|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8. Patisallanasuttavannana
[45] Atthame patisallanaramati tehi tehi sattasankharehi patinivattitva
sallanam patisallanam, ekaviharo ekamantasevita, kayavivekoti attho. Tam
patisallanam ramanti rocantiti patisallanarama. "patisallanarama"tipi patho,
yathavuttam patisallanam aramitabbato aramo etesanti patisallanarama.
Viharathati evambhuta hutva viharathati attho. Patisallane rata nirata
sammuditati patisallanarata. Ettavata jagariyanuyogo, tassa nimittabhuta
vupakatthakayata ca dassita. Jagariyanuyogo silasamvaro indriyesu guttadvarata
bhojane mattannuta satisampajannanti imehi dhammehi vina na vattatiti tepi
idha atthato vutta evati veditabba.
Ajjhattam cetosamathamanuyuttati attano cittasamathe anuyutta. Ajjhattam
attanoti ca etam ekattham, byanjanameva nanam. Bhummatthe cetam samathanti
anusaddayogena upayogavacanam. Anirakatajjhanati bahi anihatajjhana,
avinasitajjhana va. Niharanam vinaso vati idam nirakatam nama "thambham niramkatva
@Footnote: 1 khu.dha. 25/273/64 2 an.catukka 21/34/381, khu.iti. 25/90/309
Nivatavutti"tiadisu 1- viya. Vipassanaya samannagatati sattavidhaya anupassanaya
yutta. Sattavidha anupassana nama aniccanupassana dukkhanupassana
anattanupassana nibbidanupassana viraganupassana nirodhanupassana
patinissagganupassana ca, ta visuddhimagge vittharitava.
Bruhetaro sunnagarananti vaddhetaro sunnagaranam. Ettha ca
"sunnagaranan"ti yankinci vivittam bhavananuyogassa anucchavikam thanam.
Samathavipassanavasena kammatthanam gahetva rattindivam sunnagaram pavisitva
bhavananuyogavasena nisidamana bhikkhu "bruhetaro sunnagaranan"ti veditabba.
Ekabhumikadipasadepi pana vasam kurumana jhayino sunnagaranam bruhetarotveva
veditabba,
ettha ca ya "patisallanarama bhikkhave viharatha patisallanarata"ti
vupakatthakayata vihita, sa parisuddhasilassa, na asilassa avisuddhasilassa va
tassa ruparammanadito cittavinivattanasseva abhavatoti atthato silavisuddhi
dassitati vutto vayamattho. "ajjhattam cetosamathamanuyutta anirakatajjhana"ti
padadvayena samadhibhavana, "vipassanaya samannagata"ti imina pannabhavana
vihitati lokiya tisso sikkha dassita.
Idani tasu patitthitassa avassambhaviphalam dassetum "patisallanaramanan"tiadi
vuttam. Tattha bruhetananti vaddhetanam. Dvinnam phalananti tatiyacatutthaphalanam.
Patikankhanti icchitabbam avassambhavi. Annati arahattam. Tam hi hetthimamaggananehi
natamariyadam anatikkamitva jananato, paripunnajananatta uparijananakiccabhavato
ca "anna"ti vuccati. Sati va upadiseseti sati va kilesupadisese,
@Footnote: 1 khu.su. 25/329/396
Pahatum asakkuneyye sati. Nane hi aparipakke ye tena paripakkena
pahatabbakilesa, te nappahiyanti. Tam sandhayaha "sati va upadisese"ti.
Sati ca kilese khandhabhisankhara titthanti eva. Iti imasmim sutte
anagamiphalam arahattanti dve dhamma dassita. Yatha cettha, evam ito paresu
dvisu suttesu.
Gathasu ye santacittati ye yogavacara tadangavasena vikkhambhanavasena
ca samitakilesataya santacitta. Nepakkam vuccati panna, taya samannagatatta
nipaka. Imina tesam kammatthanapariharanananam dasseti. Satimanto ca jhayinoti
thananisajjadisu kammatthanavijahanahetubhutaya satiya satimanto,
arammanupanijjhanalakkhanena jhanena jhayino. Samma dhammam vipassanti kamesu
anapekkhinoti pubbeyeva "atthikankhalupama kama"tiadina 1- vatthukamesu
kilesakamesu ca adinavapaccavekkhanena anapekkhino anatthika te pahaya
adhigatam upacarasamadhim appanasamadhim va padakam katva namarupam tassa paccaye
ca pariggahetva kalapasammasanadikkamena samma aviparitam pancakkhandhadhammam
aniccadito vipassanti.
Appamadaratati vuttappakaraya samathavipassanabhavanaya appamajjane
rata abhirata tattha appamadeneva rattindivam vitinamenta. Santati samana.
"satta"tipi patho, puggalati attho. Pamade bhayadassinoti nirayupapattiadikam
pamade bhayam passanta. Abhabba parihanayati te evarupa samathavipassanadhammehi
maggaphalehi va parihanaya abhabba. Samathavipassanato hi sampattato
na parihayanti, itarani ca appattani papunanti. Nibbanasseva santiketi
@Footnote: 1 vi.mahavi. 2/417/306, Ma.mu. 12/234/196
Nibbanassa ca anupadaparinibbanassa ca santike eva, nacirasseva nam
adhigamissantiti.
Atthamasuttavannana nitthita.
--------------
The Pali Atthakatha in Roman Book 27 page 191-194.
http://84000.org/tipitaka/atthapali/read_rm.php?B=27&A=4223&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=27&A=4223&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=25&i=223
เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=5275
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=5362
The Pali Tipitaka in Roman Character :-
http://84000.org/tipitaka/read/roman_read.php?B=25&A=5362
Contents of The Tipitaka Volume 25
http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]