ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                       10. Devadattasuttavannana
      [89] Dasame tihi bhikkhave asaddhammehi abhibhutoti ka uppatti?
devadatte hi avicimahanirayam pavitthe devadattapakkhiya annatitthiya ca
"samanena gotamena abhisapito devadatto pathavim pavittho"ti abbhacikkhimsu.
Tam sutva sasane anabhippasanna manussa "siya nu kho etadevam, yatha
ime bhananti"ti asankam uppadesum. Tam pavattim bhikkhu bhagavato arocesum.
@Footnote: 1 an.tika. 20/55/153    2 an.tika. 20/54-5/152-3
Atha bhagava "na bhikkhave tathagata kassaci abhisapam denti, tasma na
devadatto maya abhisapito, attano kammeneva nirayam pavittho"ti vatva
tesam micchagaham patisedhento imaya atthuppattiya imam suttam abhasi.
      Tattha asaddhammehiti asatam dhammehi, asantehi va dhammehi. Atekicchoti
buddhehipi anivattaniyatta avicinibbattiya tikicchabhavato atekiccho,
atikicchaniyoti attho. Asantagunasambhavanadhippayena pavatta papa iccha
etassati papiccho, tassa bhavo papicchata, taya. "aham buddho bhavissami,
samgham pariharissami"ti tassa iccha uppanna. Kokalikadayo papa lamaka
mitta etassati papamitto, tassa bhavo papamittata, taya. Uttarikaraniyeti
jhanabhinnahi uttarikaraniye adhigantabbe maggaphale anadhigate sati eva,
tam anadhigantvati attho. Oramattakenati appamattakena jhanabhinnamattena.
Visesadhigamenati uttarimanussadhammadhigamena. Antarati vemajjhe. Vosanam
apaditi akatakiccova samano "katakiccomhi"ti mannamano samanadhammato
vinasam 1- apajji. Iti bhagava imina suttena visesato puthujjanabhave
adinavam pakasesi:- bhariyo puthujjanabhavo, yatra hi nama jhanabhinnapariyosana
sampattiyo nibbattetvapi anekanatthavaham nanavidham dukkhahetum
asantagunasambhavanam asappurisasamsaggam alasiyanuyoganca avijahanto avicimhi
kappatthiyam atekiccham kibbisam pasavissatiti.
      Gathasu mati patisedhe nipato. Jatuti ekamsena. Kociti
sabbasangahakavacanam. Lokasminti sattaloke. Idam vuttam hoti "imasmim satta
loke koci puggalo ekamsena papiccho ma hotu"ti. Tadaminapi janatha,
papicchanam yatha gatiti papicchanam puggalanam yatha gati yadisi nipphatti,
@Footnote: 1 cha.Ma. vigamam
Yadiso abhisamparayo, tam iminapi karanena janathati devadattam nidassento
evamaha. Panditoti samannatoti pariyattibahusaccena panditoti nato.
Bhavitattoti sammatoti jhanabhinnahi bhavitattoti sambhavito. Tatha hi so
pubbe "mahiddhiko godhiputto, mahanubhavo godhiputto"ti dhammasenapatinapi
pasamsito ahosi. Jalamva yasasa attha, devadattoti vissutoti attano
kittiya parivarena jalanto viya obhasento viya thito devadattoti evam
vissuto pakato ahosi. "me sutan"tipi patho, maya sutam sutamattam katipaheneva
atathabhutatta 1- tassa tam pandiccadisavanamattamevati attho.
      So samanamanucinno, 2- asajja nam tathagatanti so evambhuto
devadatto "buddhopi sakyaputto, ahampi sakyaputto, buddhopi samano, ahampi
samano, buddhopi iddhima, ahampi iddhima, buddhopi dibbacakkhuko,
ahampi dibbacakkhuko, buddhopi dibbasotako, ahampi dibbasotako, buddhopi
cetopariyananalabhi, ahampi cetopariyananalabhi, buddhopi atitanagatapaccuppanne
dhamme janati, ahampi te janami"ti attano pamanam ajanitva
sammasambuddham attana samasamatthapanena samanam 3- apajjanto "idanaham
buddho bhavissami, bhikkhusamgham pariharissami"ti abhimarapayojana tathagatam asajja
asadetva vihethetva. "pamadamanujino"tipi 4- pathanti. Tassattho "vuttayena
pamadam apajjanto pamadam nissaya bhagavata saddhim yugaggahacittuppadena
saheva jhanabhinnahi anujino parihino"ti. Avicinirayam patto, catudvaram
bhayanakanti jalanam tattha uppannasattanam va nirantarataya "avici"ti laddhanamam
catusu passesu catumahadvarayogena catudvaram atibhayanakam mahanirayam
patisandhiggahanavasena patto. Tatha hi vuttam:-
@Footnote: 1 Si.,ka. tatha bhutatta     2 Ma. pamanamanucinno, ka. pamadamanucinno
@3 Si. samanatam, ka. pamadam   4 Si. pamadamanuhinotipi
           "catukkanno catudvaro     vibhatto bhagaso mito
            ayopakarapariyanto      ayasa patikujjito.
            Tassa ayomaya bhumi       jalita tejasa yuta
            samanta yojanasatam        pharitva titthati sabbada"ti. 1-
      Adutthassati adutthacittassa. Dubbheti dusseyya. Tameva papam phusatiti
tameva adutthadubbhim papapuggalam papam nihinam papaphalam phusati papunati
abhibhavati. Bhesmati vipulabhavena gambhirabhavena ca bhimsapento viya,
vipulagambhiroti attho. Vadenati dosena. Vihimsatiti badhati asadeti.
Vado tamhi na ruhatiti tasmim tathagate parena aropiyamano doso na
ruhati na titthati visakumbho viya samuddassa, na tassa vikaram janetiti
attho.
      Evam chahi gathahi papicchatadisamannagatassa nirayupagabhavadassanena
dukkhato aparimuttatam dassetva idani tappatipakkhadhammasamannagatassa dukkhakkhayam
dassento "tadisam mittan"ti osanagathamaha. Tassattho:- yassa samma
patipannassa magganugo patipattimaggam anugato samma patipanno
appicchatadigunasamannagamena sakalassa vattadukkhassa 2- khayam pariyosanam papuneyya,
tadisam buddham va buddhasavakam va pandito sappanno attano mittam kubbetha
tena mettikam kareyya, tanca seveyya tameva payirupaseyyati.
      Iti imasmim vagge chatthasattamasuttesu vivattam kathitam, itaresu
vattavivattam kathitam.
                       Dasamasuttavannana nitthita.
                       Catutthavaggavannana nitthita.
                         --------------
@Footnote: 1 Ma.u. 14/250/218, an.tika. 20/36/136, khu.peta. 26/694-5/241,
@khu.ja. 28/92/40 (sya)       2 cha.Ma. sakalavatatadukkhasusa



             The Pali Atthakatha in Roman Book 27 page 316-319. http://84000.org/tipitaka/atthapali/read_rm.php?B=27&A=6991&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=6991&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=269              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6227              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6132              The Pali Tipitaka in Roman Character :- http://84000.org/tipitaka/read/roman_read.php?B=25&A=6132              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]