AtthaPali Vol.29

3. Mahavagga 1. Pabbajjasuttavannana [408] Pabbajjam kittayissamiti pabbajjasuttam. Ka uppatti? bhagavati kira savatthiyam viharante ayasmato anandassa parivitakko udapadi "sariputtadinam mahasavakanam pabbajja kittita, tam bhikkhu ca upasaka ca jananti. Bhagavato pana akittita, yannunaham kitteyyan"ti. So jetavane vihare asane nisiditva cittavijanim gahetva bhikkhunam bhagavato pabbajjam kittento imam suttam abhasi:- "pabbajjam kittayissami yatha pabbaji cakkhuma yatha vimamsamano so pabbajjam samarocayi"ti. ^1- Tattha yasma pabbajjam kittentena yatha pabbaji, tam kittetabbam. Yatha ca pabbaji, tam kittentena yatha vimamsamano pabbajjam rocesi, ^2- tam kittetabbam. Tasma "pabbajjam kittayissami"ti vatva "yatha pabbaji"tiadimaha. Cakkhumati pancahi cakkhuhi cakkhuma, cakkhusampannoti attho. Sesamadigathaya uttanameva. [409] Idani "yatha vimamsamano"ti tamattham pakasento aha "sambadhoyan"ti. Tattha sambadhoti puttadaradisampilanena kilesasampilanena ca kusalakiriyaya okasarahito. Rajassayatananti kambojadayo viya assadinam, ragadirajassa uppattideso. Abbhokasoti vuttasambadhapatipakkhabhavena akaso viya vivata. Iti disvana pabbajiti iti gharavasapabbajjasu byadhijaramaranehi sutthutaram codiyamanahadayo adinavamanisamsanca vimamsetva ^3- mahabhinikkhamanam @Footnote: ¹ cha.Ma. ayam gatha na dissati @² ka. rocasi ³ cha.Ma.,i. vimamsitva Nikkhanto ^1- anomanaditire khaggena kese chinditva tavadeva ca dvangulamatta- santhitasamanasaruppakesamassu hutva ghatikarena brahmuna upanite attha parikkhare gahetva "evam nivasetabbam evam ^2- parupitabban"ti kenaci ananusittho anekajatisahassappavattitena attano pabbajjacinneneva sikkhapiyamano pabbaji, ekam kasavam nivasetva ekam uttarasangam karitva ekam civaram khandhe karitva mattikapattam amse laggetva ^3- pabbajitavesam adhitthasiti vuttam hoti. Sesamettha uttanameva. [410] Evam bhagavato pabbajjam kittetva tato param pabbajitapatipattim anomanaditiram hitva padhanaya gamanam ca pakasetum "pabbajitvana kayena"tiadim sabbamabhasi. Tattha kayena papakammam vivajjayiti tividham kayaduccaritam vajjesi. Vaciduccaritanti catubbidham vaciduccaritam. Ajivam parisodhayiti micchajivam hitva sammajivameva pavattayi. [411] Evam ajivatthamakasilam sodhetva anomanaditirato timsayojanappamanam sattahena agama rajagaham buddhoti. ^4- Tattha kincapi yada rajagaham agamasi, tada buddho na hoti, tathapi buddhassa pubbacariyati katva evam vattum labbhati "idha raja jato idha rajjam aggahesi"tiadi lokiyavoharavacanam viya. Magadhananti magadhanam janapadassa nagaranti vuttam hoti. Giribbajanti idampi tassa namam. Tam hi pandavagijjhakutavebharaisigilivepullanamakanam pancannam girinam majjhe vajo viya thitam, tasma "giribbajan"ti vuccati. Pindaya abhiharesiti bhikkhatthaya tasmim nagare cari. So kira nagaradvare thatva cintesi "sacaham ranno bimbisarassa @Footnote: ¹ cha.Ma. nikkhamitva, i. abhinikkhamitva ² cha.Ma. evam-saddo na dissati @³ cha.Ma.,i. alaggetva ⁴ cha.Ma.,i. buddho Attano agamanam nivedeyyam, `suddonassa putto siddhattho nama kumaro agato'ti bahumpi me paccayam abhihareyya. Na kho pana metam