ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                       5. Silasampannasuttavannana
      [104] Pancame silasampannati ettha silam nama khinasavanam
lokiyalokuttarasilam, tena sampanna samannagatati silasampanna. Samadhipannasupi
eseva nayo. Vimutti pana phalavimuttiyeva, vimuttinanadassanam paccavekkhanananam.
Evamettha siladayo tayo lokiyalokuttara, vimutti lokuttarava, vimuttinanadassanam
lokiyameva. Ditthadhammikasamparayikaparamatthehi yatharaham pare ovadanti anusasantiti
ovadaka. Vinnapakati kammani kammaphalani ca vinnapaka, tattha ca "ime
dhamma kusala, ime dhamma akusala, ime savajja, ime anavajja"tiadina
kusaladivibhagato khandhadivibhavato salakkhanato samannalakkhanatoti vividhehi
Nayehi dhammanam napaka avabodhaka. Sandassakati teyeva dhamme hatthena
gahetva viya parassa paccakkhato dassetaro. Samadapakati yam siladi yehi
asamadinnam, tassa samadapetaro, tattha te patitthapetaro. Samuttejakati
evam kusaladhammesu patitthitanam upari adhicittanuyoge niyojanavasena cittassa
samma uttejaka, yatha visesadhigamo hoti, evam nisamanavasena tejaka.
Sampahamsakati tesam yathaladdhehi upari laddhabbehi ca gunavisesehi cittassa
samma pahamsaka, laddhassadavasena sutthu tosaka. Alamsamakkhataroti alam
pariyattam yathavuttam aparihapetva sammadeva anuggahadhippayena akkhataro.
      Atha va sandassakati dhammam desenta pavattinivattiyo 1- sabhavasarasalakkhanato
sammadeva dassetaro. Samadapakati citte patitthapanavasena tasseva
atthassa gahapaka. Samuttejakati tadatthaggahane ussahajananena sammadeva
vodapaka jotaka va. Sampahamsakati tadatthapatipattiyam anisamsadassanena sammadeva
pahamsaka tosaka. Alam samakkhataroti samattha hutva vuttanayena samakkhataro.
Saddhammassati pativedhasaddhammassa, tividhassapi va saddhammassa desetaro.
      Dassanampahanti dassanampi aham. Tampanetam cakkhudassanam nanadassananti
duvidham. Tattha pasannehi cakkhuhi ariyanam olokanam cakkhudassanam nama, ariyabhavakaranam
pana dhammanam ariyabhavassa ca vipassanamaggaphalehi adhigamo nanadassanam
nama. Imasmim panatthe cakkhudassanam adhippetam. Ariyanam hi pasannehi cakkhuhi
olokanampi sattanam bahupakarameva. Savananti "asuko nama khinasavo asukasmim
nama ratthe va janapade va game va nigame va vihare va lene va
vasati"ti kathentanam sotena savanam, etampi bahupakarameva. Upasankamananti "danam
va dassami, panham va pucchissami, dhammam va sossami, sakkaram va
@Footnote: 1 Ma. pavattito
Karissami"ti evarupena cittena ariyanam upasankamanam. Payirupasananti
panhapayirupasanam, 1- ariyanam gune sutva te upasankamitva nimantetva danam va
datva vattam va katva "kim bhante kusalan"tiadina nayena panhapucchananti
attho. Veyyavaccadikaranam payirupasanamyeva. Anussarananti rattitthanadivatthanesu
nisinnassa "idani ariya gumbalenamandapadisu jhanavipassanamaggaphalasukhehi
vitinamenti"ti tesam dibbaviharadigunavisesarammanam anussaranam. Yo va tesam
santika ovado laddho hoti, tam avajjitva "imasmim thane silam kathitam,
imasmim samadhi, imasmim vipassana, imasmim maggo, imasmim phalan"ti evam
anussaranam.
      Anupabbajjanti ariyesu cittam pasadetva ghara nikkhamma tesam santike
pabbajjam. Ariyesu hi cittam pasadetva tesam yeva santike pabbajitva tesamyeva
ovadanusasanim paccasimsamanassa caratopi pabbajja nama, annesam santike
ovadanusasanim paccasimsamanassa  caratopi pabbajja anupabbajja nama,
ariyesu pasadena annattha pabbajitva ariyanam santike ovadanusasanim
paccasimsamanassa caratopi pabbajja anupabbajjava. Annesu pana pasadena
annesamyeva santike pabbajitva annesamyeva ovadanusasanim paccasimsamanassa
carato 2- pabbajja anupabbajja nama na hoti. Vuttanayena pabbajitesu pana
mahakassapattherassa tava anupabbajjam pabbajita satasahassamatta ahesum, tatha
therasseva saddhiviharikassa candaguttattherassa, tassapi saddhiviharikassa
assaguttattherassa, tassapi saddhiviharikassa yonakadhammarakkhitattherassa. Tassa pana
saddhivihariko asokaranno kanitthabhata tissatthero nama ahosi, tassa
anupabbajjam pabbajita addhateyyakotisankhya ahesum.
