AtthaPali Vol.29

4. Atthakavagga 1. Kamasuttavannana [773] Kamam kamayamanassati kamasuttam. Ka uppatti? bhagavati kira savatthiyam viharante annataro brahmano savatthiya jetavanassa ca antare aciravatinaditire "yavam vapissami"ti khettam kasati. Bhagava bhikkhusamghaparivuto pindaya pavisanto tam disva avajjento addasa "tassa ^1- brahmanassa yava vinassissanti"ti, puna upanissayasampattim avajjento cassa sotapattiphalassa upanissayam addasa. "kada papuneyya"ti avajjento ca ^2- "sasse vinatthe sokabhibhuto dhammadesanam sutva"ti addasa. Tato cintesi "sacaham tada eva brahmanam upasankamissami, na me ovadam sotabbam mannissati. Nanarucika hi brahmana, handa nam ito pabhutiyeva sanganhami, evam mayi muducitto hutva tada ovadam sossati"ti brahmanam upasankamitva aha "kim brahmana karosi"ti. Brahmano "evam uccakulino samano gotamo maya saddhim patisantharam karoti"ti tavatakeneva bhagavati pasannacitto hutva "khettam bho gotama kasami yavam vapissami"ti aha. Atha sariputtatthero cintesi "bhagava brahmanena saddhim patisantharam akasi, na ca ahetu ^3- appaccaya tathagata evam karonti, handahampi tena saddhim patisantharam karomi"ti brahmanam upasankamitva tatheva patisantharamakasi. Evam mahamoggallanatthero sesa ca asiti mahasavaka. Brahmano ativa attamano ahosi. Atha bhagava sampajjamanepi sasse ekadivasam katabhattakicco savatthito jetavanam gacchanto magga okkamma brahmanassa santikam gantva aha @Footnote: ¹ cha.Ma.,i. assa ² cha.Ma.,i. casaddo na dissati ³ ka. ahetu "sundaram te brahmana yavakkhettan"ti. Evam bho gotama sundaram sace sampajjissati, tumhakampi samvibhagam karissamiti. Athassa catumasaccayena yava nipphajjimsu, tassa "ajja va sve va layissami"ti ussukkam kurumanasseva mahamegho utthahitva sabbarattim vassi, aciravati nadi supura agantva sabbam yavam vahi. Brahmano sabbarattim anattamano hutva pabhate naditaram gato sabbam sassavipattim disva "vinatthomhi, kathamdani jivissami"ti balavasokam uppadesi. Bhagavapi tameva rattim paccusasamaye buddhacakkhuna lokam volokento "ajja brahmanassa dhammadesanakalo"ti natva bhikkhacaravattena savatthim pavisitva brahmanassa gharadvare atthasi. Brahmano bhagavantam disva "sokabhibhutam mam assasetukamo samano gotamo agato"ti cintetva asanam pannapetva pattam gahetva bhagavantam nisidapesi. Bhagava janantova brahmanam pucchi "kim brahmana padutthacitto vihasi"ti. Ama bho gotama sabbam me yavakkhettam udakena vulhanti. Atha bhagava "na brahmana vipanne domanassam, sampanne ca somanassam katabbam. Kama hi nama sampajjantipi vipajjantipi"ti vatva tassa brahmanassa sappayam natva dhammadesanavasena imam suttamabhasi. Tattha sankhepato padatthasambandhamattameva vannayissama, vittharo pana niddese ^1- vuttanayeneva veditabbo. Yatha ca imasmim sutte, evam ito param sabbasuttesu. Tattha kamanti manapiyarupaditebhumakadhammasankhatam vatthukamam. Kamayamanassati icchamanassa. Tassa ce tam samijjhatiti tassa kamayamanassa sattassa tam kamasankhatam vatthu samijjhati ce, sace so tam labhatiti vuttam hoti. Addha pitimano hotiti ekamsam tutthacitto hoti. Laddhati labhitva. Maccoti satto. Yadicchatiti yam icchati. @Footnote: ¹ khu.maha. 29/1/1 (sya) [774] Tassa ce kamayanassati tassa puggalassa kame icchamanassa, kamena va ayayamanassa. ^1- Chandajatassati jatatanhassa. Jantunoti sattassa. Te kama parihayantiti te kama parihayanti ce. Sallaviddhova ruppatiti atha ayomayadina sallena viddho viya viliyati. ^2- [775] Tatiyagathaya sankhepattho:- yo pana ime kame tattha chandaragavikkhambhanena va samucchedena va attano padena sappassa siram viya parivajjeti, so bhikkhu sabbalokam visaritva thitatta loke visattikasankhatam tanham sato hutva samativattatiti. [776-8] Tato parasam tissannam gathanam ayam ^3- sankhepattho:- yo etam yavakkhettadim ^4- khettam va gharavatthadim vatthum va kahapanasankhatam hirannam va goassabhedam gavassam va itthisannika thiyo natibandhavadi bandhu va anne va manapiyarupadi puthu kame anugijjhati, tam puggalam abalasankhata kilesa baliyanti sahanti maddanti, saddhabaladivirahena va abalam tam puggalam abala kilesa baliyanti, abalatta baliyantiti attho. Atha tam kamagiddham kame rakkhantam pariyesantanca sihadayo ca pakataparissaya kayaduccaritadayo ca apakataparissaya maddanti, tato apakataparissayehi abhibhutam tam puggalam jatiadidukkham bhinnanavam udakam viya anveti. Tasma kayagatasatiadibhavanaya jantu sada sato hutva vikkhambhanasamucchedavasena rupadisu vatthukamesu sabbappakarampi kilesakamam parivajjento kamani parivajjaye. Evam te kame pahaya tappahanakaramaggeneva catubbidhampi tare ogham tareyya taritum sakkuneyya. Tato @Footnote: ¹ cha.Ma. yayamanassa ² cha.Ma. piliyati @³ ka. param dassitagathanamayam ⁴ cha.Ma. salikkhettadim Yatha puriso udakagarukam navam sitva lahukaya navaya appakasireneva paragu bhaveyya, param gaccheyya, evameva attabhavanavam kilesudakagarukam sincitva lahukena attabhavena paragu bhaveyya, sabbadhammaparam nibbanam gato bhaveyyam, arahattappattiya gaccheyya ca, anupadisesaya nibbanadhatuya parinibbatiti. ^1- Arahattanikutena desanam nitthapesi. Desanapariyosane brahmano ca brahmani ca sotapattiphale patitthahimsuti. Paramatthajotikaya khuddakatthakathaya suttanipatatthakathaya kamasuttavannana nitthita. -----------------

The Pali Atthakatha in Roman Book 29 page 345-348. http://84000.org/tipitaka/atthapali/read_rm.php?B=29&A=7768&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=7768&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=408 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=9952 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=10062 The Pali Tipitaka in Roman Character :- http://84000.org/tipitaka/read/roman_read.php?B=25&A=10062 Contents of The Tipitaka Volume 25 http://84000.org/tipitaka/read/?index_25