AtthaPali Vol.3

{331} Ekadasakesu. Ekadasati pandakadayo ekadasa. Ekadasa padukati dasa ratanamaya eka katthapaduka tinapaduka munjapaduka pabbajapadukadayo pana katthapadukasangahameva gacchanti. Ekadasa pattati tambalohamayena va darumayena va saddhim dasa ratanamaya. Ekadasa civaraniti sabbanilakadini. Ekadasa yavatatiyakati ukkhittanuvattika bhikkhuni sanghadisesa attha arittho candakaliti. Ekadasa antarayika nama na simanimittatiadayo. Ekadasa civarani adhitthatabbaniti ticivaram vassikasatika nisidanam paccattharanam kandupaticchadi mukhapunchanacolam parikkharacolam udakasatika sankacchikati. Na vikappetabbaniti etaneva adhitthitakalato patthaya na vikappetabbani. Ganthika ca vitha ca suttamayena saddhim ekadasa honti. Te sabbe khuddakakkhandhake niddittha. Pathaviyo pathavisikkhapade niddittha. Nissayapatipassaddhiyo upajjhayamha panca acariyamha cha evam ekadasa. Avandiyapuggala naggena saddhim ekadasa te sabbe senasanakkhandhake niddittha. Ekadasa paramani pubbe vuttesu cuddasasu ekadasakavasena yojetva veditabbani. Ekadasa varaniti mahapajapatiya yacitavarena saddhim pubbe vuttani dasa. Ekadasa simadosa atikhuddakasimam sammannantitiadina nayena kammavagge agamissanti. Akkosakaparibhasake puggale ekadasadinava nama. Yo so bhikkhave bhikkhu akkosakaparibhasako sabrahmacarinam ariyupavadi atthanametam anavakaso yam so ekadasannam byasananam na annataram byasanam nigaccheyya. Katamesam ekadasannam. Anadhigatam nadhigacchati adhigata parihayati saddhammassa na vodayanti saddhammesu va avamaniko hoti anabhirato va brahmacariyam carati annataram va sankilittham apattim apajjati sikkham va paccakkhaya hinayavattati galham va rogatankam phusati ummadam va papunati cittakkhepam sammulho kalam karoti kayassa bheda parammarana apayam duggatim vinipatam nirayam upapajjatiti. Ettha ca saddhammoti buddhavacanam adhippetam. Asevitayati adito patthaya sevitaya. Bhavitayati nipphaditaya vaddhitaya va. Bahulikatayati punappunam kataya. Yanikatayati suyuttayanasadisaya kataya. Vatthukatayati yatha patittha hoti evam kataya. Anutthitayati anu anu pavattitaya niccadhitthitayati attho. Paricittayati samantato citaya sabbadisasu citaya acitaya abhivaddhitayati attho. Susamaraddhayati sutthu samaraddhaya vasibhavam upanitayati attho. Na papakam supinanti papakameva na passati bhaddakam pana vuddhikaranabhutam passati. Devata rakkhantiti arakkhadevata dhammikam rakkham paccupatthapenti. Tuvatam cittam samadhiyatiti khippam samadhiyati. Uttarim appativijjhantoti mettajjhanato uttarim arahattam asacchikaronto sekho va puthujjano va hutva kalam karonto brahmalokupago hoti. Sesam sabbattha uttanamevati. Ekadasakavannanapariyosana ekuttarikavannana nitthita. ------------

The Pali Atthakatha in Roman Book 3 page 527-529. http://84000.org/tipitaka/atthapali/read_rm.php?B=3&A=10758&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=10758&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A= The Pali Tipitaka in Roman Character :- http://84000.org/tipitaka/read/roman_read.php?B=4&A= Contents of The Tipitaka Volume 4 http://84000.org/tipitaka/read/?index_4