ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 29 : PALI ROMAN Sutta.A.2 (paramattha.2)

                         6. Jarasuttavannana
      [811] Appam vata jivitanti jarasuttam. Ka uppatti? ekam samayam bhagava
savatthiyam vassam vasitva yani tani buddhanam sarirarogyasampadanam anuppanna-
sikkhapadapannapanam veneyyadamanam tatharupaya atthuppattiya jatakadikathananti-
adini janapadacarikanimittani, tani samavekkhitva janapadacarikam pakkami.
Anupubbena carikam caramano sayam saketam anuppatto anjanavanam pavisi.
Saketavasino sutva "akalo panidani 2- bhagavantam dassanaya"ti vibhataya
rattiya malagandhadini gahetva bhagavato santikam gantva pujanavandanasammodanadini
@Footnote: 1 ka. ca phassadibhede  2 cha.Ma.,i. idani
Katva parivaretva atthamsu yava bhagavato gamappavesanavela, atha bhagava
bhikkhusamghaparivuto pindaya pavisi. Tam annataro saketako brahmanamahasalo
nagara nikkhanto nagaradvare addasa. Disvana puttasineham uppadetva "ciram
ditthosi putta maya"ti paridevayamano abhimukho agamasi. Bhagava bhikkhu sannapesi
"ayam bhikkhave brahmano yam icchati, tam karotu, na varetabbo"ti.
      Brahmanopi vacchagiddhiniva gavi agantva bhagavato kayam purato ca
pacchimato 1- ca dakkhinato vamato cati samanta alingi "ciram ditthosi putta
ciram vina ahosi"ti bhananto. Yadi pana so tatha katum na labheyya, hadayam
phaletva mareyya. So bhagavantam avoca "bhagava tumhehi saddhim agatabhikkhunam
ahameva bhikkham datum samattho, mameva anuggaham karotha"ti. Adhivasesi bhagava
tunhibhavena brahmano bhagavato pattam gahetva purato gacchanto brahmaniya
pesesi "putto me agato asanam pannapetabban"ti. Sa tatha katva
agamanam passanti thita bhagavantam antaravithiyamyeva disva puttasineham uppadetva
"ciram ditthosi putta maya"ti padesu gahetva roditva gharam atinetva sakkaccam
bhojesi. Bhuttavino brahmano pattam upanamesi. Bhagava tesam sappayam viditva
dhammam desesi, desanapariyosane ubhopi sotapanna ahesum. Atha bhagavantam
yacimsu "yava bhante bhagava imam nagaram upanissaya viharati, amhakamyeva ghare
bhikkha gahetabba"ti. Bhagava "na buddha evam ekam nibaddham thanamyeva
gacchanti"ti patikkhipi. Te ahamsu "tenahi bhante bhikkhusamghena saddhim pindaya
caritvapi tumhe idheva bhattakiccam katva dhammam desetva viharam gacchatha"ti.
Bhagava tesam anuggahatthaya tatha akasi. Manussa brahmananca brahmaninca
"buddhapita buddhamata"tveva voharimsu, tampi kulam "buddhakulan"ti namam labhi.
@Footnote: 1 cha.Ma. pacchato
      Anandatthero bhagavanatam pucchi "aham bhagavato matapitaro janami, ime
pana kasma vadanti `aham buddhamata aham buddhapita'ti. "bhagava aha "nirantaram
me ananda brahmani ca brahmano ca panca jatisatani matapitaro
ahesum, panca jatisatani matapitunam jetthaka, panca jatisatani kanitthaka,
te pubbasineheneva kathenti"ti imanca gatham abhasi:-
          "pubbeva sannivasena             paccuppannahitena va
           evantam jayate pemam            uppalamva yathodake"ti. 1-
      Tato bhagava sakete yathabhirantam viharitva puna carikam caramano
savatthimeva agamasi. Sopi brahmano ca brahmani ca bhikkhu upasankamitva
patirupam dhammadesanam sutva sesamagge papunitva anupadisesaya nibbanadhatuya
parinibbayimsu. Nagare brahmana sannipatimsu "amhakam natake sakkarissama"ti.
Sotapannasakadagamianagamino upasakapi sannipatimsu upasikayo ca "amhakam
sahadhammike sakkarissama"ti. Te sabbepi kambalakutagaram aropetva
malagandhadihi pujenta nagara nikkhamesum.