patirupam pabbajitassa arocetva paccayaggahanam, handaham pindaya carami"ti. Devadattiyam pamsukulacivaram parupetva mattikapattam gahetva pacinadvarena nagaram pavisitva anugharam pindaya acari. Tenahayasma anando "pindaya abhiharesi"ti. Akinnavaralakkhanoti sarire akiritva viya thapitavaralakkhano vipulavaralakkhano va. Vipulampi hi "akinnan"ti vuccati. Yathaha "akinnaluddho puriso, dhaticelamva makkhito"ti. ^1- Vipulaluddhoti attho. [412] Tamaddasati tato kira purimani satta divasani nagare nakkhattam ghositam ahosi, tamdivasam pana "nakkhattam vitivattam, kammanta payojetabba"ti bheri ^2- cari. Atha mahajano rajangane sannipati. Rajapi "kammantam samvidahissami"ti sihapanjaram vivaritva balakayam passanto tam pindaya abhiharentam mahasattam addasa. Tenaha ayasma anando "tamaddasa bimbisaro, pasadasmim patitthito"ti. Imamattham abhasathati imam attham amaccanam abhasi. [413] Idani tam tesam amaccanam bhasitamattham dassento aha "imam bhonto"ti. Tattha imanti so raja bodhisattam dasseti, bhontoti amacce alapati. Nisamethati passatha. Abhirupoti dassaniyangapaccango. Brahati arohaparinahasampanno. Suciti parisuddhachavivanno. Caranenati gamanena. [414-5] Nicakulamivati nicakula iva pabbajito na hotiti attho. Makaro padasandhikaro. Kuhim bhikkhu gamissatiti ayam bhikkhu kuhim gamissati, ajja kattha vasissatiti janitum rajaduta sigham gacchantu. Dassanakama hi mayam assati @Footnote: ¹ sam.sa. 15/234/247, khu.ja. 27/947/207 (sya) ² Ma. bherim Imina adhippayena aha. Guttadvaro okkhittacakkhutaya, susamvuto satiya. Guttadvaro va satiya, susamvuto pasadikena sanghaticivaradharanena. [416] Khippam pattam apuresiti sampajanatta patissatatta ca adhikam aganhanto "alam ettavata"ti ajjhasayapuranena khippam pattam apuresi. Muniti monatthaya patipannatta appattamunibhavopi muni icceva vutto, lokavoharena va. Lokiya hi amonasampattampi pabbajitam "muni"ti bhananti. Pandavam abhiharesiti tam pabbatam abhiruhi. So kira manusse pucchi "imasmim nagare pabbajita kattha vasanti"ti. Athassa te "pandavassa upari puratthabhimukhapabbhare"ti arocesum. Tasma tameva pandavam abhiharesi "ettha vaso bhavissati"ti evam cintetva. [419-23] Byagghusabhova sihova girigabbhareti giriguhayam byaggho viya ca usabho viya ca siho viya ca nisinnoti attho. Ete hi tayo settha vigatabhayabherava girigabbhare nisidanti, tasma evam upamamakasi. Bhadrayanenati hatthiassarathasivikadina uttamayanena. Sa yanabhumim yayitvati yavatika bhumi hatthiassadiyanena sakka gantum, tam gantva, asajjati patva, samipamassa gantvati attho. Upavisiti nisidi. Yuvati yobbanasampanno, daharoti jatiya taruno. Pathamuppattito ^1- susuti tadubhayavisesanameva. Yuva susuti atiyobbano. Pathamuppattitoti pathameneva yobbanavesena utthito. Daharo casiti sati ca daharatte susu balako viya nayasiti. [424-5] Anikagganti ^2- balakayam senamukham. Dadami bhoge bhunjassuti ettha "aham te angamagadhesu yavicchasi, tava dadami bhoge. Tam tvam sobhayanto anikaggam nagasamghapurakkhato bhunjassu"ti evam sambandho veditabbo. Ujum janapado @Footnote: ¹ cha.Ma. pathamuppattiko ² ka. anikaggam... Rajati "dadami bhoge