@Footnote: 1 Ma. panhena payirupasanam         2 Ma. annattha
Dipappasadakamahamahindattherassa pana anupabbajitanam gananaparicchedo natthi, yavajjadivasa
lankadipe satthari pasadena pabbajanta mahamahindattherasseva anupabbajanti nama.
      Idani yena karanena tesam ariyanam dassanadi bahupakaranti vuttam,
tam dessetum "tatharupe"tiadimaha. Tattha tatharupeti tadise siladigunasampanne
ariye. Yasma dassanasavananussaranani upasankamanapayirupasanatthanani, tasma
tani anamasitva upasankamanapayirupasananiyeva dassetum "sevato bhajato
payirupasato"ti vuttam. Dassanasavananussaranato hi ariyesu uppannasaddo te
upasankamitva payirupasitva panham pucchitva laddhasavananuttariyo aparipure
siladigune paripuressatiti. Tatha hi vuttam "saddhajato upasankamati, upasankamanto
payirupasati"tiadi. 1-
      Tattha sevatoti vattapativattakaranavasena kalena kalam upasankamato.
Bhajatoti sampiyayanabhattivasena bhajato. Payirupasatoti panhapucchanena
patipattianukaranena ca payirupasatoti tinnam padanam atthavibhago dipetabbo.
Vimuttinanadassanassa paripuri ekunavisatimassa paccavekkhanananassa uppattiya
veditabba.
      Evarupa ca te bhikkhave bhikkhutiadisu ye yathavuttagunasamannagamena
evarupa edisa bhinnasabbakilesa bhikkhu, te ditthadhammikadihitesu sattanam
niyojanavasena anusasanato sattharotipi vuccanti, jatikantaradinittharanato
satthavahatipi, ragadirananam jahanato jahapanato ca rananjahatipi, avijjatamassa
vinodanato vinodapanato ca tamonudatipi, saparasantanesu pannaaloka-
pannaobhasapannapajjotanam karanena nibbattanena alokadikaratipi, tatha
@Footnote: 1 Ma.Ma. 13/183/158
Nanukkananappabhadhammukkadhammappabhanam dharanena karanena ca ukkadharatipi,
pabhankaratipi, arakatta kilesehi, anaye aniriyanato, aye ca iriyanato, nesam
tathabhavahetubhavato sadevakena lokena araniyato ariyatipi, pannacakkhudhammacakkhunam
satisayapatilabhena cakkhumantotipi vuccanti.
      Gathasu pamojjakaranatthananti niramisappamodassa nibbattakam thanam
karanam. Etanti idani vattabbanidassanam sandhaya vadati. Vijanatanti
sankilesavodane yathavato janantanam. Bhavitattananti bhavitasabhavanam,
kayabhavanadihi bhavitasantanananti attho. Dhammajivinanti micchajivam pahaya
dhammena nayena jivikakappanato, dhammena va nayena attabhavassa pavattanato, 1-
samapattibahulataya va aggaphaladhammena jivanato dhammajivinam. Ayamettha 2-
sankhepattho:- yadidam bhavitattanam parinitthitasamadhipannabhavananam tato eva
dhammajivinam ariyanam dassanam, etam avippatisaranimittanam siladinam
paripurihetubhavato vijanatam sappannajatikanam ekanteneva pitipamojjakarananti.
      Idani tam tassa karanabhavam dassetum "te jotayanti"ti osanagathadvayamaha.
Tattha teti te bhavitatta dhammajivino ariya. Jotayantiti pakasayanti.
Bhasayantiti saddhammobhasena lokam pabhasayanti, dhammam desentiti attho. Yesanti
yesam ariyanam. Sasananti ovadam. Sammadannayati pubbabhagananehi sammadeva
janitva. Sesam vuttanayameva.
                       Pancamasuttavannana nitthita.
                         --------------
@Footnote: 1 ka. vahanato     2 cha.Ma. ayam hettha



             The Pali Atthakatha in Roman Book 27 page 373-377. http://84000.org/tipitaka/atthapali/read_rm.php?B=27&A=8277&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=8277&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=284              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6610              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6454              The Pali Tipitaka in Roman Character :- http://84000.org/tipitaka/read/roman_read.php?B=25&A=6454              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]