AtthaPali Vol.29

14. Tuvatakasuttavannana [922] Pucchami tanti tuvatakasuttam. Ka uppatti? idampi tasmimyeva mahasamaye "ka nu kho arahattappattiya patipatti"ti uppannacittanam ekaccanam devatanam tamattham pakasetum purimanayeneva nimmitabuddhena attanam pucchapetva vuttam. Tattha adigathaya tava pucchamiti ettha aditthajotanadivasena ^1- puccha vibhajita. ^2- Adiccabandhunti adiccassa gottabandhum. Vivekam santipadancati vivekanca ^3- santipadanca. Katham disvati kena karanena disva, katham pavattadassano ^4- hutvati vuttam hoti. [923] Atha bhagava yasma yatha passanto kilese uparundhati, tatha pavattadassano hutva parinibbati, tasma tamattham avikaronto nanappakarena tam devaparisam kilesappahane niyojento "mulam papancasankhaya"ti arabhitva panca gatha abhasi. @Footnote: ¹ ka. ditthasamsandanadivasena ² ka. visajjita @³ ka. vivekattham ca ⁴ ka. pavattadassi Tattha adigathaya tava sankhepattho:- papancati sankhatatta papanca eva papancasankha. Tassa avijjadayo kilesa mulam, tam papancasankhaya mulam asmiti pavattamananca sabbam mantaya uparundhe. Ya kaci ajjhattam tanha uppajjeyyum, tasam vinaya sada sato sikkhe, upatthitassati hutva sikkheyyati. [924] Evam tava pathamagathaya eva tisikkhayuttam desanam arahattanikutena desetva puna manappahanavasena desetum ^1- "yam kinci"ti gathamaha. Tattha yam kinci dhammamabhijanna ajjhattanti yam kinci uccakulinatadikam attano gunam janeyya. Atha vapi bahiddhati atha va bahiddhapi acariyupajjhayanam va gunam janeyya. Na tena thamam ^2- kubbethati tena gunena thamam ^3- na kareyya. [925] Idanissa akaranavidhim dassento "seyyo na tena"ti gathamaha. Tassattho:- teneva ^4- manena "seyyohan"ti va "nicohan"ti va "sarikkhohan"ti vapi na manneyya, tehi ca uccakulinatadihi gunehi puttho anekarupehi "aham uccakula pabbajito"tiadina nayena attanam vikappento na tittheyya. [926] Evam manappahanavasenapi desetva idani sabbakilesupasamavasenapi dassetum "ajjhattameva"ti gathamaha. Tattha ajjhattamevupasameti attani eva ragadisabbakilese upasameyya. Na annato bhikkhu santimeseyyati thapetvava ^5- satipatthanadini annena upayena santim na pariyeseyya. Kuto nirattam vati nirattam ^6- kuto eva. @Footnote: ¹ ka. dassetum ² Si.,ka. manam @³ ka. manam ⁴ cha.Ma.,i. tena ca @⁵ cha.Ma.,i. thapetva ca ⁶ cha.Ma. niratta vati niratta [927] Idani ajjhattam upasantassa khinasavassa tadibhavam dassento "majjhe yatha"ti gathamaha. Tassattho:- yatha mahasamuddassa ^1- uparimahetthimabhaganam vemajjhasankhate catuyojanasahassappamane majjhe pabbatantare thitassa va majjhe samuddassa umi na jayati, thitova so hoti avikampamano, evam anejo ^2- khinasavo labhadisu thito assa avikampamano, so tadiso ragadiussadam bhikkhu na kareyya kuhinciti [928] Idani etam arahattanikutena desitam dhammadesanam abbhanumodanto tassa ca arahattassa adipatipadam pucchanto nimmitabuddho "akittayi"ti gathamaha. Tattha akittayiti acikkhi. Vivatacakkhuti vivatehi anavaranehi pancahi cakkhuhi samannagato. Sakkhidhammanti sayam abhinnatam attapaccakkham dhammam. Parissayavinayanti parissayavinayanam. ^3- Patipadanca vadehiti idani patipattim ca ^4- vadehi. Bhaddanteti "bhaddam tava atthu"ti bhagavantam alapanto aha. Atha va bhaddam sundaram tava patipadam ^5- vadehitipi vuttam hoti. Patimokkham atha vapi samadhinti tameva patipadam bhinditva pucchati. Patipadanti etena va maggam pucchati, itarehi silam samadhinca pucchati. [929-30] Athassa bhagava yasma indriyasamvaro silassa rakkha, yasma va iminanukkamena desiyamana ayam desana tasam devatanam sappaya, tasma indriyasamvarato pabhuti patipadam dassento "cakkhuhi"tiadimaraddho. Tattha cakkhuhi neva lolassati aditthadakkhitabbadivasena cakkhuhi lolo nevassa. Gamakathaya @Footnote: ¹ ka. samuddassa mahasamuddassa ² ka. anenjo @³ ka. parissayavinasanam ⁴ cha.Ma.,i. casaddo na dissati ⁵ ka. patirupam Avaraye sotanti tiracchanakathato sotam avareyya. Phassenati rogaphassena. Bhavanca nabhijappeyyati tassa phassassa vinodanatthaya kamabhavadibhavanca na pattheyya. Bheravesu ca na sampavedheyyati tassa phassassa paccayabhutesu sihabyagghadisu bheravesu ca na sampavedheyya, avasesesu va ghanindriyamanindriya- visayesu nappavedheyya. Evam paripuro indriyasamvaro vutto hoti. Purimehi va indriyasamvaram dassetva imina "aranne vasata bheravam disva va sutva va na vedhitabban"ti dasseti. [931] Laddha na sannidhim kayirati etesam annadinam yam kinci dhammena labhitva "aranne ca senasane vasata sada dullabhan"ti cintetva sannidhim na kareyya. [932] Jhayi na padalolassati jhanabhirato ca na padalolo assa. Virame kukkucca ^1- nappamajjeyyati hatthakukkuccadikukkuccam vinodeyya, sakkaccakaritaya cettha nappamajjeyya. [933] Tandim mayam hassam khiddanti alasiyanca mayanca hassanca kayikacetasikakhiddanca. Savibhusanti saddhim vibhusaya. [934-7] Athabbananti athabbanikamantappayogam. Supinanti supinasattham. Lakkhananti manilakkhanadim. No vidaheti nappayojeyya. Virutancati migadinam vassitam. Pesuniyanti pesunnam. Kayavikkayeti pancahi sahadhammikehi saddhim vancanavasena va udrayapatthanavasena ^2- va na tittheyya. Upavadam bhikkhu na kareyyati upavadakare kilese anibbattento attani parehi samanabrahmanehi upavadam na janeyya. Game ca nabhisajjeyyati game ca gihisamsaggadihi @Footnote: ¹ ka. kukkuccam ² cha.Ma. udaYu.... Nabhisajjeyya. Labhakamya janam na lapayeyyati labhakamataya janam nalapeyya. Payuttanti civaradihi sampayuttam, tadattham va payojitam. [938-9] Mosavajje na niyethati musavade na niyetha. Jivitenati jivikaya. Sutva rusito bahum vacam, samananam va puthujanananti ^1- rusito ghattito parehi tesam samananam va khattiyadibhedanam va annesam puthujananam ^1- bahumpi anitthavacam sutva. Nappativajjati na pativadeyya. Kimkaranam? na hi santo patisenikaronti. [940] Etanca dhammamannayati sabbametam yathavuttam dhammam natva vicinanti vicinanto. Santiti nibbutim natvati nibbutim ragadinam santiti natva. [941] Kimkarana nappamajjeiti ce:- abhibhu hi soti gatha. Tattha abhibhuti rupadinam abhibhavita. Anabhibhutoti tehi anabhibhuto. Sakkhidhammamanitihamadassiti paccakkhameva anitiham dhammamaddakkhi. Sada namassamanusikkheti sada namassanto tisso sikkhayo sikkheyya. Sesam sabbattha pakatameva. Kevalam pana ettha "cakkhuhi neva lolo"tiadihi indriyasamvaro, "annanamatho pananan"tiadihi sannidhipatikkhepamukhena paccayapatisevanasilam, methunamosavajja- pesuniyadihi patimokkhasamvarasilam, "athabbanam supinam lakkhanan"tiadihi ajiva- parisuddhisilam, "jhayi assa"ti imina samadhi, "vicinam bhikkhu"ti imina panna, "sada sato sikkhe"ti imina puna sankhepato tissopi sikkha, "atha asanesu sayanesu, appasaddesu bhikkhu vihareyya, niddam na bahulikareyya"tiadihi silasamadhipannanam upakarapakarasanganhanavinodanani vuttaniti. Evam bhagava @Footnote: ^1-1 Si.,Ma.,ka. puthuvacananam Nimmitassa paripunnapatipadam vatva arahattanikutena desanam nitthapesi, desanapariyosane purabhedasutte vuttasadisoyevabhisamayo ahositi. Paramatthajotikaya khuddakatthakathaya suttanipatatthakathaya tuvatakasuttavannana nitthita. ---------------

The Pali Atthakatha in Roman Book 29 page 405-410. http://84000.org/tipitaka/atthapali/read_rm.php?B=29&A=9116&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=9116&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=421 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=10608 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=10661 The Pali Tipitaka in Roman Character :- http://84000.org/tipitaka/read/roman_read.php?B=25&A=10661 Contents of The Tipitaka Volume 25 http://84000.org/tipitaka/read/?index_25