bhunjassu, jatim akkhahi pucchito"ti evam kira vutto mahapuriso cintesi "sace aham rajjena atthiko assam, catumaharajikadayopi mam attano attano rajjena nimanteyyum, ghare thitoyeva va cakkavattirajjam kareyyam. Ayam pana raja ajananto evamaha, handaham tam janapemi"ti vacam ^1- uccaretva attano agatadisabhagam niddisanto "ujum janapado raja"ti- adimaha. Tattha himavantassa passatoti bhananto sassasampattivekallabhavam dasseti. Himavantam hi nissaya pasanavivarasambhava mahasalapi pancahi vuddhihi vaddhanti, kimangam pana khette vuttani sassani. Dhanaviriyena sampannoti bhananto sattahi ratanehi avekallattam, pararajuhi atakkaniyam ^2- virapurisadhitthitabhavam cassa dasseti. Kosalassa ^3- niketinoti bhananto navakarajabhavam patikkhipati. Navakaraja hi niketiti na vuccati. Yassa pana adikalato pabhuti anvayavasena so eva janapado nivaso, so niketiti vuccati. Tatharupo ca raja suddhodano, yam sandhayaha "kosalassa ^3- niketino"ti. Tena anvayagatampi bhogasampattim dipeti. [426] Ettavata attano bhogasampattim dipetva "adicca nama gottena, sakiya nama jatiya"ti imina jatisampattim ca acikkhitva yam vuttam ranna "dadami bhoge bhunjassu"ti, tam patikkhipanto aha "tamha kula pabbajitomhi, na kame abhipatthayan"ti. Yadi hi aham kame abhipatthayeyyam, na idisam dhanaviriyasampannam dvasitisahassavirapurisasamakulam kulam chaddetvana pabbajeyyanti ayam kirettha adhippayo. [427] Evam ranno vacanam patikkhipitva tato param attano pabbajjahetum dassento aha "kamesvadinavam disva, nekkhammam datthu khemato"ti. Etam ^4- @Footnote: ¹ cha.Ma.,i. baham ² ka. anatikkamaniyam @³ cha.Ma.,i. kosalesu ⁴ ka. evam "pabbajitomhi"ti imina sambandhitabbam. Tattha ca ^1- datthuti disva. Sesamettha ito purimagathasu ca yam yam na vicaritam, tam tam sabbam uttanatthatta ^2- eva na vicaritanti veditabbam. Evam attano pabbajjahetum vatva padhanatthaya gantukamo rajanam amantento "padhanaya gamissami, ettha me ranjati mano"ti. Tassattho:- yasmaham maharaja nekkhammam datthu khemato pabbajito, tasma tam paramatthanekkhammam nibbanamatam sabbadhammanam aggatthena padhanam patthento padhanatthaya gamissami, ettha me padhane ranjati mano, na kamesuti. Evam vutte kira raja bodhisattam aha "pubbeva metam bhante sutam `suddhodanaranno kira putto siddhatthakumaro cattari pubbanimittani disva pabbajitva buddho bhavissati'ti, soham bhante tumhakam adhimuttim disva evampasanno `addha buddhattam papunissatha'ti. Sadhu bhante buddhattam patva pathamam mama vijitam okkameyyatha"ti. Paramatthajotikaya khuddakatthakathaya suttanipatatthakathaya pabbajjasuttavannana nitthita. ---------------

The Pali Atthakatha in Roman Book 29 page 201-206. http://84000.org/tipitaka/atthapali/read_rm.php?B=29&A=4520&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=4520&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=354 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=8388 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=8406 The Pali Tipitaka in Roman Character :- http://84000.org/tipitaka/read/roman_read.php?B=25&A=8406 Contents of The Tipitaka Volume 25 http://84000.org/tipitaka/read/?index_25