|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Cakkhusuttavannana
[61] Dutiye cakkhuniti cakkhantiti cakkhuni, samavisamam acikkhantani viya
pavattantiti attho. Atha va cakkhanatthena cakkhuni. Kimidam cakkhanam nama?
assadanam. Tatha hi vadanti "madhum cakkhati byanjanam cakkhati"ti. Imani ca
arammanarasam anubhavantani assadentani viya hontiti cakkhanatthena cakkhuni.
Tani pana sankhepato dve cakkhuni nanacakkhu mamsacakkhu cati. Tesu mamsacakkhu
hettha vuttameva. Nanacakkhu dibbacakkhu pannacakkhuti idha dvidha katva
vuttam.
Tattha dibbacakkhuti dibbasadisatta dibbam. Devatanam hi sucaritakammanibbattam
pittasemharuhiradihi apalibuddham upakkilesavimuttataya durepi arammanaggahanasamattham
dibbam pasadacakkhu hoti. Idancapi viriyabhavanabalanibbattam nanacakkhu tadisamevati
dibbasadisatta dibbam, dibbaviharavasena patiladdhatta attano ca
dibbaviharasannissitatta alokapariggahena mahajutikatta tirokuddadigatarupadassanena
---------------------------------------------------------------------------------------------
page236.
Mahagatikattapi dibbam. Tam sabbam saddasatthanusarena veditabbam. Dassanatthena
cakkhukiccakaranena cakkhumivatipi cakkhu, dibbanca tam cakkhu cati dibbacakkhu.
Pajanatiti panna. Kim pajanati? cattari ariyasaccani "idam dukkhan"tiadina.
Vuttanhetam:-
"pajanatiti kho avuso tasma pannati vuccati, kinci
pajanati, idam dukkhan"tiadi. 1-
Atthakathayam pana "pannapanavasena panna kinti pannapeti? aniccanti
pannapeti, dukkhanti pannapeti, anattati pannapeti"ti vuttam. Sa panayam
lakkhanadito yathasabhavapativedhalakkhana, akkhalitapativedhalakkhana va
kusalissasakhittausupativedho viya, visayobhasanarasa padipo viya, asammohapaccupatthana
arannagatasudesiko viya. Visesato panettha asavakkhayananasankhata panna
catusaccadassanatthena pannacakkhuti adhippeta. Yam sandhaya vuttam "cakkhum udapadi,
nanam udapadi, panna udapadi, vijja udapadi, aloko udapadi"ti 2-
etesu ca mamsacakkhu parittam, dibbacakkhu mahaggatam, itaram appamanam.
Mamsacakkhu rupam, itarani arupani. Mamsacakkhu dibbacakkhu ca lokiyani sasavani
rupavisayani, itaram lokuttaram anasavam catusaccavisayam. Mamsacakkhu abyakatam, dibbacakkhu
siya kusalam siya abyakatam, tatha pannacakkhu. Mamsacakkhu kamavacaram, dibbacakkhu
rupavacaram, itaram lokuttaranti evamadivibhaga 3- veditabba.
Gathasu anuttaranti pannacakkhum sandhaya vuttam. Tam hi
asavakkhayananabhavato anuttaram. Akkhasi purisuttamoti purisanam uttamo aggo
sammasambuddho desesi. Uppadoti mamsacakkhussa pavatti. Maggoti upayo,
dibbacakkhussa karanam.
@Footnote: 1 Ma.mu. 12/449/401 2 vi.maha. 4/29/24, sam.maha. 19/1081/368 3 Si. evamadina
---------------------------------------------------------------------------------------------
page237.
Pakaticakkhumato eva hi dibbacakkhu uppajjati, yasma kasinalokam vaddhetva
dibbacakkhunanassa uppadanam, so ca kasinamandale uggahanimittena vina
natthiti. Yatoti yada. Nananti asavakkhayananam. Tenevaha "pannacakkhu
anuttaran"ti. Yassa cakkhussa patilabhati yassa ariyassa pannacakkhussa
uppattiya bhavanaya sabbasma vattadukkhato pamuccati parimuccatiti.
Dutiyasuttavannana nitathita.
-------------
The Pali Atthakatha in Roman Book 27 page 235-237.
http://84000.org/tipitaka/atthapali/read_rm.php?B=27&A=5185&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=27&A=5185&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=25&i=239
เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=5591
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=5583
The Pali Tipitaka in Roman Character :-
http://84000.org/tipitaka/read/roman_read.php?B=25&A=5583
Contents of The Tipitaka Volume 25
http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]