ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 29 : PALI ROMAN Sutta.A.2 (paramattha.2)

                      7. Tissametteyyasuttavannana
      [821] Methunamanuyuttassati tissametteyyasuttam. Ka uppatti? bhagavati
kira savatthiyam viharante tissametteyya nama dve sahaya savatthim agamamsu.
Te sayanhasamayam mahajanam jetavanabhimukham gacchantam disva "kuhim gacchatha"ti 4-
pucchimsu. Tato tehi "buddho loke uppanno, bahujanahitaya dhammam deseti,
tam sotum jetavanam gacchama"ti vutte "mayampi sossama"ti agamamsu. Te
@Footnote: 1 cha.Ma.,i. vibhavito  2 ka. virattotveva
@3 cha.Ma.,i. sankham  4 ka. kuhim gatati

--------------------------------------------------------------------------------------------- page372.

Avanjhadhamdesakassa 1- bhagavato dhammadesanam sutva parisantare nisinnava cintesum "na sakka agaramajjhe thitenayam dhammo paripuretun"ti. Atha pakkante mahajane bhagavantam pabbajjam yacimsu, bhagava "ime pabbajehi"ti annataram bhikkhum anapesi. So te pabbajetva tacapancakakammatthanam datva arannavasam gantumaraddho. Metteyyo tissam aha "avuso upajjhayo arannam gacchati, mayampi gacchama"ti. Tisso "alamavuso, bhagavato dassanam dhammassavanancaham pihemi, gaccha tvan"ti vatva na agamasi. Metteyyo upajjhayena saha gantva aranne samanadhammam karonto nacirasseva arahattam papuni saddhim acariyupajjhayehi. Tissassapi jetthabhata byadhina kalamakasi. So tam sutva attano gamam agamasi, tatra nam nataka palobhetva uppabbajesum. Metteyyopi acariyupajjhayehi saddhim savatthimagato. Atha bhagava vutthavasso janapadacarikam caramano anupubbena tam gamam papuni. Atha 2- metteyyo bhagavantam vanditva "imasmim bhante game mama gihisahayo atthi, muhuttam tava agametha anukampam upadaya"ti vatva gamam pavisitva sahayam 3- bhagavato santikam anetva ekamantam thito tassatthaya adigathaya bhagavantam panham pucchi. Tassa bhagava byakaronto avasesagathayo abhasi. Ayamassa suttassa uppatti. Tattha methunamanuyuttassati methunadhammam samayuttassa. Ititi evamaha. Ayasmati piyavacanametam, tissoti namam tassa therassa. So hi tissoti namena. Metteyyoti gottam, gottavaseneva cesa pakato ahosi. Tasma atthuppattiyam vuttam "tissametteyya nama dve sahaya"ti. Vighatanti upaghatam. Bruhiti acikkha. Marisati piyavacanametam, niddukkhati vuttam hoti. Sutvana tava sasananti @Footnote: 1 i. tam avajjetva dhammadesakassa @2 cha.Ma. tattha 3 cha.Ma.,i. tam

--------------------------------------------------------------------------------------------- page373.

Tava vacanam sutva. Viveke sikkhissamaseti sahayam arabbha dhammadesanam yacanto bhanati, so pana sikkhitasikkhoyeva. [822] Mussate vapi sasananti pariyattipatipattito duvidhampi sasanam mussati 1- nassati. Vapiti padapuranamattam. Etam tasmim anariyanti tasmim puggale etam anariyam, yadidam micchapatipada. [823] Eko pubbe caritvanati pabbajjasankhatena va ganavossaggatthena 2- va pubbe eko viharitva. Yanam bhantamva tam loke, hinamahu puthujjananti tam vibbhantakam puggalam yatha hatthiyanadiyanam adantam visamam arohati, arohakampi bhanjati, papatepi papatati, evam kayaduccaritadivisamarohanena narakadisu, atthabhanjanena jatipapatadisu papatanena ca yanam bhantamva ahu hinam puthujjananca ahuti. [824-5] Yaso kitti cati labhasakkaro pasamsa ca. Pubbeti pabbajitabhave. Hayate vapi tassa sati tassa vibbhantakassa sato so ca yaso sa ca kitti hayati. Etampi disvati etampi pubbe yasakittinam bhavam paccha ca hanim disva. Sikkhetha methunam vippahataveti tisso sikkha sikkhetha. Kimkarana? methunam vippahataveti methunappahanatthayati vuttam hoti. Yo hi methunam na vippajahati, sankappehi .pe. Tathavidho. Tattha paretoti samannagato. Paresam nigghosanti upajjhayadinam nindavacanam. Manku hotiti dummano hoti. [826] Ito para gatha pakatasambandha eva. Tasu satthaniti kayaduccaritadini. Tani hi attano paresanca chedanatthena "satthani"ti vuccanti. @Footnote: 1 cha.Ma. ayam patho na dissati 2 Si. ganavavassaggatthena, ka. ganavassaggatthena

--------------------------------------------------------------------------------------------- page374.

Tesu cayam visesato codito 1- musavacanasatthaneva karoti "imina karanenaham vibbhanto"ti bhananto. Tenevaha "esa khvassa mahagedho, mosavajjam pagahati"ti. Tattha esa khvassati esa kho assa. Mahagedhoti mahabandhanam. Katamoti ce? yadidam mosavajjam pagahati, svassa musavadaajjhogaho mahagedhoti Veditabbo. [827] Mandova parikissatiti panavadhadini karonto tatonidananca dukkhamanubhonto bhogapariyesanarakkhanani ca karonto momuho viya parikilissati. [828-9] "etamadinavam natva, muni pubbapare idha"ti etam "yaso kitti ca ya pubbe, hayatevapi tassa sa"ti ito pabhuti vutte pubbapare idha imasmim sasane pubbato apare samanabhavato vibbhantakabhave adinavam muni natva. Etadariyanamuttamanti yadidam vivekacariya, etam buddhadinam ariyanam uttamam, tasma vivekanneva sikkhethati adhippayo. Na tena settho mannethati tena ca vivekena na attanam "settho ahan"ti manneyya, tena thaddho na bhaveyyati vuttam hoti. [830] Rittassati vivittassa kayaduccaritadihi virahitassa. Oghatinnassa pihayanti, kamesu gadhita pajati vatthukamesu lagga satta tassa cattaro oghe tinnassa 2- pihayanti inayika viya ananyassati arahattanikutena desanam nitthapesi. Desanapariyosane tisso sotapattiphalam patva paccha pabbajitva arahattam sacchakasiti. Paramatthajotikaya khuddakatthakathaya suttanipatatthakathaya tissametteyyasuttavannana nitthita. ------------------------- @Footnote: 1 ka. visesena tava adito 2 cha.Ma.,i. caturoghatinnassa


             The Pali Atthakatha in Roman Book 29 page 371-374. http://84000.org/tipitaka/atthapali/read_rm.php?B=29&A=8352&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=8352&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=25&i=414              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=10143              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=10253              The Pali Tipitaka in Roman Character :- http://84000.org/tipitaka/read/roman_read.php?B=25&A=10253              Contents of The Tipitaka Volume 25 http://84000.org/tipitaka/read/?index_25

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]