      Bhagavapi tam divasam paccusasamaye buddhacakkhuna lokam volokento tesam
parinibbanabhavam "tattha mayi gate dhammadesanam sutva bahujanassa dhammabhisamayo
bhavissati"ti natva pattacivaramadaya savatthito agantva alahanameva pavisi.
Manussa disva "matapitunam sarirakiccam katukamo bhagava agato"ti sannipatitva 2-
atthamsu. Nagarapi kutagaram pujenta alahanam anetva bhagavantam pucchimsu
"gahattha ariyasavaka katham pujetabba"ti. Bhagava "yatha asekkha pujiyanti, tatha
pujetabba ime"ti adhippayena tesam asekkhamunibhavam dipento imam gathamaha:-
@Footnote: 1 khu.ja. 27/174/68  2 cha.Ma. vanditva
          "ahimsaka ye munayo            niccam kayena samvuta
           te yanti accutam thanam          yattha gantva na socare"ti. 1-
Tam 2- parisam oloketva tam khananurupam dhammam  desento imam suttamabhasi.
       Tattha appam vata jivitam idanti "idam vata manussanam jivitam appakam 3-
parittam thitiparittataya sarasaparittataya"ti sallasuttepi vuttanayametam. Oram
vassasatapi miyyatiti vassasata oram kalaladikalepi miyyati. Aticcati vassasatam
atikkamitva. Jarasapi miyyatiti jarayapi miyyati.
      [812-6] Mamayiteti mamayitavatthukarana. Vinabhavasantamevidanti
santavinabhavam vijjamanavinabhavameva idam, na sakka avinabhavena bhavitunti vuttam
hoti. Mamakoti mama upasako bhikkhu vati sankham gato, buddhadini va vatthuni
mamayamano. Sangatanti samagatam ditthapubbam va. Piyayitanti piyam katam.
Namamevavasissati, 4- akkheyyanti sabbam rupadidhammajatam pahiyati, namamattameva tu
avasissati "buddharakkhito dhammarakkhito"ti evam sankhatum 5- kathetum. Munayoti
khinasavamunayo. Khemadassinoti nibbanadassino.
      [817] Sattamagatha evam maranabbhahate loke anurupapatipattidassanattham
vutta. Tattha patilinacarassati tato tato patilinam cittam katva carantassa.
Bhikkhunoti kalyanaputhujjanassa sekkhassa va. Samaggiyamahu tassa tam, yo
attanam bhavane na dassayeti tassetam patirupamahu, yo evam patipanno
nirayadibhede bhavane attanam na dasseyya. Evam bhiyyo 6- hi so imamha
marana mucceyyati adhippayo.
@Footnote: 1 khu.dha. 25/225/56  2 cha.Ma.,i. tanca  3 cha.Ma.,i. appam
@4 cha.Ma. namamyevavasissati  5 i. akkhatum
@6 cha.Ma.,i. ayam saddo na dissati
      [818-20] Idani yo "attanam bhavane na dassaye"ti evam khinasavo
kathito, 1- tassa vannabhananattham ito para tisso gathayo aha. Tattha
sabbatthati dvadasasu ayatanesu. Yadidam ditthasutam mutesu vati ettha pana
yadidam ditthasutam, ettha va mutesu va dhammesu evam muni na upalimpatiti
evam sambandho veditabbo. Dhono na hi tena mannati, yadidam ditthasutam
mutesu vati atrapi yadidam ditthasutam, tena vatthuna na mannati, mutesu va
dhammesu na mannatiti evameva sambandho veditabbo. Na hi so rajjati no
virajjatiti balaputhujjana viya na rajjati, kalyanaputhujjana sekkha viya na
virajjati, ragassa pana khinatta "virago"tveva 2- sankhayam 3- gacchatiti. Sesam
sabbattha pakatamevati. Desanapariyosane caturasitiya panasahassanam dhammabhisamayo
ahositi.
                     Paramatthajotikaya khuddakatthakathaya
                          suttanipatatthakathaya
                       jarasuttavannana nitthita.
                      --------------------



             The Pali Atthakatha in Roman Book 29 page 367-371. http://84000.org/tipitaka/atthapali/read_rm.php?B=29&A=8260&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=8260&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=413              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=10111              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=10229              The Pali Tipitaka in Roman Character :- http://84000.org/tipitaka/read/roman_read.php?B=25&A=10229              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]