati veditabba. Atthabhisamayati duvidhassapi atthassa hitassa patilabha, laddhabbena samiti sangati samodhananti samayo, labho. Samayo eva abhisamayo, abhimukhabhavena @Footnote: ¹ Ma.mu. 12/300/262

--------------------------------------------------------------------------------------------- page93.

Va samayo abhisamayoti evamettha abhisamayo veditabbo. Dhitisampannatta dhiro. Tatiyena ettha atthasaddena paramatthassa nibbanassapi sangaho veditabbo. Sesam suvinneyyameva. Iti imasmimpi sutte vattasampatti eva kathita. Gathayam pana vivattassapi sangaho datthabbo. Tatha hi vuttam:- "appamado amatampadam pamado maccuno padam appamatta na miyanti ye pamatta yatha mata. Evam visesato natva appamadamhi pandita appamade pamodanti ariyanam gocare rata. Te jhayino satatika niccam dalhaparakkama phusanti dhira nibbanam yogakkhemam anuttaran"ti. ^1- Tasma "atthabhisamaya"ti ettha lokuttaratthavasenapi attho veditabbo. Tatiyasuttavannana nitthita. -------------

The Pali Atthakatha in Roman Book 27 page 90-93. http://84000.org/tipitaka/atthapali/read_rm.php?B=27&A=1974&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=1974&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=201 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4791 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4990 The Pali Tipitaka in Roman Character :- http://84000.org/tipitaka/read/roman_read.php?B=25&A=4990 Contents of The Tipitaka Volume 25 http://84000.org/tipitaka/read/?index_25